Ağarəhim Əsərlər
15
bilməyi tələb edir. Ana dilinin tədrisi metodikası da bir elm kimi öz
xüsusi müddəalarını əlaqədə olduğu elmi mənbələrə əsaslanmaqla
meydana çıxarır. Onun istinad etdiyi elmi mənbələr aşağıdakılardır:
1. Fəlsəfə. Bir tədris fənni olmaqla ana dilinin tədrisi metodika-
sı özünün elmi əsaslarını dialektik qanunlar və qanunauyğunluqlar
zəminində müəyyənləşdirir. Ona görə də müəllim ana dili təliminin
əsas müddəalarını dialektik nöqteyi-nəzərdən təhlil-tərkib etməli və
bu baxımdan da Azərbaycan dili, oxu və yazı təlimi, nitq inkişafı
üzrə aparılan işlərin sistemini dərindən mənimsəməlidir. Belə ol-
duqda müəllim ana dili (Azərbaycan dili, oxu, yazı təlimi və nitq
inkişafı üzrə) proqramının məzmununu, ana dili tədrisinin vasitə və
yollarını, metodlarını aydın təsəvvür edir və öz işini də dialektik
əsasda qura bilir.
2. Məntiq. Ana dilinin tədrisi metodikası məntiq elmi ilə də çox
bağlıdır. Dilin müxtəlif hadisələri, oxu materiallarındakı faktlar,
obrazların fəaliyyəti, yazıçının cərəyan edən hadisələrə münasibəti,
başqa sözlə, onlardakı əlaqələr sistemi məntiqin kateqoriyalarına
istinadən müəyyənləşir. Hadisələrin açılışı, dinamika, səbəb və nə-
ticə əlaqələri sırf məntiqə əsaslanır. Təcrübə göstərir ki, müəllim bu
obyektiv məntiqə varmadan öz işini düzgün qura bilməz. Ona görə
də ana dili təlimində məntiqi əlaqələr mütləq nəzərə alınmalıdır.
3. Azərbaycan dili tarixi. Müasir Azərbaycan dili kursu.
Ana dilinin tədrisi metodikasının elmi mənbələrindən biri ―Azər-
baycan dili tarixi‖ və ―Müasir Azərbaycan dili‖ kursudur. Müəllim
Azərbaycan dilində sözlərin etimologiyasını, onun fonetik, morfo-
loji tərkibini, söz birləşmələri və cümlələrin sintaktik quruluşunu
dərindən mənimsəməli, dilin leksika və üslubiyyatına bələd olmalı-
dır.
4. Uşaq ədəbiyyatı və ədəbiyyatın tədrisi metodikası. Ana
dili şagirdləri xalqın poeziyası, poetik düşüncələri, şifahi və yazılı
abidələri ilə tanış edir, onlara vətənimiz, onun tarixi, qəhrəmanlıq
salnamələri haqqında məlumatlar verir. Şagirdlərin təsəvvürlərini
silsilə ideyalarla, lüğət ehtiyatlarını yeni-yeni söz və ifadələrlə, sin-
taktik konstruksiyalarla zənginləşdirir. Ona görə də müəllim uşaq
Ağarəhim Əsərlər
16
ədəbiyyatını dərindən öyrənməli, oxu materialının məzmununa uy-
ğun optimal vasitə, priyom və metodları seçməyi bacarmalıdır.
5. Psixologiya. Psixologiya elminə əsaslanmadan ana dilinin
tədrisi sahəsində müvəffəqiyyət qazanmaq çətindir. 6-11 yaşlı
uşaqların təlimə olan marağının psixoloji xüsusiyyətlərinin (diqqə-
tinin, qavrayışının, təxəyyülünün, hafizəsinin, təfəkkürünün və s.)
nəzərə alınması, onların görmə-hərəki analizatorlarına əsaslanılma-
sı, təlim prosesində tez yorulmadan, bir iş formasından digərinə
tez-tez keçmə hallarının müəllimin diqqət mərkəzində olması zəru-
ridir. Müasir psixologiyada savad təlimi, Azərbaycan dili, oxu və
yazı təlimi və nitq inkişafı üzrə iş sahəsində böyük əhəmiyyəti olan
mülahizələr söylənmişdir. Müəllim uşaqların yaş və psixoloji xüsu-
siyyətlərini dərindən öyrənməklə təlim prosesində psixologiya el-
minin son nailiyyətlərinə əsaslanmalıdır.
