- 247 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
Yuxarıda sadalanan faktlar sübut edir ki, təkcə İrəvan şəhərində deyil,
bütövlükdə Ermənistan adlanan və özünü dünyanın sivil ölkəsi kimi beynəlxalq
aləmə təqdim etməyə çalışan bir dövlətin ərazisində azərbaycanlılara məxsus
tarixi-memarlıq abidələrinə, onların maddi irsinə qarşı, sözün həqiqi mənasında
mədəni vandalizm aktlarının həyata keçirilməsi bu gün də davam etdirilir.
- 248 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
XXII iddia
“Əmir Səəd məqbərəsi Azərbaycan
türklərinə aid deyildir”
İrəvan şəhəri və onun ətrafında mövcud olan azərbaycanlılara məxsus
tarixi-memarlıq abidələrindən yeganə salamat qalanı şəhərin yaxınlığında,
İrəvan-Eçmiədzin yolunun üstündə yerləşən Cəfərabad kəndindəki Əmir Səəd
məqbərəsidir. İrəvandakı Göy məsciddə aparılan təmir-bərpa işlərindən sonra
rəsmi İrəvan dairələri onu “İran məscidi” və yaxud “Fars məscidi” adlandırdıqları
kimi, Cəfərabad kəndindəki orta əsrlərə aid məqbərəni də “Türkmən məqbərəsi”
adlandırırlar.
Ermənilərin məqsədləri aydındır: tarixi Azərbaycan torpağı olan indiki
Ermənistan ərazisində azərbaycanlılara qarşı etnik təmizləmə siyasəti həyata
keçirdikdən sonra, onlara məxsus tarixi-memarlıq abidələrini də yer üzündən
silmək, bu da mümkün olmazsa, onların adlarını dəyişdirməklə izi azdırmaq.
Azərbaycan elminə və dövlətinə görkəmli şəxsiyyətlər bəxş edən
Topçubaşovlar (
Topçubaşilər) nəslinin Cəfərabad kəndində əkin yerləri və ata-
baba mülkləri olmuşdu. Məşhur cərrah, akademik Mustafa bəy Topçubaşovun
doğum şəhadətnaməsində onun 1895-ci ildə Göykümbət kəndində doğulduğu
qeyd edilmişdir. Cəfərabad kəndi ona bitişik olan qədim Göykümbət kəndindən
sonradan ayrılmışdı. İki kəndi bir-birindən ortadan axan çay ayırırdı. Əmir Səəd
məqbərəsi yeni yaranan Cəfərabad kəndinin ərazisinə düşmüşdür. Göykümbət
kəndinin adı elə onun ərazisində yerləşən Əmir Səəd məqbərəsinin günbəzinin
göy rəngdə olması ilə bağlı idi. Bu kəndin adı bəzi mənbələrdə Göygünbəz
kimi çəkilir. Zəngibasar (
Masis) rayonunun inzibati-ərazi bölgüsünə daxil olan
Cəfərabad kəndinin adını Ermənistan SSR Ali Soveti Rəyasət Heyətinin 4 aprel
1946-cı il tarixli qərarı ilə dəyişdirərək Arqavand qoymuş, Göykümbət kəndini
isə 1 dekabr 1949-cu ildən etibarən Gexanist adlandırmışlar.
Göykümbət kəndində Qaraqoyunlu tayfa birliklərinə daxil olan Səədli
tayfası başçılarının qəbiristanlığı var idi. Həmin qəbiristanlıqda bir neçə türbə
olmuşdu ki, onlardan da yalnız biri – Əmir Səəd məqbərəsi günümüzə qədər
gəlib çatmışdır.
Əmir Səəd məqbərəsi Qaraqoyunlu əmirlərindən olan Əmir Səədin oğlu
Pir Hüseyn tərəfindən 1413-cü ildə inşa etdirilmişdi. Hələ Əmir Səədin
sağlığında onun hakimiyyəti altında olan ərazilər Çuxur Səəd, yəni Səədin
- 249 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
çuxuru adlandırılırdı. Çuxur-Səəd əmirliyinın tabeliyində olan ərazilərə hazırda
Türkiyənin İqdır vilayətinin düzənlik ərazisini əhatə edən və o zaman Sürməli
adlanan ərazi və Ağrı dağı vadisi daxil idi. Pir Hüseynin idarəçiliyi dövründə
əmirliyin sərhədlərinə Qars şəhəri və onun ətraf əraziləri də daxil edilmişdi.
Erməni tarixçisi A.D.Papazyanın
yazdığına görə, Çuxur-Səəd adına
ilk dəfə erməni mənbələrində
Matenadaranda saxlanılan 1428-ci ilə
aid alqı-satqı sənədində rast gəlinir.
Üçkilsə (
Vağarşabad, indiki Eçmiədzin)
kəndinin alqı-satqısına aid həmin
sənəddə qeyd olunur ki, Üçkilsə kəndi
Karpi nahiyəsinin kəndlərindən biridir,
hansı ki, Azərbaycan ölkəsinin Çuxur-
Səəd vilayətində yerləşir. Ərəbcə tərtib
edilən həmin sənəddə şahidlər özlərini
“səədilər” adlandırmışdılar.
