16
K r i s t i a n M o n s: Təşəkkür edirik, cənab Prezident.
Cənab Gebal, əlavə etmək istədiyiniz bir şey varmı?
E r i k G e b a l: Xeyr, yalnız istərdim Sizi əmin edim ki, biz
«Azərsu»nu mümkün qədər tez bir zamanda dünya səviyyəli
müəssisəyə çevirmək fikrimizdə qətiyyətliyik. Artıq 2-3 ildir
«Azərsu» ilə əməkdaşlıq edirik və Bakının tarixi su təchizatının
təkmilləşdirilməsinə nail olmuş ilk şirkət olmağa yaxınıq. Bu
bizim üçün ciddi məsələdir və biz əminik ki, 2-3 ilə rəqabətə-
davamlı şərait yaranacaqdır.
İ l h a m Ə l i y e v: Təşəkkür edirəm. Sadəcə, əlavə etmək
istərdim ki, bizim görüşümüzdən sonra mən «Azərsu»ya sizin
şirkətlə daha da yaxından işləmələri və layihənin icrasına baş-
lamaları üçün tapşırıqlar verdim. Bütün dostlarımıza xatırlatmaq
istərdim ki, bizim 2 gün əvvəlki görüşümüzdə mən dedim ki, su
təchizatı məsələsinə gəldikdə qarşımızda çox asan hədəflər durur:
bizə 24 saat su təchizatı, 100 faiz əhatə dairəsi və Ümumdünya
Səhiyyə Təşkilatının standartlarına cavab verən su lazımdır. 3 əsas,
sadə məqsəd. Həmin məqsədlərə çatmaqla, düşünürəm, bu
problem həmişəlik həll olunacaqdır. Bunun da insanların yaşayış
şəraitinə, onların səhhətinə, ölkəmizin ümumi inkişafına çox ciddi
təsiri olacaqdır. Çünki Azərbaycan çox sürətlə inkişaf edir.
Müasirləşmə prosesi elə tez gedir ki, biz mövcud su təchizatının
hazırkı vəziyyəti ilə barışa bilmərik. Lakin bir daha demək istərdim
ki, bu problem bizim ölkədə həmişə olub.
Müstəqilliyimizin ilk illərində həll olunası digər daha ciddi
məsələlər var idi və ola bilsin, buna görə də bu məsələ prioritet
deyildi, üstəlik bu çox baha idi. Biz özümüz-özümüzə sərmayə
qoymağa başlamamışdan öncə, 10 ildən çox bir müddət ərzində
beynəlxalq maliyyə təsisatları ilə aparılan danışıqlar əsaslı nəticə
vermirdi.
Su
layihələrini büdcəmizə, dövlət sərmayə
proqramlarımıza daxil etdikdən sonra beynəlxalq maliyyə
təsisatları da buna maraq göstərdilər və daha fəal oldular. İndi
dövlətin,
bankların
maliyyələşdirdiyi
layihələrin
yaxşı
əlaqələndirilməsi mövcuddur və bu da sıx əməkdaşlıq əhval-
ruhiyyəsi yaradır.
17
K r i s t i a n M o n s: Çox sağ olun, cənab Prezident. Burada
iştirak edən fransız şirkətlərinin əksəriyyətinin adından Sizə sual
verə bilərəmmi? Bu daha çox siyasi sualdır, amma iqtisadiyyatla
əlaqəsi var. Çox maraqlı olardı ki, bizə ölkənizin Ümumdünya
Ticarət Təşkilatına daxil olmasının təqvimi haqqında məlumat
verəsiniz. Siz əvvəllər də bu haqda danışmısınız, amma istərdik
Sizin planlarınız barədə eşidək.
İ l h a m Ə l i y e v: Biz bu məsələ üzərində işləyirik.
Tərəfdaş ölkələrlə ikitərəfli məsləhətləşmələr prosesindəyik və
bu proses uğurla davam edir. Bildirmək istərdim ki, Azərbay-
canın Ümumdünya Ticarət Təşkilatına nə zaman üzv olmasına
dair 2 fikir mövcuddur. Birincisi, mümkün qədər tez – bu fikir də
yetərincə əsaslıdır – çünki bu, bazarda rəqabətədavamlılığı
artıracaqdır. Ümid edirik ki, bu, istehlakçı qiymətlərinə müsbət
təsir edəcək. Hazırda Azərbaycan bir sıra beynəlxalq təsisatlara
inteqrasiya edən ölkədir və Ümumdünya Ticarət Təşkilatının bir
hissəsi olmağa yaxındır. Digər yanaşma bir az fərqlidir –
məzmun nöqteyi-nəzərindən deyil, vaxt etibarilə fərqlənir. Çünki
indi biz şaxələndirmə istiqamətində ciddi iş görürük. Bizim fərdi
sahibkarlığın həvəsləndirilməsi üzrə Dövlət Proqramımız vardır.
