43
NAXÇIVAN DÖVLƏT UNİVERSİTETİ. ELMİ ƏSƏRLƏR, 2016, № 3 (77)
NAKHCHIVAN STATE UNIVERSITY. SCIENTIFIC WORKS, 2016, № 3 (77)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ. НАУЧНЫЕ ТРУДЫ, 2016, № 3 (77)
NURƏLİ YUSİFBƏYLİ
Alternativ və Bərpa Olunan Enerji Mənbələri üzrə Dövlət Şirkəti
SEVİNC NOVRUZOVA
Naxçıvan Dövlət Universiteti
UOT:620.91
AZƏRBAYCAN RESPUBLİKASINDA GEOTERMAL ENERJİDƏN İSTİFADƏ
İMKANLARI
Açar sözlər: Bərpa olunan enerji mənbələri, geotermal enerji mənbələri, geotermal elektrik
stansiyaları
Keywords: Renewable energy sources, geothermal energy sources, geothermal electricity
stations
Ключевые слова:
Возобновляемые источники энергии, геотермальной энергии,
геотермальной электростанции
Enerji təhlükəsizliyinin təmin edilməsi sahəsində aktual problemlərdən biri alternativ və bərpa
olunan enerji mənbələrinin istifadəsidir. Bərpa olunan enerji mənbələri (BEM) termini ehtiyatları
təbii yolla bərpa olunan və mənbəsi tükənməyən enerji mənbələrinə aid edilir. Bura ilk növbədə
günəş, külək, su, biokütlə və geotermal enerji mənbələri daxildir. 2004-cü ildə elektrik enerjisinin
istehsalına görə BEM-in ümumi qoyulmuş gücü ~162 QVt və geotermal elektrik stansiyalarının
qoyulmuş gücü isə 8,9 QVt olmuşdur (Şəkil 1) [1] .
Şəkil 1. Bərpa olunan enerji mənbələrinin qoyulmuş gücü
Bərpa olunan, o cümlədən geotermal enerji mənbələrindən istifadənin aktual problemlərinə
bir sıra tədqiqatlarda baxılıb[1-7] .
Geotermal enerji dedikdə temperaturu atmosferin (havanın) temperaturundan yüksək olan
yerin dərin qatlarının fiziki istiliyi başa düşülür. İstilik daşıyıcısı kimi həm maye flüyidlər (su və
yaxud subuxar qarışığı), həm də müvafiq dərinlikdə yerləşən quru dağ suxurları ola bilər. Bir cox
ölkələrdə quru dağ suxurlarından istifadəyə cəhd edilsə də, hazırda praktikada geotermal enerji
mənbəyi kimi termal sudan və yaxud subuxar qarışığından istifadə edilir.
Geotermal enerji mənbələri potensialına görə üç qrupa bölünür:
-Alçaq potensiallı enerji mənbələri, t < 70
o
C;
44
- Orta potensiallı enerji mənbələri, t = 70 - 100
o
C;
- Yüksək potensiallı enerji mənbələri, t > 100
o
C.
Geotermal enerji mənbələri minerallığına görə dörd qrupa bölünür:
-şirin sulu enerji mənbələri, (duzluluq < 1 Qr/litr);
- az duzlu enerji mənbələri, (duzluluq = 1-10 Qr/litr);
- duzlu sulu enerji mənbələri, (duzluluq = 10-35 Qr/litr);
- duz məhlulu enerji mənbələri, (duzluluq > 35 Qr/litr).
Hazırda istilik və elektrik enerjisinin istehsalı məqsədilə geotermal enerji mənbələrindən
geniş istifadə edilir. Ötən əsrin 70-80-ci illərində elektrik enerjisinin istehsalı ücün yüksək
potensiallı geotermal enerji mənbələri perspektivli hesab edilirdi. Hazırda proqressiv
texnologiyaların bərpa olunan enerji mənbələrində tətbiqi nəticəsində elektrik enerjisinin istehsalı
üçün orta potensiallı geotermal enerji mənbələri geniş istifadə edilir.
