21
Kombinə olunmuş müalicə üçün preparatların seçimini
tutmaların tipini (tiplərini) nəzərə almaqla aparmaq lazımdır,
preparatların sayı isə iki, yaxud maksimum üç EƏP ilə
məhdudlaşmalıdır (B).
Qanda EƏP-lərin konsentrasiyasının müəyyən edilməsi
EƏP-lərin tətbiqi zamanı onların qanda konsentrasiyasını
müntəzəm olaraq müəyyən etmək lazım deyil. Belə müayinənin
aparılması aşağıdakı hallarda məqsədəuyğundur (D):
Fenitoin dozasının korreksiyası;
Müalicə rejiminə əməl edilməsinin qiymətləndirilməsi və
toksikliyin müəyyən olunması.
Provokasiya olunan tutmalarla pasiyentlərin aparılması
Alkoqol abstinent (“aclıq”) sindromu və ya delirium tremens (“ağ
isitmə”) zamanı tutmaların əmələ gəlmə riskini azaltmaq üçün qısa
müddət ərzində benzodiazepinlərdən istifadə etmək olar (B).
Kəskin beyin insultunun inkişafı və ya neyrocərrahi müdaxilə
hallarında profilaktik məqsədlə EƏP-lərin təyin edilməsi göstəriş
deyil (B).
Baş beyin silkələnməsi keçirmiş pasiyentlərdə tutmaların
müalicəsi üçün EƏP-lərin tətbiqi göstəriş deyil (D).
EƏP-lərin əlavə təsirləri
Pasiyentləri EƏP-lərin potensial əlavə təsirləri haqqında
məlumatlandırmaq və dəridə səpgilər, somnolentlik (yuxululuq),
qusma kimi əlamətlərin, xüsusilə də müalicənin ilk həftələrində, əmələ
gəlməsi hallarında təcili surətdə tibbi yardım üçün müraciət etmək
lazım olduğu haqqında ciddi şəkildə xəbərdar etmək lazımdır (C).
Osteoporozun inkişafını minimallaşdırmaq üçün EƏP qəbul
edən pasiyentlərə qidalanmanın xarakteri və həyat tərzinin
dəyişdirilməsi ilə bağlı tövsiyələr vermək lazımdır (D).
Qara ciyər funksiyasının müntəzəm müayinəsi və qanın ümumi
analizinin aparılması tələb olunmur (C).
EƏP-lərin qəbulunun dayandırılması
►
Tam elektro-klinik remissiya – tutmaların olmaması və EEQ-nin
normallaşması – əldə etməyə çalışmaq lazımdır.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
22
►
Dozanın azaldılmasından əvvəl EEQ müayinəsi (yuxu zamanı
qeyd olunmanın daxil edilməsi ilə daha yaxşıdır) aparmaq
tövsiyə olunur.
►
EƏP-lərin dozasının azaldılması və ya qəbulunun dayandırılması
müddətləri ciddi şəkildə fərdi olaraq müəyyən edilir və
epilepsiyanın forması və xəstəliyin gedişi xüsusiyyətlərindən
asılıdır.
►
İdiopatik fokal formalar, uşaqların absans epilepsiyası (UAE)
zamanı – tutmaların olmamasından 2-4 il keçdikdən sonra EƏP-
lərin dozasını azaltmağa başlamaq olar.
►
Simptomatik fokal epilepsiyalarda, gənclərdə rast gələn idiopatik
yayılmış epilepsiyaların variantları zamanı isə 3-4 illik
remissiyadan tez olmayaraq, EƏP-lərin dozasını azaltmağa
başlamaq olar (GME – gənclərin mioklonik epilepsiyası ilə bağlı
məsələ müzakirə mövzusudur).
►
EƏP qəbulunun tam dayandırılması tədricən, bir il ərzində həyata
keçirilir.
EƏP qəbulunun dayandırılmasından sonra xəstəliyin residivi
riskini qiymətləndirmək üçün proqnostik meyarlardan istifadə etmək
lazımdır (A).
