Biz belə hesab edirik ki, S.Hantinqtonun islam və başqa si-
vilizasiyalann Qərbin demokratiya dəyərləri və bazar
iqtisadiyyatı ilə bir araya sığmaması haqqında təşvişi əsassızdır.
Çağdaş dünyada heç bir sivilizasiya özünün spesifikliyinə
baxmayaraq dünyada baş verən qlobal iqtisadi və siyasi
modernləşmə prosesindən kənarda qala bilməz.
Avropada sənayeləşmənin nəticəsi kimi milli dövlətlər
yarandı. İndiki dövrdə isə inteqrasiya prosesi sürətlə davam edir.
F.Fukuyama yazır: «İqtisadi qüvvələr əvvəlcə
millətçiliyi
yaratdılar, sinifləri milli maneələr əvəz etdilər, mərkəzləşmiş, dil
cəhətdən homogen birlik qurdular. Həmin iqtisadi qüvvələr
vahid, inteqrasiya olunmuş dünya bazarı yaratmaq vasitəsilə milli
maneələri (baryerləri) dağıtmağa yönəldilər. Millətçiliyin iflası
yaxın zamanın işidİD>.^'* Deməli, F.Fukuyamanın fikrincə milli
dövlətlərin hamısı yaxın gələcəkdə qüdrətli dövlətlərin təsiri
altında qloballaşmağa məhkumdur.
İndiki dövrdə dünya yalnız təbii seçmə mexanizmi kimi
bazara uyğunlaşan qabiliyyətli adamlara deyil, həmçinin öz
ölkəsində zamanın tələblərinə cavab verən sivil qaydalar qurmağı
bacaranlarla, belə qaydalan qurmağa qabiliyyəti olmadığı üçün
daha qüdrətli olanın himayəsində olmağa məcbur olanlara
bölünübdür. Bu barədə xeyli vaxtdır ki, Afrika haqqında
danışırlar, son dövrlərdə isə belə ölkələr siyahısına Müstəqil
Dövlətlər Birliyi (MDB) ölkələri də daxil edilmişdir.
Yüksək inkişaf səviyyəsinə çatmış ölkələr ilə az inkişaf etmiş
və yaxud geri qalmış ölkələr arasındakı ziddiyyətlər, münaqişələr
Qərbin daha uzaqgörən alimlərini və siyasi xadimlərini narahat
edir. Amerika politoloqu Z.Bjezinski (1928) deyir: «Mübaliğəsiz
olaraq təsdiq etmək olar ki, Qərb cəmiyyətinin daha şüurlu
dairələrində tarixi narahatlıq, bəlkə də hətta bədbinlik hiss
olunmağa başlayıb. Bu inamsızlıq soyuq müharibənin qurtarması
nəticəsində geniş yayılan ümidsizlik ilə qüvvətlənməkdədir.
Konsensus və harmoniya ilə yaradılan «yeni dünya nizamı»
keçmişdə qalan hadisə hesab edilmək
Dostları ilə paylaş: