ƏLLİ ÜÇÜNCÜ Kİtab ————— sentyabr 2012 oktyabr 2012
Yüklə 3,06 Mb. Pdf görüntüsü
|
70
oxu zalı vardır. Tələbələr burada 21 mindən çox kitabın elektron va- riantından istifadə edə biləcəklər. Bu kitabxananın M.F.Axundzadə adına Azərbaycan Milli Kitabxanasına birbaşa çıxışı vardır. Qeyd edildi ki, bütün ali təhsil müəssisələri kimi, Moskva Dövlət Universitetinin Bakı filialı da hər zaman maraqlı mü- zakirələrlə yaddaqalan elmi şuraların, elmi diskussiyaların təşkili ilə fərqlənir. Bu məqsədlə binada konfrans zalı yaradılmışdır. Məlumat verildi ki, yeni binadakı 70 auditoriyanın bəzilərində eyni zamanda 100 tələbə tədris prosesində iştirak edə bilər. Prezident İlham Əliyev və xanımı Mehriban Əliyeva uni- versitetin 1-ci mərtəbəsində köhnə Bakının və köhnə Moskvanın görüntülərini əks etdirən fotosərgiyə baxdılar. Diqqətə çatdırıldı ki, tələbə mərkəzinin də yaradıldığı binada müəllimlər və tələbələr üçün ayrıca yeməkxanalar fəaliyyət göstərir. Burada, həmçinin xarici ölkələrdən və Azərbaycanın rayonlarından gələn müəllim və tələbələr üçün hər cür şəraiti olan yataqxanalar tikilmişdir. Məlumat verildi ki, hazırda filialın yeni binasında 16 la- boratoriya yaradılıb. Laboratoriyalarda müasir avadanlıqlar quraşdırılıb ki, bu da tədris prosesinin keyfiyyətinin yüksəldil- məsinə imkan verəcəkdir. Filialda ən son proqramlarla təmin olunmuş kompüter kabinetləri də fəaliyyət göstərir. 71
* * * Azərbaycan Respublikasının Prezidenti İlham Əliyev mə- rasimdə çıxış etdi: – Əziz dostlar! Hörmətli qonaqlar! Bu gün ölkəmizin həyatında gözəl, əlamətdar gündür. Biz MDU-nun Bakı filialının yeni binasını açırıq. Bu yaraşıqlı bina ilə tanış olarkən mən xəyalən 4 il əvvələ, MDU-nun Azərbaycanda filialının yaradılması haqqında sərəncam imzaladığım vaxta qayıtdım. Bu sərəncam təsadüfi meydana gəlməmişdi. Əvvəlcə Rusiya tərəfi ilə danışıqlar aparılmış və MDU-nun rəhbərliyinin fəal dəstəyi ilə biz belə mühüm qərar qəbul etmişik. Bu, Azərbaycanda təhsil sisteminin təkmilləşdirilməsi prosesində, habelə Rusiya ilə Azərbaycan arasında ikitərəfli dostluq münasibətlərinin möhkəmləndirilməsi çərçivəsində həqiqətən əhəmiyyətli qərar idi. Bakıda MDU-nun filialının yaradılması hüquqi cəhətdən 2008-ci ilin əvvəllərində sənədləşdirilmişdi. Artıq 1 il sonra, 2009-cu ildə filial fəaliyyətə başladı. Bina ayrıldı və yadım- dadır, 2009-cu ildə biz hörmətli Viktor Antonoviç ilə birlikdə filialı açdıq. Orada çox gözəl şərait yaradılmasına baxmayaraq, yeni binanın tikilməsinin zəruriliyi ideyası meydana gəldi. Çünki MDU dünyanın aparıcı təhsil müəssisələrindən biridir və əlbəttə ki, bu cür təhsil müəssisəsinə müstəqil, ayrıca bina lazımdır. Mən şadam ki, uğurlu yer seçilib. Bura şəhərin mərkəzindən çox uzaq deyil. Azərbaycan paytaxtının sürətlə inkişafını və bizim infrastrukturu təkmilləşdirmək planlarımızı nəzərə alsaq, mən əminəm ki, bir neçə ildən sonra bu yer daha çox məskunlaşacaqdır. Bizim burada, bu zonada tələbə şəhərciyi yaradılması ilə bağlı müəyyən planlarımız var. Başqa sözlə, gələcəkdə yeni ali təhsil müəssisələri yaradılarsa, yəqin ki, burada yaradılacaq. Bəzi ali məktəblərimizin bu zonaya
72
köçürülməsi ilə bağlı ideyalar da vardır ki, şəhərimizin infrastrukturunun tərəqqisində məhz tədris-tələbə istiqamətini burada inkişaf etdirək. Mən çox şadam ki, qısa müddətdə filial ölkəmizdə böyük nüfuz qazandı. Filialın rəhbərliyi MDU-nun rəhbərliyinin dəstəyi ilə sıfırdan başlayaraq böyük nüfuz qazanmış və gənclərin can atdığı ali təhsil müəssisəsi yarada bilmişdir. Buradakı tədris prosesi, kadrların seçilməsi sistemi, logistika infrastrukturu və avadanlıqlar təhsil üçün gözəl şərait yaradır. Ən başlıcası isə biz MDU-nun Bakı filialının simasında Azər- baycanda dünya səviyyəli ali təhsil müəssisəsini görürük. Artıq dediyim kimi, MDU dünyanın nüfuzlu təhsil müəssisələrindən biri, böyük ənənələrə malik universitet, Rusiyanın aparıcı təhsil ocağıdır. Əlbəttə ki, MDU-da tədrisin səviyyəsi onun filialının harada olmasından asılı olmayaraq qoruyub saxladığı standartdır. Bildiyimə görə, MDU-nun Bakı filialında da təhsilin səviyyəsi çox yüksəkdir. Bu gözəl gündə bir neçə ildə sıfırdan müasir təhsil müəs- sisəsi yaratmış MDU-nun rektoru, bizim böyük dostumuz Viktor Antonoviç Sadovniçiyə, universitetin Bakı filialının rektoru Nərgiz Paşayevaya, habelə bütün həm yerli, həm də moskvalı müəllimlərə təşəkkürümü bildirmək istəyirəm. Dediyim kimi, filial cəmi bir neçə ildir fəaliyyət göstərir. Bu il ilk buraxılışı olub. Lakin bu gün artıq nəticələri görürük. Düşünürəm ki, yaxın illərdə Azərbaycanda filialın məzunlarının fəaliyyətlərinin nəticəsini görəcəyik. Ölkəmiz fəal surətdə inkişaf edir, bütün sahələr dinamik inkişaf edir. İqtisadiyyat dünya miqyasında ən yüksək templərlə inkişaf edir. Əlbəttə, qarşımızda duran bütün vəzifələri gerçəkləşdirməyə nail olmaq üçün bizə ilk növbədə, peşəkarlar lazımdır. Bütün sahələrdə peşəkarlar lazımdır. Hansısa mühüm bir istiqamətə peşəkar kadr gələn kimi, biz o saat müsbət dinamika görürük. Çünki iş dərhal düzgün təşkil edilir və biz dərhal peşəkarlıq, öz işinə sədaqət görürük. Çünki müasir dünyada bunsuz hər hansı bir ölkənin müvəffəqiyyət qazanması
Yüklə 3,06 Mb. Dostları ilə paylaş:
|