Stasionara qəbul üçün göstərişlər
Yaşı 12 aydan aşağı
Tutmadan 1 saat sonra "Glasgow Coma Scale" üzrə 15 baldan
az olması
Yüksək kəllədaxili təzyiq (papillodema, gərgin əmgək)
Oyanıqlıq, qusma
Meningizm əlamətləri (Kerniq simptomu, fotofobiya, boyun
əzələlərinin rigidliyi)
Aspirasiya əlamətləri (tənəffüs çatışmazlığı, hipoksiya
əlamətləri)
Mürəkkəb tutma (15 dəqiqədən artıq davam edən tutma və ya
ocaqlı və ya bir gün ərzində təkrarlanan tutma)
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
23
EPİLEPSİYA ZAMANI PSİXİ POZUNTULAR
Epilepsiya zamanı psixi pozuntulara epilepsiya üçün spesifik və
intellektual-mnestik defektlə əlaqədar şəxsiyyət dəyişiklikləri,
affektiv pozuntular və epileptik psixozlar aiddir.
Epilepsiyalı xəstələrdə psixi pozuntular aşkar edildikdə pasiyenti
həkim-psixiatrın qəbuluna göndərmək lazımdır.
XBT-10-un psixiatriya bölməsində epilepsiya "Baş beynin
zədələnməsi və ya disfunksiyası, yaxud fiziki (somatik) xəstəlik
nəticəsində digər psixi pozuntular" rubrikasında verilmişdir. Bu
vəziyyətləri göstərilən dəyişikliklərin serebral əsasda baş verməsinə
görə birləşdirirlər. Onlar təsadüfi şəkildə bu və ya digər xəstəlik,
yaxud disfunksiya ilə yanaşı əmələ gəlmirlər və həmin pozuntulara
qarşı psixopatoloji reaksiya adlandırılırlar.
Gicgah epilepsiyası zamanı sadə parsial tutmalar çərçivəsində
düşüncənin pozuntusu ilə müşahidə olunan müxtəlif psixopatoloji
əlamətlər meydana çıxır.
Şəxsiyyət və davranış pozuntuları
Şəxsiyyət və davranış pozuntuları premorbid davranışın adət
edilmiş şəklinin əhəmiyyətli dərəcədə dəyişilməsi ilə xarakterizə
olunur. Epilepsiyalı xəstələrdə ilk növbədə mnestik-intellektual
sfera, emosiyalar, həvəs və seksual davranış pozuntuları daha
qabarıq şəkildə meydana çıxır. Bir qayda olaraq, tutmaların tezliyi,
xəstəliyin proqredient xarakteri və müalicənin qeyri-effektivliyi
arasında birbaşa əlaqə mövcuddur.
Şəxsiyyət dəyişikliyi və əqli zəiflik arasında sıx əlaqə
mövcuddur. İntellekt səviyyəsinin aşağı düşməsində xarakteroloji
dəyişikliklər əsas rol oynayır. Epilepsiya zamanı şəxsiyyətin patoloji
dəyişikliyi başlanğıcda şəxsiyyətin özəyinə toxunmur. İlkin
mərhələdə epileptik proses psixi proseslərin gedişini (duyğular və
can atmalar, ifadə üsulları, reaksiyalar və davranış) yalnız formal
şəkildə – onların ləngiməsi, ilişib qalmağa meyllilik və
perseverasiya istiqamətində dəyişir. Epilepsiyalı xəstələrdə sağlam
insanlarda olduğu kimi premorbid şəxsiyyətin çox müxtəlif
variantları mövcuddur. Epilepsiyalı
xəstələrdə
şəxsiyyət
dəyişiklikləri əmələ gəlməsinin epileptik tutmalarla bir başa əlaqəsi
vardır. Epilepsiya xəstəliyinə xas olan şəxsiyyət dəyişiklikləri başqa
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |