345
ğuma əmin deyiləm, ancaq haqqı çatmayan birinin, birdən-
birə böyük bir haqq sahibi olması, sizcə ədalətsizlik deyilmi?
Mən bu düşüncə sahibiyəm ki, varlı adam həmişə ka-
sıbın düşmənidir. Ona görə yox ki, sovetlərdən qalma psixo-
logiyadır, əsla yox! Ona görə ki, bu bərabərsizliyi kapitalizm
qaydaları yaradır. Yoxsa, ədalətli cəmiyyət və ədalətli oyun
qaydaları olsaydı, fərasətli və ağıllılar qabağa düşərdilər. İn-
di isə əksinədir – qabağa düşənlər ağılsız müştəbehlər, nəf-
sinə qul olan savadsız kütbeyinlər, pula həris, alverçi-biz-
nesmenlərdir. Nədənsə, mənə elə gəlir ki, siyasətçiylə biz-
nesmen arasında kəskin bir sədd yoxdur, sanki ikisi də
əxlaqsızlıq uçurumunun həndəvərində oynayan qayğısız na-
dinc qohum uşaqlardır. Bu iki zümrə cəmiyyəti və bəşəriy-
yəti heç vaxt işıqlı gələcəyə aparıb çıxara bilməz. Çünki
biznesmen “batıranda” siyəsətə, siyasətçi isə işləri korlayan-
da biznesə keçir. Demək ki, cəmiyyyətin əsas meyarı olan
əxlaq prinsipləri bu çək-çevirdə ciddi zədələnir və kütləvi
sırtıqlaşma, gönüqalınlaşma prosesi başlayır. Aqil və təcrü-
bəli insanlar cəmiyyətin idarəsini ələ almalıdırlar. Bərabərliyi
təkcə sosializm demir ki, elə kapitalizm də, Quran da, hər
şey deyir... Bir misal deyim. Qonşum Rəfailin, babadanqalma
bir “Zim” maşını vardı. Mənim kimi bir qəpiyə dəyməyən
bu “zimbala” sən demə antik bir şeyimiş və kalan pula ge-
dirmiş. Nəysə, sağlıqlarına qismət, satdılar və ondan sonra
Rəfaili tanımaq mümkün olmadı qardaş... Sinifimizdə ən
kütbeyin olan bu vələdüzina, indi bizim alnımıza tüpürüb
oramıza Corc Vaşinqtonun şəkli olan dollar əskinaslarını ya-
pışdırır. Kişi əməlli-başlı iş qurdu, varlandı və “zimbalanın”
hesabına rayonumuzun birinci pullu kişisi oldu. İndi hamı
ona arxasınca “Zimbala Rəfail” deyir. Siz Allah elə fikirləş-
346
məyin ki, qarnıqurdlu paxılın biriyəm. Yox vallah, sadəcə
istərdim ki, Rəfail bu var-dövləti mənimlə yanaşı pambıq
yarışında qazanaydı. Bax o zaman onunla bir dost kimi ürək-
dən qürur duyardım. İndi isə o, gözümdə kapitalist ünsür-
dən başqa bir şey deyil.
Amma Rəfailin “zimbala” təcrübəsi ağılabatan idi. Mə-
nim maşınım olmasa da, əmək qəhrəmanı və sosializm yarı-
şının qalibi kimi dəfələrlə aldığım ordenlərim, medallarım
vardı. Odur ki, artıq heç nəyə yaramayan bu dəmir-dümür
parçalarını satıb özümə maya düzəltmək məqsədilə Bakıya
üz tutdum.
* * *
Orden-medal alverçilərini yerini soruşdum. “Hə... nu-
mizmatikləri deyirsiniz...” – “Tarqovu”nu istinad verdilər.
Gəlib deyilən yeri tapdım. Qabağına köhnə pullar, orden və
medallar, Jukovun şəxsən igidliyə görə təqdim etdiyi qızıl
qol saatları, ağlınıza gətirə bildiyiniz bütün növ metal an-
tikvariat satan tacirlərə yaxınlaşdım. Öz medalımın eynisini
piştaxtadan götürüb qiymətini soruşdum, – “6 manat” –
dedi. Ürəyimin giziltisi gözümdən və qulaqlarımdan cərəyan
kimi keçdi. Demək mənim gecə-gündüz eşşək kimi tarlada
işləməyimin son qiyməti 6 manat dəyərində olacaqmış. Səni
lənətə gələsən sovet hökuməti, səni dağılasan belə zəmanə!
