Eşq dənizləri qovuşanda
215
mağa can atdı. Beləliklə, Aşiqlər sultanı Mövlana Cəlaləd-
din Rumi müridləri qarşısında heç özünün də bilmədiyi,
sonuncu söhbətinə davam etdi:
– Hər bir şeyin qarşılıqlı olmasına şübhən olmasın. Pis
bir şey yeyən adam onu qaytarana qədər ürəyi bulanar.
Yaxşı bir şey yeyən adam yediyindən ləzzət alar. Həyatda
da belədir, pislik edən pisliklə qarşılaşar, lakin o, qarşılığın
haradan, necə gələcəyini duymaqda acizdir.
Həzrəti İsa buyurur ki, ağıza girən hər bir şey yuyulma-
mış əllərlə edilsə belə, bu, insanı murdar etməz, çünki onlar
qarına keçir və ordan da çölə atılır. Fəqət insanı murdar
edən ağızdan çıxanlardır, onların kökü ürəkdə, budağı be-
yində yerləşir. Pis fikirlər, əcaib düşüncələr, qatilliklər, zina-
lar, əxlaqsızlıqlar, oğurluqlar, yalançı şahidliklər və bütün
digər küfrlər ağızla ifadə olunmaqla insanı murdar edərlər.
Ürək özü maddi və ya fani olduğundan, onun doğurduğu
hisslər də keçicidir. Keçici hisslər insanı murdarlığa çəkir.
Allah isə könüllə seviləndir. Könül ruhun ürəyidir, o, mənə-
vidir, əbədidir, ölməzdir. İnsanın hissləri ürəkdən könülə
yüksələrsə, onun sevdiyi tək uca Allah olar, o, əbədilik qa-
zanar. Yaxşı adamın ürəyində yaxşılıq xəzinəsi, pis adamın
ürəyində pislik xəzinəsi olar. Pis adamın ağzından çıxanlar
onun özünü murdar edər. Ona görə də, yaradılanı sev ki,
Yaradan da səndən razı qalsın! Tanrının mərhəməti hər kə-
sə şamildir, ona görə də, O, özündən ümidini kəsənlərin
ibadətdən üz çevirməmələrini istəyir. Ey ümidi kəsilənlər,
səbir edin, unutmayın ki, kərəm də elə dərd olan yerdədir!
Qeybə olan imanın görünən şeyə olan inamla müqayisədə
təsəvvürəgəlməz fəziləti, üstünlüyü vardır. İnsanların igid-
liyi uşaqların igidliyi kimidir. Fərq isə birdir, belə ki, Dəli
Domrul kimi bir igidin savaşına nisbətdə uşaqların savaşı
oyuncaqdan ibarətdir. Xalqın savaşı da uşaqların savaşı ki-
mi mənasız və əsassızdır. Dəyənəklə, qılıncla silahlanıb bir-
birini məhv etmək üçünmü doğuldunuz? Tanrı hikmət xə-
zinələrinin gizli qalmaması, onların meydana çıxması üçün
insanları yaratmışdır. Ağac meyvəsindən tanınar! Ağacın
Elbəyi CƏLALOĞLU
216
dəyəri isə verdiyi barla, gətirdiyi meyvələrlə bilinər. Allahın
böyüklüyü də yaratdıqları ilə, yaratdıqlarının ən möhtəşəmi
olan insanla bəllidir, Onun qüdrəti isə yaratdığı insanın mü-
kəmməlliyindən, əzəmətindən, möcüzəli yaranışından bili-
nir. Tikan kolu əncir gətirməz, göyəm ağacı da üzüm, ya-
