- 151 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Azərbaycan Milli Şurasının iyunun 13-də keçirilən iclasında
ermənilərin
müsəlmanlara qarşı törətdikləri qırğınlar barədə İrəvandan gələn həyəcanlı
xəbərlər müzakirə edilmişdi. İrəvan quberniyası ərazisində ev-eşiklərindən
didərgin salınan və ac-yalavac dolanan qaçqınların sayının 150 min nəfərə çatdığı,
ermənilərin 206 kəndi dağıtdığı bildirilirdi. Milli Şura İrəvan quberniyasında
qaçqınlara maddi yardım göstərilməsi üçün nümayəndə göndərməyi qərara
almışdı. Azərbaycan hökumətinin 15 iyul 1918-ci il tarixli qərarı ilə Xarici İşlər
Nazirliyinə tapşırılmışdı ki, bütün Cənubi Qafqazda ermənilərin müsəlmanlara
və onların əmlakına qarşı törətdikləri zorakılıqları təhqiq etmək üçün Fövqəladə
İstintaq Komissiyası yaratsın.
249
Azərbaycan hökumətinin başçısı Fətəli xan Xoyski 1918-ci il iyulun 28-
də Gürcüstandakı daimi nümayəndəyə göndərdiyi
teleqramda Novo-Bəyazid
qəzasının azərbaycanlı kəndlərində ermənilərin törətdikləri vəhşiliklərlə bağlı
Ermənistan hökumətinə etiraz göndərməsini tapşırmışdı. Ermənistan hökuməti
1918-ci ilin sentyabr-oktyabr aylarında silahlı müdaxilə yolu ilə Yelizavetpol
(
Gəncə) qəzasının Novo-Bəyazid qəzasına bitişik əraziləri ələ keçirmək, orada
Qarsdan və Gümrüdən olan qaçqınları məskunlaşdırmaq istəyirdi.
250
30 oktyabr 1918-ci ildə imzalanan Mudros sazişinə əsasən, türk qoşunları
1914-cü il sərhədlərinə geri çəkilmək məcburiyyətində qalmışdı.
Bundan sonra
Ermənistan ordusu İrəvan quberniyasının və Qars vilayətinin ərazilərində türk-
müsəlman əhalini tamamilə məhv etməyə başlamışdı. 1918-ci ilin dekabrında
türk qoşunlarının sonuncu hissələrinin İrəvan quberniyasını tərk etməsindən
sonra yerli müsəlman əhalinin müdafiəsi yerli milli şuraların özünümüdafiə
dəstələrinin ümidinə qalmışdı. Geri çəkilməzdən öncə türk ordusunun
komandanlığı həmin özünümüdafiə dəstələrinin silah-sursatla təmin
edilməsində əlindən gələn köməyi əsirgəməmişdi.
1919-cu il yanvar ayının əvvəllərində Azərbaycanın
xarici işlər nazirinin
müavini Adil xan Ziyadxanovun imzası ilə Ermənistanın xarici işlər nazirinə
göndərilən notada qeyd edilirdi ki, İrəvan quberniyasında çoxsaylı erməni
silahlı qüvvələri tərəfindən müsəlmanlar zorakılığa məruz qalır, şəhərlərdə və
kəndlərdə
tərk-silah olunur, öldürülür və qarət edilir, zor gücünə onları özlərinə
tabe etdirməyə çalışırlar, təkcə ermənilərin təqibindən yaxa qurtarmaq üçün
Araz çayını keçmək istəyərkən boğulan azərbaycanlıların sayı 300 nəfərə çatır.
251
İrəvan quberniyasından gələn xəbərlər o qədər ciddi və həyəcanlı idi ki,
249
ARDA, fond 970, siyahı1, iş 6, vərəq 1.
250
ARDA, fond 897, siyahı1, iş 25, vərəq 38.
251
Azərbaycan Respublikası Prezidentinin İşlər İdarəsinin Siyasi Sənədlər Arxivi, fond 268, siyahı 23, iş 503,
vərəq 29.
