- 26 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
“dağ”, “Masis” isə “uca dağ” deməkdir. Amma nə etməli?! Ermənilər üçün
Ağrı dağı (Ararat)
həm də ona görə müqəddəsdir ki, rəvayət və əfsanələrdə
öz köklərini bu yüksəkliklə bağlamışdılar. Mifik personaj olan Haykın
dönəmindən bu yüksəklik Babilistandan köç etmiş ermənilərin sığınacaq
yeri olmuş və Movses Xorenatsinin yazdığı kimi, “dünyanın dörd bir tərəfinə
buradan yayılmışdılar”.
Beləliklə, “dünyanın dörd bir tərəfinə buradan yayılmış” ermənilərin
saxtakarlıq və mənimsəmə konveyeri bu gün də öz işindədir. Bütün bunları
nəzərə alaraq, “məhsullarının” bəzilərini seçib iddialarına münasibət
bildirməyi, oxucuları onların saxtakarlıq texnologiyaları ilə tanış
etməyi
qərara aldıq.
Müəlliflər
- 27 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
I iddia
“Rəbb Nuh gəmisinin fraqmentini ermənilərə bağışlayıb”
Əvvəlcə, qlobal tufan, Nuh peyğəmbərin gəmisi və onun “liman olаraq
lövbər saldığı Ağrı dağına” dair məlum əfsanə haqqında. Ermənilər də xristian
olaraq, bu qədim rəvayətə inanır və hörmətlə yanaşırlar. Lakin başqalarından
fərqli olaraq, onların Nuh peyğəmbərə və onun yelkənsiz gəmisinə inamları
sağlam məntiqdən xeyli kənardadır. İş burasındadır ki, ermənilər özlərini nəinki
Nuhun birbaşa genetik davamçıları
elan etmişlər, hətta onun adı ilə bağlı olan
bütün “təbərrüklərin” tamhüquqlu varisləri kimi tanınmağa çalışırlar. O da
yaxşı məlumdur ki, yeri hələ də bəlli olmayan Nuh gəmisinin yeganə “artefaktı”
– “Rəbbin əmri ilə mələklərin gəmi göyərtəsindən qoparıb erməni rahibinə
hədiyyə etdikləri” kiçik taxta parçası guya bu gün də Eçmiədzin kilsəsində, qızıl
mücrünün içərisində ən müqəddəs
təbərrük kimi saxlanılmaqdadır. Bu
taxta parçasının tarixçəsi haqqında isə
danışmağa dəyər. Çünki Ermənistan
Respublikasının bir sıra kilsə simvolları,
Ermənistan Respublikasının
dövlət
gerbinin təsvirləri də bu taxta qırığından
bəhrələnmişdir…
Təqribi hesablamalara görə, Yer
kürəsinin müxtəlif guşələrində yaşayan
xalqların Böyük Daşqınla bağlı 500-dən
çox əfsanəsi var. Onların 59-u Şimali
Amerika, 46-sı Cənubi Amerika, 17-
si Yaxın və Orta Şərq, 23-ü
Uzaq Şərq,
37 rəvayət Avstraliya aborigenləri,
11-i isə Avropa xalqları arasında
yayılmışdır. Üstəlik, həmin rəvayətlərin
yüzlərlə variantları da mövcuddur. Bu
rəvayətlərin baş qəhrəmanının adları da müxtəlifdir. Yəhudilər onu “Noah”,
müsəlmanlar – “Nuh”, xristianlar “Noy”
(Noe, Nue, Nouy və s.) adlandırırlar. Bu
şəxs qədim şumer əhalisində “Utnapiştim”, Babilistanda – “Zisuda”, Assuriyada
– “Ubaratutu”, Çində – “Fo-şi”, müsəlman çinlilər arasında – “Nu-Hud”,
qədim iranlılarda – “Cima”, Kolumbiya hindularında – “Boçika”, Kanadanın
Eçmiədzin kilsəsində guya Nuhun gəmisinin
fraqmentinin saxlanıldığı qızıl mücrü
- 28 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
hindu tayfalarında – “Messu”, Alyaskada – “Yel”, qədim asteklərdə – “Nene”,
Roma-yunan mifologiyasında – “Devkalion” və ya “Pirra” kimi tanınırdı. Hər
bir personajın xilasedici vasitəsi də fərqli idi. Məsələn, sel gələndə kimi uca
dağların zirvəsinə qalxmış, kimi quş lələklərindən
özünə qanad düzəltmiş,
kimi də taxta və ya dəridən qayıq, gəmi hazırlamışdı. Qoz qabığının içərisində,
tısbağanın üstündə, ağac kötüyündə, nəhəng balığın qarnında, gil parçasının,
şalbanın üzərində xilas olanlar, hətta yeraltı bunker tikənlər də vardı. Gəmilərin
yan aldıqları yüksəkliklər də müxtəlifdir: Bibliyanın arami mətnində “Urartu
dağları”, latın və yunan mətnlərində “Ararat dağı”, Quranda – “əl-Cudi”
(ərəbcə
- “yüksəklik”), qədim şumer və babillərdə
– “Nisir təpəsi”
(hazırda “Pir Ömər
Hudrun” adlanır), hindlilərdə – “Himaver dağı”, yunanlarda – “Parnas dağı” və s.
