məd və Məmmədəli müəllimlə birlikdə deyilənlərə
əhəmiyyət verməyib mağaranın içərisinə girdilər. Mağaranın
yuxarı hissəsindən iri qaya parçaları qopub giriş yolunu
tutmuşdu. Qaya parçaları kənara atıldı və giriş yolu bir qədər
açılmış oldu (Şəkil 5-6).
Mağaranın içərisinə doğru getdikcə buradakı möhtəşəm
sütunlar, qartal və ayrı-ayrı quşları xatırladan qaya fiqurları
diqqəti cəlb edirdi. Bunların hamısı təbii yolla əmələ
gəlmişdi. Suyun və əhəngin qarışığından formalaşan
stalaktik, stalaqmit və stalaqnat hissələri olduqca maraq
doğururdu. Xüsusilə mağaranın II ən böyük salonunda
stalaqnat dirəklər möcüzəli görünürdü. Adam təbiətin
yaratdığı bu mənzərəyə heyran olurdu (Şəkil 11).
Mağaranın giriş yolu cənub-qərbə, çıxış yolu isə
şimal-qərbə baxır. Çıxış yolu torpaq çöküntüsü olmayan
çılpaq qayadan ibarətdir. İlk baxışda məlum oldu ki, burada
heç bir möcüzə yoxdur və mağara təbii yolla əhəng və suyun
qarışığından əmələ gəlmiş karst mağarasıdır. Mağara müasir
Azıx kəndinin yaxınlığında yerləşdiyinə görə ona Azıx
mağarası adı verildi (Şəkil 8
).
Azıx mağarasında torpaq çöküntüsü olduğu üçün burada
qədim insanların yaşadığını ehtimal etmək olurdu. Lakin
bunun dəqiq müəyyən olunması üçün arxeoloji kəşfiyyat
işləri aparılması məqsədəuyğun idi. Yalnız bunun əsasında
Azıx mağarasının möcüzəli görünən sirlərini açmaq və
burada ibtidai insanların yaşayıb-yaşamadığını söyləmək
olardı. Ona görə də Azıx mağarsmm əsas giriş yolunun sağ
tərəfində arxeoloji kəşfiyyat qazıntısı aparılması qərara
alındı. Əvvəlcə Azıx mağarasının fotosu, planı çəkildi, sonra
isə torpaq çöküntüsü olan sahələr ayrı-ayrı kvadratlara
bölündü.
Azıx mağarasında 1960-cı ilin yay aylarında ilkin
arxeoloji kəşfiyyat qazıntısı başlandı. Arxeoloqlar bu
37
rada tədqiqat işlərin çox ehtiyatla aparırdılar. Çöküntünün
içərisindən çıxan hər bir saxsı qırağına, daş və sümük
məmulatlarına çox diqqətlə baxırdılar. Mağaranın I, II
təbəqələrində aparılan arxeoloji qazıntılar zamanı orta əsrlər,
Tunc və Eneolit dövrlərinə aid maddi mədəniyyət nümunələri
aşkar olundu. Düşərgənin III təbəqəsindən Mustye, V
təbəqəsindən orta Aşel, VI təbəqəsindən qədim Aşel, VII-X
təbəqələrində aparılan tədqiqatlar zamanı isə yeni bir
arxeoloji mədəniyyətə - Quruçay mədəniyyətinə aid maddi
mədəniyyət qalıqları tapılmışdır. Mağaranın IV təbəqəsindən
isə heç bir arxeoloji material qeydə alnımamışdır.
Arxeoloji tədqiqat işlərinə başlanarkən heç kəs güman
edə bilməzdi ki. Azıx düşərgəsində aparılan elmi tədqiqat
işlərinin müddəti 30 ildən artıq bir dövrü (1960-1986) əhatə
edəcək və burada aşkar edilən maddi mədəniyyət nümunələri
bəşər tarixinə yeni səhifələrin yazılmasına səbəb olacaq və bu
abidənin tədqiqi beynəlxalq elmi ictimaiyyətin diqqətini cəlb
edəcəkdir.
