rəstliyi və ya təmənnasızlığı əsaslandıran nəzəriyyədən yaranan
fəlsəfənin olduğunu göstərir. Fəlsəfəni isə şəxsi xarakterin
xüsusiyyətləri deyil, məhz nəzəriyyə maraqlandırır.
Bəzi alimlər təsdiq edirlər ki, həyatımızın müəyyən
sahələrində fərd ümumi əxlaqi tələblərdən nə qədər tez imtina
edib öz şəxsi marağına uyğun hərəkət etsə daha tez uğur qazana
bilər. Bu siyasət (Makiavelli), iqtisadiyyat (A.Smit), mənəvi
həyat (F.Nitsşe) sahələridir. C.S.Mill eqoizmin zəruriliyini sübut
etməyə çalışaraq göstərirdi ki, insan öz xoşbəxtliyini arzu edir,
deməli onun öz xoşbəxtliyi arzu ediləndir. Sonra, insan yalnız öz
xoşbəxtliyini arzu edir, deməli, onun öz'xoşbəxtliyi yeganə arzu
ediləndir.
Beləliklə, mütəxəssislər eqoizmi əsaslandıran dörd fəlsəfi
nəzəriyyənin olduğunu göstərirlər: 1) eqoizm nəzəriyyəsinin
birinci növü insan təbiətinin empirik təsvirinə əsaslanır;
2)
ikinci nəzəriyyə sözçülüyə əsaslanır, «arzu etmək», «xoşa
gəlmək», «istəmək» kimi sözlər vasitəsilə nəticə çıxarılır;
3)
üçüncü nəzəriyyəyə görə mənfəətpərəstliyin yalnız motivləri
ağlabatan olur; 4) dördüncü nəzəriyyə təsdiq edir ki, mən-
fəətpərəstlik yaxşı, təmənnasızlıq pis keyfiyyətdir.
Utilitarizm və antiutilitarizm. Utilitarist (lat. «utilitas»-fay-
da) filosoflar arasında İeremiya Bentam (1748-1832) və
C.
S.Mill (1806-1873) daha çox tanınırlar.
Utilitarist filosoflar xüsusi əxlaqi prinsiplərin zəruriliyini
qəbul etmirlər. Məsələn, «yalan danışma», «ədaləti sev» və
yaxud «öz vədini yerinə yetir» kimi prinsiplər onların fikrincə
yaşamağa mane olur. Utilitaristlər hesab edirlər ki, daha çox
insanın daha çox xoşbəxt olmasına gətirib çıxaran fəaliyyət
həmişə doğru olur. Buna daha çox xoşbəxt olmaq prinsipi deyilir.
Dünyada yeganə mütləq və daxilən qiymətli şey xoşbəxtlik və
zövq almaqdır. Yerdə qalan bütün qiymətli şeylər o vaxt dəyərli
olur ki, xoşbəxtlik gətirsin.
İeremiya Bentam rifahı zövq ilə eyniləşdirirdi. O, hesab edirdi
ki, elə alternativ seçmək lazımdır ki, zövq əzabdan maksimum
dərəcədə üstün olsun. C.S.Mill xoşbəxtliyi zövqdən daha geniş,
əhatəli və dayanıqlı rifah hesab edirdi. «Utilitarizm
468
«daha çox rifah» anlayışını «kəmiyyət baxımından müəyyən
etməyə cəhd göstərəndə ciddi çətinliklərlə qarşılaşır. Əgər rifah
xoşbəxtliklə eyniləşdirilsə, onu necə ölçmək olar? İqtisadçı
utilitaristlər maksimum zövqdən və yaxud üstünlükdən
danışırlar. Lakin zövqün müxtəlif növlərini ekvivalent və
bir-birini qarşılıqlı əvəzləyə biləcəyini mümkün hesab etmək
olar- mı?...»^’
Utilitarizm hətta məqsədi təsvir edəndə də vasitə və məqsəd
arasında dəqiq fərq qoymur. Hər bir əməli işə «daha çox insana
daha çox xoşbəxtlik» prinsipinə uyğun olaraq qiymət verilir.
Utilitarizmi tənqid edən C.Mur diqqəti bu təlim üçün
xarakterik olan metodoloji üsula yönəldir: «xeyin>in meyarı
kimi daha çox sayda insan üçün daha çox xoşbəxtlik, və
«xoşbəxtlik nədir?», «əxlaqi davranış nədir?», «xeyirxahlıq
nədir?» və başqa suallara məhz həmin mövqedən cavab verilir.
