AZADLIQ EġQĠ
Sevin, ey mürği-ruhim, ruzi-hicrandır kim bu gün,
Bu qəfəsdən mən səni, əlbəttə, azad eylərəm.
(Məhəmməd Füzuli)
Bir dəfə Böyük bəy “Ģəhidin günahı varmı?” sualını verəndə qətiyyətlə “yox” dedim. O zaman
Məhəmməd peyğəmbərin (s.ə.s.) “Ģəhidin qul günahı yoxdursa heç bir günahı yoxdur”
kəlamını xatırlatdı və dedi ki, gör azadlıq Həqdən verilən necə Ģirin bir nemətdir ki, hətta
Ģəhidə belə “Mən onu azad yaratdım, sən kim idin ki, onun azadlıq haqqını əlindən aldın?”
sualını verdirir.
Odur ki, Böyük bəy azadlıq məsələsində olduqca diqqətli idi və ona təkcə haqq kimi yox, həm
də Həqqin neməti kimi baxırdı.
ÖLÜM VAR KĠ?!..
Mövti-cismani ilə sanma mənim ölməyimi.
(Seyid Əzim ġirvani)
Bir dəfə “olum-ölüm”dən söhbət açdı. Dörd qapı yiyələrinin münasibətindən danıĢdı və
ölümün olmadığını söylədi. Ən maraqlısı bu oldu ki, o, Ģəriət alimi ilə dərviĢin danıĢığını yada
saldı.
Bir Ģəriət alimi ilə dərviĢ oturaraq söhbət edir və alim “ölsəydik canımız qurtarardı” ifadəsini
iĢlədir. Buna cavab olaraq dərviĢ baĢını etirazla bulayır və “ölə bilsəydik canımız qurtarardı”
deyir.
Böyük bəy bir dəfə də Ģəriət alimi ilə dərviĢin söhbətindən danıĢdı və alimin “bir zaman var idi
ki, Allahdan baĢqa kimsə yox idi” sözlərinin qarĢısına dərviĢin “indiki kimi” ifadəsini artırmasını
açıqladı.
Böyük bəy ruhun ölməzliyi, öz Yaradanına dönməsi ilə bağlı böyük sufi pirlərinin, Nəsiminin,
Füzulinin, ġah Ġsmayılın qayəsinə söykənərək cavab verirdi. Bir kandan baĢqa məkana yol
gedirik və burada bir əbədi karvan anlamı və həmin anlamınsa səmavi izahı var. Heç nə ölə
bilməz, O-nu yaradan əbəddirsə, deməli, bir cismani ölçüdən baĢqa bir mənəvi ölçüyə salır.
Bunu isə ancaq bəsirət gözü görə bilər.
CĠSM VƏ CAN
Canı canan ittihadı fariq eylər cismdən,
cismdən agah olan can vasili-canan deyil.
(Məhəmməd Füzuli)
Cism və can mövuzusu ilə bağlı Böyük bəyin dedikləri batin təlimin ilk əlifbasıdır. Bununla
bağlı Böyük bəy “can və canan” düsturuna söykənirdi. Onun fikrincə, paltar cismimizin geyimi
olduğu kimi, cisim də canın geyimidir və odur ki, birinin fənalığı, digərinin bəqalığı ilə
razılaĢmaq lazımdır.
Ustad çox zaman Nəsiminin “əməldir azuqən, bu yolda cismin bəsləmə” kəlamını yada salırdı.
Nəfslə mübarizəyə “böyük cihad” deyən pirlərin kəlamlarına söykənən Böyük bəy “eĢq
qafiləsi”nə yetmək üçün bu mübarizədən keçməyin zəruri olduğunu açıqlayırdı. “Özü ilə
döyüĢüb, özünə qalib gələ bilməyən heç nəyə nail ola bilməz” fikrini deyən Böyük Bəy “kim
nəyin əsiridirsə onun da quludur” kəlamını yada salırdı. Eyni zamanda “Allah qulu” ifadəsinə
gəldikdə o, “Biz heç kimin yox, Allahın qullarıyıq. Allahın qulu ən azad insandır, çünki Allah öz
qullarını azad yaradıb və ona azadlıq verib” söylərdi. Bu dünyanın özünü o, Ruhun azadlığı
üçün “sınaq məkanı” sayırdı. Ələst bəzmindən bu yana Ruhun azadlığını axtarmasını söylərdi.
