“Əmrahbank” SƏhmdar banki açIQ
Yüklə 0,98 Mb. Pdf görüntüsü
|
- Bu səhifədəki naviqasiya:
- “ƏMRAHBANK” SƏHMDAR BANKI AÇIQ SƏHMDAR CƏMİYYƏTİ
- Maliyyə lizinqləri
- Satıla bilən investisiyalar
- Əmlak, avadanlıq və qeyri-maddi aktivlər
“ƏMRAHBANK” SƏHMDAR BANKI
31 DEKABR 2008- CI İL TARİXİNƏ BİTƏN İL ÜZRƏ MALİYYƏ HESABATLARINA QEYDLƏR (DAVAMI) ( Azərbaycan manatı ilə )
12
Maliyyə aktivləri Maliyyə aktivlərinin (və ya müvafiq olduqda maliyyə aktivlərinin bir hissəsi və ya analoji maliyyə aktivləri qrupunun bir hissəsi) tanınması aşağıdakı hallarda dayandırılır:
Aktivlərdən pul vəsaitlərinin əldə edilməsi hüquqları başa çatdıqda;
əldə etmək hüququnu saxladıqda, lakin “ötürmə” müqaviləsi üzrə üçüncü tərəfə əhəmiyyətli gecikməyə yol vermədən tam ödəniş aparmaq öhdəliyini öz üzərinə götürdükdə; və
bağlı bütün mühüm riskləri və mükafatları ötürmədən və özündə saxlamadan yalnız aktivlər üzrə nəzarəti köçürdükdə.
Maliyyə aktivinin tanınması maliyyə aktivi ötürüldükdə və tanınmanın dayandırılması üçün tələblər yerinə yetirildikdə dayandırılır. Ötürmə Bankdan ya: (a) aktivlə bağlı vəsaitin əldə edilməsi üçün müqavilə hüquqlarını ötürməyi; və ya (b) aktivlə bağlı pul vəsaitləri üçün hüquqları özündə saxlamağı, lakin bu pul vəsaitlərinin üçüncü tərəfə ödənilməsi ilə bağlı müqavilə öhdəliklərini öz üzərinə götürməyi tələb edir. Ötürmədən sonra, Bank ötürülmüş aktiv üzrə saxladığı riskləri və mükafatları yenidən qiymətləndirir. Əgər risklərin və mükafatların əsas hissəsi saxlandıqda aktiv balansda qalır. Əgər bütün risklər və mükafatlar ötürülübsə, bu halda aktiv silinir. Əgər bütün risklər və mükafatlar saxlanmayıb və ötürülməyibsə, Bank aktiv üzrə nəzarətin saxlanıb-saxlanılmadığını qiymətləndirir. Əgər nəzarət saxlanılmayıbsa, aktiv silinir. Bank aktiv üzrə nəzarəti saxladıqda isə aktivi iştirak dərəcəsində tanımaqda davam edir.
Maliyyə öhdəlikləri - öhdəliklər yerinə yetirildikdə, ləğv edildikdə və müddəti qurtardıqda silinirlər.
Mövcud maliyyə öhdəliyi eyni kreditor qarşısında tamamilə fərqli şərtlərlə başqa öhdəliklə və ya mövcud öhdəliyin şərtlərini əhəmiyyətli şəkildə dəyişməklə digər öhdəliklə əvəz olunarsa, bu cür dəyişmə və ya dəyişiklik ilkin öhdəliyin silinməsi və yeni öhdəliyin tanınması hesab olunur və onların balans dəyərləri arasındakı fərq mənfəət və zərər haqqında hesabatda tanınır.