Geotermal enerji mənbələrinin enerjisinin əsasında elektrik enerjisinin istehsalı Renkin tsikli
əsasında işləyən elektrik stansiyalarında istehsal olunur və bu stansiyalar geotermal elektrik
stansiyaları (GeoES) adlanır. İlk GeoES 1904-cü ildə İtaliyada Landerello enerji mənbəyində
istismara verilib. Onun qoyulmuş gücü 15 KVt olmuş və işçi cisim kimi quru buxardan istifadə
edilib. XX əsrin 60-cı illərində ABŞ, Meksika, Yaponiya, kecmiş SSRİ və s. ölkələrdə bu sahədə
yüksəliş olub. Keçmiş SSRİ-də qoyulmuş gücü 500 KVt olan ilk təcrübi GeoES 1967-ci ildə
Kamcatka Vilayətində Paratun mənbəsində istismara verilib. Müxtəlif ekspertlərin və beynəlxalq
təşkilatların qiymətləndirmələrinə əsasən hazırda Dünya üzrə GeoES-in ümumi qoyulmuş gücü ~
10 QVt və geotermal istiliktəhcizatı sistemlərinin ümumi gücü isə ~20 QVt təşkil edir. Proqnozlara
görə 2020-ci ildə GeoES-in qoyulmuş gücü 21 QVt, 2030-cu ildə isə 40-70 QVt olacaq və bu da
Dünya üzrə istehsal olunan elektrik enerjisinin 0,4 % təşkil edəcəkdir [1].
Azərbaycanda geotermal enerji mənbələrindən istifadə probleminə ilk dəfə olaraq 1946-cı ildə
elmi cəhətdən baxılmışdır [4]. Geotermal enerji mənbələrindən istifadə sahəsində bir cox
tədqiqatçılar təkliflər versələr də hələlik bu problem, ümumilikdə həll olunmamış qalır. Son illərdə
Azərbaycan Respublikasının Ekologiya və Təbii Sərvətlər Nazirliyinin mütəxəssisləri (Cəfərov
M.İ., Məmmədov F.Q.) bu məsələyə yenidən baxmışdılar.
Azərbaycanda mövcud olan geotermal enerji mənbələri, əsasən alçaq potensiallı (t < 70
o
C)
və orta potensiallı (t = 70 - 100
o
C) enerji mənbələridir. Yalnız Abşeron yarımadasında Şərqi
Hövsan mənbəyində yüksək potensiallı ( t > 100
o
C) geotermal enerji mənbəyi mövcuddur (bu
mənbədə t = 100-135
o
C). Abşeron yarımadasında 2000 m və daha dərin quyularda neftli suyun
temperaturu 70-100
o
C və daha çox olur.
Xaçmaz rayonunun Xudat qəsəbəsi yaxınlığında 1983-1986-cı illərdə qazılmış iki orta
potensiallı enerji mənbəli quyuda suyun temperaturu, uyğun olaraq 85
o
C və 87
o
C, quyuların debiti
isə 2500 və 4200 m
3
/gün olmuşdur. Kürdəmir rayonun Mollakənd kəndi yaxınlığında neft
kəşfiyyat quyusunda temperaturu 85-95
o
C və debiti 12000 m
3
/gün olan orta potensiallı enerji
mənbəyi aşkar olunmuşdur. Geotermal enerji mənbələri Bərdə, Goranboy və s. rayonlarının
ərazisində də kifayət qədərdir.
Respublikamızın geotermal enerji mənbələrinin fiziki xarakteristikası aşağıdakı cədvəldə
verilmişdir [6]. Cədvəldən göründüyü kimi geotermal enerji mənbələrinin temperaturu t = 40 - 90
o
C olduğundan, оnların əsasən istiliktəchizatı sistemində, qismən isə elektrik enerjisinin
istehsalında istifadəsi daha məqsədə uyğun olardı. Bu məqsədlə GeoES-in tikintisi zamanı həm
klassik buxar turbinlərindən, həm də hidrobuxar turbinlərindən istifadə edilə bilər. Son illərdə
aparılan tədqiqatlar göstərir ki, hidrobuxar turbinlərinin GeoES-də istifadəsi ümumilikdə qurğunun
faydalı iş əmsalını artırır və maye istilik daşıyıcısının enerjisindən daha səmərəli istifadə edilir
[8].
Respublikamızın geotermal enerji mənbələrinin digər xüsusiyətlərindən biri də ondan
ibarətdir ki, ~ 10-12 mənbədən (Qamervan, Çaqan, Xaçmaz, Ərkivan, Neftçala, Babazanan, Tərtər
və s.) termal su ilə yanaşı səmt qazı da çıxır və bu qazdan da GeoES-də səmərəli istifadə etmək
olar. Bu baxımdan ilk növbədə bu geotermal enerji mənbələrinin və temperaturu t > 70
o
C olan