SĠRR ĠÇĠNDƏ SĠRR
Gücilən deyil, əzizim, bu, Ģəhabi-eĢqdir, eĢq,
O, hər bərqi-nəxlimə odun yığanə gəlməz.
(Əbülqasim Nəbati)
“Allaha eĢq təkcə söz deyil, həm də əməldir. Bu, bir dur ki, onun adına sirr içində sirr deyilir.
Bu sirr naməhrəm yanında açılmaz. Bu hicranı vüsalından daha gözəl olan bir eĢq, axtarmaq,
tapmaq, tanımaq, aĢiqi olmaq, aĢiqini öldürmək, əvəzi özü olmaq sirridir. Bu sirr Ġbrahimə
Ġsmayılı Mina dağına gətirtdi, Musanı dəryadan keçirdi, Yusifi qul ikən Misrə sultan etdi, Ġmam
Hüseyni Kərbəlaya gətirdi. Bu, eĢq idi - “Həqiqət eĢqi”.
DƏRVĠġLĠK
DərviĢ könülsüz gərək,
Söyənə dilsiz gərək,
Döyənə əlsiz gərək;
Sən dərviĢ olamazsan.
(Yunis Ġmrə)
DərviĢlik zərrənin tamı axtarıĢıdır.
DərviĢlik gəzərgilik yox, yol getməkdir. Bu mənada dərviĢ öz içindən Allaha yol axtarır.
DərviĢ heç zaman mən demir, O deyir.
DərviĢ alim kimi Allahın varlığına sübut axtarmır, əksinə O-nun varlığını qəbul edir.
DərviĢ Həqqi dərk etmək istəmir, O-na qovuĢmaq istəyir.
DərviĢ üçün Həqlə insan münasibəti alim-tələbə münasibəti yox, övladla valideyn
münasibətidir. Valideyni isə sevərlər. Çünki Həqq-Təala buyurub: “Mən sizə ata-anaızdan da
mehribanam”.
DərviĢlik hikmət axtarıĢıdır, pir qapısı tapmaqdır, ədalətli və insaflı olmağı hər Ģeydən üstün
bilməkdir.
DərviĢlik Allaha xatir yaranmıĢ hər Ģeyi sevməkdir.
Böyük bəyin təbirincə, “düĢmənimiz bizdən kənarda deyil, ən böyük düĢmənimiz Ģüurun
nadanlığı, nəfsimizdir”. “Nadanlıq qaldıqca bəlalar qalacaq, bəlalar isə həmiĢə fəsad törədər”.
Böyük bəyin “hər kəsin nadanlığı özündə, həm də bir-birimizə münasibətindədir” deyimi hələ
çox zamanlar üçün gərəkli olacaq.
BATĠNLĠK
Sultanlara, xaqanlara baĢ əyməyən əsla
DərviĢ kəramətli qələndər yenə varmı?
(Əlağa Vahid)
Bir O, iki kan və məkan, üç sima, dörd qapı, beĢ lamisə, altı cəhət, yeddi qat, səkkiz giriĢ,
doqquz səyyarə, on iki bulaq, on dörd hikmət, qırx yar, yetmiĢ iki aĢiq, yüz iyirmi dörd sözçü
hikmətinə varmaq kamillik zirvəsidir, bəqalıqdır.
Böyük bəy bunların hikmət qayələrini açmadı. Özü ilə sirr olaraq apardıqları açıqladıqlarından,
ondan ala bildiklərimizdən çox oldu. Yeddi ilə yetmiĢ qat arasında hikmət dövrəsi, bir dövrə
sirri, piri-muğan batinliyi, ağ və göy dərviĢlər haqqı, nihan dərviĢlər haqqı, batin və pünhan
pirlər haqqı - bunlar və hələ eĢitmədiklərim Böyük bəyin pərdə arxasındakı könül dünyasında
axtardığı, amma sirri verməyə tapa bilmədiyi müridliyində qaldı.
MürĢid olan Böyük bəy sirlərində özünə mürid oldu.
Dostları ilə paylaş: |