441
Qaraqoyunlu tayfa birliklərinin
başçısı Qara Yusif Əmir Teymurun
vəfatından bir il sonra, yəni 1406-cı
ildə onun nəvəsi Əbu Bəkiri Çuxur-
Səəddə məğlubiyyətə uğratmış və onu
qaçmağa məcbur etmişdi. Bununla
da həmin ərazidə Teymurilərin
hakimiyyətinə son qoyulmuşdu. Qara Yusif bölgənin idarəçiliyini yenidən
səədli tayfasının başçısı və həmin bölgəni XIV əsrin sonlarından idarə edən
Əmir Səədə həvalə etmişdi. 1411-ci ildə Əmir Səəd vəfat etmiş, onun yerinə
hakimiyyətə oğlu Pir Hüseyn keçmişdi. Orta əsr müəllifləri Pir Hüseynin
hakimiyyəti dövründə Çuxur-Səəddə və Əmir Teymurun hücumundan
sonra dağılan Qarsda xeyli abadlıq və quruculuq işlərinin həyata keçirildiyini
təsdiqləyirlər. 1414-cü ildə Pir Hüseynin vəfatından sonra hakimiyyətə onun
oğlu Pir Qaib (
bəzi müəlliflər onun adını Pir Yaqub kimi çəkirlər), sonra isə digər
oğlu Pir Əvdül gəlmişdi.
Əmir Səədin vəfatından iki il sonra – yəni 1413-cü ildə Pir Hüseyn atasının
məzarı üzərində həmin məqbərəni tikdirmişdi. Bu abidəni digər orta əsr
441
Папазян А. Иноземное господство в Арарaтской области (ХV в.). “Известия АН Армянской ССР. Об-
щественные науки”, № 7-8, 1960
Əmir Səəd məqbərəsi. 1413.
Cəfərabad kəndi
- 250 -
ERMƏNİ SAXTAKARLIĞI. YALAN ÜZƏRİNDƏ QURULAN TARİX
abidələrindən fərqləndirən əsas cəhət ondan ibarət idi ki, o, kərpicdən deyil,
yerli qırmızı tuf daşından inşa edilmişdi. Azərbaycan memarlıq tarixinin
görkəmli tədqiqatçısı professor Leonid Bretanitski 1939-cu ildə Q.Yelkin,
L.Mamikonov, D.Motislə birgə Əmir Səəd məqbərəsində ölçmə işləri
aparmışdı. L.Bretanitski Əmir Səəd məqbərəsini Möminə-xatun məqbərəsinin
kərpic memarlığı formasından daş memarlığa “keçidinin” özünəməxsus forması
adlandırmışdır.
442
Naxçıvan memarlıq məktəbinə aid edilən düzgün onikiüzlü Əmir Səəd
məqbərəsinin hündürlüyü günbəzi nəzərə alınmamaqla 12 metr, yerin
səthindən yuxarıda qalan hissəsində içəridən diametri 5 metrdir. Kürsülükdən
12 daş yuxarıda içəriyə işıq düşməsi üçün biri şimal, digəri isə cənub tərəfə
iki balaca deşik qoyulmuşdur. Məqbərənin tağlı qapısı cənuba baxır və oyma
naxışla haşiyələnmişdir. Məqbərənin karnizinin altında 50 sm enində, 22 metr
uzunluğunda friz üzərində nəsx xətti, süls elementləri ilə Qurandan ayələr həkk
olunmuş və məqbərəni kimin inşa etdirdiyi qeyd edilmişdir.
Məqbərənin ərəb dilində olan kitabəsindəki yazının birinci hissəsi “Rəhmli
Allahın adı ilə” və bir çox sərdabələrdə rast gəlinən “Quran-i Kərim”in
2-ci surəsinin 255-ci ayəsi ilə başlayır. Sonra isə Azərbaycan Qaraqoyunlu
dövlətinin bir sıra tarixi şəxsiyyətlərinin adları çəkilir. Kitabədə yazılır: “
Bu
müqәddәs qübbәli sәrdabә әn böyük, әn gözәl, әn nәcib, xoş xasiyyәtli
padşaһların vә sultanların dayağı, fәqirlәrin, sәfillәrin arxası, aqillәrin
vә biliklәr üçün susamışların һimayәçisi, yoxsullara vә iztirab çәkәnlәrә
әl tutan, dövlәtinә eşq olmuş Әmir Sәədin oğlu Pir Hüseynin buyruğu ilә
ucaldılmışdır. Qoy onun әdalәtli idarә üsulu var olsun. Qoy mәrһәmәtli,
mәrһum, mәrһәmәtlilәrin ağuşuna atılmış Әmir Sәədin torpağı pak
olsun. Qoy Allaһ böyük padşaһın һökmranlığı dövründә alicәnab xaqan,
Şәrqin vә Qәrbin şaһlar şaһı, dövlәtin vә dinin dayağı Pir Budaq xan vә
Yusif noyənin һakimiyyәtini әbәdi etsin - 816 hicri, rәcәb ayının 15-i”. Bu
tarix miladi təqvimi ilə 11 oktyabr 1413-cü ilə təsadüf edir.
Əmir Səəd məqbərəsini 1950-ci illərin sonlarında tədqiq edən erməni
tarixçisi A.Papazyan kitabədə Pir Budaq xanın adının Qaraqoyunlu hökmdarı
Qara Yusifin adından öncə çəkilməsini məşhur tarixçi V.Minorskiyə istinadən
onunla izah edir ki, Qara Yusif 1409-cu ildə Təbrizdə oğlu Pir Budağı taxta
çıxartdıqdan sonra özü səltənətin naibi (
regent) kimi qalmışdı. Ona görə də,
Əmir Səəd məqbərəsindəki kitabədə Əmir Yusifin adı Pir Budağın adından
442
Бретаницкий Л.С. Художественное наследие Переднего Востока эпохи феодализма. “Советский худож-
ник”, 1988
Dostları ilə paylaş: |