ELÇĠBƏYĠN MÜRACĠƏTLƏRĠ
UCA TÜRK MĠLLƏTĠNƏ MÜRACĠƏT
Bilirdim ki, məndə “xərçəng” xəstəliyi var. Amma mən bunu cəmiyyətdən gizlədirdim ki,
müəyyən iĢləri görə bilim. Onu da bilmirdim ki, artıq əksəriyyət insanlar xəstəliyimi bilir və
məndən ona görə gizlədiblər ki, narahat olmayım. Bu da çox pis nəticə verdi. Gərək xalq öz
övladından heç nəyi gizli saxlamasın və eyni zamanda da övlad ondan heç nəyi
gizlətməməlidir. Belə alındı ki, gerçəyi gizlətmək həm xalqa, həm də onun övladına heç bir
xeyir vermədi.
Mən bir çox Ģeyləri xalq bilib rahatsız olar, pis əhval-ruhiyyə yaranar deyə ondan gizlətdim.
Çox sirləri özümlə aparıram. Bunların bir çoxu açıqlanmalı idi, lakin buna zaman çatmadı.
Demək olar ki, tale imkan vermədi.
Bir sıra xətalar buraxılmıĢdı ki, bunları aradan qaldırmaq mümkün idi. Millətim qarĢısınqda
bəzi xətalarım da olub. XahiĢ edirəm millətim məni bağıĢlasın. Deyəcəklər ki, üzrü sağ ikən
etməli idi. Hər halda,
görünür ki, tale belə məsləhət bilib.
Ayrı-ayrı Ģəxslər, xüsusilə də mənə düĢmən olanlar çox xoĢagəlməz sözlər danıĢacaqlar.
Ancaq mənim üçün əsas
hökm Türk millətinin hökmüdür, Azərbaycan xalqının sözüdür!
Mən aydın görürəm ki, artıq həyatla vidalaĢıram. Lakin bir çox ideyalarımın həyata keçdiyini
görmədim. Ən baĢlıcası isə:
Rusun əli ilə ermənilərin iĢğal etdiyi Qarabağı azad etmək istəyirdim. Bunu edə bilməsəm
də mən artıq bilirəm ki, o mütləq azad olacaq!
Azad surətdə Təbrizə getmək, onu azad görmək istəyirdim. Təbrizi azad görə bilmədim,
ancaq indi elə fikirləĢirəm ki, Təbrizi azad görmüĢəm. Bu fikrimə “xəyaldır” deyəcəklər.
Lakin elə deyil! Yaxın zamanlarda insanlar onu görəcəklər! Və onda biləcəklər ki, mənim
düĢündüyüm lap yaxında imiĢ.
Bir xalq azadlıq əldə edirsə o xalqın həyatdan köçmüĢ insanlarının (əlbəttə, bu azadlığı
istəyən və onun uğrunda mücadilə edən insanları nəzərdə tuturam) ruhu da orada iĢtirak
edir! Azərbaycan xalqı bütövlükdə azad olacaq və birləĢəcək! O
zaman keçiriləcək tədbirlərdə,
bayramlarda Azərbaycanın azadlığı uğrunda mübarizə aparmıĢ insanların ruhu da iĢtirak
edəcəkdir! Ruh ölməzdir! Millətini sevənin ruhu hər zaman millətiylə olacaq!
Əbülfəz ElÇĠBƏY,
Ankara Dövlət Xəstəxanası
19.07.2000