- 16 -
etməyin başlıca yolu, əsas mənbəyidir. Bu növ motivlər tələbələrdə idraki, fikri müstəqilliyə kömək
etməklə bərabər, özünütəhsil vərdişlərinin yaranması və inkişafına da təsir göstərir.
İntellektual tələbatlar ümumən tələbələrin motivləri sferasında xüsusi yer tutduğu kimi,
xarici dillərin öyrənilməsi işində, bu prosesin reallaşdırılmasında da mühüm vasitədir. Tələbələrin
nitq fəaliyyətinin müvəffəqiyyətlə nəticələnməsi üçün onları müstəqil düşünməyə alışdırmaq,
öriyentri müəyyənləşdirmək, yəni nitq fəaliyyətinin qaydalarına əməl etmək lazımdır. İntellektual
qabiliyyətləri məhz bu cür reallaşdırmaq olar. Xarici dillərin tədrisi zamanı şüurluluq və fəallılıq
prisipi müstəqilliyin başlıca tələbi kimi meydana çıxır, tələbənin zehni inkişafının stimullaş-
dırılmasına, onun güclü müşahidəçilik qabiliyyətinə, hazırcavab, fərasətli, bacarıqlı, yüksək fəhmə
malik olmasına təsir göstərir. Xarici dillərin praktik öyrənilməsi isə belə bir cəhətlə bağlıdır ki,
tələbə öyrəndiyi dili mənimsəyərkən öz ixtisası üzrə əlavə informasiya mənbəyi qazanmış olur.
Tələbə xarici nəşrlərin materialları əsasında xülasələr, referativ işlər hazırlayır ki, bu zaman tələbə
yalnız xarici dili mənimsəmir, həm də ixtisas ədəbiyyatları üzərində işləmək imkanı əldə edir,
öyrəndiyi dilin terminologiyası ilə tanış olur, qazandığı ixtisas üzrə xarici təcrübədə ifadə olunmuş
anlayışlar sistemi haqqında biliklər əldə edir.
Bu gün xarici dillərin tədrisində müstəqil işlərin xüsusi çəkisi artır. Tələbə bu cəhəti özü
üçün aydınlaşdırmalıdır ki, bir xarici dili bilmək, bu dildə danışmaq üçün tək bir yol var -
öyrənmək. Dili mənimsəmək, deməli tələbənin səmərəli tədris fəaliyyətinin şərtləri daxilində
öyrənmə prosesinə - nitqin avtomatlaşmış (vərdişlər halına keçmiş) mərhələsinə daxil olması
başlanmışdır. Məhz “avtomatlaşdırma” tələbənin təlim fəallığının, öyrənmə fəaliyyətinin əsasını
təşkil edir. Tədqiqatçı İ. M. Berman bu məsələyə münasibət bildirərək yazır ki, tələbələrin səmərəli
müstəqil işləri zamanı əsas və xüsusi sahə kimi çalışmalar, məşqlər və təmrinlərdən bacarıqla
istifadə etmək üçün yardımçı təlim vasitələrindən (labarator işlərdən, proqramlaşdırılmış
vasitələrdən, yeni informasiya texnologiyalarından ) maksimum səviyyədə faydalanmaq lazımdır.
Bu halda müəllimin səyləri ağlabatan, məntiqi, səmərəli izahlar üzərində qurulmalı, işin nəticələrini
təhsis etmək, tələbələrə biliyin yollarını göstərməkdən ibarət olmalıdır (1, 230).
Müstəqil işlərinin təkmilləşdirilməsi məqsədilə tələbələrə metodiki köməklik göstərməli və
onlara fərdi qaydada müəllim tərəfindən nəzarət təmin edilməlidir. Tələbələrin biliyinə münasibət
müəllimin tədris fəaliyyətinə həmişəlik daxil olmuş funksiyasıdır. Bununla yanaşı, indiki şəraitdə
müəllimin funksiyasına belə bir keyfiyyət də aid edilir: tələbələrin mənimsəmə prosesinin idarə
olunması. Bu günkü təlim təcrübəsi göstərir ki, tələbələrin biliyinin keyfiyyəti nisbətən yüksəlmiş
və həcmi xeyli artmışdır. Ona görə də öyrənənlərin fasiləsiz təhsilə hazırlanması tələbi onların təlim
əməyinin, bilikləri mənimsəmə prosesininin idarə edilməsini yüksək səviyyədə təşkil etmək
zəruriyyəti yaradır. Ali məktəbdə təcrübi işlər və xüsusi təşkil olunmuş eksperimentlərin göstərdiyi
kimi, tələbələr heç də həmişə səmərəli təlim əməyinə qoşula bilmir, yaxud bunu etmək istəmir. Ona
görə də tələbələrin müstəqil olaraq biliklərinin artırılması, onların məqsədyönlü inkişafı üçün
müəllimlərin
metodiki köməyinə, nəzarətinə həmişə ehtiyac vardır.