Yox, mən hələki 6 manata qalacaq halda deyiləm, min bir
əziyyətlə qazandığım, 12 il ürəyimin başında qürurla gəzdir-
diyim medalımı çölə ataram, amma bu qiymətə satmaram.
– Bundan məndə də ikisi var, satsam neçəyə alarsınız!?
– 2 manata alıb, 6-ya satırıq...
347
– Satın, dilənçinin milyoner balaları! Birdən-birə milyo-
ner olmaq xəstəliyi sizin ağlınızı başınızdan alıb. Hər gün
evdən çıxanda, – “Allah işimi avand elə” demək əvəzinə, –
“Allahım, bu gün də mənə cibinə girməyə bir axmaq adam
ürcah elə”– deyirsiniz. Heç Allahın, insafın yoxdurmu sənin,
2-yə aldığını, 6-ya satırsan. Heç olmazsa, üstünə aldığın
qədər qoy – 4-ə sat da!..
– A kişi baş-beynimi aparmaginən, alırsan-al, satırsan-
sat, qoy işimizi görək, onsuzda bütün günü qara qəpiyin
sahibi olmamışıq, heç olmazsa, qanımı qaraltma.
– Olmazsan da, kapitalist tör-töküntüsü! Camaatın min
əziyyətlə qazandığı halal medalını 6 manata satanda bilmir-
sən ki, evinin bini-bərəkəti qaçacaq?!
– Kişi cəhənnəm ol burdan, oruc tutan, namaz qılan
adamam, məni imandan-dindən çıxartma, adamını get başqa
yerdə axtar, məni qanı-xataya salma, polisə verməyə artıq
pulum yoxdu mənim, çıx get burdan.
– Dədənin xarabasına gəlmişəm, məni qovursan? Bəlkə
atanının ehsanını yeyib nəmərini yazdırmadan gedirəm, hə?
– Əşşi, sənin var-yoxuna...!
Sözünün arxasını üzümə bir sillə, çiynimə bir yumruq,
arxama bir təpiklə bitirdi. Ətrafdakıların hamısının mənə
güldüyünü görüb, yenə də günahkar olduğumu anladım və
oradan uzaqlaşdım. Yaxşı ki, ətrafdakıların çoxu məni ağıl-
dankəm hesab elədi. Kaş bu dilimi dinc saxlamağın yolunu
biləydim...
* * *
348
Səki başqa şeydən danışacaqdım, gör söhbəti gətirib ha-
ralara çıxardım ey..! Bax belə olduğumu bilirəm, amma ney-
niyim ki, özümdən asılı deyil. Gedirəm qonşudan balta al-
mağa, yazığın başını baltayla yarıb qayıdıram. Hamısı da
bax bu zəvzəkliyimin ucbatından!
Amma danışmaq istədiyim başqa bir hadisədir...
Bu yaşdan sonra evlənəcəyimi, kimisə sevib-seçəcəyimi
ağlıma da gətirməzdim. Ancaq indi mən evlənmişəm.
“Necə?”. “Bax belə!”
...Deyirlər ki, züryəti olmayanlar bir az paxıl və qısqanc
olurlar. Əslinə baxanda mən də o siyahıda olmalıydım. An-
caq, bəribaşdan deyim ki, uşaqları, xüsusən hələ indi-indi
yeriməyə başlayan körpələri daha şox sevirəm. Niyəsini bil-
mirəm, Allah məni də belə yaradıb – zəvzək və körpələrə
qarşı sevgi dolu...
Hə indi yadıma düşdü!... Numizmatik arxama təpik vu-
randa üzü “Malakan bağı”na tərəf dayandığımdan, əlindən
buraxılan kimi elə o səmti tutub düz getdim və gəlib dəniz-
kənarı bulvara çıxdım. Medalımın və özümün təhqir olun-
mağımın acı yanğısı o qədər ağır idi ki, çiyinlərim əyilmişdi.
