47
Lazım olan material və avadanlıqlar: mioqraf, ki-
moqraf, yüklər (5, 10, 20, 30,...,100 q), xətkeş,
stimulyator,
elektrodlar, qayçı, pinset, 0,6% fizioloji
məhlul, mantar lövhə, sancaqlar, pambıq, qurbağa.
İşin gedişi.
1.
Əzələnin yorulması. Sinir-əzələ preparatı
mioqrafdan asılır; mioqrafın linginə yük bağlayıb,
kimoqrafın silindirini fırlatmaqla əzələnin dartıldığının ilk
vəziyyəti qeyd olunacaq. Sonra kimoqrafı işə salıb,
preparatı vasitəli qıcıqlandırmaqla əzələni tam yorana
qədər mioqramı yazırlar.
Təcrübədən görünür ki, ardıcıl qıcıqların
təsiri ilə
əzələnin oyanıqlığı yüksəlir, sonra eyni qüvvəli ardıcıl
qıcıqlar təsirindən təqəllüslərin hündürlüyü azalır və
əzələnin tam yorğunluğu nəzərə çarpır.
Şəkil 40. İzolə edilmiş əzələnin vasitəsi (1) və
vasitəsiz (2) qıcıqlandırılması səbəbilə yorulması.
Qıcığın verilməsi kəsilir, əzələyə 2 – 3 dəqiqə
istirahət verilir və yenidən vasitəli yolla qıcıqlandırılır.
Dincəlmiş əzələ qıcığa qarşı təqəllüs edir.
2.
Sinirin
yorulmasının müşahidəsi. 2 sinir-əzələ
preparatı hazırlanır. Preparatın birində əzələyə yaxın yerdə
sinir sabit cərəyan elektrodları üzərinə qoyulur və dövrə
bağlanır. Sonra hər iki preparatın sinirinə stimulyatordan
ritmiki qıcıq verilir. Sabit cərəyanı verməkdə məqsəd
48
sinirdə oyanıqlığı –
keçiriciliyi endirməkdən və
oyanmanın əzələyə nəql olunmasının qarşısını almaqdan
ibarətdir.
Dəyişən cərəyan qıcıqlarının hər 2 preparata veril-
diyinə baxmayaraq, bunlardan biri təqəllüs edəcək. Çünki
preparatlardan birinin siniri sabit cərəyan təsiri altında
olduğundan oyanmanı əzələyə keçirə bilmir. Təqəllüs edən
preparatı tam yorduqdan sonra sabit cərəyan dövrəsi açılır.
Bu zaman digər preparat dəyişən cərəyan qıcıqları
təsirindən müvafiq sayda təqəllüs edəcək.
Şəkil 41. Sinirin nisbi yorulmazlığını öyrənərkən təcrübənin
sxemi: 1-arxa ətraflar; 2-oturaq siniri;
3-dəyişən cərəyan; 4-sabit cərəyan; 5-mantar lövhə.
3.
İnsanda əzələ yorulmasının öyrənilməsi. İn-
sanda əzələnin yorulmasını öyrənmək üçün erqoqrafiya
üsulundan istifadə edirlər. Erqoqrafiya üsulu təklif edən
alim Mosso öz üzərində təcrübə aparmışdır. O, dinc vaxtı
49
və tələbələrlə yekun məşğələsindən
yorulduğu zaman
erqoqrafiya etmiş və görmüşdür ki, gərgin zehni əmək
əzələnin işgörmə qabiliyyətini zəiflədir.
Mosso təcrübəsi. Mosso erqoqrafı 2 hissədən
– əli
fiksə edən ştativdən və yükü qaldırarkən barmaq
əzələlərinin təqəllüsünü qeyd edən üfüqi mioqrafdan
ibarətdir.
Tələbə biləyini erqoqrafın
xüsusi hissəsinə fiksə
edir. Sonra dörd barmaqla dəstəyi tutur, orta və ya şəhadət
barmağını blokdan asılmış yükə (2 – 4 kq) bağlı ipin
halqasına keçirir. Dəqiqədə 50 – 60 dəfə barmağı büküb
açmaqla yükü qaldırıb endirdikdə erqoqrafın üfüqi lövhəsi
üzərindəki karandaşın hərəkəti sayəsində erqoqram qeyd
olunur.
Şəkil 42. Əzələ işini qeyd etmək üçün qurğu: 1-yük; 2-bağ; 3-blok;
4-metalik sürüngəc; 5-qeydedici; 6-metalik silindirlər;
7-manjet; 8-ilgək.