Tələbələrin xarici dilləri mənimsəməsi üzrə müstəqil təlim fəaliyyətinin ( özünütəhsilinin )
mahiyyəti bizim fikrimizcə, tədqiqatçı V. M. Verqasovun izahında daha dəqiq və düzgün səslənir.
Tədqiqatçı yazır ki, inkişaf və təhsil heç bir kəsə hazır şəkildə verilmir. Hər kim buna yaxınlaşmaq
istəyirsə, öz gücü, imkanları və qabiliyyəti, gərgin əməyi, zəhməti sayəsində bu xüsusi fəaliyyət
sahəsinə çata bilər. Kənardan ancaq təhriklər ola bilər. Əgər belə demək mümkünsə, bütün tərbiyə
və təhsil incəsənəti çox və az dərəcədə təhriketmə incəsənətidir. Nə vaxt ki, insan öz gücü-qüvvəsi
ilə onu
ram etmirsə, onun deyil (2, 195).
Öyrənənlər fəal təlim fəaliyyətinin həm obyekti, həm də subyektidir. Müəllim tərəfindən
göstərilən bütün təsirlər bu əsasda həyata keçirilir. Yalnız obyektin fəaliyyətinin idarə olunması
prosesində ola bilər ki, müəyyən keyfiyyət dəyişiklikləri baş versin. Bu keyfiyyət dəyişiklikləri
biliyin mənimsənilməsində öz gücünü, iş qabiliyyətlərini yüksəltmək, müstəqil hərəkət etmək
bacarığına malik olmaqla bilavasitə əlaqədardır.
Müasir şəraitdə fasiləsiz təhsil anlayışının iki mühüm tərəfindən biri kimi özünütəhsilin
miqyası, xüsusi çəkisi xeyli artmışdır. Yaxşı düşünülmüş, yaxşı idarə olunan tədris prosesi
tələbələrin əqli qabiliyyətini nizama salır, onları elm və təcrübəyə bağlayır və beləliklə, öyrənən-
- 17 -
lərin biliyə doğru imkanlarını reallaşdırır. Həmçinin yaxşı idarə olunan tədris zamanı tələbələrdə
intellektual işə meyl və həvəs yaranır, intellektual axtarışlara maraq oyanır, gərginliyə tab gətirə
bilir, əzaba, zəhmətə qatlaşır ki, bununla da onlarda müstəqil iş bacarığı formalaşır. Bütün bu key-
fiyyətlər tələbənin ali məktəbdən kənarda da öz təhsilini davam etdirməyə, daha da zənginləş-
dirməyə kömək edir. Tələbənin müstəqil işlərinin idarə edilməsi ali məktəbdə özünütəhsil bacarıqla-
rının inkişaf etdirilməsində yeganə yol, vasitədir.
Qeyd edək ki, tələbələrin tədris fəaliyyətinin idarə edilməsi və ona nəzarətlə bağlı elmi-
pedaqoji ədəbiyyatda maraq doğuran fikirlər var. Tanınmış rus alimi N. F. Talizinaya görə,
idarəetmənin mövcudluğu üçün aşağıdakı şərtlərin təmin olunması zəruridir:
- idarə etmənin
məqsədini müəyyənləşdirmək;
- idarə olunan
prosesin ilk, əsas
vəziyyətini müəyyənləşdirmək;
- təsirlərin proqramını müəyyənləşdirmək, prosesin əsas təsir
amillərinə nəzər yetirmək;
- idarə olunan prosesin vəziyyəti haqqında informasiyanın alınmasını təmin etməklə sistemli
əks-əlaqəyə təminat yaratmaq;
- informasiyaların işlənib hazırlanmasını, təhsis edilmiş, nizamlaşdırılmış təsirlərin tərtibi və
reallaşdırılmasını əmin etmək (3, 11).
