Hazırda da Rusiyanın səhra, köçəri xalqları onu əhatə
edən ölkələrə hər cürə təzyiq göstərə bilərlər. Makinderə görə bu
dövlətlər daxili və xarici “aypara” hesab edilirlər. Almaniya,
Avstriya, Türkiyə, Hindistan və Çin daxili “aypara”: İngiltərə,
Cənubi Afrika, Avstraliya, ABŞ, Kanada və Yaponiya isə xarici
“aypara”ya aid edilirlər.
Böyük coğrafi kəşflərdən sonra Xartlendin adlandırdığı
Avrasiyanın daxili hissəsi dövlətlərinin rolu azalmış, okean
ölkələrinin qiyməti yüksəlmişdir. Lakin Makinder belə hesab
edirdi ki, texnologiyanın inkişafı ilə qüvvələr balansı yenə də
kontinental ölkələrin xeyrinə dəyişmişdir.
1919-cu ildə Makinder “Demokratiya idealı və reallıq”
adlı böyük bir əsər yazmışdır. Burada o, öz geosiyasi fikirlərini
təhlil edirdi. O, texnologiyanın inkişafını siyasi dəyişikliyin əsas
amili hesab edirdi. Texnologiyaya bir tərəfdən texniki tərəqqi
kimi, digər tərəfdən isə cəmiyyətin həyatının təşkili üsulu kimi
baxırdı. O, göstərirdi ki, texnologiya insanların təbiət üzərində
nəzarətini təmin etmiş olur. Belə bir nəzarət cəmiyyətin təşkilində
demokratik prinsiplərin saxlanmasına imkan verir.
4.
Şimali Amerika geosiyasi məktəbi
Avropada yayılmış geosiyasət dalğası tez bir zamanda
Amerikaya da keçmişdir. Amerikada bu ideyanın təşəbbüsçüsü
Aifred Mexen (1840-1914) olmuşdur. Qeyd etməliyik ki, insanda
hər hansı bir ictimai fikrin yaranması üçün onun alim olması
mütləq deyildir. Aifred Mexen də bu sahədə fəaliyyət göstərən
adamlardan fərqli olaraq alim deyil, hərbi dənizçi olmuşdur. O,
dövlətin hərbi-dəniz qüdrətinin artmasına və xarici siyasətə onun
təsirini geniş təhlil edirdi. A.Mexen belə bir əsər yazmışdır -
“Dəniz qüvvələrinin tarixə təsiri” (1660- 1783). Admiral
Mexenin bu əsəri XX - əsrin birinci yarısında bir çox dövlət
xadimlərinin stolüstü kitabına çevrilmişdir. Dövlətin siyasətinə
coğrafi vəziyyətin birbaşa təsirini geo
49
siyasətin bütün istiqamətləri üçün ümumi hal hesab edirdi. O,
yazırdı ki, siyasət əsrin ruhundan asılı olduğu kimi, hakim
orqanların uzaqgörənliyindən də asılıdır. Sahil boyu millətlərin
tarixi isə hakim orqanların xarakterindən çox təbii şəraitin, təbii
amillərin vəziyyəti ilə müəyyən edilir.
Mexen hər bir dövlətin geosiyasi potensialı və hərbi-
dəniz qüdrətinin qiymətləndirilməsində aşağıdakı amilləri ön
plana çəkirdi:
1.
Dövlətin coğrafi vəziyyəti, dənizə çıxışın olması, başqa
ölkələrlə dəniz əlaqələri, quru sərhədin uzunluğu, hərbi
donanmanın vəziyyəti və s.;
2.
Dəniz sahilinin vəziyyəti, limanların sayı və s.;
3.
Ərazinin uzunluğu;
4.
Əhalinin sayı;
5.
Milli xarakter, ticarətlə məşğul olmaq qabiliyyəti, dəniz
limanlarından istifadə etmək qabiliyyəti və s.;
6.
Siyasi hakimiyyətin xarakteri.
Bütün bu meyarların müqabilində dövlətin dəniz qüdrəti
güclü olacaqdır.
Mexen adət-ənənəsi, ruhu, coğrafi və geosiyasi istiqaməti
baxımından (Avropa dövlətlərindən) İngiltərəni ABŞ-a daha
yaxın hesab edirdi. Bu hər iki dövlətin ümumi məqsədi və
mənafeyi ola bilər. Hər ikisi öz silahlı qüvvələrində güclü
hərbi-dəniz donanmasına malik olmalıdır.
Mexen Böyük Britaniya və ABŞ-dan başqa dəniz
dövlətləri sırasına Yaponiyanı, hətta Almaniyanı da aid edirdi.
Mexen gələcəkdə bu dəniz ölkələrini - ABŞ, Böyük Britaniya,
Almaniya və Yaponiyanın blok şəklində birləşməsini nəzərdə
tuturdu. Bununla da kontinental dövlət hesab edilən Rusiya və
Çinə qarşı əks qüvvə təmin edilmiş olardı.
Amerikada geosiyasət sahəsində Mexendən sonra
Nikolasa Spaykmen (1893 - 1943) az-çox öz ideyalarını yaymağa
səy göstərmişdir. Onun fikirlərində xarici siyasətdə güc amilinə
üstünlük verilir. O, yazırdı ki, dövlətin xarici siya
50
sətində coğrafiya ən fundamental amil hesab edilir. Çünki bu amil
ən daimi amildir. Dövlətin geosiyasi qüdrətinin müəyyən-
ləşdirilməsində o, Mexenə nisbətən daha çox meyar-amil
sadalamışdır. Bunlar aşağıdakılardır:
1.
Ərazinin həcmi;
2.
Sərhədlərin xarakteri;
3.
Əhalinin sayı;
4.
Faydalı qazıntıların mövcudluğu;
5.
İqtisadi və texnoloji inkişaf səviyyəsi;
6.
Maliyyə qüdrəti;
7.
Etnik eynilik;
8.
Sosial inteqrasiyanın səviyyəsi;
9.
Siyasi sabitlik;
10.
Milli ruh.
Spaykmen Avroasiyanın dünya siyasətindəki rolu
məsələsini hərtərəfli təhlil etmiş və yenidən dünyada çox geniş bir
bölgü aparmışdır.
Qeyd etməliyik ki, 1950-1960-cı illərdə müxtəlif
səbəblərin təsiri altında Dünya siyasətində baş verən dəyişikliklər
geosiyasət sahəsində də dəyişikliklərə səbəb olmuşdur. Belə ki,
1964-cu ildə Amerikada geosiyasi nəzəriyyənin tərəfdarı
S.Koen “bölünmüş dünyada coğrafiya və siyasət” adlı əsər
yazmışdır. S.Koen öz fikirlərində N.Spaykmenin ideyalarına
söykənsə də müəyj'^ən fərqli yanaşmaları da vardır. Bu məsələdə
o, “geostrateji region” və “geosiyasi region” kimi yeni anlayışlar
işlətmişdir.
“Geostrateji region” anlayışı altında daha böyük məkan
sahəsi nəzərdə tutulur. Dövlətin yerləşdiyi ərazinin ümumi
xarakteristikası, ümumi ticarətin istiqaməti, mədəni və ideoloji
əlaqələrin ümumiliyi və s. əks olunur.
«Geosiyasi region» anlayışı isə “geostrateji region”
anlayışının tərkib hissəsini təşkil edir. Coğrafi baxımdan bu
anlayış nisbətən məhdud xarakterə malikdir.
51
Dostları ilə paylaş: |