- 90 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
yəhudi mənşəli olduqlarını etiraf etməli, ya da çıxılmaz vəziyyətdən yeganə xilas
yolu kimi Tövrat mətnlərində düzəliş aparmalı idilər.
Movses Xorenatsi ikinci
variantı seçmişdi. Aramın “erməni mənşəyinə” dair dini təsdiq tapmaq üçün onu
Samın övladları sırasından çıxarmış və zorən Yafəsin şəcərəsinə daxil etmişdi.
Beləliklə, Tövrat mətni üzərində kosmetik əməliyyatlardan sonra Yafəsin
nəsli erməniləşərək aşağıdakı vəziyyəti almışdı:
“İafetdən Qomer doğuldu,
Qomerdən Tiras doğuldu, Tirasdan Hayk doğuldu, Haykdan Aramenak
doğuldu, Aramenakdan Aramais doğuldu, Aramaisdən Amasiya doğuldu,
Amasiyadan Gelam doğuldu, Gelamdan Xarma doğuldu, Xarmadan ARAM
doğuldu…”. Bütun bunlardan sonra Movses Xorenatsi böyük məmnuniyyət
içərisində rahat nəfəs almış və törətdiyi küfrə bəraət qazandırmaq üçün “Tarix”
kitabına bu sözləri əlavə etmişdi:
“Biz, fikrimizcə, qədim tarixdə həqiqətə
tamamilə uyğun olanları tapdıq”. Onun yazdıqlarına inansaq, “erməni”
Aram
“döyüşlərdə çoxsaylı şanlı qələbələr qazanmış, Ermənistanın
hüdudlarını hər tərəfə genişləndirmişdir… Bütün xalqlar ölkəmizi bu
adla (Aram) tanıyırlar. Yunanlar – “armen”, farslar və suriyalılar (qədim
aramilərin törəmələri) isə “armenik” deyirlər”. Üstəlik, M.Xorenatsinin dini
saxtakarlığından bəhrələnən katolikos O.Drasxanakertsi
böyük fərəh hissi ilə
qeyd edirdi:
“O (Aram) şanlı igidliyi ilə təkcə zəifləri deyil, Kappadokiyanı
da özünə tabe edə bilmişdi”.
Harvard Universitetinin Ermənişünaslıq kafedrasının müdiri, Movses
Xorenatsinin “Tarix” əsərinin ingilis dilinə tərcüməçisi professor Robert
Tomson “erməni Herodotu”nun saxtakarlıq səyləri haqqında bunları vurğulayır:
“Xorenatsi ilkin mətni istər əcnəbi dildə, istərsə də doğma erməni
dilində olan qədim əlyazmalara öz düzəlişlərini edəndə vicdansızcasına
onları dəyişir. Onun mənbələrə münasibəti və tarixi araşdırma metodu
göstərir ki, onun əsərlərinə tam etibar etmək olmaz. Əlbəttə, Moisey
(Movses) tarixi gerçəkliklər haqqında da bir sıra xatirələri saxlamışdı…
Lakin Moiseyin istinad etdiyi erməni mətnlərinin böyük hissəsi yalnız
onun yaşadığı dövrdən sonra tərcümə və ya tərtib olunmuşdu. Bütün
bunlar isə onun guya, V əsrdə yaşamasına dair iddiaları rədd edir”.
136
Erməni mənşəli alim, ABŞ-ın Kaliforniya Universitetinin professoru
Riçard
Hovanesyan da M.Xorenatsinin salnaməsinə istinadən həm müəllifin, həm də
XVII-XVIII əsrlərdə onun mətnlərində ciddi düzəlişlər aparan redaktorların bir
sıra saxtakarlıq cəhdlərini, eləcə də kobud xronoloji uyğunsuzluqları
müəyyən
etmişdir. Məsələn,
M.Xorenatsi iddia edir ki, guya o, vaxtilə vardapet Mesrop
136
http://mjora.livejournal.com/78904.html?thread=1492536
- 91 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Maştotsun əziz-xələf şagirdi olmuşdur. Digər iddiasına görə isə, Maştotsun
ölümündən sonra erməni patriarxı Saak da dünyasını dəyişmiş, elə həmin vaxt
Arşakilər sülaləsi süqut etmiş və Xorenatsi erməni xalqının qara günlərinə göz
yaşları axıtmışdı. Tarixi gerçəkliklər isə bunun əksini göstərir. Belə ki, M.Maştots
440-cı ildə, katolikos Saak Partev
(Parf) isə 439-cu ildə fani dünyanı tərk
etmişdilər. Ermənilərə heç bir aidiyyatı olmayan Arşakilər monarxiyası 428-ci
ildə tarix səhnəsindən silinmişdi. Riçard Hovanesyan
qənaətlərini belə ifadə
edir:
“Kitabdakı bir çox əlamətlər də onun V əsrdə qələmə alınmadığını
təsdiqləyir. Çünki Movsesin istinad etdiyi mənbələrin bəziləri həmin
dövrdə erməni dilinə tərcümə edilməmişdi. Əsərində VI əsrdə, hətta VII
əsrdə yaşamış insanlarla ünsiyyətdə olduğunu bildirir… X əsrə kimi bu
adda tarixçi məlum deyildi və onun əsərlərinə istinadlar edilməmişdi”.
