də yenicə fəaliyyətə başlayan gənc arxeoloq Məmmədəli
Hüseynovu ruhdan salmır, əksinə daha yeni axtarışlara
ruhlandırırdı. O, tez-tez Azərbaycan xəritəsinə, qədim
tariximizə aid kitablara, tarixi geologiya və coğrafiyaya dair
yazılmış əsərlərə müraciət etməli olurdu.
1956-cı ildə Azərbaycanın Daş dövrü abidələrini tədqiq
etmək məqsədilə Elmlər Akademiyası
tərəfindən
M.Hüseynovun rəhbərliyi altında Paleolit arxeoloji
ekspedisiyası təşkil olundu. Ekspedisiyanın əsas vəzifəsi
respublikamızın ərazisində arxeoloji kəşfiyyat işləri
aparmaq, Azərbaycanın qədim insan düşərgələrini müəyyən
etmək və həmin abidələrdə elmi tədqiqat işləri aparmaqdan
ibarət idi.
Qarabağ ərazisində arxeoloji kəşfiyyat işləri aparmaq
M.Hüseynovun çoxdankı arzusu idi. Ona görə də növbəti
arxeoloji kəşifiyyat aparılacaq ərazi Qarabağ bölgəsi
müəyyən olundu.
Dağlar qoynunda yerləşən Eüzuli rayonu ərazisi
Qarabağın ən səfalı yerlərindən biridir. Rayonun dağətəyi
yerlərini gəzdikdə adam təbiətin yaratdıqlarına heyran olur.
Füzuli şəhərinin özündə bir neçə möhtəşəm təpə sıra ilə
düzülmüşdür. Bu təpələr uzun müddət öz sirlərini
insanlardan gizli saxlamışdır. Lakin arxeoloqlarımız dərin
zəhmətlər sayəsində bu təpələrin sirlərini açmış və yaşayış
məskənləri olmalarını müəyyən etmişlər. Hazırda Füzuli
rayonu ərazisində Tunc dövrünün Qaraköpəktəpə,
Günəştəpə, Meynətəpə və başqa abidələri tədqiq
olunmuşdur.
Tədqiqatlar zamanı məlum olmuşdur ki, Qarabağ
ərazisi Tunc dövrünün yaşayış məskənləri ilə zəngindir. Bu
yaşayış düşərgələri də əsasən Qarabağın Quruçay və
Köndələnçay vadilərində qeydə alınmışdır. Bu ərazidə Tunc
dövrünə aid yaşayış düşərgələrinin aşkar olunması göstərir
ki, bu diyarda xalqımızın uzaq keçmişinə aid çoxlu maddi
mədəniyyət nümunələri vardır. Bu tapm-
34
tılar arxeoloqlarımızı daha qədim dövrlər haqqında
düşündürdü. Görəsən təbiətin ən səfalı guşələrindən biri olan
Qarabağ diyarında, Quruçay və Köndələnçay vadilərində
ibtidai sakinlərimiz yaşayıbmı? Əgər yaşayıb- sa, onun
izlərini tapmaq görəsən arxeoloqlarımıza nəsib olacaqmı? Bu
və başqa suallar M.Hüseynovu daha çox düşündürürdü.
Bunlara cavab tapmaq üçün o, Qarabağ ərazisini qarış-qarış
gəzməyi, onun hər bir daşına, qaya sığınacaqlarına, çay
terraslarma, karst mağaralarına diqqətlə nəzər yetirməyi
Paleolit arxeoloji ekspedisiyasının qarşısına əsas vəzifə kimi
qoydu. Vəzifələrin həyata keçirilməsi uzun müddətli axtarış
tələb edirdi. Ona görə də hər cür hazırlıq görülmüş, arxeoloji
kəşfiyyat aparılacaq yerlər qabaqcadan müəyyən olunmuşdu.
Arxeoloqların bu yolda aparacaqları
tədqiqat işlərinin xüsusi
bir taleyi var. Bu yol çətin, lakin şərəfli və olduqca zəhmət
tələb edən tədqiqat yoludur.
Arxeoloji kəşfiyyatlar zamanı aydın olmuşdur ki, çay
vadiləri ən qədim zamanlardan başlayaraq ibtiadi adamların
həyatında mühüm rol oynamışdır. İlk zamanlar ibtidai
sakinlər özlərinin yaşayış düşərgələrini çay kənarlarında
salırdılar. Paleolit (qədim Daş dövrü) dövrü üzrə arxeoloji
kəşfiyyat işləri buna görə də çay terraslarmdan başlanır.
Paleolit arxeoloji ekspedisiyasının üzvləri bir neçə gün
idi ki, Quruçay və öndələnçay vadilərində olan terraslarda
arxeoloji kəşfiyyat işləri aparırdı. Bir neçə ümidverici daş
alət tapılmışdı.
Quruçay və Köndələnçay vadilərində, ümumiyyətlə
Qarabağın dağlıq hissəsində karst mağaraları olduqca
zəngindir. Ona görə də həmin mağaralara baxmaq və orada
qədim insanların yaşayıb-yaşamadıqlarını müəyyən etmək
lazım idi. Qarabağ əhalisi arasında buradakı mağaralar
haqqında müxtəlif əfsanələr və rəvayətlər söylənilir. Guya
burada olan mağaralara qoyun və ya keçi sürüsü daxil olursa,
onlar o saat yox olurlar.
35