284
RADİOAKTİVLİK.
Məlumdur ki, sürətli elektronların qaz boşalması borusu ilə toqquşması
zamanı rentgen şüalanması adlanan şüalar yaranır. Bekkerel günəş şüalarının
təsiri ilə maddədə yarana biləcək belə bir şüalanmanın alına biləcəyi ümidi ilə
uzun müddət buna oxşar mənzərənin tədqiqi ilə məşğul olmuşdur. O, bu
məqsədlə uran duzundan istifadə etmiş və ona elə gəlmişdir ki, həqiqətən də
günəş şüalarının təsiri ilə uran duzunda rentgen şüalarına oxşar olan şüalanma
yaranır. Bu şüalar, rentgen şüaları kimi, qara kağızdan sərbəst keçməklə, foto
kağızı yandıra bilir. Hava bir dəfə tutqun olduğundan, Bekkerel təcrübəni
dayandırmış, lakin növbəti təcrübədən əvvəl, hər ehtimala qarşı, foto kağızı
aydınlaşdırmış və yenə də onun qaralmasının şahidi olmuşdur. Beləliklə də, aydın
olmuşdur ki, uran duzunda yaranan şüalanmaya səbəb heç də günəş şüaları
deyil, bu onun öz təbiətinə xas olan xüsusiyyətdir. Başqa sözlə desək, uran duzu
heç bir xarici təsir olmadan belə, hansısa şüalanma yarada bilir. Bu şüalar da,
rentgen şüaları kimi, havanı ionlaşdıra, elektroskopu yüksüzləşdirə bilir və s.
Bekkerel sonradan müxtəlif uran birləşmələrini tədqiq edərək müəyyən
edə bilmişdir ki, bu şüalanma, birləşməyə yox, sırf uran atomunun özünə
məxsusdur.
Bu hadisənin kəşfindən sonra ona böyük maraq yarandı və buna oxşar
özbaşına şüalanmanın digər kimyəvi elementlərdə də tapılmasına cəhdlər edildi.
Az sonra M.Küri toriumda bu cür şüalanmanı kəşf etdi. Daha sonra M. Küri və
onun əri P.Küri yeni bir kimyəvi elementin də bu xüsusiyyətə malik olduğunu
müəyyən edə bildilər və həmin elementə M.Kürinin vətəni Polşanın şərəfinə
polonium adı verildi. Bir qədər sonra isə çox güclü şüalanma yarada bilən yeni bir
element kəşf edildi və radium (şüasaçan) adlandırıldı. Özbaşına şüasaçma
hadisəsi isə Kürilər tərəfindən radioaktivlik adlandırıldı. Məlum oldu ki, bu
xüsusiyyət təkcə adı çəkilən elementlərə yox, Mendeleyev cədvəlində sıra
nömrəsi 83 – dən sonra gələn bütün kimyəvi elementlərə aiddir.
Alfa -, beta - və qamma - radioaktivlik.
Radioaktivliyin kəşfindən bir qədər sonra şüalanmanın fiziki təbiətinin
öyrənilməsi üzrə tədqiqatlara başlandı. Bu istiqamətdə işlərlə, Bekkerel və
285
Kürilərdən başqa, Rezerford da məşğul olmağa başladı. Bu məqsədlə qurğuşun
qabda yerləşdirilmiş radiumun şüaları qabın dar kanalından keçməklə kanalın
qarşısına qoyulmuş foto lövhənin üzərinə salınmışdır. Təcrübə vakuumda
aparılmışdır. Lövhənin aydınlaşdırılması kanalın qarşısında bir ləkənin yarandığını
göstərmişdirsə, şüaların maqnit sahəsindən keçməklə lövhənin üzərinə
salınması 3 müxtəlif ləkə yaratmışdır. Bu ləkələrdən biri əvvəlki yerində,
biri ondan azacıq solda, digəri isə ondan bir qədər
çox məsafədə sağda alınmışdır (şəkil 343).