Məsələn, gələn il kənd yerlərində kiçik və orta müəssisələr üçün
300 milyon avro məbləğində vəsait nəzərdə tutulub. Onlara
dövlət tərəfindən kiçik faizlə kredit ayrılacaqdır. Biz kənd təsər-
rüfatına böyük subsidiyalar ayırırıq. Fermerlərə yanacaq 50 faiz
güzəştlə satılır. Onlar gübrəni də 50–75 faiz arasında güzəştlə
alırlar. Onlar torpaq vergisindən başqa, bütün vergilərdən azad
olunublar. Onlara taxıl əkdikdə hər bir hektara görə 100 avro
verilir. Bu subsidiyalar bizə kənd təsərrüfatı məhsullarının
idxalından asılılığı əhəmiyyətli şəkildə azaltmağa kömək edir.
Bu gün biz bəzi mövqelərdə tələbatımızı 80-85 faiz həcmində
ödəyə bilirik. Məqsədimiz 2015-ci ilin sonunadək özümüzü kənd
təsərrüfatı məhsulları ilə təmin etməkdir. Bu, 1 milyon iş yerinin
açılmasına şərait yaratdı ki, bunların da əksəriyyəti kənd
yerlərindədir.
18
Beləliklə də mən ikinci yanaşmaya toxunmaq istəyirəm.
İkinci yanaşma ondan ibarətdir ki, əgər biz Ümumdünya Ticarət
Təşkilatına bu gün qoşulsaq, bu, kənd yerində sahibkarlığın
inkişafına mənfi təsir göstərə bilər. Bu, məşğulluqla bağlı mü-
əyyən problemlər yarada bilər. Bizim bəzi mallarımız
rəqabətədavamlılığını itirə bilər. Beləliklə, əsas fikir, deyərdim,
ondan ibarətdir ki, təkmilləşdirmə, şaxələndirmə, sərmayə
qoyuluşu prosesini, özəl sektorun həvəsləndirilməsini davam
etdirmək, təkcə kənd təsərrüfatının deyil, həmçinin ağır
sənayenin və ümumiyyətlə, iqtisadiyyatımızın artıq daha yaxşı
şəkildə olduğu bir vaxt Ümumdünya Ticarət Təşkilatına üzv
olmaqdır. Biz bu 2 yanaşma arasında yolumuzu tapmağa
çalışırıq. Beləliklə, biz danışıqlar prosesindəyik. Çox güman ki,
bizim üzv qəbul olunmağımız yaxın gələcəkdə baş ver-
məyəcəkdir.
K r i s t i a n M o n s: Çox aydın izah idi.
İ l h a m Ə l i y e v: Təşəkkür edirəm.
K r i s t i a n M o n s: Çox sağ olun. İndi isə biz digər
suallara keçə bilərik. Bizim hələ bir az da vaxtımız var. İs-
təyirsinizsə, razısınızsa turizm və idman haqqında danışa bilərik.
Hamımız ölkənizin necə gözəl olduğunu bilirik. Turizm və idman
infrastrukturu layihələri haqqında daha yaxşı məlumatı olan
«Gregory İnternational» şirkəti üçün bu çox maraqlı olacaqdır.
«Gregory İnternational» şirkətinin nümayəndəsi: Sabahı-
nız xeyir, cənab Prezident. Bizim şirkət qolf və idman mey-
dançalarının inşası üzrə ixtisaslaşıb. Biz yalnız beynəlxalq
miqyasda fəaliyyət göstəririk. Biz Sizin ölkənizdə olmuşuq və
böyük inkişaf potensialının şahidiyik. Mənim sualım çox sadədir.
Bilmək istərdim, Siz qolf meydançası tikintisi layihəsini təyin
etmisinizmi və gələcəkdə hansı idman meydançalarının tikintisi
gözlənilir?
İ l h a m Ə l i y e v: Bəli, qolf meydançalarının tikintisi
layihələri var və onlar artıq icra olunur. İkisi tikilir, amma Ba-
kıda deyil, paytaxtdan 150–200 kilometr kənarda, dağlıq və
Dostları ilə paylaş: |