- 13 -
funksiyalar özünü ümumtəhsil məktəblərində daha aydın göstərir. Bеlə ki, siniflərdə, uşaq və
məktəb kitabxanalarında kеçirilən ifadəli оxular, sinifdənxaric оxu tədbirləri, müxtəlif dərnək
məşğələləri, uşaqları ardıcıl və sistеmli mütaliəyə cəlb еtməklə bərabər, оnlarda vacib оlan mənəvi
kеyfiyyətlər fоrmalaşdırır. Sistemli və ardıcıl mütaliə üçün kitabların sеçilməsi və tоplanması
sistemli və ardıcıl mütaliədə mühüm şərtdir. Sistеmli mütaliə nəticəsində оxucu öz bilik və
məlumatını, dünyagörüşünü daha dərindən fоrmalaşdıra bilir. Sistеmli mütaliə оxucunun müstəqil
mühakimə yürütmək
qabiliyyətini inkişaf еtdirir, оnun zəkasını və hissini zənginləşdirir.
Mütaliənin pеdaqоji funksiyası daha çоx kitabxanalar vasitəsilə həyata kеçirilir. Bu da ona
mənəvi mövqе qazandırır. Yaşadığımız dünyanın informasiya mübadiləsini göz önündə
canlandırsaq kitabxanaların rolunu daha düzgün qiymətləndirmiş olarıq. YUNESKO-
nun informasiya
cəmiyyətində
kitabxanaların
yeri haqqında
bəyanatında
“Kitabxana
informasiya cəmiyyətinin ürəyidir” fikrini irəli sürülmüşdür. Müasir dövrdə kitabxanalar
bəşəriyyətin elmi sərvətini toplayıb, qoruyub onları insanların istifadəsinə verməklə, elmin,
mədəniyyətin və yeniyetmələrin dünyagörüşünün formalaşması, elmin və texnikanın yeni
nailiyyətlərini, ətraf aləmdə baş verən təbiət və cəmiyyət hadisələrinin mahiyyətinin dərk
edilməsinə uyğun iş aparmaq, respublikamızın həyatında baş verən əlamətdar hadisələrin təbliğinin
günün tələbləri səviyyəsində qurmaq kimi mühüm vəzifələri yerinə yetirirlər. Gənclərin hərbi
vətənpərvərlik ruhunda tərbiyə edilməsində, vətənə məhəbbət, düşmənə nifrət hissinin
aşılanmasında, onların mütaliə mədəniyyətinin formalaşdırılmasında, yeniyetmələrin elmə, biliyə
marağın, həvəsin artırılmasında, gələcək peşə marağının tərbiyə edilməsində kitabxanalrın
fəaliyyəti danılmazdır. Uşaq və gənclər kitabxanaları tərbiyə prosesində milliliyə geniş yer verir,
gələcəyin qurucularını əsl azərbaycanlı kimi yetişdirməyə çalışır, onlara milli şüur, tərbiyə
verməyin qayğısına daha çox qalırlar. Bu gün kitabxanalarımız bəşəriyyətin yaratmış olduğu bütün
maddi və mənəvi sərvətləri yeni nəslə öyrətməli, onları bu sərvətin əsl varisi kimi tərbiyə etməlidir.
Bu isə müasir dövrün tələbidir.
ƏDƏBİYYAT
1.
Heydər Əliyev. Təhsil millətin gələcəyidir. Bakı, “Təhsil”, 2002, 580 s.
2.
