C
əsur qardaşlar
6
Sonra bir sıra nöqsanlar göstərilirdi, onların tezliklə aradan qaldırılması üçün
vilayətin iqtisadiyyatına iri investisiyalar yönəldilməsi, digər sosial və iqtisadi
tədbirlər görülməsi tələb olunurdu. Təəssüf ki, iki ildən çox vaxt keçməsinə
baxmayaraq, qərarın yerinə yetirilməsinə hələ başlanmamışdır. Əslində DQMV-
nin erməni əhalisinin və qonşu Ermənistanın buna hər cür mane olduqları bir
vaxtda qərarın yerinə yetirilməsinə başlamaq mümkün idimi?
Göstərilən qərarın üçüncü maddəsini xüsusi qeyd etmək lazımdır. Orada
deyilirdi: “SSRİ Mədəniyyət Nazirliyi və Azərbaycan SSR Nazirlər Soveti
Azərbaycan SSR-də yaşayan erməni əhalisinin arzusunu nəzərə alaraq Bakı
şəhərində Erməni dram teatrının yaradılması məsələsini nəzərdən keçirsin”.
Görünür, kimlərəsə elə gəlirdi ki, ərazi iddialarına bu yolla son qoymaq
mümkündür. Hadisələrin gedişi isə ona gətirib çıxardı ki, 1989-cu ilin dekabrında
Bakıda erməni kilsəsi yandırıldı. Yerevanda müsəlman məscidi bundan çox qabaq
yandırılmışdı.
Lap əvvəldən təqsirkarları axtarırdılar. Onların sırasında respublikaların
keçmiş rəhbərlərinin, yenidənqurma əleyhdarlarının və korrupsiyaya qurşanmış
ünsürlərin adları çəkilirdi. Lakin iki qonşu respublikada rəhbərliyin bir neçə dəfə
dəyişməsinə baxmayaraq, yenidənqurmanın əleyhdarları açıq-aydın azlıq təşkil
edir, onların səsləri heç eşidilmir... İstər Azərbaycan, istərsə də Ermənistan
tərəfdən korrupsiyaya qurşanmış ünsürlərə gəlincə, regionumuzun hüdudlarından
kənarda bazara gedən hər kəs öz gözləri ilə görüb yəqin edər ki, onlar nəinki dinc
yanaşı yaşayır, həm də sıx əməkdaşlıq edirlər.
Deməli təqsirkar kimsə başqasıdır, tarix məhz kimin təqsirkar olduğunu
göstərəcək. Hələlik isə “erməni xalqının milli ləyaqəti” uğrunda mübarizəni
özlərinə peşə eləmiş adamlarda baş verən bir sıra qəribə dəyişikliklərə oxucunu
cəlb etməyi vacib bilirik.
Az məhşur olan adi publisisti görkəmli yazıçı adlandırdılar. Stepanakertin və
Yerevanın qəbristanlarına əl verən qiymətlərlə baş daşları göndərən kiçik əyalət
zavodunun direktoru, cəfakeş insan şöhrəti qazandı. Üzümçülük və şərabçılıq
komitəsinin sevimli işindən məlum qərarla ayrılmış keçmiş sədri vilayətdə partiya
lideri oldu və hadisələrin gedişinə özünə layiq töhfəsini verib Moskvaya getdi.
Moskvanın elmi tədqiqat institutlarından birinin heç kəs tərəfindən tanınmayan
Əşir Bəşiroğlu
7
əməkdaşı geniş auditoriyaya ömründə məşğul olmadığı sahənin mütəxəssisi –
millətlərarası məsələlər üzrə mütəxəssis kimi təqdim edildi... Onlar – yalnız
onlarmı? – deputat olub zəkalara hakim kəsilirdilər!...
Münaqişə dəhşətli və faciəli tərzdə genişlənirdi, vəziyyət getdikcə
ağırlaşırdı. Amma bu adamların nitqlərində heç nə dəyişmirdi. Kostyumları isə
dəyişirdi, xüsusilə qadınların paltarı daha bahalı olurdu...
Aylar, illər keçdi – ölkənin bir regionunda söndürülməyən millətlərarası
münaqişə yanğını başqa regionlara yayıldı. Bir çox diyarlarda qan axıdılır. Bəs
ölkəmizin nə qədər güşəsində millətlərarası münaqişələr közərir və münaqişələrin
necə cərəyan edəcəyinə kim təminat verə bilər?...
Mərkəzdə qərarlar qəbul etmək səlahiyyətinə malik olan adamlar, görünür,
bu cür münaqişələrin tarixi köklərini, üstəlik, özlərinin çıxışlarının nəticələrini
aydın təsəvvür eləmirdilər.
