Keçmişə nəzər salınsa, Parisin qədim kloakası əyri-üyrü idi; onun
ora-burası çatlamış, qopub tökülmüşdü, onda çuxurlar əmələ
gəlmişdi; onun qəribə qol-budağı, döngələri, nizamsız enişləri, yoxuş-
ları, dibinə döşənən sal daşlarda qazıqları, divarlarında çapıqları
vardı, o, qaranlığa qərq olmuşdu, o, üfunətli idi, qorxunc və dəhşətli
idi. Onun hər yerində xarabalıq görünürdü. Koridorların ayncları, qol-
budaqları ya qaz pəncəsi, ya da ulduz şəklində idi, sanki, yer altında
lağım atılmışdı; onun kor bağırsağa oxşayan dalanları, üfunətli
çalaları vardı; qübbələrin tavanına, elə bil, şora vurulmuşdu;
tavanından su damcılayırdi; göz-gözü görmürdü. Bu qədim çirkab-
təmizləyən sərdabənin, Babilin həzm cihazının, mağaraların, çuxur-
ların, çalın-çarpaz küçələri olan bu girdabın, bu ucsuz-bucaqsız
porsuq dəlmə-deşiyinin dəhşətilə heç bir dəhşət müqayisə oluna
bilməzdi; elə bil ki, bu porsuq dəlmə-deşiyi içində, bu zülmət içində,
keçmiş dəbdəbələrin iyrənc zirzibili içində nəhəng bir kor porsuq olan
keçmiş gəzib-dolaşırdı.
Təkrar edirik, keçmiş zamanların kloakası belə idi.
Beşinci fəsil
HAL-HAZIRIN TƏRƏQQİSİ
Bizim dövrümüzdə kloaka təmizdir, səliqəlidir, abırlıdır, qaydaya
salınmışdır. O, İngiltərədə “respektabel” sözü ilə ifadə olunan idealı
təcəssüm etdirməyə çox yaxındır. Onun xoş görünüşü var, rəngi
bozdur, əgər belə demək mümkünsə, sim kimi tarımdır, təzə tikilmiş
paltar geymişdir. O, birdən-birə tacirlikdən məxfi müşavir dərəcəsinə
yüksələn adama oxşayır. Ora işıqdır. Orada çirkab da özünü ədəbli
tutur. İlk baxışda kloakanı çox asanlıqla yeraltı yollardan biri hesab
etmək olar; belə yeraltı yollar qədimdə çox olardı, bu yollar “xalq öz
padşahını çox istədiyi vaxtlarda”, o gözəl vaxtlarda müxtəlif
hökmdarların, şahzadələrin qaçması üçün çox əlverişli idi. İndiki
kloaka ondan da gözəldir: burada üslub təmizliyi əsas yer tutur.
Poeziyadan qovulan və sanki, memarlıqda özünə sığınacaq tapan
klassik İskəndəriyyə üslubu burada uzun, tutqun, ağımtıl qübbənin
hər daşında hiss olunur. Hər çirkab kanalı, elə bil, tağlar sırasıdır
113
downloaded from KitabYurdu.org
DÜNYA ƏDƏBİYYATI KLASSİKLƏRİ
- Rivoli küçəsinin memarlığı kloakaya da öz təsirini göstərmişdir. Bir
də həndəsi xətlər bir yerdə vacibdirsə, o yer də böyük şəhərin zirzi-
bilini çəkib aparan kanallardır. Orada hər şey məsafənin qısa olması
fikrinə tabe edilməlidir. Bu günün kloakası rəsmi bir şəkil almışdır.
Hətta tez-tez adı çəkilən polis idarəsi hesabatında da ondan hörmətlə
bəhs olunur. İnzibati dil ona aid olan sözlərə nəciblik və ləyaqət hissi
vermişdir. Vaxtilə bağırsaq deyilən şeyə indi qalereya, deşik deyilən
şeyə nəzarət quyusu deyilir. Viyon indi olsaydı, gecələr daldalandığı
yeri tanımazdı. Doğrudur, bu dolaşıq yeraltı mağaralarda indi
əvvəlkindən daha çox kəsəyən vardır, bu kəsəyənlər ta qədim
zamandan burada yaşayır; hələ indi də görürsən ki, bığlı, iri bir siço-
vul başını nəfəslikdən çıxarıb parislilərə baxır; hətta bu həşəratlar öz
yeraltı saraylarından o qədər razıdırlar ki, yavaş-yavaş əhliləşirlər.
Kloakanın keçmiş zamanlarda olan ibtidai, vəhşi siması tamamilə
dəyişmişdir. Yağış vaxtilə çirkab kanallarını ancaq zibilləyirdisə, indi
onları yuyub təmizləyir. Lakin bu kanallara çox da inanmayın. Zərərli
buxarlanmanı yaddan çıxarmayın. Kloaka zahid deyil, riyakardır.
