368
25. Viktor Sadovniç (d.1939) – informatika sahəsində alim.
Rusiya Elmlər Akademiyasının akademiki. Dövlət mükafatı
laureatı. 1992-ci ildən Moskva Dövlət Universitetinin rektoru. –
69–70, 87.
26. Almaniya, A l m a n i y a F e d e r a t i v R e s p u b l i- k
a s ı – Mərkəzi Avropada dövlət. Sahəsi 357 min km
2
, əhalisi
82,2 milyon nəfərdir. AFR tərkibində 16 ərazisi olan
federasiyadır. Dövlət başçısı prezident, hökumət başçısı isə
federal kanslerdir. Ali qanunverici hakimiyyət orqanı parla-
mentdən – Bundestaq və Bundesratdan ibarətdir. Paytaxtı
Berlin şəhəridir. – 62, 89, 255.
27. Koreya, K o r e y a R e s p u b l i k a s ı – Şərqi Asi-
yada dövlət. Sahəsi 100,2 min km
2
, əhalisi 51,4 milyon nəfər-
dir. İnzibati ərazisi 9 əyalətə, mərkəzə tabeli 6 və 1 xüsusi
statuslu şəhərə bölünür. Dövlət başçısı prezident, qanunverici
orqanı birpalatalı Milli Məclisdir. Paytaxtı Seul şəhəridir. –
62, 90, 332.
28. Li Men Bak (d.1941) – 2008–2013-cü illərdə Koreya
Respublikasının Prezidenti olmuşdur. – 90.
29. İspaniya – Cənub–Qərbi Avropada dövlət. Sahəsi
504,8 min km
2
, əhalisi 47,3 milyon nəfərdir. İnzibati ərazisi 17
muxtar vilayətə daxil olan 50 əyalətə bölünür. İspaniya kons-
titusiyalı monarxiyadır. Dövlət başçısı kral, qanunverici orqanı
Korteslərdir (ikipalatalı parlament, Konqres və Senat).
Mərakeş sahilindəki Seuta və Melilya anklav şəhərləri
İspaniyanın mülküdür. Paytaxtı Madrid şəhəridir. – 91.
30. I Xuan Karlos (d.1938) – 1975–2014-cü illərdə İspa-
niya kralı. 1975-ci ildə diktator Frankonun ölümündən sonra
kral elan edilmişdir. – 91.
369
31. Vladimir Putin (d.1952) – 2000–2008-ci illərdə Rusiya
Federasiyasının Prezidenti olmuşdur. 1975–97-ci illərdə bir sıra
məsul vəzifələrdə çalışmışdır. 1998-ci ildə Rusiya Federasiyası
Prezidenti Administrasiyasının rəhbəri, 1998–99-cu illərdə
FTX-nın direktoru, 1999-cu ilin avqustundan Rusiya höku-
mətinin başçısı, 2008-ci ilin mayında Rusiya Federasiyasının
Baş naziri təyin edilmişdir. 2012-ci ilin mart ayında yenidən
Rusiya Federasiyasının Prezidenti seçilmişdir. – 99, 110, 122.
32. Mahmud Kərimov, M a h m u d K ə r i m o ğ l u
(1948–2013) – fizik, fizika-riyaziyyat elmləri doktoru, profes-
sor, akademik. 2001–2013-cü illərdə Azərbaycan Milli Elmlər
Akademiyasının prezidenti olmuşdur. Azərbaycan Respubli-
kasının «Şöhrət» ordeni ilə təltif edilmişdir. – 129.
33. Əhməd Zevayl (1946–2016) – Misir–ABŞ kimyaçısı.
Kimya üzrə Nobel mükafatı laureatı. XX əsrin 80-ci illərində Zevayl
dünyada ilk dəfə olaraq molekulların izlərini əldə etmək imkanını
verən ən sürətli çəkiliş kamerasını yaratmışdır. – 129.