xud, yaxşı ağac pis meyvə verməz, pis ağac da yaxşı meyvə
gətirməz. Tanrı sizi özünün güzgüsü olaraq yaratdı ki, siz-
lərə baxıb öz gözəlliyini seyr etsin. Lakin siz Onu çirkin gös-
tərməkdəsiniz. Özünüzə qayıdın! Allahı olduğu kimi gözəl,
rəhimli, sədaqətli, nurlu, sevgilərlə zəngin olaraq göstərin,
nəfsinizi məğlub edin, həvəsinizi yox edin, dünya malına
nifrət edin! Siz bu savaşları torpaqlar zəbt etmək, hökmdar-
lığınızın çevrəsini genişləndirərək daha böyük xəzinəyə sa-
hib olmaq məqsədilə etdiniz, lakin onlar yenə də sizin olma-
dı. Axirət üçün deyil, dünya üçün yaşayanlar diriykən ölü-
dürlər. Allahdan var-dövlət, sərvət toplamaq deyil, ruzinizi
diləyin! Könül əhlinin elmi onu çiynində daşıyar, bədən əh-
linin isə elmi özünə yükdür. Bədən əhli nəfsinə və həvəsinə
hakim ola bilməyənlərdir. Şəhvətin doğurduğu hər bir hiss
şərab və tiryək kimi ağıla pərdədir. Ağılı başdan alan, insa-
nı sərxoş edən təkcə şərab deyil ki, şəhvətə aid nə varsa ha-
mısı gözü, qulağı bağlayar. Şeytan şərab içməkdən uzaqdı,
lakin təşəxxüslə, inad və üsyanla sərxoş olmuşdur. Sərxoşla-
rın gözləri misi, dəmiri qızıl olaraq görər! – sonuncu cümlə-
dən sonra Mövlana Cəlaləddin öskürəyini yığışdıra bilmirdi
və bu get-gedə daha da şiddətlənirdi. Hüsaməddin Çələbi
ona yaxınlaşanda Mövlana özü getməyə qərar verdi. Ba-
haəddin, Hüsaməddin və digər bir neçə mürid Aşiqlər sul-
tanını evə qədər müşayiət etdilər...
Eşq dənizləri qovuşanda
217
X X V I I F Ə S İ L
Düyün gecəsi
Mövlana Cəlaləddin Rumi mədrəsədən evə qayıtdıqdan
sonra vəziyyəti son dərəcə pisləşmişdi. Səlcuqlu hökmdarı
ona nəzarət etmək üçün xüsusi təbiblər, loğmanlar təyin et-
mişdi. Hökmdarın vəziri Muinəddin Süleyman Pərvanə,
Konya qazilərinin qazisi Siracəddin Əbus-Səna Urməvi və
təsəvvüf alimi Sədrəddin Konyavi tez-tez ona baş çəkir, çox
zaman isə uzun müddətli yanında qalır, onun söhbətlərini
dinləyirdilər. Mövlana Cəlaləddinin müridləri də onunla
mütamadi maraqlanır, eyni zamanda ona hörmət əlaməti
olaraq təkkəyə gedib Səma rəqsləri edirdilər. Rəqslər zama-
nı onlar mürşidləri üçün dua edir, Allahdan ona sağlıq dilə-
yirdilər. Mövləvi müridləri “Məsnəvi”nin fatihəsi, yəni baş-
lanğıcı hesab etdikləri ilk on səkkiz beytini əzbərdən birlik-
də oxuduqdan sonra Səma rəqslərinə başlayırdılar. Bu ənə-
nə də sonuncu günlər başlanılmışdı...
“Məsnəvi” cəmi üç il öncə, 1270-ci ildə tamamlanmışdı.