Polis perefekturası və səhiyyə komissiyaları nahaq yerə əlləşirlər.
Təmizliyə nə qədər fikir verilsə də, Tartüf günahını etiraf edəndən
sonra necə iy verirdisə, kloaka da elə şübhəli iy verir.
Bu söylənilən sözlərdən belə nəticə çıxarmaq lazımdır; kloaka
zirzibili çəkib aparmaqla mədəniyyətə xidmət edir; bu nöqteyi-nəzər-
dən Tartüfün vicdanı Avginin tövləsinə nisbətən böyük bir tərəqqidir,
ona görə də Paris kloakasının heç şübhəsiz təkmilləşdirildiyini etiraf
etmək olmaz.
Bu, tərəqqidən də böyük şeydir, bu, qədim kloakanı dövrümüz-
dəki kloaka şəklinə salmaqdır. Kloakanın tarixində çevriliş əmələ
gəldi. Bu çevrilişi kim elədi?
Hamının yaddan çıxardığı və bizim indicə adını çəkdiyimiz bir
adam: Brünzo.
114
downloaded from KitabYurdu.org
Altıncı fəsil
GƏLƏCƏYİN TƏRƏQQİSİ
Parisin çirkab kanallarını qazmaq asan iş deyildi. On əsrdən bəri
Parisi tikib qurtarmaq mümkün olmadığı kimi, bu işi də bitirmək
mümkün olmamışdır. Parisin tikilib böyüməsi kloakaya da təsirini
göstərir. Kloaka min bir hiss üzvü olan yeraltı polip kimidir: şəhər
yuxarıda böyüdükcə, o da aşağıda böyüyür. Şəhərdə yeni bir küçə
salınan kimi kloakada yeni bir yol uzanır. Köhnə sülalə dövründə
ancaq iyirmi üç min üç yüz metr kanal çəkilmişdir - 1806-cı il
yanvarın birinə kimi Parisdə işin vəziyyəti belə idi. Bu dövrdən yenə
işə başlandı, böyük səy və müvəffəqiyyətlə davam etdirildi: biz bu
dövrdən yenə bəhs edəcəyik. Napoleon dörd min səkkiz yüz dörd
metr, XV11I Lüdovik - beş min yeddi yüz doqquz metr, X Karl - on
min səkkiz yüz otuz altı metr, Lui-Filipp - səksən doqquz min iyirmi
metr, 1848-ci il respublikası - iyirmi üç min yüz səksən bir metr,
indiki hökumət də yetmiş min beş yüz metr çirkab kanalı çəkdirmiş-
dir; bu rəqəmlər diqqəti cəlb etməyə bilmir. Nəticə etibarilə bu vaxta
qədər iki yüz iyirmi altı min yüz on metr, başqa sözlə desək, altmış
min çirkab kanalı çəkilmişdir - Parisin bətni belə böyükdür. Bu, gözə
görünməyən, daima böyüyən, qollu-budaqlı bir pöhrəlik, heç kəsin
bələd olmadığı nəhəng bir tikinti idi.
Bu qeydlərdən aydın görünür ki, Parisin yeraltı labirinti əsrin
başlanğıcında olduğundan çox-çox artıq böyümüşdür. Kloakanı
təkmilləşdirib indiki şəklə salmaq üçün nə qədər əzm və səbat, nə
qədər səy lazım olduğunu təsəvvür etməyin özü çətindir. Kral döv-
rünün şəhər idarəsi, XVIII əsrin son on ilində inqilabi bələdiyyə ida-
rəsi - 1806-cı ilə qədər olan beş mil uzunluğunda çirkab kanalının
qazılmasını çox çətinliklə başa çatdırmışdı. Müxtəlif çətinliklər bu
işin gedişini ağırlaşdırırdı: bu çətinliklərdən bəzisi torpağın xüsusiy-
yətilə, bəzisi də Paris fəhlələrinin fikrində kök salan köhnə mövhu-
matla əlaqədardır. Paris elə bir torpaq üzərində qurulmuşdur ki, bu
torpaqda bel və külüng, torpaq burğusu, insan əli çox çətinliklə iş
görə bilir. Paris deyilən gözəl tarixi formasiyanın yerləşdiyi geoloji
formasiyanı qazmaqdan, dəlib-keçməkdən çətin şey yoxdur. İnsan bu
torpaq təbəqələrinə yol açmaq istərkən dərhal onun qarşısına
115
downloaded from KitabYurdu.org
Dostları ilə paylaş: |