downloaded from KitabYurdu.org
* * *
da sakitliyi gözləməyin son dərəcə vacib olduğunu başa düşüb
telefonlarını
söndürdülər.
Doqquzuncu
mərtəbədə
Qasımlı
yoldaşlarına sakit olmağı işarə ilə başa salıb sağdan ikinci qapıya
yanaşdı və əlindəki açarla qapını açıb mayorla Neməti sakitcə boş
otağa dəvət etdi.
Sonra onlar balkona keçdilər. Burada Qasımlı sakit olmağı bir daha
işarə etdi. Bir- birinə bitişik olan balkonlar nazik beton arakəsmə ilə
ayrılırdı. Sağdakı balkondan taqqıltı səsi gəldi. Deyəsən, kimsə stulun
yerini dəyişdi. Sonra yenə sakitlik çökdü.
Bütün şəhər onların ayaqları altında qalmışdı. Şəhərin bir tərəfini
divar kimi tutan təpənin arxasında Bakı-Tbilisi yolu aydın görünürdü.
Asfalt yolda hər iki istiqamətdə maşınlar şütüyürdü. Asfaltdan o
tərəfdə böyük çöllük, çöllüyün ortası ilə uzanıb gedən torpaq yol
görünürdü. Bu Baharlı kəndinə gedən yol idi. Yolun solunda bir yerdə
kiçik qaraltı nəzərə çarpırdı ki, bu da yəqin, həmin tənha çinar ağacı
idi.
Qasımlı plaşının cibindən binoklu çıxarıb ətrafı bir qədər müşahidə
etdi. Bu zaman o çalışırdı ki, şəhərdən baxan olsa onu görməsin.
Sonra yanındakılara işarə ilə başa saldı ki, otağa keçib sakitcə divanda
otursunlar. Özü isə otaqdan stul götürüb yenidən balkona çıxdı. Stulda
oturub binoklu dizlərinin üstünə qoydu. Bu hərəkətləri o elə ustalıqla
etdi ki, azacıq da olsun səs çıxarmadı.
Otaqdakılar üçün hər bir dəqiqə bir il kimi gəlib keçirdi. Mayorla
Nemət arxası onlara tərəf oturmuş Qasımlının kürəyinə baxmaqdan
bezmişdilər. Qasımlı isə onların otaqda olduqlarını unudubmuş kimi
sakitcə oturmuşdu. Yalnız hərdən saatına baxırdı.
Nəhayət, saat on bir oldu. Qasımlı yavaşca ayağa qalxıb yenə
binoklla müşahidəsini davam etdirməyə başladı. On dəqiqə keçməmiş
asfaltda bir qırmızı«Jiquli» göründü. O torpaq yola buruldu və Baharlı
kəndinə tərəf getməyə başladı. Maşın çinar ağacına çatanda dayandı.
İçəridən bir adam çıxıb əlində portfel ağaca yaxınlaşdı. Portfeli kolun
altına qoyub maşına qayıtdı.
Maşın bir qədər irəli
getdikdən sonra dönüb
downloaded from KitabYurdu.org