28
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2016, № 6 (76)
NAKHCHIVAN STATE UNIVERSITY.
SCIENTIFIC WORKS, 2016, № 6 (76)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2016, № 6 (76)
HƏBİB HÜSEYNOV
hebib.huseynov.1972@mail.ru
SƏXAVƏT BAYRAMOV
LEYLABƏYİM SEYİDOVA
Naxçıvan Dövlət Universiteti
UOT:581
NAXÇIVAN MUXTAR RESPUBLİKASI ŞƏRAİTİNDƏ DƏNLİ BİTKİLƏRİN ƏSAS
ZƏRƏRVERİCİLƏRİNƏ QARŞI MÜBARİZƏ ÜSULLARI
Açar sözlər: zərərverici, yumurta, sürfə,
Byrsocrypta coerulecens, Anisoplia leucaspis,
Locusta migratoria
Key words: vermin, egg, larva,
Byrsocrypta coerulecens, Anisoplia leucaspis, Locusta
migratoria
Ключевые слова: вредитель, яйцо, личинка,
Byrsocrypta coerulecens, Anisoplia leu-
caspis, Locusta migratoria
Naxçıvan Muxtar Respublikasında kənd təsərrüfatının mühüm sahələrindən biri
taxılçılıqdır. Əsas ərzaq bitkisi olan buğdanın məhsuldarlığını artırmaq, yüksək keyfiyyətli
məhsul əldə etmək üçün, onlara ciddi iqtisadi zərər verən müxtəlif ziyanverici və xəstəlikləri
öyrənmək və onlara qarşı elmi əsaslarla müvafiq tədbirləri işləyib hazırlamaq elm qarşısında
duran vacib məsələlərdən biridir.
Naxçıvan MR-də dənli bitkilərin zərərvericilərini ilk dəfə Ə.Ə.Cəfərov tədqiq etmişdir.
O, muxtar respublika ərazisində dənli bitkilərə ziyan vuran 30 növ zərərverici
qeyd etmiş və
onların bioloji xüsusiyyətlərini öyrənmişdir (2). Ə.Ə.Cəfərovdan başqa muxtar respublikada ta-
xıl bitkilərinin zərərvericilərini bir sıra tədqiqatçılar S.H.Məmmədov, N.C.Vəzirov, Y.M.Məmmə-
dov, C.Ə.Quliyev və başqaları da tədqiq etmişlər.
Ədəbiyyat məlumatlarının araşdırmaları göstərir ki, muxtar respublika şəraitində taxıl
bitkilərinə daha çox ziyan aşağıdakı zərərvericilər: böyük taxıl mənənəsi-
Sitobium avenae
Fabr., qarağac mənənəsi -
Byrsocrypta coerulecens Pass., yaşıl qarğıdalı mənənəsi-
Rhopalosiphon maydis Fitch., ağqalxanlı sümürtkən-
Anisoplia leucaspis Cast.,taxıl sümürtkəni –
Anisoplia austriaca major Reitt., zəlicə böcəyi -
Oulema melonopus L., dağıstan tozcuqyeyəni -
Podonta daghestanus Reitt ., çöl şıqqıldağı -
Agroiotes gurgustanus Fald., buğda tripsi -
Haplothrips tririci Kurd., ziyankar bağacıq –
Eurygaster integricepis Put., merimoza -
Meromyza
saltatrix L., adi taxıl sovkası -
Agrotis segetum Schiff., hessen milçəyi -
Mayetiola destructor
Say., İsveç milçəyi –
Oscinosoma frit L., sivribaş bağacıq -
Aelia acuminata L., yaşılgöz
milçək –
Chlorops pumilionis Bjerk., italya çəyirtkəsi –
Calliptamus italicus L., bostan çəyirtkəsi
-
Locusta migratoria L., mavr bağacığı -
Eurygaster maurus L., taxıl böcəyi –
Zabrus
tenebrioides Goez vardır (2, s. 3-56).
Kənd təsərrüfatı bitkilərindən yüksək məhsul almaqla başlıca amil onların zərərvericilərinə
qarşı mübarizə tədbirlərinin işlənib hazırlanmasıdır. Mübarizə tədbirlərinin vaxtında və səmərəli
şəkildə aparılması yetişdirilmiş məhsulun qurudulub saxlanmasına əvvəlcədən zəmanət verir.
Ümumən qəbul olunmuş aşağıdakı mübarizə üsulları mövcuddur:
1.
Mexaniki mübarizə
2. Fiziki mübarizə
3.
Aqrotexniki mübarizə
4. Kimyəvi mübarizə
29
5.
Bioloji mübarizə
Bu mübarizə tədbirlərinin içərisində mexaniki və fiziki mübarizə üsullarının imkanları
məhdud və yüksək əhəmiyyət kəsb etmədiyindən, biz nəzəri məlumatlar və eksperimental təcrübə
əsasında üç əsas mübarizə üsulunu öyrənmişik.