- 152 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Azərbaycan parlamenti 8 yanvar 1919-cu il tarixli iclasında İrəvan quberniyası
müsəlmanlarının vəziyyəti haqqında məsələ müzakirə etmişdi. Yanvar ayında
İrəvan quberniyası müsəlmanlarının nümayəndələri adından
Mir Hidayət
Seyidovun Azərbaycan hökumətinin başçısına ünvanlanmış müraciətində
isə qeyd edilirdi ki, Ermənistan hökuməti silah gücünə erməni qaçqınlarını
müsəlmanların yaşadıqları ərazilərdə məskunlaşdırır. Məqsəd ondan ibarətdir
ki, mümkün olan qədər müsəlmanları məhv edərək bütün qəzalardan onları
təmizləsinlər ki, Paris Konfransında həmin ərazilərin ermənilərə məxsusluğunu
sübut edə bilsinlər.
1919-cu il fevralın 24-də Azərbaycan xarici
işlər nazirinin müavini
A.Ziyadxanov ermənilərin Novo-Bəyazid qəzasında müsəlmanlara qarşı
törətdikləri vəhşiliklər barədə müttəfiq dövlətlərin birləşmiş qüvvələrinin
komandanı general V.Tomsona məlumat vermişdi. Novo-Bəyazid qəzasının 26
azərbaycanlı kəndinin sakinlərinin 1919-cu il martın 29-da keçirdikləri icma
yığıncağında Azərbaycan hökumətinə və xalqına qəbul olunmuş müraciətdə
qeyd edilirdi: “
Ararat Respublikasının qoşunları, erməni şovinist və quldur
dəstələri tərəfindən dəfələrlə dinc müsəlman kəndlərinə hücumlar edilərək
kəndlər dağıdılır, sakinlərin başlarına görünməmiş müsibətlər açılır və
onlar qeyri-insani hərəkətlərlə təhqir edilirlər. 270-dən çox müsəlman
kəndi dağıdılmışdır ki, bundan başlıca məqsəd İrəvan quberniyasında qalan
müsəlman əhalini sıxışdırıb tamamilə qovmaqdan ibarətdir”.
252
Azərbaycan xarici işlər nazirinin müavini A.Ziyadxanovun 17 iyun
1919-cu ildə Nəsib bəy Usubbəyova göndərdiyi məlumatda bildirilirdi
ki, türk qoşunlarının təxliyəsindən sonra əhalisinin, demək olar ki, hamısı
müsəlmanlardan ibarət olan İrəvan quberniyasının bir hissəsində Araz
Respublikası (
Araz-Türk Respublikası)
və onun müvəqqəti hökuməti
yaradılmışdı. Müvəqqəti hökumətin qurulmasında məqsəd Ermənistanın iddia
etdiyi həmin əraziyə erməni qoşunlarını buraxmamaqdan və ilk imkanda öz
üzvi orqanizmi ilə - Azərbaycanla yenidən birləşməkdən ibarətdir. İyunun 21-
də Azərbaycanın Ermənistandakı diplomatik nümayəndəsi Məhəmməd xan
Təkinski xarici işlər naziri Məmməd Yusif Cəfərova göndərdiyi şifrəli teleqramda
bildirirdi ki, Naxçıvan, Şərur, Vedibasar, Şahtaxtı rayonları erməni qoşunları
tərəfindən tutulmuşdur və artıq orada erməni administrasiyası yaradılmışdır.
1919-cu ilin yay ayları ərzində erməni quldur birləşmələri 300 azərbaycanlı
kəndini yandırmışdılar.
On minlərlə adam - kişilər, qadınlar və uşaqlar həlak
olmuşdu.
253
252
ARDA, fond 897, siyahı 1, iş 24, vərəq 360.
253
ARDA, fond 970, siyahı 1, iş 54, vərəq 94-97.