Onun ilk on səkkiz beytindən başqa qalan hissəsini Mövla-
na demiş, onun müridi və yaxın dostu Hüsaməddin Çələbi
qələmə almışdı. Hər bir hissəni Mövlana bir daha nəzərdən
keçirib düzəliş etdikdən sonra Hüsaməddin onun üzünü
yenidən köçürmüşdü. İndi isə “Məsnəvi”nin ilk on səkkiz
beytini bütün möminlər əzbərdən söyləyirdilər. Bundan
başqa, onlar on səkkiz rəqəminə hər zaman riayət edirdilər,
hətta bir mövləvi dərvişinə, bir yoxsula və ya təkkəyə veri-
lən nəzir-niyazın miqdarında da bu rəqəm qorunurdu. Veri-
lən ianələr on səkkiz quruş, on səkkiz yarım lirə və ya on
səkkiz lirə miqdarında olurdu. Bir sözlə, mövləvi müridləri
Elbəyi CƏLALOĞLU
218
on səkkiz rəqəminə müqəddəslik gətirməkdə idi...
1273-cü il dekabrın 17-si, həftənin bazar günü idi. Möv-
lana Cəlaləddin Rumi yatağında uzanmış, dostları isə başı-
nın üstündə dayanmışdılar. Qızdırmasının get-gedə şiddət-
lənməsi onun səhhətini daha da ağırlaşdırırdı. Lakin onlar
ara-sıra söhbətlər edirdilər, Mövlana vəsiyyətlərini deyirdi.
Lakin elə bu vaxt birdən hər yan silkələnməyə başladı. Əv-
vəlcə bu gözlənilməz haldan hamı diksindi, sonra isə zəlzə-
lə baş verdiyi məlum oldu. Mövlana gülümsünürək öz canı-
na işarə edib, – torpaq bir yağlı tikə istəyir, onu yerə basdı-
randan sonra sakitləşəcək, – dedi. Onun bu sözündən Kərra
xatunun gözləri doldu, atasının sözündən təsirlənən Məley-
kə xatun anasının boynunu qucaqlayıb ağlamağa başladı.
Onların bu halına ilk dözməyən Hüsaməddin Çələbi oldu, o
da kövrəldi. Bunları gözaltı seyr edən Mövlana Cəlaləddin
gülümsəyərək dedi:
– Mən də əzizlərim Şəms, Kimya və Səlahəddinlə eyni
ay, eyni əyyamda Haqqıma qovuşuram. Bu, gözəlliyi, ahən-
gi və əsrarəngizliyi ilə seçilən əyyamın mənə olan son vədi-
nə sədaqətidir. Məni ağlamayın, mənə yas tutmayın! Mə-
nim ölümüm əslində “şəbi-arus”dur – toy axşamı, düyün
gecəsidir. Məzar elə bir pərdədir ki, onun arxasında cənnə-
tin hüzuru vardır. Bu, mənim ulu Tanrıya qovuşduğum
gündür, – o, bu sözləri deyib ətrafa nəzər saldı, bir az du-
ruxdu və yenidən dilləndi:
– Öldüyüm gün tabutumu çiyinlər üzərində gördü-
yünüz zaman, sanmayın ki, məndə bu cahanın dərdi var!
Mənim üçün ağlamayın! Ah-vay etməyin! Nə zaman şeyta-
nın tələsinə düşərsənsə, o zaman ah-vay et! Məzar cənnət
qapısının pərdəsidir. Batmağı gördün, indi doğmağı da seyr
et! Bu görünüş bu yanda ölümdürsə, o biri yanda doğum-
dur. Günəş və Aya batmaqdan, qürub etməkdən ziyan gə-
lərmi?! Bu, sənə batmaq kimi görünər, əslində yenidən doğ-
maqdadır. Məzar isə həbsxana kimi görünər, lakin əslində
canın həbsdən qurtuluşudur. Torpağa hansı sağlam toxum
əkildi ki, o, bitmədi?! Nə üçün insan toxumuna gəlincə, onu
Eşq dənizləri qovuşanda
219
bitməyəcək sanırsan? Sağlam toxum həmişə bitir, bunu
unutmayın! – bu, Mövlana Cəlaləddin Ruminin son sözləri
oldu. Onun üzü güldü. Gülə-gülə də qürub edən günəş ki-
mi saralmağa başladı. Sonra da onun gözqapaqlarının xəf-
fifcə bağlanmağa başladığını görən Hüsaməddin Çələbi təş-
viş içində Quran ayələri oxumağa başladı. Lakin onun ürəyi
mürşidinin bu halına tab gətirmədiyindən yarımçıq daya-
nıb, özünü hönkürtü ilə ağlamaqdan saxlaya bilmədi. Bu
zaman onu Şeyx Sədrəddin Konyavi əvəz etdi...