Digər rus alimləri ( C, L. Rubinşteyn, A. Y. Luk, V. Q. İoffe və başqaları) tədqiqatlarında
özünüidarə anlayışından bəhs edərək təsdiq edirlər ki, özünüidarə bilavasitə insanın qabiliyəti ilə
bağlıdır
və onu refleks -özünümüşahidə, özünütəhlil də adlandırmaq olar.
Xarici dillərin tədrisi zamanı diqqəti çəkən anlayışlardan biri də (tdridə, nitqdə) situasiya
anlayışıdır. Tədris situasiyası əməkdaşlıq çərçivəsində və yaxud münaqişələrlə müşayət oluna bilər.
Bu səbədən də həmin anlayışların məzmununda birtərəflilik və problemlilik xüsusiyyət kimi üzə
çıxır. Problem situasiyası anlayışı isə özünün problemlilik səviyyəsi ilə, problemin qoyuluşu ilə
digər anlayışlardan fərqlənir.Tələbə əvvəllər əldə etdiyi, qazandığı biliklər əsasında özü problem
farmalaşdırır və onun həllinə girişir, yalnız özü həll edir və nəhayət doğru-düzgünlüyünə özü
nəzarət edir, yoxlayır.
Tədqiqatların öyrənilib ümumiləşdirilməsi nəticəsində belə bir qənaətə gəlmək olur ki, xarici
dillərin təlimində tədris situasiyaları nitqin məzmunundan və formasından asılı olaraq bir sıra
çətinliklərin yaranması ilə müşayiət olunur. Bu cür çətinliklərin aşağıdakı səviyyələrini göstərmək olar:
Birinci səviyyə - problem situasiyanın yaradılması məlum predmet sahəsində tələbənin özü
üçün
məlum olmayan vasitələri, faktları ( məsələn dil birliyini ) üzə çıxarmasıdır.
İkinci səviyyə - bu səviyyə öyrənənlərin əvvəlki biliklərinə əsaslanmaqla özü üçün məlum
olmayan dil vasitələrininin məzmununu üzə çıxarmaqdır. Bu zaman problem situasiyası öyrənilən
xarici dil üzrə mürəkkəb üsulların və fikirlərin formalaşdıılmasını tələb edir.
Üçüncü səviyyə - bu səviyyə ədəbiyyatda öz həllini tapmış və xüsusi predmet sahəsi
yaradılmış idraki məsələlərin yaranması ilə bağlıdır. Bu prosesdə tələbə - öyrənən xüsusi idrak
məsələləri və düşündürücü suallar qarşısında qalır və deməli, yeni problem situasiysına, çətinliyə
düşür. Məsələn, “ Nə üçün müəllif məhz bu seçimi etmişdir?” kimi sual üzərində düşünən tələbə
özü üçün çox əhəmiyyətli olan xüsusi bir problemlə qarşılaşmışdır.
Xarici dil ixtisas sahəsi olmayan ali məktəblərdə öyrənilən əcnəbi dil üzrə nitq fəaliyyətinin
əsas növü oxu materialıdır. Burada bütün proses, yəni tələbənin müstəqil işi oxu materialının
öyrənilməsi ilə tamamlanır. Ona görə də tələbələrin bu sahədə təlim əməyinin səmərəliyinin
qayğısına qalmaq lazımdır. Əgər öyrənənlərin müstəqil təlim fəaliyyətinin intenfikasiyası
(səmərəliliyi), dəqiqləşdirsək, tələbələrin müstəqil işlərinin məzmunu oxu materialının öyrənilməsi
ilə bağlıdırsa, onda qeyri-xarici dil ixtisaslarında oxu təliminin məzmununun hansı şərtlərə bağlı
olduğunu müəyyənləşdirmək də xüsusi vaciblik qazanır.
Müşahidə və təhlillərimiz göstərir ki, burada oxu təliminin məzmunu aşağıdakı şərtlərlə
bilavasitə əlaqədardır:
- fəaliyyətin həyata keçirilmə vasitələrini (leksik və qramatik) mənimsəmək və dil ( oxu)
materialının başa düşülməsi ilə bağlı olan bacarıq
və qabiliyyətlərə yiyələnmək;
- fəaliyyətin həyata keçirilmə üsullarını - mətnin başa düşülməsi ilə bağlı olan bacarıqları
mənimsəmək;