137
137
Richard G. Hovannisian. The Armenian People from Ancient to Modern Times, Volume I, The Dynastic
Periods: From Antiquity to the Fourteenth Century, New York, St. Martin’s Press, 1997
- 92 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
IX iddia
“Ermənilər İsa Məsihə məktub, o isə onlara
“avtoportretini” göndərmişdi”
Əvvəlcə, ermənilərin hələ Müqəddəs Qriqorinin
missionerlik fəaliyyətindən
əvvəl İsa Məsih dinini qəbul etməsi, ilk erməni-xristian dövlətinin yaranması,
ermənilərin Hz.İsa ilə məktublaşması, hətta onun rəngli portretini
(söhbət
fotoşəkildən getmir) əldə etmələri barədə “erməni həqiqətlərini” araşdıraq.
Beləliklə, qədim zamanlarda, daha doğrusu, eramızın əvvəllərində “erməni
Mesopotamiyası” adlanan ərazidə Osroena “erməni dövləti” və onun “V Abqar”
adlı nəcib hökmdarı vardı. Erməni salnaməçiləri və müasir erməni tarixçiləri tam
ciddiyyətlə yazırlar ki, V Abqar etnik erməni və Arşakuni nəslindən
(parfların
“turanlılar” adlandırılan Arsakilər sülaləsindən) Partevin oğlu idi. Ovanes
Drasxanakertsi isə onun atasının adının “Arcam” olduğunu bildirir. Movses
Xorenatsi
isə qeyd edir ki, “Arşamın” oğlu olan Abqar qeyri-adi müdrikliyi
və təvazökarlığı ilə seçilirdi. V Abqar vaxtilə erməni qoşunlarının düşərgəsi
olmuş məntəqədə Edessa
(Türkiyə ərazisindəki indiki Şanlıurfa) şəhərini
salaraq, paytaxtı, arxiv və kitabxanaları, bütləri oraya köçürmüşdü. Doğrudur,
Xorenatsidən fərqli olaraq, Abqarın müasiri - tarixçi Publi Tatsit onu məkrli,
riyakar, gah Romanın, gah da Parf dövlətinin tərəfinə keçən hiyləgər hökmdar
kimi təsvir etmişdi. Gəlin, Tatsitin bu iddiasına, eləcə də M.Xorenatsinin “nəcib
erməni hökmdarının” yeni saldığı şəhərə nə üçün Makedoniyanın qədim
paytaxtının adını verməsinə o qədər də məhəl qoymayaq. Müasir erməni
tarixçiləri Movses Xorenatsinin sözlərinin doğruluğunu sübuta yetirmək üçün
Edessalı Labubniya, Prokopi ilə Yesevi kimi qədim salnaməçilərin əsərlərinə
istinad edirlər. Lakin, onlar Abqarın hakimiyyəti illərində
baş verənləri təsvir
etməklə kifayətlənmiş və heç biri onun etnik erməni, Osroenanın isə “erməni
dövləti” olduğunu qeyd etməmişlər. Obyektiv tarixi qaynaqlara əsasən isə
Osroena hökmdarı V Abqar Uhama eramızdan əvvəl 4-cü ildən eramızın 7-ci
ilinə kimi və 13-cü ildən 50-ci ilədək hakimiyyətdə olmuşdu. O da müəyyən
edilmişdi ki, nə bu ərazinin, nə həmin şəhər-dövlətin, nə də V Abqarın ermənilərə
aidiyyatı yox idi. Qısa arayışla bildiririk ki, bu şəhərin təməli eramızdan əvvəl
IV əsrdə, Selevkilərin
hakimiyyəti dövründə qoyulmuş, Makedoniyanın qədim
paytaxtının şərəfinə “Edessa” adlandırılmışdı.
Arxeoloji tədqiqatlara əsasən, şəhərin təməlini selevk I Nikator
(eramızdan
əvvəl 312—281-ci illər) qoymuşdu. IV Antioxun
(eramızdan əvvəl 175—164-