Ədalət Muradov: “Fəaliyyətimizi əmək bazarının tələblərinə uyğun qurmağa çalışırıq” Fərid Əhmədov

biznes təhsili 

Fərid Əhmədov:

“Hədəf seqmentimiz öyrənmək və tətbiq etməklə inkişaf 

etməyi hədəfləyən tələbələrdir”

Hörmətli  Fərid  müəllim,  2015-ci  il-

dən etibarən Azərbaycan Universitetinə 

artıq  Siz  rəhbərlik  edirsiniz.  Öncəliklə 

fəaliyyətinizdə  uğurlar  arzulayırıq.  Bil-

mək  istərdik  ki,  universitetin  bugünkü 

vəziyyətini necə dəyərləndirirsiniz? 

F.Ə.:

  Azərbaycan  Universiteti  ölkənin 

ali təhsil bazarında kiçik sayla özünəməx-

susluğu  qorumağa  çalışır.    Universitetin 

ölkənin ali təhsil bazarında payı təxminən 

1%-dir,  onun  keyfiyyətli  təhsilə  töhfə-

si  isə,  mən  deyərdim  ki,  bundan  qat-qat 

çoxdur. Kiçik say rəqabət qabiliyyətlərini 

daha qabarıq şəkildə büruzə vermək üçün 

məhdud sahələrə fokuslaşmış universitet 

modelini tətbiq etməyə imkan verir. 

Bu həm də aralarında asan təhsil axta-

ranların çox olduğu tələbə kontingentinin 

içindən öz inkişafı üçün daha çox çalışmaq 

istəyi olan seqmentin cəlb edilməsinə im-

kan verir. Lakin bunun üçün universitetin 

yetərincə və düzgün tanıdılması da şərtdir. 

Belə  ki,  AU  ölkənin  ilk  özəl  universitet-

lərindən  biri  olmasına  və  bəzi  ixtisaslar 

üzrə ən keyfiyyətli tədris təqdim etməsinə 

baxmayaraq,  hesab  edirəm  ki,  yetərincə 

tanınmayıb.  Universitetin  üzləşdiyi  digər 

çətinliklər əsasən yaxşı təhsilin meyarları, 

ona olan tələbat və onun təşkili üçün olan 

potensial  kimi  mühit  amilləridir.  Lakin 

universitetin  öz  rəqabət  qabiliyyətini  re-

allaşdırmaq üçün təklif etdiyi ixtisasları da 

yenidən seçməsinə və maddi-texniki baza-

sının  da  bunun  ətrafında  inteqrasiyasına 

və gücləndirməsinə böyük ehtiyac var. 

Üstün  cəhətlərimizə,    ölkədə  biznes 

sahəsinin  qabaqcıl  peşəkarlarından  he-

sab  olunan  Qərbtəhsilli  yerli  və  xarici 

müəllimlərin cəlb edilməsi, təhsildə qa-

baqcıl kurikulumun və dərs vəsaitlərinin 

istifadəsi,  habelə  kiçik  qrup  ölçüləri  və 

bazarın  tələb  etdiyi  səriştələr  əsasında 

hazırlanmış  nəticəyönümlü  təhsil  daxil-

dir.  Bundan  əlavə,  burada  yaxşı  oxuyan 

tələbələrə yüksək təqaüd verilir.

Universitetin qısa və uzunmüddətli 

hədəfləri nələrdir və bu təhsil ocağının 

gələcəkdə Azərbaycan təhsilindəki ye-

rini necə görürsünüz?

F.Ə.:

  Niyyətimiz  uzunmüddətli  perspek-

tivdə məhdud sahələr üzrə regional əhəmiy-

yətli  ali  təhsil  ocağına  çevrilməkdir.  Buna 

çatmaq  üçün  strateji  baxışımız  da  var  və  

indi aralıq hədəflərlə birlikdə potensialımızı 

tam səfərbər edəcək plan hazırlayırıq. Aralıq 

hədəflər  çoxşaxəli  və  iddialıdır.  Üzərimizə 

düşən əsas vəzifələrdən biri tələbə-mərkəzli 

universitet modelinin tətbiqidir. 