1960-1986-cı illərdə Azıx qədim insan düşərgəsində
aparılan arxeoloji qazıntılar zamanı burada 10 arxeoloji
təbəqə qeydə alınmış və tədqiq olunmuşdur. Maraqlıdır ki,
düşərgənin çöküntülərindən 10 mindən artıq daş məmulatı və
100 mindən artıq sümük məmulatı tapılmışdır. Abidədən
aşkar olunmuş maddi mədəniyyət qalıqlarının elmi tədqiqi bu
gün də davam etdirilir.
Quruçay dərəsi bir tərəfdən Mil düzü ilə, digər tərəfdən
Qarabağın dağətəyi və yüksək dağlıq ərazisi ilə birləşmişdir.
Bu diyarda aparılmış elmi tədqiqatlar göstərmişdir ki, hələ
çox qədim zamanlardan burada canlı həyatın inkişafı üçün
əlverişli təbii coğrafi şərait olmuşdur. Ərazidə aparılmış
kompleks elmi tədqiqatlar nəticəsində məlum olmuşdur ki,
hələ 1,5 milyon il əvvəl Quruçay dərəsində mülayim iqlim
şəraitində yaşayan çoxlu heyvan olmuşdur.
38
Quruçay vadisi, Azıx və Tağlar mağaraları yerləşən
ərazidən ibtidai insanlar əmək alətləri hazırlamaq üçün
xammal mənbəyi kimi istifadə etmişlər. Quruçayda kvars,
kvarsit, bazalt, çaxmaq, fezlit, yaşma və s. daşlar mövcud
olmuşdur.
Azıx düşərgəsinin ən aşağı təbəqələrində aparılan
(VII-X təbəqələr) arxeoloji qazıntılar nəticəsində mühüm
elmi əhəmiyyətə malik maddi mədəniyyət nümunələri,
0
cümlədən 400-dən artıq daş məmulatı aşkar olunmuşdur. Daş
məmulatı içərisində əsas yeri əmək alətləri təşkil edir. Daş
məmulatı içərisində həmçinin kobud çapacaqlar, kubvari
alətlər, kobud qaşovlar, vurma səthi yaxşı saxlanmış qəlpələr
və s. qeydə alınmışdır. Təbəqələrin yerləşmə səviyyəsindən
asılı olmayaraq yeddi-onuncu təbəqələrin daş məmulatı
arxeoloji cəhətdən eyni texniki üsulla hazırlanmışdır. Bu
xüsusiyyətlər əmək alətlərinin ümumi görünüşündə, çənglə
öldürülməsindən asılı olaraq saxlanılma dərəcəsində, texniki
və tipoloji əlamətlərində özünü göstərir.
Azıx düşərgəsinin aşağı təbəqələrinin daş alətləri əsasən
kənarlarından mərkəzə doğru vurub qoparma üsulu ilə çox
kobud formada hazırlanmışdır. Bu üsulla hazırlanmış alətlər
daş məmulatı içərisində çoxluq təşkil edir. Təsvir olunan
alətləri uzunsov çay daşının bir ucu və ya onun uzununa bir
kənarının qoparılması yolu ilə hazırlanmışlar. Göstərilən tip
əmək alətlərinin meydana gəlməsi bir daha sübut edir ki, bu
cür daş məmulatı iki üzü işlənilmiş protoçoppinqlərin ilk
istehsal pilləsini təşkil edir. Yeddi-onuncu təbəqələrin daş
məmulatı arasında qəlpələrdən hazırlanmış alətlər içərisində
əsas yeri qaşov tipli alətlər tutur.
Azıx mağarasının aşağı təbəqələrinin daş məmulatı
arasında 4-5 kq ağırlığında olan nəhəng çoppervari alətlər
diqqəti daha çox cəlb edir. Hələlik ölkəmizin ərazisində olan
paleolit abidələrindən belə alətlər qeydə
39
Dostları ilə paylaş: |