30
PARİSDƏ AZƏRBAYCAN MƏDƏNİYYƏT
MƏRKƏZİNİN AÇILIŞINA HƏSR OLUNMUŞ
QƏBULDA İŞTİRAK
19 sentyabr 2012-ci il
Azərbaycan Respublikasının Prezidenti İlham Əliyev və
xanımı Mehriban Əliyeva sentyabrın 19-da Parisdə Heydər
Əliyev Fondunun və Azərbaycanın Fransadakı səfirliyinin
dəstəyi ilə yaradılmış Azərbaycan Mədəniyyət Mərkəzinin
açılışı mərasiminə həsr edilmiş qəbulda iştirak etmişlər.
Tədbir iştirakçıları dövlətimizin başçısını və xanımını həra-
rətlə qarşıladılar.
Azərbaycan Respublikasının Prezidenti İlham Əliyev qə-
bulda çıxış etdi:
– Hörmətli xanımlar və cənablar! Bu gün Fransa–Azərbay-
can əlaqələrinin tarixində çox əlamətdar gündür. Parisin
mərkəzində Azərbaycan Mədəniyyət Mərkəzi öz işinə başlayır.
Təsadüfi deyildir ki, ölkəmizin xaricdə birinci Mədəniyyət
Mərkəzi məhz Fransanın paytaxtında açılır. Fransa–Azərbaycan
əlaqələri çox uğurla, sürətlə inkişaf edir.
Bu gün səhər bu binanın həyətində Azərbaycan bayrağı qal-
dırıldı. Bu gün biz dostlarımızı qəbul edirik. Bu Mədəniyyət
Mərkəzinin fəaliyyəti bizə imkan verəcəkdir ki, Azərbaycan öz
zəngin mədəniyyətini, tarixini, incəsənətini fransalılara geniş
şəkildə təqdim etsin. Əminəm ki, bu bina qısa bir müddətdə
Fransa–Azərbaycan dostluq evinə çevriləcəkdir.
Fransa–Azərbaycan əlaqələrinin gözəl tarixi vardır və əmi-
nəm ki, bundan da gözəl gələcəyi olacaqdır. Dünən Fransa
prezidenti cənab Fransua Ollandla keçirdiyim görüş bir daha
münasibətlərimizin strateji xarakterini təsdiq etdi. Bu gün səhər
MEDEF-də Fransanın aparıcı şirkətlərinin rəhbərləri ilə görüşdə