41
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2016, № 6 (76)
NAKHCHIVAN STATE UNIVERSITY.
SCIENTIFIC WORKS, 2016, № 6 (76)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2016, № 6 (76)
ZÜLFİYYƏ SALAYEVA
AMEA Naxçıvan Bölməsi
E-mail: z.salayeva@mail.ru
UOT:581
İRİDALİS SIRASINA DAXİL OLAN BİTKİLƏRİN TƏDQİQİ VƏZİYYƏTİ
Açar sözlər: geofit, bəzək bitkiləri, faydalı,
fəsilə, cins, növ, mühafizə, flora, sistematik
təhlil
Key words: geophyte, ornamental plants, useful, family, genus, species, protection, flora,
systematic analysis
Ключевые слова:
геофит, декоративных растений, полезный, семейство, род, вид,
охрана, флора, систематический анализ
İridalis sırasına Süsənkimilər (
İridaceae Juss.) fəsiləsinin bitkiləri daxildir
. İridalis sırasının
öyrənilməsi dekorativ bitkilər kimi daim diqqət mərkəzində olmuşdur. Zaqafqaziyada bu sahədə ilk
ekspedisiyaları XVII əsrin əvvəllərində fransız botaniki Turnofer həyata keçirmişdir. XVIII əsrin
axırı, XIX əsrin başlanğıcında görkəmli botanik F.K. Marşall-Biberşteynin
İridalis sırasının
öyrənilməsində böyük xidmətləri olmuşdur [26, s. 37-45]. İlk dəfə olaraq A.K. Rollov sıranın
təsviri və istifadəsi barədə məlumat vermişdir [22, s. 253-257]. A.A. Qrossheym isə bu bitkilərin
sistematikasını, yayılmasını və faydalı xüsusiyyətlərinin istifadə yollarını ətraflı şərh etmişdir [10, s.
89-96; 11, s. 331-343]. O,
İridalis sırasına
aid olan bitkilərdə baş verən dəyişkənliyi müəyyən
etmək üçün aşağıdakı göstəriciləri əsas götürmüşdür: çiçəyin uzunluğu (yumurtalığın
başlanğıcından üst ləçəklərə qədər), yarpaqların uzunluğu, çiçək saplağının üzərində olan çiçəklərin
sayı,
qutucuğun diametri, çiçək saplağı zoğunun hündürlüyü və s. Bütün bu göstəricilərin ən əsasını,
çiçək saplağı zoğunun üzərində olan çiçəklərin miqdarı təşkil edir. Belə ki, 41,96% zoğun üzərində
2 çiçək olanlar, 43,75% 3 çiçək olanlar, 13,39% 4 çiçək olanlar, 0,45% 1 və 5 çiçək olanlardır.
Ayrıca olaraq süsənlərin morfometrik əlamətlərini, çiçəkyanlığın alt yarpaqlarının eni və
uzunluğunu, çiçəkyanlığın üst yarpaqlarının eni və uzunluğunu, dişiciyin eni və uzunluğunu,
erkəkcik və tozluğun eni və uzunluğunu göstərmişdir [23, s.37-45].
Ü.M. Ağamirov, Z.T. Artyuşenko, B.D. Serdyukov, Z.M. Silina, Q.İ. Rodionenko və
başqaları
İridalis sırasının
tədqiqi ilə müəyyən illərdə məşğul olmuşdurlar. Q.İ. Rodionenko
İridalis
sırasına
aid olan Süsən cinsi üzərində elmi-tədqiqat işləri aparmış 400-ə qədər növ formalarının
koleksiyasını yaratmış, onların bioekoloji xüsusiyyətlərini, dekorativliyini, introduksiyasını
öyrənərək növlərin sistematikasını müəyyənləşdirmişdir [7, s. 27-33; 8, s. 7-31; 9, s. 17-18; 24, s.
133-138; 25, s. 179-187].
Wesselingh Renate, A. Arnold Michall
İris fulva və
İ. brevicaulis növlərinin Luiziana
ştatının cənubi və mərkəzi rayonlarında təbii hibrid populyasiyalar əmələ gətirdiyini göstərmişlər.
Həmçinin bu 2 növ və 4 hibrid sinfin nektar məhsuldarlığı öyrənilmiş və müəyyən edilmişdir ki,
İ.
fulva növündə nektar
İ. brevicoulis növündən daha az qatılığa malikdir. Məhsuldarlıq və nektarın
qatılığı 1-ci gündən dərhal sonra bütün növlərdə aşağı düşmüş, lakin çiçəklər tam solana qədər şirə
ifraz edilmişdir [29, s. 245-251].
XV əsrin sonlarında Antverpendə süsənlər haqqında çap olunmuş ilk kitabda onların
dekorativliyi haqqında məlumatlar verilmişdir. Hələ o zaman alimlər yanlız süsənlərin böyük bir
qrupunu müəyyən etməklə kifayətlənməmiş, eyni zamanda onları toxumdan cücərdərək (yəni özü
becərərək, yetişdirərək) çiçəklərin rəngi və formasına görə yeni variasiyalarını təyin edərək,
üzərində biokimyəvi analizlər də aparmışlar [23, s. 19-21].