- 68 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
“tatarca” dedikdə, Azərbaycan və Qafqaz türk ləhcələrini nəzərdə tuturdular.
Mərkəzi part Arsaki dövləti eramızın 226-cı
ilində Sasanilər tərəfindən
devrildi. Amma ətraf bölgələrdə Arsaki nəslindən gələn sülalələr yarımüstəqil
şəkildə hakimiyyətdə qalmışdılar. Və Armeniyada Kiçik Arsakilər də 428-ci
ilə qədər hakimiyyətdə qalmağı bacardılar. Lakin mərkəzi Arsakilər dövləti
devrildikdən sonra Armeniyadakı Kiçik Arsakilər Roma İmperiyasından
asılı vəziyyətə düşdülər. 428-ci ildən sonra isə tam olaraq bütün imtiyazlarını
itirdilər. Və bununla da Armeniyada ən son monarxik sülalənin varlığına son
qoyuldu. Lakin bu dövrə qədər Armeniya onların əlindən xristian dinini, ilk
xristian qriqorian patriarxlarını qəbul etdi. Bu patriarxlardan biri də V əsrin
ilk yarısında fəaliyyət göstərmiş, Armeniyada dil islahatlarının tətbiqində və
erməni əlifbasının tətbiq olunmasında vacib rol oynamış Saak Partev
(parf) idi.
Xorenli (
Xorenatsi)
ləqəbindən görünür ki, Movses Xorenatsi də partların
Suren nəslindən gəlirdi. Məlum olduğu kimi, Movses Xorenatsi antik yunan
mədəniyyətinə vurğun idi və antik yunan ənənəsində partların Suren nəslinin
adı
xoren kimi tələffüz olunurdu. Onun kitabında qeyd edilən bəzi sətiraltı
mülahizələr göstərir ki, Movses Xorenatsi türk dili ilə tanış idi. Həm də onun
part Arsakilərin nəslini Bibliyadakı Xetturaya aparıb çıxarmasından
görünür
ki, o, Arsakilərin arxiv yazılarından xəbərdarmış. Onun kimi başqa erməni
yazarları da buna bənzər məlumatlar veriblər. Ən maraqlı məlumatı isə XIV
əsrdə Göyçə gölünün yaxınlığındakı türkcə “Dəli Qardaş” adlı kəndin sakini
Mxitar Ayrivanensi öz xronoqrafik təfsilatlı kitabında vermişdir: “
Avramın
anasının adı Malkata, Saranın isə Zemruta idi. Avram on beş yaşından
etibarən Tanrını arayırdı. Altmış yaşındasa Tanrını gördü və söylədi: “
Biz
Tanrını bulduq. Sənin mülkünə, hökmünə həmdü-səna olsun. Şanın bütün
yer üzünü bürüsün”. Xaldilərdən olan zövcəsini və oğlu Oresti buraxdı.
Səksən yaşında Aqardan (Həcər)
İsmayıl dünyaya gəldi. Ondan ərəblər
törədilər. Klimentin yazdığına görə, Avramdan öncə cənub ölkələrində
kişi və qadınları sünnət etmək adəti vardı. Bu səbəbdən Tanrı 99 yaşında
ona oğlan uşaqlarını sünnət etməyi buyurdu. Onun yüz yaşı olanda İshaq
dünyaya gəldi. Yüz qırx səkkiz yaşında isə, o, Ketturanı özünə xanım
etdi. O da ona altı oğul – Emran, Eskan, Ektan, Madian, Esbok və Sovivi
doğdu. Onlardan da paxlavlar, maqlar, xataylar, tatarlar, yəni movlar və ya
muşklar törədilər”.