Gözlərim yeriyən ayaqqabılarımın şiş burnuna zillənmişdi.
Ətrafda küt uğultudan başqa heç nə eşitmirdim. Bükülü ka-
ğızda mənə tum uzadan uşağın səsinə gözümü qaldırdım.
– Əmi, tum istəyirsiniz?
– ...Hə, birini ver. Neçəyədir?
– 20 qəpiyə.
– Bahadır...
– Siz 10 qəpik verin, alın.
– Bu başqa məsələ, onda ikisini ver – hər şeydə xeyir
güdmək yaxşı hal olmasa da, insan gərək gəlir-çıxarını bilsin.
349
Bükmənin birini cibimə qoydum. İndi tum çırtlayır, qa-
bıqlarını yerə tüpürür, məni amansızcasına mənəvi sıxıntının
ən pis dalanına təpmiş vətənimin torpağını tum qabıqlarıyla
kirlətməkdən zövq alırdım. Hər dəfə torpağa tüpürdükcə
üzüm gülürdü, eynim açılırdı, çünki gözümün qabağına zəh-
ləmgetmişlərin hamısını gətirib onların üzünə tüpürürdüm –
Qorbaçovun, Leninin, keçmiş kolxoz sədrimiz Bəndalının
(ilk ordeni yaxama o sancmışdı), məni partiyaya keçirən
Hikmətin, məni dəfələrlə öz bizneslərinə qoşulmamı təklif
etmiş dostlarım Aydın, Şahlar, Sakit və Kərəmin, numiz-
matikin, Rəfailin – hamının!..
Deyəsən tüpürməyimin səsi etik norma səviyyəsini aşıb
diqqəti cəlb edəcək həddəymiş. Bayaqdan qabağımca gedən,
hər əlində bir uşaq tutmuş qadına sanki indi fikir verdim.
Uşaqların ikisi də oğlan idi. Biri 10-11, digəri isə 3-4
yaşlarında olardı. Balaca olan dil boğaza qoymurdu.
– Ana, mən yenə “dığınn
44
” istəsəm alacan?
Ana laqeydcəsinə uşağın başını aldadırdı:
– Hə...
– Baterka da çokqulu al ki, xayab olanda, tez taxaq,
heylə?...
– Heylə balam, heylə...
Böyük oğlan:
– Ana, bəlkə atam birdəfəlik getməyib, nə vaxtsa biz
yadına düşəcəyik və geri qayıdacaq?
– Yox bala qayıtmayacaq, qayıtmağını da istəmirəm.
Mən cəhənnəm, amma övladlarını atan ata kişi deyil, be-
ləsinə arvad olan isə əxlaqsızın ən əxlaqsızıdır.
44
Körpə dilində dığınn – maşın, baterka – batareya, çokqulu – çoxlu.
350
– Ana bəs indi dolanışığımız necə olacaq, bu şəhərdə iş
tapa biləcəksənmi? Bəlkə mən də məktəbdən çıxıb iş axta-
rım?
– Bir də belə sözü ağlına gətirsən, səni tikə-tikə doğru-
yub atanın heyifini səndən alaram! Oxu, adam, kişi ol, sonra
da nakişi atana sübut elə ki, – “uduzan sən oldun, biz yox, ay
şorgöz şərəfsiz!”. Allah kərimdir, əlbət bir yerdən işıq yeri
verər bizə də. Varlının pulu varsa, kasıbın da Allahı var...
Balaca oğlan:
– Ana, ayyah baba haydadı, niyə gəlib adamlaya kömək
eləmiy? Qıymızı xayab dığınnımı ayyah baba düzəldə biləy?
– Düzəldər oğul, düzəldər. Allah baba hər müşkül işi
düzəldər...
Böyük oğlan:
– Ana yenə ərə getməyi fikirləşirsən?
– Elə bu tələm-tələsiklikdə ərə getmək yadımdan çıx-
mışdı! Sən icazə verərsən mənim ərə getməyimə?
– Niyə vermirəm ki...
– Biqeyrətin belindən gələn oğul necə olmalıydı ki!
– Bəs indi neyniyəcəksən, bütün ömrünü bizim üçün
çürüdəcəksən?