I. Aqrotexniki
mübarizə üsulu
Mübarizə üsulları içərisində əsas yeri aqrotexniki mübarizə üsulu tutur. Bu mübarizə tədbir-
lərinə torpağın becərilməsi, növbəli əkin, alaq otlarının məhv edilməsi, gübrə normalarının verilmə-
si, səpin müddəti, sort davamlığı və s. daxildir ki, bunların vaxtında aparılması, müvafiq normalar
üzrə tətbiqi mühüm əhəmiyyət kəsb edir.
Tədqiq etdiyimiz sümürtkən böcəklərinə qarşı aqrotexniki mübarizə üsulları bir sıra alimlər
tərəfindən öyrənilmişdir.
M.Ə.Musayev (1982) göstərir ki, yazda dondurma şumunun bir dəfə kultivasiya edilməsi
nəticəsində sümürtkən böcəklərinin sürfələri 20-25%, üç dəfə kultivasiya nəticəsində isə 50-60%-ə
qədər məhv olur. Eyni zamanda müəllif qeyd edir ki, aprelin axırları və mayın əvvəllərində
sümürtkən böcəklərinin sürfələrinin puplaşdığı dövrdə sahələrin şumlanması nəticəsində puplar 87-
90%-ə qədər azalır (3).
Ə.C.Musayev (1981) göstərir ki, kövşənliyin 5-7 dərinlikdə üzlənməsi zamanı 1 m
2
-də
12,6% yumurta, 17,7% isə sürfənin məhv olmasına səbəb olur (4).
Buna görə də Şıxmahmud kəndinin əkin sahələrində yaz şumu aparılan zaman, torpağın üst
qatlarında məhv olmuş çoxlu miqdarda sümürtkən böcək sürfələri müşahidə etdik. Bunlar quşlar
tərəfindən yeyilir və ya quruyub məhv olurlar. Şumun üst səthinə yaxın 5-8 sm dərinlikdə də çoxlu
sümürtkən böcək sürfələri tapa bildik.
Növbəli əkin sisteminin də sümürtkən böcəklərinin sayının azalmasında əhəmiyyəti vardır.
Belə ki, bir bitkinin digəri ilə əvəz olunması zamanı zərərvericilərin çoxu, xüsusilə monofaq və
olifaq növlər tələf olurlar. Topladığımız materiallar göstərir ki, müntəzəm taxıl bitkiləri əkilən
sahələrdə sümürtkən və zəlicə böcəklərinin, payızlıq sovka və onların sürfələrinin sayı çox olur.
Şıxmahmud kəndində bir neçə il təkrar əkilən sahələrdə sümürtkən böcəklərinin sürfələrinin
sıxlığını müəyyən etmək üçün mart-aprel ayında hər hektarda 10 qazma işi 0,25 m
2
:50x50
aparmaqla 1 m
2
-də olan sürfələrin sayını müəyyən etməyə nail olduq və aşağıdakı nəticəni aldıq.
Cədvəl 1
Şıxmahmud kəndində bir neçə il taxıl
əkilən sahələrdə sümürtkən böcəklərin sürfələrinin sıxlığı
Əkin altında
olan sahə
Sahənin əkin
altında qaldığı
dövr
Müşahidənin
aparıldığı sahə
Müayinə
aparılmış tarix
1 m
2
-də
olan
sürfələr
Herik sahə
Payızlıq taxıl
Payızlıq taxıl
Payızlıq taxıl
I il
I il
II il
III il
Payızlıq taxıl
Payızlıq taxıl
Payızlıq taxıl
Payızlıq taxıl
20.III.15
25.III.15
30.III.15
05.IV.15
2,0
3,0
4,8
6,0
Cədvələ əsasən deyə bilərik ki, birinci il taxıl əkilən sahənin 1 m
2
-də 2 ədəd sürfə tapıldığı
halda, üçüncü il taxıl əkilən sahədə sürfənin miqdarı 6 ədədə çatmış olur. Bütün bunlarla bərabər
zərərvericilərin miqdarını azaltmaq üçün əkin sahələrini kənarlarındakı alaq otlarının təmizlənməsi,
yaz dövründə kultivasiyaların aparılması, müvafiq dövrdə mineral gübrələrin norma üzrə verilməsi
də xüsusi əhəmiyyət kəsb edir.
Eyni zamanda növbəli əkin sistemi, səpin müddəti, səpin normaları, sort davamlığı da zərər-
vericilərin növlərindən, bioloji və ekoloji xüsusiyyətlərindən asılı olaraq tətbiq edilməlidir. Aqro-
texniki mübarizə tədbirləri düzgün və vaxtında aparılarsa, onda digər mübarizə tədbirlərinə zəruri
ehtiyac olmaz.
II. Kimyəvi mübarizə üsulu