16
Dövlət insanların təbii hüquqlarını müəyyən edir. İnsanların fəaliyyət
nəticələrinə münasib olan resurslara münasibətdə paylarını müəyyənləşdirir.
Dövlət insanların resurs əldə etmələrinin əsaslarını formalaşdırır. Resurs-insan;
insan-resurs əlaqələrinin tənasüblüyünü müəyyən edir. Bu baxımdan da dövlət
norma müəyyənedici tərəf rolunu oynayır. Dövlət hüquq normaları ilə
sərhədlər hədlər, ölçülər müəyyən edən tərəf kimi əhəmiyyətə malik olur.
Dövlət müdafiəedici, təminedici, qoruyucu, fəaliyyəti genişləndirici, məkanları
böyüdücü və məkanları çoxaldıcı, artırıcı rol oynayır. Məsələn, insanların
hüquqlarını müəyyə etməklə, onların sistemlərdə olan məkanlarını da
müəyyənləşdirir.
Dövlət fəaliyyətinin səciyyəvi fəlsəfi xüsusiyyətlərinə bunları aid etmək
olar:
İ
darəçilik fəaliyyəti, bu baxımdan,
-təşkilatlanma;
-sistemləşdirmə və strukturlaşdırma;
-mühafizəetmə və qoruma;
-tənzimləmə;
-koordinasiyaetmə;
-inteqrasiya və əməkdaşlıq;
-təminat;
-hüquqları müəyyənetmə və nizamlama;
-resurs əldəetmə;
-fondlar yaratma;
-məkanı genişləndirmə;
-məlumatlandırma;
-istiqamətləndirmə;
-fəaliyyət xətlərini artırmaq və element axınlarını gücləndirmək;
-sərhədlər kənarında xarici əlaqələri genişləndirmək;
-digər sistemlərlə (burada dövlətlərlə və beynəlxalq təşkilatlarla) əlaqələri
təşkil etmək;
-humanitar məzmunlu əməkdaşlıq və s.
Dövlət təşkilatçılığın, idarəçiliyin ruhu ilə öz fəlsəfəsini yaradır. Dövlətin
fəlsəfəsi forma və məzmunda, hərəkətlərdə, aktlarda meydana gəlir. Dövlət
fəlsəfəsi düşüncələrdə ona görə ali olur ki, insanlar bütün çıxılmaz
vəziyyətlərdə yalnız öz dövlətlərinə arxayın olurlar. Öz dövlətlərini insanlar
bəzən özlərindən üstün də tuturlar. Lakin bir çox ölkələrdə hakimiyyətin xalqla
qeyri-rəvan əlaqəsi insanlarda dövlətə olan inamı və etibarı azaldır. Bu halda
insanlar çaşqın vəziyyətində qalırlar. Bir çox depressiya hallarında, böhranlı
vəziyyətlərdə insanlar öz cəmiyyətlərinə arxalanırlar və cəmiyyətləri onları və
dövlətlərini xilas edirlər. Cəmiyyət böhranlı anlarda öz potensialını səfərbər
edir və tərkib strukturları ilə dövlətin tənəzzülünün qarşısını alır.
17
Dövlətin quruluş fəlsəfəsi
Hamı üçün bəlli olan belə bir prinsipdən çıxış etmək olar. Hər bir vahid
böyüdükcə öz tərkibini genişləndirir. Çünki böyümə tərkib elementlər hesabına
baş verir. Hərəkətlərin, fəaliyyətin sayı çoxalır. Bu çoxalma həm də əlavə
olunan elementlər hesabına baş verir. Dövlət tam idarəetmə ünsürüdür.
Məkana və məkan üzərindəki elementlərə təsir etmək xassələri idarəetmənin
ə
sas məğzini təşkil edir. Quruluş idarəetməni özündə ehtiva edir. Quruluş
idarəçilik ruhunu yaradır. İdarəetmə də quruluşu zəruri edir. Bu iki qarşılıqlı
anlayış vəhdətdir. Bir-birinə xidmət fəlsəfəsinin üzərindədir. Belə bir sual
üzərində fikir mübadiləsi aparmaq olar:-nəyə görə dövlət struktura malikdir?
Cavabı ondan ibarət ola bilər ki, idarəçilik trayektoriyalarını uzatmaq
məqsədilə (burada iyerarxik pilləkəni böyütmək və sahələrdə maraqları
artırmaq nəzərdə tutulur), eləcə də maraqları fəlsəfi kateqoriyalara (subyekt,
obyekt, məkan, zaman, şərait, vəsait, qanunauyğunluq və s.) müvafiq olaraq
təmin etmək üçün dövlət quruluşa malikdir. Dövlət quruluşu hakimiyyətin
təşkilati əsaslarını da meydana gətirir. Dövlətin tərkib elementləri və
vəsaitləri, vəsaitlərin əldə edilməsi, sərf edilməsi və digər ehtiyacları ödəyən
faktorlar dövlətin quruluş fəlsəfəsinin əsaslarını ortaya qoyur. Dövlətin
quruluşu prinsipləri nəzəri və praktik real məsələlərdə onun hakimiyyəti təşkil
etmək və ərazini inzibati və siyasi əsaslarla formalaşdırmaq xassələinə
bağlıdır. Dövlət quruluşu dövlətin siyasi-fiziki formasını-unitar, federativ,
idarəçilik üsulunu-monarxiya, respublika, qarışıq- əks etdirməklə iki
istiqamətə ayrılır. Dövlətin unitar və ya da federativ olması da elə idarəetmə
prinsiplərinə söykənir. Dövlətin ərazi quruluşu dövlətin tərkibini təşkil edən
xalqlardan asılıdır. Burada toplu hal özü elə quruluşu meydana gətirir. Dövlət
birinci növbədə ərazisinin siyasi quruluşunu müəyyən edir, sonra da onun
idarəolunmasını müəyyənləşdirir. Bu baxımdan fiziki aspekt idarəçilik
formasına cavab verir və idarəçilik forması fiziki quruluş üzərində meydana
gəlir. Dövlətin hakimiyyəti onun ərazi quruluşu prinsipindən də meydana gəlir.
Yəni, əvvəlcə dövlət mövcud olur, onun elementləri məkanda cəmləşir, sonra
da bu elementlərin istiqamətləndirilməsi, məkanlarda tənzim olunmasının
hüquqi əsasları meydana gəlmiş olur. Dövlətin idarəçilik quruluşu onun
ünsürlərinin sahələr üzrə əlaqələr formasından meydana gəlir.
Dövlətin quruluş fəlsəfəsi özündə dövlətin struktur fəlsəfi şüurunu əks
etdirməklə, onun tərkib elementlərinin xidmət əsaslarını ifadə edir. Dövlət
məcmu və yekun fəlsəfi-fiziki quruluşa malikdir. Çünki dövlətin maraqları
sahələri çoxdur. Maraqlar daxilən və ətraflar üzrə genişlənmə funksiyasına
malik olur. Daxili maraqların böyüməsi elə xarici maraqların artmasını təmin
edir və zəruriləşdirir. Dövlət öz tərkib elementləri ilə həm universal, həm də
bütöv və tərkib məzmunu etibarilə düşüncə obyekti rolunu oynayır. Dövlətin
quruluşu pilləli idarəetmənin əsaslarını özündə vəhdətləşdirir. Dövlətin
Dostları ilə paylaş: |