34. Ağdam – Azərbaycan Respublikasında inzibati rayon.
1930-cu ildə təşkil edilmişdir. Sahəsi 1154 km
2
, əhalisi 194,8
min nəfərdir. 1993-cü ildə Ağdam şəhəri və əksər kəndləri er-
məni qəsbkarları tərəfindən işğal edilmişdir. – 144.
35. ATƏT-in Minsk qrupu – 1992-ci il martın 24-də yara-
dılmışdır. 1997-ci ildə Minsk qrupunun tərkibinə aşağıdakı döv-
lətlər daxil olmuşdur: Azərbaycan, Ermənistan, Belarus, Alma-
niya, İtaliya, Rusiya, ABŞ, Fransa, Türkiyə, Danimarka və İs-
veç. 1994-cü ilin dekabrından Minsk qrupuna 2 sədr – Rusiya və
İtaliya rəhbərlik edirdi. 1996-cı ilin dekabrından onun 3 – Ru-
siya, ABŞ və fransalı həmsədrləri var. Qrupun əsas vəzifəsi
Ermənistan–Azərbaycan münaqişəsinin sülh yolu ilə aradan qal-
dırılmasına və Dağlıq Qarabağ probleminin dinc vasitələrlə həll
edilməsinə bilavasitə kömək etməkdir. – 144.
370
36. ATƏT – Avropada Təhlükəsizlik və Əməkdaşlıq Təş-
kilatı. Əsası 1973-cü ilin iyulunda Helsinkidə qoyulmuşdur.
Burada Avropanın 33 dövlətinin, ABŞ və Kanadanın dövlət və
hökumət rəhbərləri iştirak edir. ATƏT «soyuq müharibə»nin
qurtarmasından sonra Ümumavropa təhlükəsizlik sistemini
formalaşdıran, yeni Avropanın siyasi və iqtisadi həyatının sivil
birgəyaşayış qaydalarını müəyyən edən, dövlətlərarası mü-
nasibətləri rəqiblik və münaqişə yolundan əməkdaşlıq və
qarşılıqlı mənafe istiqamətlərinə yönəldən bir təşkilat
funksiyasını icra edir.
Azərbaycan 1992-ci ildən ATƏT-in üzvüdür və 1993-cü
ilin ikinci yarısından ATƏT-in zirvə görüşlərində Azərbay-
can nümayəndə heyəti fəal iştirak edir. – 144, 146.
37. Şuşa – Azərbaycan Respublikasında şəhər. Sahəsi 289
km
2
, əhalisi 32,8 min nəfərdir. Elmi ədəbiyyatda Şuşanın
əsasının 1750-ci illərin əvvəllərində Qarabağ xanı Pənahəli xan
Cavanşir tərəfindən qoyulması göstərilsə də, tədqiqatlar Şuşanın
qədim yaşayış məntəqəsi olduğunu qeyd edirlər. Qarabağ
xanlığının mərkəzi olan Şuşa bir müddət Pənahəli xanın adı ilə
Pənahabad adlanmışdır.
Şuşa 1813-cü il Gülüstan müqaviləsinə əsasən Qarabağ xan-
lığı tərkibində Rusiyaya birləşdirildi. 1920-ci ilin martında er-
məni daşnaklarının Qarabağda törətdikləri qırğın nəticəsində
Şuşanın bir hissəsi tamamilə yandırıldı və minlərlə günahsız
insan qətlə yetirildi. Lakin iyun ayının əvvəlində müsavatçılar
və türk generalı Nuru Paşa Şuşanı erməni qəsbkarlarından xilas
etdi. 1923-cü il Azərbaycan MİK-nin dekretinə əsasən Dağlıq
Qarabağ Muxtar Vilayəti təşkil olunduqda Şuşa muxtar vilayətin
tərkibinə daxil edildi.1992-ci ildə erməni işğalçıları tərəfindən
işğal edilmişdir. – 170, 228, 349, 350, 351, 357.
Dostları ilə paylaş: |