– Bəs nə üçün ana yaranmışam, sizi doğmuşam? Ata
olsaydım, quyruğunu belinə dolayıb mozalan tutmuş dana-
lar kimi çoxdan qaçmışdım..! Bundan sonra sizin üçün
yaşıyacağam ki, adam olasınız. Sonra da insafınız olsa ye-
kələndə siz mənə baxarsınız.
Balaca oğlan:
– Ana mən ata istiyiyəm...
– Sənin atan ölsün! Ondan sənə ata olmaz!
– Onda təzəsini istiyiyəm..!
351
– Gedək bazardan alaq – qomunu 20 qəpiyə satırlar!
– Aldatmıysan ki?
– Yox...
Böyük oğlan:
– Sən ərinin necə olmağını istərdin ana?
– Mərd, sözü üzə deyən, düzü deməkdən çəkinməyən,
zəhmətkeş, yorulmaqdan qorxmayan, dəmir biləkli, əliqa-
barlı, daşdan yonulmuş enli sinə, sərt baxışlı... – hiss olu-
nurdu ki, dili danışsa da fikri tam başqa şeylərdə idi.
Balaca oğlan mənə tərəf çönüb anasının donunu dartdı:
– Ana, bax bu əmi kimi eyəmi?...
Onların hər üçü çönüb mənə baxdılar. Söhbətlərinə
xəlvəti şahid olduğumu bildikləri üçün utandım, öldüm yerə
girdim. Əlimi cibimə soxub tum bükməsini çıxardım.
– Salam, tum çırtdıyırsınız?...
Qadın:
– Yox, sağ olun!
Böyük oğlan:
– Mən istəyirəm.
Balaca oğlan:
– Mən də.
Bükməni böyük oğlana verdim. Kənardan baxan deyər-
di ki, – “Bu kişinin boyuna-buxununa bax, utanmır, düşüb
ikiuşaqlı qadının dalınca...”. Amma Allaha and olsun ki,
məqsədim qadının dalınca düşmək deyildi, bu təsadüfdən
belə alınmışdı. İnanın Allaha ki, bu yarım saatlıq şahidliyim,
qadının xasiyyəti haqqında məndə böyük bir təəssürat yarat-
mışdı. Sanki mən bu qadını və onun başsız qalmış övlad-
larını lap çoxdan tanıyırdım.
352
Biz əvvəlki qaydada yeriməyə davam elədik. Böyük
oğul ilk əvvəl anasının ovcunu tumla doldurdu. Ana tumu
qabıqdan təmizləyib hərdən balaca oğlunun da ağzına dür-
türdü.
Balaca oğlan:
– Ana, mən istiyiyəm ki, mənim atam bax bu əmi çimi
oysun...
Böyük oğlan:
– Hə ana, tam sən deyən kimi bir ərdir...
Qadın bir də dönüb müştəri gözüylə mənə baxdı, asta-
dan, – “Hə oxşuyur...” – dedi.
Əlimdəki tum bükməsini yerə tullayıb balaca oğlanın
əlindən tutdum. Ömründə heç kimin ağlına gəlməyən bir
partlayış elədim, – “İstəyirsinizmi ki, bu gündən sizin atanız
olum?” – soruşdum.
Balaca oğlan:
– Hə, mən istiyiyəm...
Onu qucağıma aldım.
Böyük oğlan xeyli anasına baxdı, görünür nəysə sezdi və:
– Mən də istəyirəm! – dedi.
Utanmadan üzümü qadına tutub ondan soruşdum:
– Mənə ərə gələrsiniz?
Yerə baxıb gülümsündü. Sakitcə 10-15 addım da yol
getdik:
– Üç sualıma tam düzgün cavab ver və mən də cavabımı
deyim – dedi.
– Buyur – dedim.
– Sizdə qalacağıq, yoxsa bizdə?
353
– Rayonda – kənddə böyük evim, bağ-bağatım, mal-
qaram var, əlbəttə mənimlə qalacağıq.
– İkiuşaqlı, 38 yaşlı təzə dul qadını almaqdan heç vaxt
peşiman olmayacaqsan ki?
– 43 yaşınadək subay yaşamağın peşimançılığını o qədər
çəkmişəm ki, heç olmazsa, hazır iki uşaqla itirdiyim zamanı
qabaqlamış olaram.