Nuh peyğəmbərin gəmiyə minmiş
ailə üzvlərinə gəldikdə isə, erməni mənbələri
Tövrat və İncil mətnlərindən fərqli olaraq, onu çoxarvadlı kimi təqdim edirlər.
Salnaməçi
Ovanes Drasxanakertsi yazır: “
Rəbbin əmri ilə Nuh arvadları və
oğlanları, onlarla olan dilsiz-ağızsız heyvanlar ilə birlikdə Ermənistanda
(!)
quruya yan aldı”.
18
O da məlumdur ki, son iki yüz il ərzində Ağrı dağına yüzlərlə ekspedisiya
təşkil olunmuş, lakin indiyədək burada Nuhun gəmisinin qalıqlarını “gördüm”
deyən olmamışdır.
Çəkilən aerofoto təsvirlərin, “tapılan” taxta qalıqlarının
isə az sonra saxta olması sübuta yetirilmişdir. Bəlkə, gəmini lazım olan yerdə
axtarmamışlar? Əslinə qalsa, Tövratın “Breyşit” kitabına daxil olan əfsanənin
qədim Şumer-Babil mənşəli olması, yəhudilərin Babilistan əsarəti zamanı həmin
rəvayəti mənimsəmələri çoxdan sübuta yetirilmişdir. Eramızdan əvvəl 1635-
ci ilə aid olan 384 gil lövhəcik üzərindəki mixi yazılarda müdrik Utnapiştim
Gilqamışa Enki adlı ilahinin Tufan olacağı barədə qabaqcadan xəbər verməsini,
ailəsinin və heyvanların xilası üçün ağacdan nəhəng sandıq hazırlamasını
danışmışdı. Onun danışdığı rəvayət Tövratdakı Tufan və Nuh gəmisi haqqında
rəvayətə heyrətamiz dərəcədə bənzəyir. Əsas fərqlərdən biri isə sandıq-gəminin
“Ararat dağları”na deyil, Dəclə və Fərat çayları arasında
yerləşən, hündürlüyü
400 metrə çatan Nisir təpəsinə yan almasıdır.
Azərbaycanda da, xüsusilə Naxçıvan Muxtar Respublikasında və 2018-
ci ildə islam mədəniyyətinin paytaxtı elan edilmiş Naxçıvan şəhərində Nuh
peyğəmbər və onun gəmisi ilə bağlı xeyli sayda folklor nümunəsi və toponim
vardır. Lakin ermənilərdən fərqli olaraq, bu nümunələr
dini çərçivədən kənara
çıxaraq bir çox hallarda minilliklər öncə baş vermiş hadisələrin işartıları kimi
xalq yaddaşında qorunub-saxlanılmaqdadır. Rəvayətə görə, tufan səngidikdən
sonra Nuhun gəmisi Naxçıvanın şərq hissəsində yerləşən İlandağa
(“Elandağ” və
ya əfsanəyə görə “İnandağ”), Ordubad bölgəsindəki Ələngəz dağına və Araz çayı
18 Драсханакертци О. История Армении, Ереван,1984