Mövlananın dəfnində yalnız müsəlmanlar deyil, Konya-
da və Konya ətrafında yaşayan xristianlar, yəhudilər, digər
millətlərin nümayəndələri, eləcə də papazlar və keşişlər də
iştirak edirdilər. Mərasimi təsəvvür edilməyən bir qələbəlik
müşayiət edirdi. Böyük-kiçik, kişi-qadın – hamı ağlayırdı,
mövləvi müridləri çığrışıb paltarlarını cırırdılar. O gün qi-
yamət gününü xatırladırdı...
Möminlər cənazə namazına durmuşdular. Namazı
Mövlananın vəsiyyətinə görə Sədrəddin Konyavi qıldırma-
lıydı. Lakin o, çox sevdiyi Mövlana Cəlaləddinin itgisinə
dözə bilməyib qəşş elədi. Buna görə də, cənazə namazını
qazi Siracəddin qıldırdı.
Cənazə götürüldükdə izdiham Gül bağçasına tərəf yön
aldı. Günorta namazı vaxtı qaldırılan cənazə ikindi namazı
vaxtı Gül bağçasında yerləşən məqbərinə çatdırıldı. Mövla-
na Cəlaləddin Rumini atasının yanında torpağa tapşırdılar.
Beləcə, adı min illərə gedəcək böyük mütəffəkir və ulu övli-
yanın bədəni torpağa, ruhu Tanrıya qovuşdu.
Bundan bir qədər sonra isə Sultan Vələd Səlcuq hökm-
darından atasının qəbri üzərində türbə tikmək təklifi aldı.
O, təklifi qəbul etdikdən sonra Təbrizdən dəvət olunan me-
mar Bədrəddin, deyilən yerdə Yaşıl türbənin inşasına başla-
dı. Türbə fil ayağını xatırladan dörd qalın sütün üzərində
ucaldıldı...
Elbəyi CƏLALOĞLU
220
E P İ L O Q Ə V Ə Z İ
Xoş gəldin könlümə,
xoş gəldin, Allah!
Göz yumdum dünyanın ləl-gövhərinə,
Ağladım “Haqq” deyə, tuş gəldin, Allah!
Bir ağıl oyatdım ağıl yerinə,
Bütün dəyərlərdən baş gəldin, Allah!
Dərk etdim cismimin hər əzasını,
Tanrı qədərini, Haqq qəzasını.
Açdım idrakımın darvazasını,
Xoş gəldin könlümə, xoş gəldin, Allah!
Səni təfsir etdi zəkama “Quran”,
Məhəmməd yoluna qədəm qoydu can.
Helmimi bağlarkən elmimə vicdan,
Xoş gəldin könlümə, xoş gəldin, Allah!
Qəlbim şükredəndir, dilim zikredən,
Səbrim müzəffərdir hər işgəncədən.
Həqiqət evinə qulundur gedən,
Xoş gəldin könlümə, xoş gəldin, Allah!
Qəlbim təmizləndi, arındı kirdən,
Könlüm agah oldu hər cürə sirdən.
Feyzim yox çiçəkdən, güldən, ətirdən,
Xoş gəldin könlümə, xoş gəldin, Allah!
Eşq dənizləri qovuşanda
221
Könül Kəbəsinə etdim meracı,
Doyura bilmədi eşqin bu acı.
Sənin təcəllandı başımın tacı,
Xoş gəldin könlümə, xoş gəldin, Allah!