Rzayev, S.M. Uşaqların və gənclərin mütaliə təminatı bəşəri problemdir /Sahib Rzayev
//Kitabxanaşünaslıq və informasiya: Elminəzəri və təcrübi jurnal.- 2010.- № 1.- S.63-
3. https://az.wikipedia.org/wiki/M%C3%BCtali%C9%99
4. Əhmədov E. Qlobal informasiya məkanı və müasir kitabxanaşünaslıqda mütaliənin yeni
təzahürləri // Kitabxanaşünaslıq və biblioqrafiya. – 2007. - №2. – S.3-14. Kitabxana və
cəmiyyət // Kitabxana.az jurnalı, B.: 2009.-№2
ABSTRACT
Sharabani Mammedova
The article deals with the development of children's and young readers' knowledge and new
knowledge in order to meet the intellectual needs of children and young people, expanding their
interest in the essay. Here the emphasis was placed on the importance of the supplementary reading,
along with the pedagogical, psychological approach to the reading process, along with the
curriculum of general, higher and secondary special schools. The author notes that the essay is such
a process that its results are reflected in human and social activities, and evaluate the effectiveness
of its outlook and work. However, the review should start with the family, first of all, with
educational institutions and libraries.
The author, who said he had
been negligent in the world, came
up with a number of examples and justified his ideas. Finally, the author concludes that providing
children and young people with a readiness is a common problem.
- 14 -
PEЗЮМЕ
Шарабани Маммедова
В статье рассматривается развитие знаний и новых знаний детей и молодых читателей
с целью удовлетворения интеллектуальных потребностей детей и молодежи, расширения их
интереса к эссе. Здесь основное внимание уделялось важности дополнительного чтения
наряду с педагогическим, психологическим подходом к процессу чтения, а также учебной
программой общих, высших и средних специальных школ. Автор отмечает, что эссе является
таким процессом, что его результаты отражаются в человеческой и социальной
деятельности, а также оценивают эффективность его взглядов и работы. Однако обзор
должен начинаться с семьи, в первую очередь, с учебных заведений и библиотек. Автор,
который сказал, что он был небрежным в мире, придумал ряд примеров и оправдал его идеи.
Наконец, автор приходит к выводу, что обеспечение детей и молодых людей с готовностью
является общей проблемой.
NDU-nun Elmi Şurasının 27 fevral 2018-ci il tarixli qərarı ilə çapa
tövsiyyə
olunmuşdur. (protokol № 06).
Məqaləni çapa təqdim etdi: Pedaqogika
üzrə fəlsəfə doktoru, professor E.Maqsudov
- 15 -
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2018, № 1 (90)
NAKHCHIVAN STATE UNIVERSITY.
SCIENTIFIC WORKS, 2018, № 1 (90)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2018, № 1 (90)
MEHDİ SƏMA
Naxçıvan Dövlət Universiteti
UOT: 372.8:81
XARİCİ DİLLƏRİN TƏDRİSİ PROSESİNDƏ
TƏLƏBƏLƏRİN ÖZÜNÜTƏHSİL HAZIRLIĞI
Açar sözlər: xarici dil, özünəməxsus fəaliyyət, problemli vəziyyət, öz-özünü təhsil
Key words: foreign language, self-activity, problemsituation, self-education
Ключевые слова: иностранный язык, самостоятельная работа, проблемная
ситуация, самообразование
Müasir təhsil prosesi öyrənənlərin hər hansı bir ixtisas üzrə dar, məhdud şəkildə bilik və
təcrübə qazanmasını deyil, əksinə müəyyən ixtisas sahəsi üzrə sosiallaşmasını vacib şərt kimi
qarşıya qoyur. Bunun üçün ilk növbədə təlim prosesində, necə deyərlər “gərginliyi” aradan
götürmək və uğur qazanmaq, yeni nailiyyətlər üçün atmosferi yaxşılaşdırmaq, proses üçün münbit
şərait yaratmaq lazımdır. Bu zaman təlimin elə bir sistemi yaradılmalıdır ki, öyrənənlər özünütəşkil
etmə prosesinə qoşulsun, şəxsi idraki fəallığı dominantlıq qazana bilsin. Yəni bugünkü təhsil
prosesi yalnız müəllimin səylərini deyil, öyrənənlərdə təlim fəaliyyətinə mötivlərin yaranmasına
diqqət yetirilməsini vacib sayır. Təhsilin belə bir sistem əsasında qurulması humanist konsepsiyaya
tam olaraq uyğun gəlir.