Hədəflərimizə biznesin müxtəlif sahələri 

olan maliyyənin, risklərin, layihənin, marke-

tinqin və sairin idarə edilməsi üzrə mütəxəs-

sis hazırlığı proqramını gücləndirərək onun 

əsasında  iqtisadiyyatın  ayrı-ayrı  sektorları 

üzrə  menecerlərin  hazırlanması  işini  təşkil 

etmək və burada da liderliyi qazanmaq daxil-

dir. Bunlara səhiyyənin, kənd təsərrüfatının, 

hotelçiliyin, qida sənayesinin və ölkədə əsas 

tələb olunan digər sektorların menecmenti 

daxildir. Hazırda bu sahələrdə qabaqcıl proq-

ramlar üzrə təhsil almış menecerlərə yüksək 

ödənişli əmək bazarında böyük tələbat var 

28

say 24 | 

EcoVision

ƏSƏS MÖVZU: Biznes təhsili

---

biznes təhsili 

Azərbaycan Respublikasında 

təsis olunmuş ilk özəl 

universitetlərdən olan 

Azərbaycan Universiteti 

(AU) 1991-ci ildə fəaliyyətə 

başlayıb. Universitetin 

təsisçisi fəlsəfə elmləri 

doktoru, professor, AMEA-

nın müxbir üzvü Səlahəddin 

Xəlilovdur.

Azərbaycan Universitetində 

4 fakültə və 9  kafedra 

fəaliyyət göstərir, 265 

müəllim çalışır. Elmi-pedaqoji 

heyətdən 1 nəfəri AMEA-nın 

müxbir üzvü; 15 nəfəri elmlər 

doktoru; 62 nəfəri elmlər 

namizədi; 25 nəfəri Ph.D; 13 

nəfəri professor; 52 nəfəri isə 

dosentdir.

AU-da tədris Azərbaycan, rus 

və ingilis dillərində aparılır. 

Universitet öz məzunlarına 

diplom vermək və dövlət ali 

məktəblərinə şamil edilən 

bütün güzəştlərə, o cümlədən 

hərbi xidmətdən möhlət 

hüququna malikdir.

Azərbaycan Universitetinin 

1995-2015-ci illər ərzində 

3000-ə yaxın (2953) 

bakalavriat, 1999-2015-ci 

illər ərzində 342 magistratura 

məzunu olub.

və kiçik universitet olaraq bizim tələbatı daha çevik-

liklə izləmək imkanımız olacaqdır. Həmin sahələrdə 

qabaqcıl magistr və təcrübəli peşəkarlar üçün təkmil-

ləşməni nəzərdə tutan “executive” proqramların tət-

biqi universitetlə iqtisadiyyatın qarşılıqlı faydalanma 

prinsipləri əsasında inkişafı deməkdir. Bunların da re-

allaşması, təbii ki, universitetin müvafiq sahələr üzrə 

əlaqələrinin  və  infrastrukturunun  inkişafına  paralel 

aparılacaq. 

