52
çoxsaylı qısa yanbudaqlı bəzən inkişaf etməmiş, yaşlı
tikanları boz, üfüqi bəzən aşağı yönəlmiş,
birillikləri isə dik qalxmış seyrək ağ-tükcüklü olub, 5-9 sm uzunluğundadır. Ləçəkləri 2 sm
uzunluğunda, xətvari, yuxarı hissəsi isə uzun kirpiklidir. Kasacıq 17 mm uzunluğunda, bizvari
dişlidir. Çiçəkləri yarpaq qoltuğunda 5 ədəddir, şarşəkilli çiçək qrupunda yığılmışlar. Dişicik 2,5
sm uzunluğunda, üçküncdür. Qanadlar və qayıqcıq dişicikdən qısadır. Erkəkciklər 6 mm uzun-
luğunda, tərsyumurtavaridir. Birevlidir. Kserofitdir. Şimali-İran coğrafi areal tipinə daxildir. İyul
ayında çiçəkləyir və toxum verir. Naxçıvan dağlarında, Şahbuz rayonunun Türkeş və Ayrınc,
Babək rayonunun Çalxanqala kəndlərinin ətrafında 1500-1800 m hündürlükdə olan cənub
yamaclarında quru, daşlı sahələrdə yayılmışdır.
4.
A. flavirubens (Al.Theod., Fed. et Rzazade) Podlech.- Sarıqırmızı astrakanta. Hündürlüyü
25 sm kolcuqdur. Tikanları 2-4,5 sm uzunluqdadır, düzdür, yuxarıya doğru istiqamətlənmişdir və
ya əyilmişdir, yumşaq tükcüklüdür, cavanları yaşıl, köhnələri isə sarı və ya boz olub, qəhvəyi-sarı
rəngli itiucludur. Yarpaqları 7-8 cüt uzununa yatmış, iki tərəfi ağ-pırpızlı, ellipsvari və ya uzunsov-
ellipsvari, küt və ya qısa itiucludur. Çiçəkləri 2-4 ədəd olmaqla yarpaqaltlığında yerləşirlər,
uzunsov sünbülşəkilli və ya borulu-zəngçiçəkvaridir. Ləçəkləri yumurtavari, şişkin, çılpaq, azacıq
qatlanmış, itiucluqlu, samanvari-sarıdır, kasacıqdan qısadır. Dişicik 20 mm uzunluğunda çəhrayı və
ya çəhrayı xallı sarı, kasacıqdan 2 dəfə uzundur. Erkəkciklər pırpızlıdır. Tacı 20 mm uzunluqdadır,
çəhrayıdır və ya çəhrayı ləkəli sarıdır, Paxlası pənbərlidir. İyul ayında çiçəkləyir, avqust ayında isə
toxum verir. Bəzək bitkisidir. Kserofitdir. Atropatan coğrafi areal tipinə daxildir. Naxçıvan MR-in
“Qırmızı kitabına” daxil edilmişdir. Ordubad rayonunun Qapıcıq, Qaranquş və Soyuqdağ, Bist və
Şahbuz rayonunun Biçənək, Qızıl Qışlaq ərazilərində, 2300 m d.s.h yüksək dağlıq qurşaqda, daşlı,
quru yamaclarda yayılmışdır.
5.
A. gudrathi (Al.Theod., Fed. et Rzazade) Podlech - Qüdrət astrakantası. Yastıqşəkilli 25 sm
hündürlüyündə tikanlı koldur. Tikanları 2-3 sm uzunluğunda sıxılmış, birilliklər bənövşəyi-qırmızı
və ya qırmızı, seyrək-pırpızlı,
yaşlı tikanları isə boz, çılpaqlaşmış, çox və ya az əyilmişdir. Yarpaq
ayaları 8 mm uzunluğundadır, yumurtavaridir. Yarpaqları 7 cütdür, böz-tüklüdür. Ləçəkləri
uzunsov, ensiz, qayıq-şəkilli, azacıq əygəm 5-6 mm uzunluğunda qıvrım ağ tükcüklüdür. Kasacıq
5-6 mm uzunluğunda dişcikləri başlanğıca qədər müstəqil qalın ağ-yunludur. Dişicik 10 mm
uzunluğunda, kasacıqdan 2 dəfə uzundur. Paxlası qalın, ipəkvari-tüklüdür. Kserofitdir. Coğrafi
areal tipi məlum deyil. İyul-avqust aylarında çiçəkləyir və toxum verir. Ordubad rayonunun
Qapıcıq dağında, Novruzdağda, orta və yuxarı dağlıq qurşaqlarda, quru, daşlı yamaclarda
yayılmışdır.
