- 171 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
millətçilik ab-havası gündən-günə qızışırdı. 1987-ci
ilin avqustunda ermənilər
Dağlıq Qarabağdan və Ermənistandan 75 min imza toplayaraq Kremlə
göndərmişdilər. Dekabrın 1-də Dağlıq Qarabağ ermənilərinin təmsilçiləri
muxtar vilayətin Azərbaycanın tərkibindən çıxarılıb Ermənistanın tərkibinə
verilməsi haqqında hazırlanmış müraciəti Sov.İKP MK-ya təqdim etmişdilər.
Dağlıq Qarabağ ermənilərinin öz müqəddəratını təyinetmə pərdəsi altında
Azərbaycana qarşı anneksiya planının həyata keçirilməsinin qarşısını ala biləcək
şəxs – Heydər Əliyev 1987-ci il oktyabrın 19-da erməni lobbisinin təzyiqi ilə Sov.
İKP MK Siyasi Bürosunun
üzvlüyündən və SSRİ
Nazirlər Soveti sədrinin
1-ci müavini vəzifəsindən
uzaqlaşdırıldı.
Bundan
az sonra - noyabrın 18-
də Sov.İKP MK-nın Baş
katibi M.Qorbaçovun
iqtisadi məsələlər üzrə
müşaviri akademik Abel
Aqanbekyan Parisdə
“L’Humanite” qəzetinə
verdiyi müsahibəsində
DQMV-nin Ermənistana
birləşdirilməsinin iqtisadi cəhətdən daha sərfəli olmasını
və bu məsələ üzərində
xüsusi komissiyanın işlədiyini bəyan etdi.
282
Həmin ilin dekabrında M.Qorbaçov ABŞ-da səfərdə olarkən onun xanımı
Raisa Qorbaçova “Daşnaksutyun”un nümayəndələri ilə görüşmüşdü. Raisa
Qorbaçovanın tamahına bələd olan erməni diasporunun nümayəndələri ona
qiymətli hədiyyələr bağışlamış, M.Qorbaçovdan Dağlıq Qarabağ ermənilərinin
tələblərini müdafiə etməyi xahiş etmişdilər.
283
5-12 yanvar 1988-ci il tarixində Dağlıq Qarabağın erməni icmasının
separatçı nümayəndələri Moskvada olmuş, SSRİ Ali Soveti sədrinin birinci
müavini Pyotr Demiçevlə və Sov.İKP MK-nın millətlərarası münasibətlər
şöbəsinin müdiri V.Mixaylovla görüşmüşdülər.
284
Görüş zamanı onlar Dağlıq
Qarabağ ermənilərinin müraciətini və toplanmış imzaları təqdim etmişdilər.
282
Томас де Ваал. Черный сад. Армения и Азербайджан между миром и войной. Москва, 2005
283
Мехтиев Р. Нагорный Карабах: история, прочитанная по источникам. Москва: Аквариус, 2014
284
Арутюнян В. События в Нагорном Карабахе: Хроника. Часть 1, Ереван, 1990
Ermənistandan qovulan azərbaycanlıların ilk köç dalğası
- 172 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Ermənilərin azərbaycanlı yaşayış məntəqələrinə basqınları
nəticəsində
1988-ci il yanvarın 25-də Ermənistan SSR-in Qafan və Meğri rayonlarından ilk
azərbaycanlı qaçqınlar qatarla Azərbaycana gəlmiş, onlar Abşeron rayonunda
yerləşdirilmişdilər. Lakin bu, ictimaiyyətdən gizli saxlanılmışdı.
Fevralın 13-də DQMV-də gizli fəaliyyət göstərən separatçı “Krunk”
(“
Комитет Революционного Управления Нагорнoго Карабаха”) təşkilatının
təşkilatçılığı ilə DQMV-nin Ermənistana birləşdirilməsi tələbi ilə Xankəndidə
ilk mitinq keçirilmişdi. Fevralın 18-də Kremldəki erməni lobbisinin “kuratoru”
Georgi Şahnazarovun M.Qorbaçovun köməkçisi təyin edilməsindən sonra
erməni separatçıları daha da fəallaşmışdılar. Həmin günlərdə İrəvanda keçirilən
mitinqlərdə “Ermənistanı türklərdən təmizləməli!”, “Ermənistanda ancaq
ermənilər yaşamalıdır!” kimi millətçi şüarlar irəli sürülmüşdü.
DQMV Xalq Deputatları Sovetinin növbədənkənar sessiyasının çağırılacağı
xəbərini alan Azərbaycan KP MK-nın birinci katibi Kamran Bağırov 1988-ci
il fevralın 20-də səhər-səhər
təyyarə ilə Xankəndinə gəlmiş, Vilayət Partiya
Komitəsinin büro iclasını keçirmiş, erməni separatizminin qarşısını almağa
çalışmışdı. Lakin elə həmin gün axşam Vilayət Xalq Deputatları Sovetinin
növbədənkənar sessiyası keçirilmiş, muxtar vilayətin Azərbaycan SSR-in
tərkibindən çıxarılaraq Ermənistan SSR-in tərkibinə daxil edilməsi haqqında
qərar qəbul edilmişdi. Qərara anlayışlı yanaşılması üçün
Azərbaycan və
Ermənistan Ali Sovetlərinin Rəyasət Heyətlərinə müraciət edilmiş və bu
məsələnin müsbət həlli üçün SSRİ Ali Soveti qarşısında vəsatət qaldırılmışdı.