Bundan  əlavə,  universitet  reytinqlərini  müəy-

yən  edən  amillər  üzrə  iş  strateji  planın  davamlı 

vəzifələri sırasındadır. AU bu gün ölkədə ən key-

fiyyətli  və  ən  şəffaf  təhsil  təqdim  edən  ali  mək-

təblərdəndir,  lakin  onun  tanıdılması  yetərincə 

olmamışdır və bu da bizim üzərimizə rebrendinq 

və marketinqlə əlaqədar vəzifələr qoyur. Buna ta-

nınmanı, effektivlik və səmərəliliyi dəstəkləyəcək 

vertikal  inteqrasiya  da  daxil  ola  bilər.  Yəni  “axın 

boyunca yuxarıya” getdikdə, ali təhsilin altyapısını 

möhkəmlədəcək lisey yaradıla bilər ki, bu da key-

fiyyətin  və  risklərin  idarə  olunmasında  həlledici 

ola  bilər.  Eləcə  də  “axın  boyunca  aşağıya”  doğru, 

məzunların elmi və praktiki sahələr üzrə univer-

sitetsonrası fəaliyyətlərini təmin edəcək əlaqələr 

yaradılır.  Universitetin  aparıcı  holdinqlərdən  biri 

olan  “Sinergy  Group”  daxilində  olması  və  müəl-

limlərinin özəl sektorda menecment səviyyəsində 

təmsil olunması bu planların reallaşmasına geniş 

imkanlar yaradır. Bunun üçün təhsil əmək bazarı-

nın və xarici universitetlərin magistratura və dok-

toranturalarına qəbul şərtlərinə uyğun aparılır və 

Karyera  mərkəzinin  işinin  gücləndirilməsi  aralıq 

hədəflər arasında yer almışdır. 

Hədəflərimizə tələbələri və məzunları öz sahələri 

üzrə tanınmış peşəkar olan müəllimlərimiz ətrafın-

da  səfərbər  edəcək  Biznes  mərkəzinin  yaradılması 

da daxildir. Mərkəz, qabaqcıl bizneslərlə əlaqələrdən 

istifadə edərək, onların təlim-konsaltinq ehtiyacları-

nı ödəyəcək və bundan başqa, universitet həyatında 

müxtəlif biznes tədbirlərinin, habelə tələbələrin ev 

tapşırıqlarında  şirkətlərin  real  sifarişlərinə  əsasla-

nan  biznes  araşdırmalarının  yer  almasına  xidmət 

edəcəkdir.  İşgüzar  əlaqələr  MBA  proqramının  əsas 

atributlarından biridir və mərkəz bu atributun daha 

da güclənməsinə xidmət edəcəkdir. Eləcə də tələbəyə 

təhsilin dili, müddəti, rejimi, ixtisaslaşma barədə se-

çimlərin  verilməsini  nəzərdə  tutan  proqramların 

inkişafı,  onun  potensial  qabiliyyətlərinin  aşkarlan-

masına  və  tələbənin  özünün  ən  üstün  cəhətlərini 

bilərək, onun üzərində inkişaf ssenarisini seçməsinə 

və reallaşdırmasına yardım edir.

Bunlardan  əlavə,  ikili  və  birgə  diplom  üzrə 

mübadilə  proqramlarının  inkişafı,  peşəkar  tə-

limçi  statuslu  müəllimlərin  məmnunluğunun 

gücləndirilməsi  və  keyfiyyətin  təmin  olunması 

və nəticəyönümlü idarəetmə sistemlərinin inki-

şafı əsas hədəflərimizdir.

Bildiyimizə  görə,  universitetinizin  infra-

strukturunun,  maddi-texniki  bazasının  yax-

şılaşdırılması üçün işlər aparırsınız. Açıqlaya 

bilərsinizmi, bu işlər hazırda hansı mərhələ-

dədir və biz yekunda hansı yeniliklərə şahid 

olacağıq?

F.Ə.:

 Biz hələlik elektron bazanın təkmilləşdi-

rilməsi və mövcud binaların tədrisin müasir me-

todlarının  tətbiqi  üçün  daha  yararlı  hala  salın-

ması kimi kiçik və ya lokal işlərdən başlamışıq. 

Daha böyükmiqyaslı işlər strateji plana daxildir 

ki, indi bunların açıqlanması bir az erkən olardı. 

Sadəcə onu deyim ki, hazırda bu sahədə görül-

məli işlər xeyli çoxdur, lakin onlar pərakəndə şə-

kildə deyil, strateji plana müvafiq və hədəflərin 

reallaşması istiqamətində aparılmalıdır. Bura, o 

29

say 24 | 

EcoVision

ƏSƏS MÖVZU: Biznes təhsili

---