Qafqaz Albaniyasının şəhər tipli yaşayış məskənləri
içərisində Mingəçevirdən tapılmış maddi mədəniyyət
qalıqları xüsusi maraq doğurur. Mingəçevirin Alban dövrünə
(antik) aid mədəni təbəqələrindən tapılmış, ictimai binaların
yaşayış evlərinin qalıqları və zəngin məişət avadanlıqları
həmin dövrdə əhalinin inkişafı xüsusiyyətlərini öyrənməyə
imkan verir. Eyni zamanda Mingəçevirdə aşkar olunmuş
arxeoloji materiallar vasitəsilə yaşayış məskənlərinin
formalaşma prosesini izləmək olur.
Azərbaycan ərazisində Alban dövrünə aid ən zəngin
tarixi abidələrdən biri Qəbələdir. Burada arxeoloqlardan
Q.Əhmədov, İ.Babayev, F.Qədirov və başqaları geniş sahədə
elmi tədqiqat işləri aparmışlar. 25 hektardan çox ərazini
əhatə edən bu şəhərin xarabalıqları indiki Qəbələ rayonunun
Çuxur Qəbələ kəndinin ərazisində yerləşir.
Ətraf əraziyə nisbətən yüksək bir təpədə yerləşən
Qəbələ şəhəri iki hissədən - şimalda Səlbirdən, cənubda isə
Qaladan ibarətdir. Arxeoloji qazıntılar zamanı məlum
olmuşdur ki. Antik dövrdə şəhərin məbədlər sahəsi hazırda
Çaqqalh adlanan yerdə olmuşdur. Maraqlıdır ki, Səlbir və
Qala bişmiş kərpicdən tikilmiş möhtəşəm qala divarları ilə
əhatə olunmuşdur.
Qəbələdə aparılan arxeoloji qazıntılar şəhərin tarixini
ayrı-ayrı dövrlər üzrə ardıcıl surətdə öyrənməyə imkan
yaratmışdır.
Şəhər xarabalıqlarında aparılan arxeoloji qazıntılar
zamanı məlum olmuşdur ki, Qəbələ eramızdan əvvəl IV
əsrin sonu, III əsrin əvvəllərində şəhər kimi meydana gələrək
XVIII əsrin ortalarmadək yaşamışdır. Bu tarixi müddət
ərzində şəhərin ictimai həyatında böyük dəyişikliklər baş
vermişdir. Müxtəlif tarixi hadisələrlə əlaqədar şəhər bir neçə
dəfə dağıntılara məruz qalmış, bəzən daha kiçik ərazidə
yerləşmiş, elə dövrlər də olmuş
121
dur ki, ətraf yerlərin ərazisi hesabına Qəbələ şəhərinin
yerləşdiyi ərazi genişlənmişdir.
Antik Qəbələ şəhəri Azərbaycan ərazisində meydana
çıxmış ən qədim dövlət olan Albaniyanın V əsrin ortalarına
qədər paytaxtı olmuşdur. Qəbələ şəhəri so- nralar da
Azərbaycanın mühüm iqtisadi, inzibati mərkəzlərindən biri
olmuşdur. Bu böyük tarixi dövrlər ərzində qəbələlilərin
ictimai-iqtisadi həyatında və ideologiyasında da əsaslı
dəyişikliklər baş vermişdir. İlk zamanlar çoxallahh olan
şəhər əhalisi eramızın IV əsrində xristian dinini, daha
sonralar isə tədricən müsəlmanlığı qəbul etmişdir. Maraqlıdır
ki, arxeoloji qazıntılar zamanı tapılmış maddi mədəniyyət
qalıqlarında bütün bu dəyişikiklər öz əksini tapmışdır.
Arxeoloji qazıntılar zamanı əldə olunmuş maddi
mədəniyyət qalıqları göstərir ki, V əsrin ortalarında Albaniya
mərkəzinin Qəbələdən Bərdə şəhərinə köçürülməsinə
baxmayaraq, bu şəhər uzun müddət Azərbaycanın mühüm
sənətkarlıq, ticarət və mədəniyyət mərkəzlərindən biri kimi
inkişaf etmişdir.