Azərbaycan KP MK-nın birinci katibi, Azərbaycan SSR-in prezidenti Ayaz
Niyazi oğlu Mütəllibov Sov.İKP XXVIII qurultayında çıxış edərkən demişdir:
“Açıq deyək: mərkəzin funksionerləri məsələnin tarixini bilmədən, vəziyyətə bələd
olmadan, özlərini zəhmətə salıb münaqişənin səbəblərini obyektiv təhlil etmədən
əslində Azərbaycanı düşünülməmiş qərarların sınaqdan çıxarıldığı meydana
çevirdilər. Bəs nəticəsi? Nəticəsi odur ki, qarşıdurma davam edir, insanlar həlak
olurlar. İş o yerə çatıb ki, ölkənin ərazisində iki respublika arasında sərhəd zonası
yaradılıb. Ermənistanda respublikanın qeyri-formal hakimiyyət orqanlarının
başçılıq etdikləri 140 min nəfərlik milli ordu təşkil olunub”.
Yenilik nədir? Çoxdan unudulmuş köhnəlik. Çoxlarının yadındadırmı ki,
“Qarabağ məsələsi” adlandırılan məsələ erməni məsələsinin yalnız bir hissəsidir.
Erməni məsələsi isə Şərq məsələsinin bir hissəsidir. XIX əsrin axırlarında – XX
əsrin əvvələrində bu məsələlərə əsərlər həsr olunub. Təəssüf ki, çoxu unudulub.
Tarixçi V.Qurko-Kryajinin 1926-
cı ildə nəşr edilmiş Böyük Sovet
Ensiklopediyasında dərc olunan məqaləsi bu əsərlər sırasına aiddir. Müəllif o qədər
dəqiq və parlaq şəkildə yazmışdır ki, Stalin tarixşunaslığı onun adının
unudulmasına çalışırdı. Lakin, görünür, ensiklopediyanın redaksiya heyəti – baş
redaktoru O.Y.Şmidt, akademiklərdən N.İ.Buxarin, Q.M.Kpjijanovski və başqaları
həmin işə V.Qurko-Kryajini nahaq yerə cəlb etməmişdilər.
C
əsur qardaşlar
8
Amma tarixçi də aldanmışdı – o, ümidvar olduğunu bildirirdi: “...erməni
mühacirləri arasında ən vicdanlıları özlərinin əvvəlki istiqamətini dəyişir və
keç
mişdən əl çəkərək, təqsirlərini boyunlarına alıb Vətənə qayıdırlar. Sovet
çevrilişindən sonra Daşnaksütyün, şübhəsiz, tam ölümə məhkumdur...”
Biz oxucuların diqqətini həmin məqalənin bəzi məqamlarına cəlb etməyi
lazım bilirik.
Bildiyimiz kimi ermənilər ən çox ruslara bel bağlayırdılar. 1877-ci il
müharibəsinədək Türkiyədə ermənilər böyük səlahiyyətə malik idilər. Onlar
mühü
m dövlət vəzifələri tutmuşdular. Lakin 1877-ci ildə Rusiya ilə Türkiyə
arasında sülh müqaviləsi bağlanarkən Türkiyə ermənilərinin başda patriarx Nerses
olmaqla Rusiya hökümətinə müraciət etməsi və ondan kömək istəməsi Türk
dövlətini ermənilərə qarşı çevirdi. Rusların ermənilərə kömək məqsədilə dağlıq
ərazilərə qədəm qoymaq cəhdi İngiltərə tərəfindən dəf edildi.
Berlin konqresinin qərarları ermənilərə böyük dövlət yaratmaq ümüdü
verirdi. Bu xam xəyal ermənilərə “dənizdən dənizədək” (Qara dənizdən Aralıq
dənizinədək) böyük dövlət yaratmaq istəyi İngilislər tərəfindən qızışdırılırdı.
Ermənilərin bu istəyi puça çıxdı, Rusiyadan onların özləri imtina etmişdi,
ingilislərə isə o lazım idi ki, ruslar özlərinin yaxın şərq siyasətində ermənilərdən
istifadə edə bilməsin. İngiltərə Türkiyəni Rusiyadan qorumaq üçün Kipr adasını
aldı. Beləliklə o, erməniləri Türkiyənin ixtiyarına buraxdı.
Türkiyə dövləti isə ermənilərin xəyanətinə cavab olaraq onları
cəzalandırmağa başladı. Ermənilər Türklərə qazdıqları quyuya özləri düşdü.
İllər əsrlər bir-birini əvəz edir, siyasətlər dəyişir, yeni dövlətlər yaranır,
köhnələr dağılır, lakin ötən illər keçmişdə qalan zamanlar, süqut edən dövlətlər,
dünyadan köçən sərkərdələr yenidən yad edilir, yer üzündə onların izləri, həyat və
fəaliyyətləri araşdırılır, qiymətləndirilir, çünki gələcək bütün böyüklüyü və
gözlənilməzliyi ilə keçmişinin sarsılmaz özülü üzərində dayanır.
Bu baxımdan “Cəsur qardaşlar” kitabı araşdırmalar nəticəsi olaraq, çoxlu
sayda tarixi mənbələr əsasında ərsəyə gəlmiş, Azərbaycanın qədim toraqlarından
olan Sultan bəyin və qardaşı – Qarabağın general-qubernatoru, Azərbaycan Xalq
Cumhuriyyətinin ilk Müdafiə Naziri Xosrov bəyin qəhrəmanlığına həsr olunur.
Dostları ilə paylaş: |