97
Təbii ki, tarixi salnamə baxımından Mxitar Ayrivanensinin burada patriarx
97 Мхитар Айриванкский (Айриванеци). Хронографическая история (Хронографическая история, составленная отцом
Мхитаром, Вардапетом Айриванкским). Перевод Керопа Патканова. Санкт-Петербург, 1869, səh. 376
- 69 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Avramın yaşamı barədə verdiyi məlumatlar bizim üçün yeni deyildir. Çünki
bu cür məlumatlar hər üç Abramist dini rəvayətlərdə yer almışdı. Lakin Mxitar
Ayrivanensinin
salnaməsi erməni mənşəli sayılır və bu məlumatlarında o,
paxlavları
(parflar), maqları
(atropatenlər), xatayları
(xitaylar-şərqi türklər),
tatarları və movklarla
(muğanlılar) muşk tayfalarını Xetturanın törəmələri
kimi təqdim etmişdi. Deməli,
erməni salnamə ənənəsinə görə, türklərlə parflar
eyni soydan gəlir və eyni qanı daşıyırdılar. Məlumat üçün bildirək ki, Mxitar
Ayrivanensinin xronoqrafik salnaməsinə görə, patriarx Avram Xettura ilə
eramızdan əvvəl 1800-cü illərdə evlənmişdi.
Mxitar
Ayrivanensidən başqa, digər orta əsr erməni salnaməçiləri də
partların, Arsakilərin türklərlə eyni soydan gəldiyini qeyd etmişlər. Məsələn,
Zəkəriyyə Kanakertsi (XVII əsr) öz salnaməsində iki dəfə özbəkləri part,
partlı adlandırır.
98
O da öz kitabında part Arsakın Xetturanın nəslindən
gəldiyini qeyd etmişdir.
99
Yəni daha bir erməni salnaməçisi partlarla türklərin
eyni nəsildən olduğunu vurğulamışdı. Deməli, Zəkəriyyə Kanakertsi və onun
üzünü köçürdüyü ermənicə tarixi qaynaqların müəllifləri
Arsakiləri türk olaraq
tanıyırdılar. Və təbii ki, ilk dini patriarxları – Müqəddəs Qriqorinin də türk
köklərini qəbul edirdilər.
Buna bənzər məlumatları XIII əsrdə yaşamış və daha çox Makakiya adıyla
tanınmış digər erməni salnaməçisi Qriqor Aknertsi də qoyub getmişdi. O da
öz salnaməsində Cəsur Arşakın və Müqəddəs Qriqorinin Xetturanın nəslindən
gəldiyini yazmışdır. Tatarları isə o, Xettura övladları ilə skitlərin, daha konkret
türklərin – Volqadan, Xəzərdən Himalaya qədər
çöllərə sahib olan Torkomun
övladları ilə qarışığı hesab edirdi.
100
Təbii ki, yuxarıda misal çəkilən tarixi qaynaqlardan nümunələr daha çox
salnamə xarakteri daşıyır. Və bu məlumatların tam dəqiqliyini sübut etmək
çətindir. Çünki, bir çox tarixi qaynaqlar əsrlərin gərdişində itib getmişdir. Bu
səbəbdən də Xorasan türklərinin, ya da onların bir qisminin genealoji xəttini
izləyib tapmaq çətin məsələdir. Belə ki, İbrahim peyğəmbərin yaşadığı dövrlə
Movses Xorenatsinin və erkən islam dövrü ərəb salnaməçilərinin arasındakı
dövr çox genişdir. Bu dövrlər arasında mövzu üzrə yazılan
səhih məlumatlar
yox dərəcəsindədir. Lakin erkən islam dövrü ərəb salnaməçiləri ilə erməni
salnaməçilərinin paralel olaraq Xorasan türklərini, xorasanlı partları və Arsakiləri
eyni genealoji nəslə gətirib çıxarmaları da danılmaz maraqlı tarixi faktdır. Bu,
98
Канакерци З. Хроника. Москва, 1969
99
Yenə orada, səh 33
100
Инок Магакия. История народа стрелков. Перевод Керопа Патканова. Москва, 1871