50
Şəkil 43. Dinc vaxtı və tələbələrlə 6 saatlıq yekun
məşğələsi zamanı yorğunluğun erqoqramı (Mosso təcrübəsi).
Barmaq əzələləri yorulmağa başladıqda erqoqramın
hündürlüyü azalır, tam yorğunluq zamanı isə yük qaldırıla
bilmədikdə erqoqram yazılmır.
Şəkil 44. Erqoqram.
Erqoqrafiya
barmağın bükmə
və açma
hərəkətlərinin müxtəlif ritmlərindən (dəqiqədə 60 və ya
120) və müxtəlif ağırlıqlı yük (2 – 4 kq) qaldırılıb
endirildikdə aparılır.
Təcrübə göstərir ki, ritm
sürətləndikcə və ağırlıq artdıqca yorğunluğun baş verməsi
51
tezləşir.
Aparılan təcrübələrdən məlum olmuşdur ki, bütöv
orqanizmdə ən əvvəl sinir mərkəzləri sinapsları, sonra sinir-
əzələ sinapsları, ən sonda isə əzələ lifinin yorulması baş
verir.
9 saylı iş. Sinir və əzələ lifləri ilə sinir impulslarının
nəqlolunma qanunları
Sinir
və əzələ liflərində oyanmanın yayılması
müəyyən qanunlara tabedir. Sinirin əsas fizioloji
xüsusiyyəti oyanma və oyanmanı nəql etməkdir.
Müxtəlif heyvanların sinirləri oyanmanı müxtəlif
sürətlə nəql edirlər. Qurbağanın sinirləri oyanmanı 10 – 30
m/san. sürətlə nəql olunduğu halda, istiqanlı heyvanların
sinirləri oyanmanı 30 – 120 m/san. sürətlə nəql edirlər.
Sinirin oyanmasını ona birləşmiş üzvün
fəaliyyətə gəlməsi
ilə təyin edirlər. Məsələn; sinir impulsları əzələyə nəql
olduqda, əzələ yığılır, vəziyə təsir göstərdikdə, vəzi
hormon ifraz edir.
Sinirin
oyanma
və oyanmanı nəqletmə qabiliyyətinə
malik olması potensial cərəyanın əmələ gəlməsi ilə də
müəyyən edilir. Sinirlər sinir impulslarını sinir mərkəz-
lərindən və mühitdən, sinir ucları törəmələrindən alırlar.
Ona görə sinir lifləri oyanmaları nəql etmələrinə görə 2
yerə ayrılırlar; 1) Oyanmaları mühitdən mərkəzə aparan
mərkəzə qaçan afferent sinirlər
və ya afferent neyronlar; 2)
İmpulsları mərkəzdən mühitə nəql etdirən mərkəzdən
qaçan efferent sinirlər və ya efferent neyronlar.
Lazım olan material və avadanlıqlar: İkikanallı
ossiloqraf, elektrik stimulyatoru, qıcıqlandırıcı və aparıcı
52
elektrodlar, qayçı, pinset, mantar lövhə, şüşə lövhə,
sancaqlar, sap, 0,6% fizioloji məhlul, ammonyak məhlulu,
pambıq, qurbağa.
İşin gedişi.
1. Oyanmanın iki tərəfə nəqlolunma qanunu. 2
ədəd sinir-əzələ preparatı hazırlayırlar. Bunlardan biri
oturaq sinirindən, digəri isə oturaq siniri və pəncədən
ibarətdir. Mantar lövhə üzərinə bir-birindən aralı eyni
cərgədə 3 elektrod fiksə edilir. Ortadakı elektrodları
stimulyatora, yandakıları isə ossiloqrafın kanallarına
birləşdirirlər. Siniri elektrodlar üzərinə qoyub, ortadakı
elektrodlarla tək-tək qıcıq göndərilir.
Şəkil 45. Oyanmanın hər 2 tərəfə nəqlolunmasının ossiloqramı:
1,2 – aparıcı elektrodlar; 3 – qıcıqlandırıcı elektrodlar.
Qıcığın qüvvəsi sinirdə oyanmanı yaradırsa, iki
tərəfə nəql olunan impulsun elektrik göstəricisi
ossiloqrafın ekranında şüaların qalxıb-enməsi ilə alınan
əyrilər vasitəsilə müşahidə olunacaq.