100
strategiya və taktika ifadələri öz klassik mənalarını daha da genişləndirmiş və
demək olar ki, bütün mühüm sahələrdə işlədilir. Dövlətin təşkili və
idarəolunması sahələrində də bu kimi ifadələr geniş yer alır. Dövlətin
idarəolunmasının makro forması strategiya, ondan kiçik olan forması isə
taktika hesab olunur. Ümumiyyətlə, siyasətdə məzmunlu proseslərin ifadə
olunması məqsədilə strategiya və taktikanın vəhdət halında işlədilməsi
mövcuddur. Dövlət özünün daxili və xarici siyasət strategiyasını müəyyən edir.
Bütün resurslarını bu strategiyanın taktiki yollarla icrasını həyata keçirir. Bu
baxımdan da qəbul etmək olar ki, strategiya müəyyənedici, təsbitedici
müddəalardan ibarətdir. Taktika isə icraedici, təminedici müəddəaları özündə
cəmləşdirir.
Dövlətin kompleks xarakter kəsb edən bütün sahələrində strategiya və
taktika ifadələri işlədilir. Strategiya ümumi məzmunlu müəyyənedici
sənədlərdə bütövləşdirici məzmunu ifadə edir. Strategiya konstitusiyaların,
konsepsiyaların, proqramların, doktrinaların, fəaliyyət planlarının və digər bu
kimi sənədlərin başlıca məğzini ifadə edir. Bu sənədlərin əksəriyyəti həm də
taktiki sənədlər kimi qəbul edilə bilər. Belə qənaətə gəlmək olar ki, strategiya
daxilində strateji və taktiki sənədlər toplusu mövcuddur. Məsələn,
konsepsiyalardan doktrinalar törəyə bilər. Bu halda doktrinalar həm strateji,
həm də taktiki məzmunlu olur. Konsepsiyalardan çərçivə üzrə, sahələr üzrə
strateji sənədlər yarana bilər. Bu baxımdan da qəbul etmək olar ki, strateji
sənədlər universal konsepsiyalara və çərçivə strategiyalarına bölünür.
Taktiki məzmunlu sənədlər baza olaraq qaydalar müəyyən edir. Onu da
nəzərə alsaq ki, strateji sənədlərin müddəaları da qaydalar müəyyən edir, yollar
göstərir, üsullar təqdim edir, onda qərara gələ bilərik ki, strategiya və taktika
bir o qədər də bir-birindən fərqlənmir. Ümumi, məcmu ifadələr toplusu,
konseptuallığı əks etdirən sənədlər strateji, qaydalar müəyyən edənlər isə
taktiki əhəmiyyət kəsb edə bilirlər. Taktikanı törəmə baxımından strategiyanın
tərkibi kimi görmək lazmdır. Məsələn, konstitusiya strateji bir sənəddir. Ondan
qanunlar və digər qanunvericilik aktları meydana gəlir. Bu halda strategiyanın
törəməsi yaranır. Törəmə vasitələrinə həm strateji, həm də taktiki sənədlər
kimi baxmaq lazımdır. Çünki strateji sənədlərdən doğan sənədlərin özləri də
(məsələn, konstitusiya və qanunlara istinadən qəbul olunmuş dövlət rəhbərinin
qərarları) strateji əhəmiyyətlidir.
Strategiya və taktika anlayışlarının məzmunu ilə bağlı bu kimi
ümumiləşdirici yanaşmalar etmək olar:
-strategiyanın bir anlayış kimi forması müddəalar məcmuəsindən
ibarətdir;
-takikanın forması da müddəalardan ibarətdir; çünki planlardan, icra
qaydalarından formalaşır;
101
-strategiya universallaşdırıcıdır; taktika isə tərkiblərə ayırandır, bu
baxımdan məxsusidir;
-strategiya da məxsusidir;
-strategiyanın tərkibi əhatəlidir və bu tərkibin icrası taktika ilə təmin
edilir;
-taktika bir anlayış kimi tətbiqedicidir;
-taktika tərkib hissələrə ayrılan elementlərin əks olunmasıdır;
-strategiya daha çox uzun hədəfli, uzaq zamanlı və uzaq məsafəlidir; bu
baxımdan da tərkibini genişləndirəndir;
-taktika tərkibin əsasıdır; icra olunan proseslərin zamanına bağlıdır;
-strategiyadan taktikalar meydana gəlir və yeni ümumiləşdirilmələr və
məxsusiləşdirilmələr ortaya çıxır;
-strategiya icraya başlayanda (normaları, müddəaları yerinə yetiriləndə)
taktikaya çevrilir və s.
Dövlətin strateji və taktiki sahələri
Dövlət strateji sahələrin məcmusundan ibarət olan bir kompleksləşdirici
bütövdür. Dövlətin güclü fəaliyyəti onun artan tərkib elementləri ilə və
fəaliyyətinin artan treyektoriyası ilə müəyyən olunur. Düzgün müəyyən
edilmiş və tələbata cavab verən strategiya dövləti gücləndirir. Dövlət özü
daxilən və zahiri bütöv etibarilə strateji bir fenomendir.
Ona görə ki,
elementlər çox vacibdir və elementlər öz-özünü təmin etməyə yönəlir. Bu
aspektdə dövlətin inkişafı məqsədilə daima ardıcıl və silsilə xarakterli strateji
proqramlar (dövlətin makro iqtisadiyyatına və digər makro sahələrinə,
məsələn, təhsilə aid olan universal və əhatəli proqramlar), layihələr qəbul
olunur və icrası təmin edilir. Dövlət bir varlıq və ali siyasi qurum olaraq
pilləli, iyerarxiyalı əsaslı strateji sahələr məcmusundan formalaşır. Dövlətin
strateji sahələrinin genişlənməsi elə ümumi elementlərin (burada əhalinin
artmasından tutmuş, resursların, resursları idarə edən strukturların,
potensialın, potensialı yaradan elementlərin çoxalması da daxil olmaqla)
genişlənməsindən formalaşır.
Dövlətin tərkib elementləri vəhdət prinsipləri altında baza və üst
elementlərə bölünə bilir. Baza elementlər başlıca olaraq dövlətin baza
dayaqlarını təşkil edir. Baza dayaqların hərəkət vəziyyətində olması üst
hissələrin də hərəkətdə olmasını təmin edir. Üst hissələr də hərəkət
dövriyyəsinin genişlənməsi sayəsində bazaya çevrilir. Burada elementlər
silindr formasında cəmləşirlər. Dövlətin strategiyası baza sahələrin
stimullaşdırılmasından, yenidən qurulmasından, üst proseslərə cavab olaraq
yenidən istiqamətləndirilməsindən asılıdır. (Qeyd: dövlət hüquqi tənzimləməni
yeniləmək və yeni norma və qaydaları müəyyən və tətbiq etmək məqsədilə
daima islahatlar həyata keçirir. Strategiyanı yeniləyir. Yenilənmiş strategiyanın
Dostları ilə paylaş: |