dövründən başlamış son orta əsrlərədək zəngin maddi
mədəniyyət nümunələri tapılmışdır.
Qaraköpəktəpədə eneolit mədəniyyətinə aid arxeoloji
tapıntılar həm yerüstü axtarışlar və həm də düşərgənin aşağı
təbəqələrində aparılan qazıntılar zamanı əldə olunmuşdur.
Aşkar olunan eneolit mədəniyyətinə aid tapıntılar əsasən gil
qab qırıqlarından ibarətdir. Günəştəpə qədim yaşayış
yerindən fərqli olaraq gil qab qırıqları həm saman və həm də
qum qarışığından olan gildən ibarətdir.
Quruçay və Köndələnçay vadisində eneolit və tunc
dövrlərinə aid maddi mədəniyyət nümunələri Xantəpə və
Kültəpə qədim yaşayış düşərgələrində aparılan arxeoloji
tədqiqatlar zamanı qeydə alınmışdır. Xantəpə qədim yaşayış
düşərgəsi dairəvi təpədən ibarət olub, Füzuli şəhərinin
cənub-şərqində yerləşir. Xantəpədən aşkar olunmuş maddi
mədəniyyət qalıqları əsasən gil qab qırıqlarından və daş
məmulatından ibarətdir. Xan- təpənin gil məmulatı içərisində
bir ədəd butə diqqəti cəlb edir. Butə yuvarlaq formalı boz
rəngli kiçik qabdan ibarətdir. Butə qum qarışığından
hazırlanmış, üzərində od və his izi qalmışdır. Mis əridilməsi
üçün istifadə olunmuş bu əşyanın hündürlüyü 3,5 sm,
diametri isə 4 sm-dir. Xantəpədən tapılmış butə
Zaqafqaziyada ən qədim metal əridilməsini əks etdirən ilk
tapıntıdır. (Q.İsmayılov, 1981).
Kültəpə qədim yaşayış yeri Quruçar və Köndələnçay
vadisinin cənub-şərq qurtaracağında yerləşir. Abidə vadidə
ən möhtəşəm, çoxtəbəqəli və ən böyük sahəli qədim yaşayış
məskənidir. Düşərgənin yerləşdiyi ərazi Araz çayının geniş
vadisinə daxildir. Belə ki, Kültəpə- dən 1,5-2 km şərqdə Araz
çayı axır. Quruçay və Köndələnçay isə məhz burada Araz
çayı ilə qovuşur. Ümumiyyətlə, Quruçay və Köndələnçay
vadisindən Şərq ölkələrinə keçid bilavasitə bu yerlərdən
başlanır. Kültə- pənin belə əlverişli coğrafi mövqeyi qədim
dövrlərdən
169
ona üstünlük vermiş və buranın ən böyük yaşayış yerinə
çevrilməsinə səbəb olmuşdur.
Arxeoloji qazıntılar zamanı Kültəpədən eneolit, ilk, orta
və son tunc və həmçinin dəmir dövrünün əvvəllərinə aid
maddi mədəniyyət nümunələri tapılmışdır. Düşərgədən
tapılmış eneolit dövrünün tapıntıları əsasən gil məmulatından
ibarətdir. Bunlar da öz növbəsində saman qarışıqlı gildən
hazırlanmış ayrı-ayrı qabların qırıqları ilə təmsil olunmuşdur
(Q.İsmayılov, 1981).
Kültəpədən əldə edilən arxeoloji tapıntılar içərisində
müxtəlif daş alətlər də vardır. Onlar qədim əkinçilik
təsərrüfatı ilə bağlı olmaqla oraq dişlərindən, dən daşları və
sürtkəclərdən, çay daşlarından hazırlanmış çapacaq və
toxalardan ibarətdir.