Elə həmin gün Qafan rayonundan qovulan azərbaycanlı
qaçqınların ilk dəstəsinin nümayəndələri Azərbaycan SSR KP
MK-nın katibi Ramiz Mehdiyev tərəfindən qəbul edilmişdilər.
Fevralın 21-də səhər-səhər əllərində Ermənistan SSR-in bayrağı və
M.Qorbaçovun portretləri olan nümayişçilər Vilayət Partiya Komitəsi binasının
qabağına toplaşaraq “Dağlıq Qarabağ Ermənistanın ayrılmaz tərkib hissəsidir!”,
“Qarabağ – yox, Artsax – hə!”, “Yaşasın milli siyasətdə yenidənqurma!”
şüarlarını səsləndirmişdilər. Həmin gün axşam Sov.İKP MK-nın Siyasi Bürosu
DQMV-də baş verən hadisəni müzakirə etmiş, ermənilərin iddiasının dövlətin
mövcud milli-ərazi quruluşunun dəyişdirilməsinə cəhd və yolverilməz olduğu
mövqeyi bildirilmişdi. Vəziyyəti nəzarətdə saxlamaq üçün Sov.İKP MK-nın
katibi Georgi Razumovski, SSRİ Ali Soveti Rəyasət
Heyəti sədrinin birinci
müavini Pyotr Demiçev və SSRİ DTK sədrinin birinci müavini Flipp Bobkov
Bakıya gəlmiş, oradan da Xankəndinə getmişdilər.
285
285
Багиров М., Вердиева Х.. В поисках истины... : лицо армянства: Архив Политических Документов Управ-
ления Делами Президента Азербайджанской Республики: документы свидетельствуют.... Баку: МВМ, 2011
- 173 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Kremlin ilk rəsmi açıqlamasından narazı qalan ermənilər İrəvanda və
Xankəndidə etiraz mitinqlərinə başlamışdılar. Fevralın 21-də İrəvanda fəaliyyət
göstərən yeganə Dəmirbulaq
məscidi və M.F.Axundov adına
azərbaycanlı orta məktəbin
binası, C.Cabbarlı adına İrəvan
Dövlət Azərbaycan Dram
Teatrının ləvazimatı yandırıldı.
İrəvanda bu hadisələrə
qarşı etirazını
bildirən
azərbaycanlıların evlərinə od
vurdular. M.F.Axundov adına
azərbaycanlı orta məktəbin
direktoru Əziz Süleymanov
İrəvanda dərc olunan
“Yerekoyan Yerevan” qəzetinə
verdiyi müsahibədə məktəbdə dərslərin dayandırılmasını etiraf etmiş, lakin
qorxusundan bunu şəhərdə qrip epidemiyasının yayılması
ilə izah etməyə
məcbur olmuşdu.
286
Fevralın 22-də ermənilər Əsgəran rayonunda Bəxtiyar Quliyev və Əli
Hacıyev adlı iki gənci qətlə yetirdikdən sonra Xankəndi-Ağdam yolunda
Ağdam rayonunun sakinləri ilə Əsgəran sakinləri arasında qarşıdurma olmuş,
19 nəfər yaralanmışdı.
287
Fevralın 25-də Azərbaycanın öz ərazisindən azərbaycanlıların ilk qaçqınlıq
dalğası başladı. DQMV-nin ərazisində ermənilərin təzyiq və təhqirlərinə tab
gətirməyən 540 ailə (
təqribən 2,5 min nəfər) Ağdam rayonuna, 150 ailə isə
(
təqribən 500-600 nəfər) Ağcabədi rayonuna pənah gətirdi.
288
Ermənistan ərazisindən isə azərbaycanlıların deportasiyası
günü-gündən
intensivləşirdi. Fevralın 28-nə olan rəsmi məlumata görə, Qafan rayonundan
qonşu Zəngilan rayonuna təqribən 2 min nəfər azərbaycanlı qaçqın kimi
gəlmişdi. Həmin günlərdə İmişli və Qubadlı rayonlarına da Ermənistandan
yüzlərlə qaçqın ailəsi pənah gətirmişdi. Ermənistandan canını qurtarıb Abşeron
rayonuna gələn 200 nəfər qaçqını Mərkəzi Komitənin birinci katibi K.Bağırov
və Moskvadan gələn yüksək vəzifəli şəxslər qəbul etmişdilər. Azərbaycanlıların
286
Yenə orada
287
Yenə orada
288
Манукян А. “По привичному расписанию”. “Коммунист” (Ереван), 3.03.1988.
Azərbaycanlı köçkünlər ümidsizlik içində