Dünyanın həvəsi yandı gözümdə,
Nəfsin məzarı da yoxdur izimdə.
Qeyri bir istəyi gəzmə sözümdə,
Xoş gəldin könlümə, xoş gəldin, Allah!
Oxşamaz ruhumu nə şəhvət, nə var,
Mənlik aramıza çəkər sərt divar.
Sənin tək bir yarım, bir sevgilim var,
Xoş gəldin könlümə, xoş gəldin, Allah!
Ədəblə yürüdüm Fənafillaha,
Eşqinlə çatmışam Bəqabillaha.
Sən ki, canımdasan, nə dərdim daha,
Xoş gəldin könlümə, xoş gəldin, Allah!
Elbəyi uymadı şana, şöhrətə,
Səbr edir yolunda hər cür möhnətə.
Axirət gözümdə dönüb cənnətə,
Xoş gəldin könlümə, xoş gəldin, Allah!
Elbəyi CƏLALOĞLU
222
MÜNDƏRİCAT
PROLOQ ƏVƏZI
Gəlmişdi ............................................................................. 3
I FƏSİL
Dinin günəşi ...................................................................... 4
II FƏSİL
Bəlxdən Konyaya ............................................................ 18
III FƏSİL
Hikmət “sövdəgəri” ........................................................ 33
IV FƏSİL
Allahın nuru ..................................................................... 41
V FƏSİL
Xiffətdən doğan möcüzə ................................................ 54
VI FƏSİL
Cənnət və ölümsüzlük rəqsi ......................................... 59
VII FƏSİL
Şamda bir gecə ................................................................. 66
VIII FƏSİL
Nəbiz ................................................................................. 72
IX FƏSİL
Allahla vəhdətdə olmağın sirri .................................... 78
X FƏSİL
Ürək birliyi, ruh dili ....................................................... 82
Eşq dənizləri qovuşanda
223
XI FƏSİL
İzdivac ............................................................................... 93
XII FƏSİL
Şəms Təbrizinin qısqanclığı ......................................... 99
XIII FƏSİL
Eşqin şərhi ...................................................................... 106
XIV FƏSİL
Seyfullahın qüdrəti ...................................................... 113
XV FƏSİL
Sahibsiz suç .................................................................... 121
XVI FƏSİL
Getməyin vaxtı .............................................................. 130
XVII FƏSİL
Hal və məqam ................................................................ 134
XVIII FƏSİL
Ariflərin könlündə dəfn .............................................. 140
XIX FƏSİL
Eşq və iman .................................................................... 146
XX FƏSİL
Aşiqlər sultanı və xəlifə ............................................... 155
XXI FƏSİL
Konyada yaranmiş xaos ............................................... 161
XXII FƏSİL
Anadolu çaxnaşır ........................................................... 173
XXIII FƏSİL
Dekabr ayının Mövlanaya vədləri ............................. 184
Elbəyi CƏLALOĞLU
224
XXIV FƏSİL
Əskişəhərdən gələn qonaq.......................................... 194
XXV FƏSİL
Varlıq darlıqdır ............................................................. 202
XXVI FƏSİL
Can və bədən .................................................................. 212
XXVII FƏSİL
Düyün gecəsi .................................................................. 217
EPİLOQ ƏVƏZİ
Xoş gəldin könlümə, xoş gəldin, Allah! ................... 220
Eşq dənizləri qovuşanda
225
Elbəyi Cəlaloğlu
EŞQ DƏNİZLƏRİ QOVUŞANDA
(dərvişnamə)
Elbəyi CƏLALOĞLU
226
Nəşriyyatın direktoru:
Nəşriyyat redaktoru:
Bədii redaktor:
Çapa imzalanıb: 27.03.2013.
Formatı 60x90
1
/
16
. Fiziki ç.v. 14,0.
Dostları ilə paylaş: |