Maqnit sahəsində meyl etmək yüklü
zərrəciklərə xas olan xüsusiyyət olduğundan,
aydın oldu ki, meyl edən şüalar yüklü N S
zərrəciklər selidir. Şüalardan birinin sağa,
digərinin isə sola meyl etməsi zərrəciklərin
əks işarəli yüklərə malik olmasını göstərdi.
Sonrakı tədqiqatlar sola meyl edən
şüaların ikiqat ionlaşmış helium atomları Şəkil 343.
(helium atomlarının nüvələri), sağa meyl edən şüaların işıq sürətinə yaxın
sürətlə hərəkət edən elektronlar seli, maqnit sahəsində meyl etməyən şüaların
isə rentgen şüalarından da yüksək tezliyə malik olan elektromaqnit şüaları
olması müəyyən edildi.
Bu şüalar, uyğun olaraq, -, - və - şüalar adlandırıldı.
Deməli, - şüalar maqnit sahəsində maqnitin şimal, - şüalar isə cənub
qütbünə tərəf meyl edirlər.
Məlum oldu ki, müxtəlif maddələrə nüfuzetmə qabiliyyətinə görə bu
şüalar bir-birindən kəskin fərqlənir. Belə ki, – şüalar ən kiçik ( hətta qalınlığı
olan kağız vərəq belə onun üçün qeyri-şəffaf mühitdir), - şüalar
nisbətən böyük (bir neçə millimetr qalınlığında aliminium lövhə tərəfindən
tamamilə udulurlar), - şüalar isə çox yüksək nüfuzetmə qabiliyyətinə
malikdirlər. Bu şüalar hətta qalınlıqlı qurğuşun lövhəni belə çox asanlıqla
keçə bilirlər.
Radioaktiv çevrilmələr.
Radioaktiv şüalanmaya məruz qalan maddədə nələr baş verdiyini
286
araşdıran zaman məlum oldu ki, radiaktiv elementlərdə şüalanmanın intensivliyi
uzun müddət dəyişməz qalır və bu proses enerji ayrılması ilə müşayiət olunur.
Müəyyən edildi ki, bunun səbəbi radioaktiv maddələrdə, adi kimyəvi
çevrilmələrdən fərqlənən başqa təbiətli çevrilmələrin baş verməsidir. Belə ki, bu
cür atom çevrilmələri zamanı ilkin maddədən öz fiziki və kimyəvi xassələrinə görə
tamamilə fərqlənən yeni maddə əmələ gəlir. Bu maddə isə öz növbəsində
spontan (özbaşına) şüalanmaqla, yeni çevrilməyə məruz qalır. Adətən radioaktiv
parçalanma zamanı yaranan maddə də radioakitiv olur.
Atom nüvəsi haqqında məlumat əldə edildikdən sonra, məlum oldu ki, bu
çevrilmələr məhz atomun nüvəsində baş verən çevrilmələrdir.
Dediklərimizi ümumiləşdirərək deyə bilərik ki, radioaktivlik – müxtəlif
zərrəciklərin şüalanması ilə müşayiət olunan bir atom nüvəsinin digər atom
nüvəsinə çevrilməsidir.
Yerdəyişmə qaydası.
Radioaktiv nüvələr, Soddinin ifadə etdiyi kimi, aşağıdakı qaydada
çevrilmələrə məruz qalır:
- -parçalanma zamanı nüvə 2 elementar yük vahidi qədər yükünü, 4
atomun kütlə vahidi qədər isə kütləsini itirir ki, nəticədə element Mendeleyev
cədvəlində öz yerini əvvələ doğru iki xana dəyişir.
Bunu simvolik olaraq aşağıdakı kimi göstərmək olar:
;
- - parçalanma zamanı nüvənin yükü 1 elementar yük vahidi qədər
artır, kütləsi isə dəyişməz qalır, nəticədə element Mendeleyev cədvəlində öz
yerini sona doğru bir xana dəyişir.
Başqa sözlə desək:
;
- - parçalanma zamanı nüvənin yükü dəyişmir, kütləsinin dəyişməsi
isə çox cüzi olur:
.
Dostları ilə paylaş: |