Arxeoloji tədqiqatlar nəticəsində müəyyən olunmuşdur
ki, eramızın IV-V əsrlərindən Qafqaz Albaniyasının iqtisadi,
ictimai və mədəni həyatında yeni bir mərhələ başlanmışdır.
Bu vaxtdan başlayaraq Albaniyada yeni iqtisadi-ictimai
formasiya olan feodalizm təşəkkülü, xristianlığın dövlət
dininə çevrilməsi, yerli əlifbanın kəşfi, bir sıra yeni orta əsr
şəhərlərinin meydana çıxaraq formalaşması prosesi başlanır.
Orta əsrlərdə Qafqaz Albaniyasının ərazisi bir tərəfdən
Sasani, digər tərəfdən Bizans imperiyalarının döyüş
meydanına çevrilir. Ölkəyə yadelli işğalçıların aramsız
hücumları başlanır.
VII əsrin başlanğıcında təqribən bütün Orta Şərq və o
cümlədən Zaqafqaziya bir-biri ilə iki qüdrətli rəqib dövlət
Bizans və Sasanilər İranı arasında bölüşdürülmüşdü.
122
Azərbaycanın orta əsr şəhərlərindən Qəbələ, Beyləqan,
Naxçıvan, Bərdə, Dərbənd, Bakı, Şabran və başqalarında
aparılan arxeoloji qazıntılar zamanı zəngin maddi
mədəniyyət nümunələri tapılmışdır.
Bəşər tarixində şəhərlərin meydana gəlməsi və inkişafı
hər hansı bir cəmiyyətin inkişaf xüsusiyyətləri ilə bağlı
olmuşdur. Ona görə də şəhərin meydana çıxması və inkişafı
barədə tədqiqatçı alimlər müxtəlif fikir söyləyirlər. Bir çox
tədqiqatçılar şəhərlərin bir qrup feodal malikanələri və ya
dini ibadət kompleksləri, yaxud da xırda bazarlar və ya
karvansaraylar zəminindən meydana gəldiyini iddia edirlər.
Lakin əslində isə tarixən şəhərlər inzibati, hərb və ticarət
mərkəzləri kimi meydana gəlmişdir. Lakin şəhərlərin
inkişafında əsas rolu sənətkarlıq və ticarət oynamışdır.
Orat əsrlərdə Azərbaycanın ən möhtəşəm şəhərlərindən
biri də Təbriz olmuşdur.
IX əsrin əvvəllərində Təbrizdə möhkəm istehkam- qala
var idi. Təbriz şəhəri ərəb xilafətinə qarşı mübarizədə
müstəsna rol oynamışdır. Ərəb işğalçılarına qarşı azadlıq
hərəkatının başında duran Babək 16-18 yaşlarında ikən iki
ilə yaxın Təbrizdə Məhəmməd ibn Rəv- vad əl-Əzdinin
xidmətində olmuş, 18 yaşma çatanda anasının yanma
qayıtmışdır. Təbəri 835-ci il hadisələrindən bəhs edərkən İbn
Rəvvadm nəslindən olan Məhəmməd ibn Bəisin ixtiyarında
«Təbriz» və «Şahi» adlı iki möhkəm qala olduğunu
bildirmişdir. Ərəb istilasına qarşı mübarizədə müstəqilliyə
can atan Təbriz hakimi Məhəmməd ibn Bəis əvvəllər
Babəkin müttəfiqlərindən idi və ona görə də Təbriz qalasını
Babəkin ixtiyarına vermişdir. O, hətta Babəkin sərkərdəsi
İsmət əl-Kurdi və onun yoldaşlarını azuqə ilə təmin edirdi.
Lakin so- nralar Babək hərəkatının zəifləməsini görən
Məhəmməd ibn Bəis 837-ci ildə İsmət əl-Kurdi və onun
tərəfdarlarını ələ vermək məqsədilə onların Təbriz qalasına
qonaq çağıraraq (Təbriz qalasına) həbs etdirir və Mötə-
123
Dostları ilə paylaş: |