Maliyyə lizinqləri aktivin mülkiyyət hüququna xas olan bütün mühüm risklərin və mükafatların köçürüldüyü lizinqlərdir. Mülkiyyət hüququ tədricən köçürülə və ya köçürülməyə bilər. Lizinqin əməliyyat və ya maliyyə lizinqi olması müqavilənin formasından daha çox əməliyyatın mahiyyətindən asılıdır. Lizinqlər aşağıdakı hallarda maliyyə lizinqi kimi təsnif edilir:
İcarə müddətinin sonunda lizinq üzrə aktivin mülkiyyət hüququ icarədara verildikdə;
İcarəçi aktivi seçimin reallaşdırıldığı tarixdə ədalətli dəyərdən daha aşağı olması gözlənilən qiymətlə almaq seçiminə malik olduqda, belə ki, icarənin ilkin mərhələsində seçimin reallaşdırılmasına dair kifayət qədər əminlik vardır;
Aktivin mülkiyyət hüququnun köçürülməməyinə baxmayaraq icarə müddəti aktivin istismar müddətinin əksər hissəsini əhatə etdikdə; “ƏMRAHBANK” SƏHMDAR BANKI
31 DEKABR 2008- CI İL TARİXİNƏ BİTƏN İL ÜZRƏ MALİYYƏ HESABATLARINA QEYDLƏR (DAVAMI) ( Azərbaycan manatı ilə )
13
İcarənin ilkin mərhələsində minimum icarə ödənişlərinin cari dəyəri ən azı bütün icarəyə götürülən aktivlərin ədalətli dəyərinə bərabər olduqda; və
İcarəyə götürülən aktivlər xüsusi tipli aktivlər olduqda, belə ki, yalnız icarədar mühüm təkmilləşdirmələr aparmadan onlardan istifadə edə bilər. Bank icarədar olaraq maliyyə lizinqlərini kreditlər kimi təqdim edir və onları ilk olaraq lizinqdəki xalis investisiyaya bərabər məbləğdə qiymətləndirir. Daha sonra, tanınmış maliyyə gəliri mühasibat dövrlərinə elə paylanır ki, maliyyə lizinqində Bankın xalis investisiyası üzrə sabit dövrü dərəcəni əks etdirə bilsin.
Başlanğıc tarixinədək gələcəkdə maliyyə lizinqinə köçürülmək məqsədilə alınmış əmlak, tikili və avadanlıq maliyyə hesabatlarında maya dəyəri ilə maliyyə lizinqinə köçürülmək üçün alınmış əmlak və avadanlıq kimi tanınır.
Satıla bilən investisiyalar qeyri-müəyyən müddətə saxlanılması nəzərdə tutulan borc və kapital investisiyalarından ibarətdir. Bu qiymətli kağızlar dəyərsizləşmə ehtiyatı, məzənnə fərqləri və effektiv faiz dərəcəsilə hesablanan faiz gəlirləri istisna olmaqla, ilk olaraq ədalətli dəyərlə qeyd olunur və daha sonra bu qiymətli kağızlar satılana qədər yenidən qiymətləndirilməklə ədalətli dəyərlə birbaşa kapitalda göstərilir. Satıldıqdan sonra isə əvvəlcə kapitalda tanınmış gəlir/xərc birbaşa mənfəət və zərər haqqında hesabatda tanınır. Bank satıla bilən investisiyaların ədalətli dəyərini müəyyən etmək üçün rəsmi bazar məzənnələrindən istifadə edir. Əgər belə aktiv bazar yoxdursa, rəhbərlik müvafiq qiymətləndirmə metodlarından istifadə edir. Qiymətləndirmə metodlarına müstəqil və məlumatlı tərəflər arasında ən son qısamüddətli kommersiya əməliyyatları, qiymətləndirilən alətlə əhəmiyyətli dərəcədə eyni olan digər alətin hazırkı ədalətli dəyərinə istinad, diskontlaşdırılmış pul vəsaitlərinin və opsion qiymətlərinin təhlili üsulları daxildir. Əgər aləti qiymətləndirmək üçün bazar iştirakçıları tərəfindən istifadə olunan ümumi qiymətləndirmə metodu mövcuddursa və həmin metod faktiki bazar əməliyyatlarından əldə olunan qiymətlə bağlı etibarlı hesablamaları nümayiş etdirə bilərsə, Bank həmin metoddan istifadə edir.
Bazarlarda satışı təşkil olunmayan səhm qiymətli kağızları dəyərsizləşmə zərərləri çıxılmaqla, əgər varsa, ədalətli dəyəri düzgün qiymətləndirmək mümkün olmadıqda, ilkin dəyərlə göstərilir.
Bu cür qiymətli kağızların dəyərsizləşməsinə dair obyektiv sübut olduqda, əvvəllər kapitalda tanınmış yığılan zərər kapitaldan çıxarılır və dövr üzrə mənfəət və zərər haqqında hesabatda tanınır. Dəyərsizləşmədən sonra baş verən hadisələrlə obyektiv əlaqəsi olan borc alətləri üzrə bu cür dəyərsizləşmə zərərlərinin bərpası dövr üzrə mənfəət və zərər haqqında hesabatda tanınır. Kapital alətləri üzrə bu cür dəyərsizləşmə zərərinin bərpası mənfəət və zərər haqqında hesabatda tanınmır.
Əmlak, avadanlıq və qeyri-maddi aktivlər yığılmış köhnəlmə və amortizasiya və tanınmış hər hansı dəyərsizləşmə zərəri çıxılmaqla ilkin dəyərlə tanınır.
Yüklə 0,98 Mb. Dostları ilə paylaş:
|