6. Pedaqogika. Təlim və tərbiyə dialektik vəhdətdədir. Təlimlə
pedaqogikanın didaktika bölməsi məşğul olur. Burada təlimin ümu-
mi müddəaları, prinsipləri, tələbləri, vasitələri, metodları və s. şərh
olunur. Ana dilinin tədrisində bu ümumi cəhətlərə əsaslanılır. Bu-
radan da ana dili tədrisinin mahiyyətindən doğan təlimin vasitələri,
konkret iş formaları, priyom və metodları müəyyənləşdirilir, bilik-
lərin verilməsi, möhkəmləndirilməsi və sistemə salınması yolları
göstərilir.
Ana dilinin tədrisində didaktikanın prinsiplərinə (sistematikliyə,
ardıcıllığa, əyaniliyə, müstəqilliyə, şüurluluğa, şagirdlərin yaş və
bilik səviyyəsinə uyğunluğuna və s.) əməl olunmalıdır.
Ana dilinin tədrisində əyanilik müstəsna əhəmiyyətə malikdir.
Savad təlimində oxu və Azərbaycan dilı materiallarının tədrisində
(xüsusilə qrammatik anlayışların açılışında, orfoqrafık və orfoepik
qaydaların mənimsədilməsində), nitq inkişafı prosesində əyanilik
ön plana çəkilməlidir.
Ana dilinin tədrisində şüurluluq prinsipinə əməl olunması şa-
girdlərin təfəkkür fəaliyyətini artırmaqla tədris materialının dərin-
dən mənimsənilməsini, qazanılan nəzəri biliklərin (tərif və ya qay-
daların) təcrübəyə tətbiqini intensivləşdirir. Ayrı-ayrı çalışmalardan
Ağarəhim Əsərlər
17
nəzəri müddəaların çıxarılmasını, oxu materiallarının məzmunu-
nun, daxili məna və rabitələrinin incəliklərinədək açılmasını, obraz-
ların fəaliyyətinin qiymətləndirilməsini, yazıçının qələmə aldığı ha-
disəyə münasibətinin öyrənilməsini və s. təmin edir. Şagirdlərin
idrak fəaliyyətini formalaşdırır.
Ana dili tədrisinin həyatla, şagirdlərin şəxsi təcrübələri ilə əla-
qələndirməsi mənimsəməni yüksəldir. Alınan biliklər, aşılanan ba-
carıq və vərdişlər şagirdlərin nitqinin inkişafına güclü təsir göstərir.
Nəzəriyyə və təcrübənin dialektik əlaqəsini təmin edir. Beləliklə,
təlimdə nəzəriyyədən praktikaya, praktikadan da nəzəriyyəyə yol
açılır.
Təcrübə göstərir ki, ana dilinin tədrisində müəllim didaktik tə-
ləbləri də nəzərə almalıdır. Müəllim şagirdlərin yaş və bilik səviy-
yəsinə əsaslanmalı, onların təsəvvürlərini yeni-yeni biliklərlə zən-
ginləşdirməli, əvvəlki dərslərdə qazanılmış bilikləri sonrakı dərslər-
də möhkəmləndirməlidir.
Məlumdur ki, ana dili tədrisi metodikası ilə məktəb təcrübəsi
əlaqədardır. Müəllimlərin təcrübəsindən qabaqcıllıq, novatorluq
elementlərinin ümumiləşdirilməsi ana dili tədrisi metodikası elmi-
nin inkişafına öz töhfələrini vermiş və verməkdədir. Hazırda res-
publika və xarici ölkə məktəblərində qazanılmış qabaqcıl təcrübə
metodikanı yeni-yeni nailiyyətlərlə zənginləşdirmiş, onun müstəqil
bir elm kimi inkişafına kömək etmişdir. Ona görə də metodikanın
keçmiş və bugünkü təcrübəsinin dərindən öyrənilməsi və ümumi-
ləşdirilməsi zəruridir.
Dostları ilə paylaş: |