6.
A. insidiosa (Boriss.) Podlech - Zalım astrakanta. Qalın budaqlı koldur. Budaqları 2-3,5 sm
uzunluğunda, seyrək tüklüdür. Yarpaq ayaları 14-15 mm uzunluğundadır. Yarpaqları 2-4 cüt,
xətvari, 8-16 mm uzunluğunda, 1-2 mm enində, uzun, və iti tikanlıdır. Çiçəkləri yarpaqların içində,
başcıq çiçək qrupunda toplanır. Ləçəkləri 8
mm uzunluğunda, çılpaq, şişkin və düzdür.
Kasacıq 14-15 mm uzunluğunda, 4,5 mm enində, yuxarı hissəsi ensizdir. Dişicik sarı, 14-15
mm uzunluğunda, səthi 4,5 mm enində, yuxarı hissəsi dartılmış, başlanğıcı genişlənmiş dairəvi
qulaqcıqlıdır. Toxumluq uzunsov, gövdəcik yuxarıya qədər tüklüdür. Kserofitdir. Kiçik-Asiya
coğrafi areal tipinə daxildir. İyul-avqust aylarında çiçəkləyir və toxum verir. Ordubad rayonunun
Urmus kəndi ətrafında, Culfa rayonunun Aracıq dağında, Şahbuz rayonunun Keçili, Nursu,
Biçənək kəndlərinin
subalp və alp qurşaqlarda quru, daşlı yamaclarda yayılmışdır.
7.
A. jucunda (Al.Theod., Fed. et Rzazade) Czer.- Şad astrakanta. Hündürlüyü
5-15 sm yerə
yatmış kolcuqdur. Qalın, çılpaq, yaşlı budaqları 1,5 sm diametrində, cavan, nazik budaqlarının
diametri isə 5mm-dir. Tikanları 2-3,5 sm uzunluğunda, aşağısı çox, yuxarısı isə az əyilmlşdir.
Yarpaq ayaları 8 mm uzunluğunda üçbucaq-neştər, ağ-pırpızlı, kənarı kirpikli, yuxarıdan yarpaq
oxları ilə bitişikdir. Çiçəkləri 10-12 ədəddir və şarşəkilli çiçək qrupunda toplanmışdır. Ləçəkləri
lansetvaridir və kasacığın borucuğundan hündürdür. Kasacıq 16 mm-ə qədər uzunluğundadır.
Toxumluq ayaqlı, uzunsov, ağ-tükcüklüdür. Gövdəcik başlanğıcdan dirsəkvari əyilmişdir, yuxarısı
isə oraqşəkillidir. Dişicik 17 mm uzunluğunda, qanadcıq və qayıqcıqdan uzundur. Erkəkciklər
uzanmış yumurtraşəkilli, ağ-pırpızlıdır. İyun-İyul aylarında çiçəkləyir və toxum verir. Kserofitdir.
Şimali- İran coğrafi areal tipinə daxildir. Culfa rayonunun Ərəfsə kəndi ərazisinə mənsub olan
53
Aracıq dağında və Şərur rayonunun Qaraquş dağı ərazisinin orta dağlıq qurşaqlarında, əhəngli
yamaclarda yayılmışdır.
8.
A. karabagchensis (Bunge) Podlech - Qarabağ astrakantası. Düz budaqlı 7-20 sm
hündürlüyündə tikanlı kolcuqdur. Tikanları 3-9 sm uzunluğunda, əyri, pırpızlı, adətən yaşıldır.