Mur «Əxlaq fəlsəfəsinin təbiəti» əsərində göstərir ki, hər bir
əxlaqi davranış və xeyirxahlıq növü nəticədə heç də əvvəlkinə
nisbətən daha çox adam, hətta bir adam üçün mütləq xoşbəxtlik
gətirmir. Çox vaxt belə olur ki, əxlaq prinsiplərinə əməl etmək
və xeyirxah həyat tərzi xoşbəxtlik ilə mükafatlandırılmır, və
yaxud əksinə, xoşbəxtlik əxlaqi davranışlara görə əldə edilmir,
yəni əxlaq və xoşbəxtlik heç də üst-üstə düşmür. Ona görə də
Mur həm də utilitarizmi «naturalist səhv» üçün ittiham edir və
onun fayda ilə xoşbəxtliyi birləşdirmək cəhdini yanlış hesab
edir. Lakin o, etiraf edir ki, bir sıra başqa nəzəriyyələr ilə
müqayisədə utilitarizm daha məqbul təlimdir.
Utilitarizmə zidd olan nəzəriyyələrdə motivin, vəzifənin və
prinsipin əhəmiyyəti xüsusi qeyd edilir. Belə nəzəriyyələr
adətən vəzifə (borc) nəzəriyyələri adlandırılır.
Antiutilitarist filosofların ən məşhuru şübhəsiz ki, Kant
olmuşdur. Onun fikrincə xoşbəxtlik və zövq axtarmaq mənasız
işdir, çünki belə iş adətən uğursuz nəticələnir. Kant deyirdi ki,
xoşbəxtlik öz-özlüyündə dəyərli bir şey deyil. Əgər onun dəyəri
olsaydı biz cəmiyyətdə görkəmli yer tutan və özünü xoşbəxt
hesab edən alçaqlara rast gəlməzdik. Pis adamların xoş-
И.Барбур. Этика в век технологии. М., 2001. с.43.
469
bəxt olması və yüksək rifaha çatması insanların əksəriyyətini
məyus edir. Kantın fikrincə dünyada yeganə mütləq dəyər -
xeyirxah iradədir. Xeyirxah iradə - qətiyyətlə düzgün davranmaq
arzusudur. Vicdanlı adamlar lazımı davranışı əsas tutur və
müəyyən prinsiplərə əməl edirlər. Kanta görə bu prinsiplər
ağlabatandır və bütün ağıllı məxluqlar onlara əməl etməlidir.
Doğrudur, onlara həmişə əməl olunmur.
Kantın tələbləri belədir: həmişə düzgün olmaq; həmişə təmiz
olmaq; yalan vədlər verməmək; alicənab və arzuedilən olmaq; öz
istedadını boş yerə sərf etməmək; canini və cəzaya layiq
başqalannı cəzalandırmağa hazır olmaq; heyvanlara qarşı
mərhəmətli olmaq; intihar etməmək.
Kant hesab edirdi ki, ağıllı varlığa aydın olmalıdır ki, əxlaq
qaydalannda istisna olmamalıdır.
Göründüyü kimi Kant utilitarizmə qarşı çox kəskin çıxış
edirdi. İndiki dövrdə də bu məsələdə onun tərəfdarları çoxdur.
Hedoniznt (yun. «hedone» - zövq). Yunan filosofu Epiku- run
əxlaq fəlsəfəsi əsasən sadə, təvazökar, lakin zövqlə yaşamağı
tövsiyyə edir. Epikur zövqü faydalı nemət hesab edir və eyni
zamanda göstərirdi ki, zövqə ifrat dərəcədə can atmağın
arxasınca əzab gəlir.
Hedonizmə görə yalnız zövq almaq xeyir hesab edilməlidir.
Zövq yeganə şeydir ki, biz ona can atmalıyıq; o yeganə
məqsəddir, öz-özlüyündə xeyirdir.
Hedonizm - eqoizm və utilitarizm formasında çıxış edir.
«Hedonizm forması kimi eqoizm təsdiq edir ki, bizim hər birimiz
daha çox xoşbəxtliyə nail olmaq və son məqsədimizə çatmaq
üçün çalışmalıyıq. Doğrudur, bu təlim bəzən belə məqsədə
çatmağın ən yaxşı üsulu kimi başqalarının zövq almasını təmin
etməyi qəbul edir; məsələn, belə hərəkət etməklə biz insanların
rəğbətindən, azadlıqdan, özünə hörmətdən yaranan zövqü
özümüz üçün də təmin edə bilərik».^*
Fəlsəfi təlim kimi hedonizmin iki növü var: \)psixoloji
hedonizm təsdiq edir ki, həqiqətdə insanlar öz həyatında yalnız
zövqə doğru can atırlar, əzabdan qaçmağa çalışırlar; 2) etik
' Дж.Мур. Природа моральной философии. M., «Республика», 1999, c.116.
470
Dostları ilə paylaş: |