Tələbələrin təliminin təşkilin - materialın öyrənilmə ardıcıllığına, mümkün və davamlı
mənimsəməyə səfərbər edilməsi vacib tələblərdir. Bu tələblər təlimin problemli qurulmasını,
tədrisin həyati təcrübəyə uyğunluğunu, məntiqi və əyani təfəkkürə istinad edilməsini, fərdi və qrup
halında tələbələrin yaradıcılığının təşkilini vacib sayır, həmçinin təlimdə süni, qeyri - təbii olanların
aradan qaldırılması və səmərəli olanların ayırd edilməsini diktə edir.
Tədqiqatlarda da göstərildiyi kimi, xarici dillərin tədrisi prosesinə ənənəvi yanaşmada daha
çox məşqləndirici priyomlar, tərzlər, vasitələr başlıca prinsiplər kimi əldə rəhbər tutulurdu. Bu
prosesə (xarici dillərin tədrisinə) müasir tendensiya - yanaşma isə layihələr üsuluna əsaslanır.
Layihələr üsulunun başlıca xüsusiyyəti ondan ibarətdir ki, bu zaman problem qoyulur və onun
həllinə səy göstərirlir. Bir qayda olaraq problemin həlli yollları öyrənənlər tərəfindən araşdırılır. Bu
onu göstərir ki, öyrənənlərin özləri, yaxud müəllimin nəzarəti, həmçinin monoloji yaxud dialoji
şəkildə yaradılmış dərsliklərin köməkliyi ilə qoyulan problem müstəqil şəkildə mənimsənilir. Bu isə
biliyi yalnız əldə etmək deyil, eyni zamanda onu “yarada bimək”, formalaşdırmaqdır.
Xarici dili öyrənmək uzun müddətli prosesdir. Öyrənmənin nəticələri tezliklə hiss olunmur.
Tədris prosesinin səmərəliliyi elə stimullardan asılı olur ki, onlar fəaliyyətin motivləşməsini
gücləndirir, maraqların artmasına səbəb olur. Motivlər təlimə “rəhbərlik” edir, zehni fəaliyyəti
fəallaşdırır. Stimullar (hərəkətverici qüvvələr) tədris ili müddətində eyni cür ola bilər. Lakin onlar
bir şəkildən başqa bir şəklə düşə bilir, öyrənənlərin yaşına, səviyyəsinə, onların qrupunun
maraqlarına, tədris materialına uyğun gələrsə səmərəliliyi yüksək olur. Burada söhbət kompleks
motivlərdən gedir ki, onlar təlimin bütün sahələri üzrə tələbələrin idrak fəallığını, dilin
öyrənilməsində qabiliyyət və bacarıqlarının üzə çıxmasına kömək edir.
Son dövrlərin tədqiqatlarına əsaslanaraq hesab edirik ki, xarici dilin öyrənilməsi prosesində
bu növ motivlərlə yanaşı, tələbələrin idraki, intellektual, müəyyən nailiyyətə çatmaq tələbatı və
ünsiyyət qurmaq mədəniyyətinə yiyələnmək səyləri də xeyli artmışdır.
Qeyd edək ki, ümumən idrak tələbatları ixtisas motivləri ilə birbaşa əlaqədardır. Çünki tələbələr
məhz xarici dillərin köməyi ilə ixtisas biliklərini genişləndirir və dünyagörüşünü zənginləşdirirlər.
Müəyyən ixtisas sahəsi üzrə tələbələrin yeni biliklər alması tədris olunan xarici dil vasitəsi ilə də
mümkündür. Tədris olunan dil sahəsində ədəbiyyatların öyrənilməsi ixtisas üzrə informasiyaları əldə