Yarpaq ayaları 12 mm uzunluğunda, ağ-pırpızlı, kənarları kirpiklidir. Yarpaqları 6-9 cüt, yaşıl, üst
səthi çılpaq, aşağısı isə seyrək pırpızlıdır. Çiçəkləri 6-9 olmaqla yarpaqların ortasında başcıq təşkil
edir və silindirvari çiçək qrupunda toplanmışdır. Ləçəkləri uzunsov, şişkin, 10 mm
uzunuluğundadır. Kasacıq 18 mm uzunluğunda, uzun ipəkvari-tükcüklü, sapvari-dişli, borucuğa
bərabər və ya 1,5 dəfə ondan ucadır. Toxumluq uzunsov, tüklü, əsasından tükcüklü gövdəciklidir.
İyun-İyul aylarında çiçəkləyir və toxum verir. Kserofitdir. Şimali- İran coğrafi areal tipinə daxildir.
Babək rayonunun Çalxanqala, Buzqov, Şahbuz rayonunun Ayrınc, Türkeş, Kükü və Nursu
ərazilərinin aşağı və orta dağlıq qurşaqlarında, daşlı və gilli yamaclarda, çınqıllı təpələrdə
yayılmışdır.
9
. A. meyeri (Boriss.) Podlech - Meyer astrakantası. Hündürlüyü 10-15 sm-ə çatan, 15-25 sm
diametrində olan yastıq formalı kolcuqdur. Budaqları qısa, çoxsaylı, 4 (6) sm uzunluğunda, 1 mm-
dən çox qalınlığı olan, tikanları qəhvəyi, çox və ya az ayparaşəkilli, boz tüklərlə örtülmüşdür.
Yarpaq ayaları enli yumurtavari əsasından lansetşəkilli, aşağıdan qalın, yuxarıdan nazik 8-9 mm
uzunluğunda, 7 mm enində lifli-tüklüdür. Yarpaqları 4(8) cüt 15 mm uzunluğunda, 5 mm enində
ellipsvari, bəzən təpəsində qısa tikanları var. Ləçəkləri 6-7 mm uzunluğunda, düzxətli, qayıqvari,
başlanğıcı çılpaq, yuxarısı liflidir. Kasacıq 6-9 mm uzunluğunda, xətvari, ağ- liflidir. Dişicik 13
mm uzunluğunda, tündçəhrayıdır və kasacıqdan 2 dəfə uzundur. Qanad və qayıqcıqlar dişiciyin
səthinə bərabərdir. Toxumluq boz tüklərlə örtülüdür. İyul-avqust aylarında çiçəkləyir və toxum
verir. Coğrafi areal tipi məlum deyil (Şəkil 1).
Şək. 1.
Astracantha meyeri (Boriss.) Podlech
Culfa rayonunun Aracıq dağında,
Şahbuz rayonunun Keçili, Kolanı,
Biçənək kəndləri ərazisinin
orta dağlıq qurşaqlarında əsasən cənub yamaclarında, qayalı yerlərdə yayılmışdır.
10.
A. karjaginii (Boriss.) Podlech - Karyagin astrakantası. Hündürlüyü 20-40 sm-ə qədər
olan alçaq boylu koldur. Qısa budaqlı, sıx tikanlıdır, yarpaq oxu ilə birlikdə cavan tikanları ağımtıl-
sarıdır, 3-7 sm uzunluqda olub, qaidəsi 2 mm qalınlıqdadır. Yarpaqaltlıqarı dərivaridir, sətbəst
hissəsi ensiz neştərvaridir, 1-2 mm uzunluqda və 8 mm enindədir. Yarpaqları 4-5 cütdür, ellipsvari
və ya uzunsov-neştərvaridir, çiçəkləri 5-6 ədəd olmaqla yarpaqların qolyuğunda sıx, demək olar ki,
4-5 sm enində kürəşəkilli çiçək qrupuna yığılmışdır. Kasacığı 13 mm-ə qədər uzunluqdadır, ağ