– Adın nədir?
– Bərxudar.
– İçki, qadın...
– Elə şeylərdən başın salamat!
– Onda, mən də razıyam...
İnanın Allaha, uşaqların ikisi də ayaqlarıma sarmaşıb elə
sevindilər ki, elə bil ataları müharibədən qayıtmışdı. Cibim-
dəki medallarımı çıxarıb uşaqların hərəsinin yaxasından
birini asdım. Medalları böyük bir hədiyyə kimi qəbul etmiş-
dilər. İlk hədiyyəm o qədər qiymətli olmuşdu ki, uşaqlar elə
sevinmişdilər ki.., nə deyim, gözümdən axan iki damla yaşı
qadın incə barmaqlarıyla sildi. Bax bu andaca içimdən keçən
gizilti, ta bu günədək sevgi adıyla içimdə sayrışır, zəvzəklik-
lə keçən ömrümə bir səbr, xoşbəxtlik iksiri kimi şəfa qatdı.
Nə şirin şeymiş bu sevgi...
– Nə medallarıdır belə? – qadın soruşdu.
– “Əmək qabaqcılı”, “Zərbəçi” ordeni...
– Salıb itirərlər birdən...
– Onlara medal da, canım da qurbandır – dedim.
* * *
354
Bax beləcə mən, mənə ehtiyacı olan bir ailəyə qovuş-
dum. Həmin gecə Səfurəgildə (həyat yoldaşımdır) gecələ-
dim. Bütün gecəni oğlanlarım yanımdan çəkilmədilər. On-
lara lap tez isinişdim, onlar da məni sevdilər. Səfurəylə bir-
birimizi təzə sevgililər kimi süzürdük. Sabah onları da götü-
rüb kəndimizə gətirdim. Elə həmin gün rayonda Səfurəylə
kəbinimizi kəsdirdik.
İndi iki oğul atasıyam və üçüncüsü 2 aydan sonra dün-
yaya gələcəkdir.
Etirazlarıma baxmayaraq Səfurə Bakıdakı üçotaqlı mən-
zilini satdı. Həmin pula Bakıda iri bir dükan aldıq. İndi hə-
min dükanın icarə puluyla kənddə ailəmlə birlikdə pad-
şahlar kimi xoşbəxt ömür sürürəm. Nə Rəfailə ehtiyacım var,
nə də başqa kapitalist ünsürlərə. Amma öz aramızda qalsın –
daha onlara əvvəlki kimi nifrət etmirəm. Çox qüdrətli şe-
yimiş bu sevgi deyilən şey...
Allah hamının bəxtini bax belə xeyirə açsın. Amin! Amin
deyən dillər var olsun! Ona da bir amin!..
28 avqust 2010-cu il
355
Kitabın içindəkilər
Ön söz əvəzi <<<<<<<<<<<<<<<...<<.<<< 3
“Sağır nun”- ŋ <<<<<<<<<<<<<<<<<<...<.... 9
Türkün məsəli <<<<<<<<<<<<<<<<<<.<< 17
Yarımçıq qalan gündəlik <<<<<<<<<<.<<<<<. 48
İşıq pulu <<<<<<<<<<<<<<..<<<<<...<< 146
Lənət <<<<<<<...<<<<<<<<<<<<<<<< 166
Dik <<<<<<<<<...<<<<<<<<<<<<...<< 186
Təhqir edilmiş vicdan <<<<<<<<<<<<<<<..< 199
Namus dağı <<<<<<<<<<<<<<<<<...<<< 207
Dəmir duası <<<<<<<<<<<.<<<<<<<..<< 226
Təbrizin küçələri dolanbadolan <<<<<<<<<<<.< 235
Dovşan <<<<<<<<<<<<<<<<<<<<<..<. 267
Sahibsiz yolçu <<<<<<<<<<<<<<<<<..<<. 270
Mutant... <<<<<<<<<<<<<<<<<<<.<<< 322
Bəxti-xuda <<<<<<<<<<..<<<<<<<<<<< 344
356
Yığılmağa verilib: 16.11.2013
Çapa imzalanıb: 8.01.2014
Həcmi: 22,25
Tirajı: 300
Dostları ilə paylaş: |