20
enerjisini cəmiyyətdən götürür. Kadr özünün potensial mənbəyini cəmiyyətdə
axtardığından, dəstək üçün cəmiyyətə üzünü tutur.
Cəmiyyətdə və dövlət hakimiyyətində kadrların yetişməsi mərhələləri
Kadr dedikdə, burada mərkəzi və yerli, eləcə də mərkəzi ixtisaslaşdırılmış
idarəetmə aparatı daxilində işçi heyəti nəzərdə tutulur. Buraya administrativ
(inzibati) şəxsi heyət (aparatın ştat cədvəlində vəzifə tutan şəxslər) aid olunur.
Eyni zamanda bir qurumun tabeçiliyində olan aidiyyatı qurumlarda çalışan
nomenklatur işçilər də həmin aparatın kadr heyəti hesab olunur. Bu baxımdan
da aparatdaxili kadrları mərkəzi və ətraf (yan, qanad) mütəxəssislərə
ayırmaq olar. Kadr bazası həm mərkəz həm də yan (qanad) potensial hesabına
yaranır. Ehtiyat kadrlar anlaşıyış formalaşmış olur. Kadrların hazırlanması,
ixtisaslarının artırılması və əvəzlənməsi, yerlərinin dəyişdirilməsi müəyyən
mərhələlərlə həyata keçirilir. Ümumiyyətlə, bu mərhələlər xaraktercə iki
hissəyə ayrılır: texniki (strukturlu) və məzmunlu (tərkib mahiyyətinin dərk
olunmasına görə).
Texniki hissə daha çox formanı əks etdirir. Həm də özündə
sistemli əmək fəaliyyətini, sistemli təşkilati funksiyanı cəmləşdirir. Texniki
əsaslar iyerarxik qaydada tabeli strukturlar arasında olan əlaqəni özündə
ehtiva edir. Bu, həm də idarənin, aparatın işçi (ştat vahidi üzrə) strukturunu
meyddana gətirir. Subyektlərin fəaliyyətini ifadə edən vasitələr və onlar
arasında olan əlaqələri təşkil edən vasitələr də bu texniki qrupa ayrılır.
Mərhələlər həm də iyerarxik vəzifələrlə də müəyyən olunur. Burada məkan və
vəzifənin hüquq və səlahiyyətləri amili də mühüm kriteriya rolunu oynayır.
Böyük vəzifələrdə həm hüquqlar böyük olur, səlahiyyətlər geniş olur, təsiretmə
və tənzimləmə obyektləri çoxluq təşkil edir, həm də buna rəğmən məsuliyyət
və öhdəlik də artır. Böyük vəzifələr öz daxilində digər vəzifələri və resursları
cəmləşdirir. Bu baxımdan da vəzifələr bölgüsünü özündə ehtiva edən mərkəzi
idarəetmə, əlaqələri və münasibətləri tənzimləmə qurumları meydana gəlir.
Kadrların hakimiyyətin üç qolunda qarşılıqlı əvəzlənməsi, rotasiya
prinsiplərinin tətbiqi, kadrların yerlərinin dəyişdirilməsi (həm qolların
daxilində, həm də qolların arasında) onlar tərəfindən idarəçilik prosedurlarının
dərindən mənimsənilməsini təmin edir. Kadrlar ayrı-ayrı vəzifələrdə həm
bağlılığı, sistemli müstəvini dərk edirlər, həm də fərdi və kollektiv vəzifələr
sistemində hüquqların vəhdətini anlamış olurlar. Buradan da şəbəkəli
idarəetmənin (yuxarı və aşağı prinsiplər üzrə) genişlənmiş müstəvi üzrə
əhatəsi meydana gəlmiş olur. Kadrların yerdəyişməsi zamanı vəzifələr və
hüquqlar da dəyişmiş olur ki bu da nəticə etibarilə fərqli hüquqların və
vəzifələrin eynilik və fərqlilik prinsipləri üzrə mənimsənilməsinin əsaslarını
meydana gətirmiş olur.
21
Kadrların (burada həm də dövləti idarə etmək üçün siyasətçilərin, ali
dövlət məmurlarının) yetişməsində bu kimi aşağıdakı addımlar atılır:
İ
nzibati əsaslar
İlk növbədə siyasətin formalaşmasının mərkəzi və yerli əsasları umumi və
konkret məxsusi qaydada təlim-tədris obyektinə çevrilir. Praktiki işlərin həyata
keçirilməsi, vəzifələrin tutulması və icrası həmin vəzifələrin funksiya və
öhdəliklərinin öyrənilməsi zərurətini özündə ehtiva edir. Ölkənin inzibati ərazi
vahidləri üzrə idarəolunmasının əsasları pilləli qaydada öyrədilir.
İdarəetmənin tərkib hissələri (məkan və vəzifələr bölgüsü üzrə) öyrədilir.
Mərkəzi (unitar və federal əsaslarla) və yerli prinsiplər ayırd edilir, onlar
arasında olan idarəçilik dövriyyəsi sistemli olaraq mənimsədilir. Onu da nəzərə
almaq lazımdır ki, idarəçilik özündə həm təşkilati məzmunu və formanı da əks
etdirir. İdarə aparatlarında həm daxili bölmələr arasında əlaqələrin
tənzimlənməsi mövcud olur, həm də idarələrin kənar məsələləri tənzimləməsi
prosesləri həyata keçirilir. Məsələn, prezident administrasiyalarında həm
administrasiyadaxili strukturun bölmələri qarşılılqı olaraq idarə olunur, burada
aparat bütövlüyü yaranır. Həm də administrasiya ilə dövlət idarəçiliyini təşkil
edən digər tabeli qurumlar (burada nazirliklər, komitələr, şirkətlər, səhmdar
cəmiyyətlər və s.) arasında olan əlaqələr tənzim olunur. Dövlət idarələri həm
özlərini idarə edirlər, həm də səlahiyyətləri üzrə ətrafları idarə edirlər. Bu
baxımdan da dövlət idarəçiliyində daxili və ətraf obyektlər üzrə idarəçilik
həyata keçirilir. Ətraf obeyktlərin tənzim olunmasına həm də subidarəçilik
adını da vermək olar.
İ
nzibati idarəçiliyin öyrədilməsi məqsədilə bu kimi konkret proseslər
təmin edilir:
-dövlətin inzibati idarəçiliyinin –burada inzibati ərazi bölgüsü üzrə
idarəçilik nəzərdə tutulur-öyrənilməsi təmin edilir. İnzibati idarəçiliyə yerli-
bələdiyyə və icra hakimiyyəti (dövlət hakimiyyətini təmsil edən yerli icra
qurumu) üzrə idarəçilik aid olunur. Dövlətin əyalətlər və vilayətlər üzrə
idarəçiliyinin öyrədilməsi prosedurları yerinə yetirilir. Qurumların
əsasnamələri və nizamnamələri, onların hüquqi əsasları mütəxəssislər
tərəfindən mənimsədilir. Subyektlərin vəzifə bölgüləri ayırd edilməklə
öyrədilir;
-dövlətin mərkəzdən (federal və unitar əsaslarla) idarəolunmasının
öyrədilməsi təmin edilir. Piramidal və şaxəli idarəetmənin əsasları, müxtəlif
prinsipləri öyrədilir;
-dövlətin mərkəzi icra hakimiyyəti qurumları və həmin qurumların yerli
idarələri üzrə öyrədilməsi-mərkəz-yerli inzibati ərazi bölgüsü üzrə