Aparılan arxeoloji tədqiqatlarla müəyyən edilmişdir ki,
qədim zamanlarda bu yaşayış yerlərində təsərrüfatın əsasən
artıq təşəkkül tapmış əkinçilik təşkil etmiş və bu təsərrüfatda
dənli bitkilər istehsalı üstün yer tutmuşdur. Arxeoloji
tədqiqatlarla müəyyən edilmişdir ki, əkinçiliyin əsas
formasını isə toxa əkinçiliyi təşkil etmişdir. Araşdırmalar
zamanı həmçinin müəyyən olunmuşdur ki, eneolit və tunc
dövrlərində əhalinin iqtisadiyyatında əkinçiliklə yanaşı
maldarlıq da üstün mövqe tutmuşdur.
Eneolit dövrünün ən mühüm nailiyyətlərindən biri
misin kəşfi və bununla əlaqədar ilk metal alətlərin istehsalı
ilə bağlı olmuşdur. Bu dövrdə Zaqafqaziyanın, o cümlədən
Quruçay və Köndələnçay vadisinin qədim sakinləri misi
əritməyi öyrənmiş və ondan müxtəlif əmək alətləri
hazırlamaqla
öz
istehsal
fəaliyyətlərini
xeyli
yüngülləşdirmişlər.
Qədim insanların həyatında tuncun kəşf olunması
mühüm yeniliklərə səbəb olmuşdur. Aparılan kompleks
arxeoloji tədqiqatlar zamanı alimlər müəyyən etmişlər ki,
tuncun istehsalının sirri ilk dəfə ən qədim mədəniyyət
ocaqlarından olan şərq ölkələrində və o cümlə
170
dən Dəclə-Fərat çayları vadisində məskən salmış şumer
xalqına məxsusdur.
Tuncun kəşfi, tunc əmək alətlərinin geniş surətdə
istifadə olunması qədim insanların təsərrüfat həyatında
mütərəqqi rol oynamışdır. Tuncdan əmək alətlərinin
hazırlanması ilə qədim insanlar iqtisadi və ictimai inkişafın
yeni yüksək mərhələsinə - tunc dövrünə qədəm qoymuşlar.
Qarabağ ərazisində tunc dövrü olduqca zəngin arxeoloji
düşərgələrdə özünü ayrı-ayrı inkişaf mərhələlərini tapmışdır.
Çay vadilərindəki qədim yaşayış yerlərinin qalıqları, zəngin
kurqan və qəbir abidələri tunc dövründən zəmanəmizə gəlib
çatan qiymətli arxeoloji mənbələrdir. Həmin arxeoloji
mənbələrin tədqiqi zamanı öyrənilmişdir ki, Zaqafqaziya
ərazisində tunc dövrü mədəniyyətinin yaranmasında bol
xammal ehtiyatı, eləcə də Qədim Şərq ölkələri ilə qarşılıqlı
iqtisadi- mədəni əlaqələr həlledici rol oynamışdır. Aparılan
arxeoloji tədqiqatlar zamanı müəyyən olunmuşdur ki,
Qarabağ ərazisində tunc dövrü eramızdan əvvəl V
minillikdən inkişafı başlamışdır. 1964-1987-ci illərdə
Q.İsmayılovun rəhbərliyi ilə aparılan arxeoloji tədqiqatlar
zamanı Quruçay və Köndələnçay vadilərindən tunc dövrünə
aid zəngin maddi mədəniyyət qalıqları Günəştəpə, Xantəpə,
Qaraköpəktərə, Kültəpə, Şomu- təpə, Uzuntəpə və
Meynətəpə adlı düşərgələrdən tapılmışdır (Q.İsmayılov,
1981).
İlk tunc dövründə əkinçilik təsərrüfatının, xüsusən dənli
bitkilər istehsalının yüksəlişi istər-istəməz izafi məhsulun
toplanmasına şərait yaratmışdı. Belə məhsul ehtiyatı xüsusi
quyularda və iri ölçülü küpələrdə saxlanılırdı. Qarabağ
ərazisində taxıl quyularına Cünəştəpə- də, Uzuntəpədə,
Qaraköpəktəpə yaşayış yerlərində qeydə alınmışdır.
Əkinçilik təsərrüfatı ilə bağlı əmək alətlərinin bir qismi
də dən daşları ilə təmsil olunmuşdur. Adətən belə
171
Dostları ilə paylaş: |