F. Köçərli adına Respublika

Yüklə 109,47 Kb.

Pdf görüntüsü

tarix	15.03.2018
ölçüsü	109,47 Kb.
	#31437

F.Köçərli adına Respublika

Uşaq Kitabxanası

Yurdda sülh! Cahanda sülh!

21  sentyabr  Beynəlxalq    Sülh  Gününə  həsr  olunmuş  mərkəzi

kitabxanaların  uşaq  şöbələri,  MKS-nin  şəhər,  qəsəbə,  kənd  kitabxana

filialları üçün  hazırlanmış  metodik  vəsait

Bakı – 2017

Tərtibçilər: Nərgiz Məcidova

           Sevil Əhmədova

İxtisas  redaktoru  və          Şəhla Qəmbərova

buraxılışa  məsul:          Əməkdar Mədəniyyət işçisi





Yurdda  sülh!  Cahanda  sülh!:  metodik  vəsait  /  tərt.ed.:  N.

Məcidova ixt. red. və burax. məsul Ş.Qəmbərova; F.Köçərli

adına  Respublika  Uşaq Kitabxanası.  - Bakı,  2017.-18s.







©F. Köçərli adına  Respublika Uşaq Kitabxanası,  2017

Tərtibçidən

21 sentyabr dünyada Beynəlxalq sülh günüdür. Bu gün

BMT tərəfindən 1981- ci il 21 sentyabr tarixində təsis edilib.

Böyük mövzu olan Sülh mövzusu bu gün torpaqlarımızın 20

faizi işğal altında olan Azərbaycan üçün də xüsusi əhəmiyyət

kəsb edir.Təəsüf ki, ən sülhsevər xalq olan, dünyanın tolerant

ölkəsinin

vətəndaşları

Ermənilərin

ölkəmizə

təcavüzü

nəticəsində öz vətənlərindən didərgin düşüb, uzun illər

qurduqları ev-eşiklərindən məcburi məhrum olublar. Bu

müharibə onlara həm maddi, həm də mənəvi zərbə vurmuşd ur.

Minlərcə azərbaycanlı amansızcasına qətlə yetirilmiş, gedən

döyüşlərdə həlak olmuşlar. Bu illərdə Azərbaycan hər zaman

münaqişəni sülh yolu ilə həll etmək istəmişdir. 1993-cü ildə

görkəmli dövlət xadimi Heydər Əliyevin hakimiyyətə gəlməsi

ilə 1994-cü ilin mayında atəşkəs haqqında müqavilə imzala nd ı

və ölkədə sabitliyə nail olundu. 21 sentyabr Beynəlxalq Sülh

Günü münasibəti ilə Firidun Köçərli adına Respublika Uşaq

Kitabxabxanası tərəfindən

hazırlanan vəsait iki hissədən

ibarətdir.

I hissədə sülh aylığı çərçivəsində keçiriləcək tədbirlər

haqqında məlumat verilir. II hissədə vəsait ədəbi-bədii gecə ilə

yekunlaşır.

Giriş

Bu gün dünyada yüz milyonlarla insanın dərin ürək çırpınt ıs ı,

böyük ümid, şirin arzularla təkrar etdiyi müqəddəs bir söz

vardır – Sülh!

Bu sözün böyük mənası qanlı müharibələrin bütün iztirab və

ağırlıqlarını görmüş insanlar üçün əzizdir, qiymətlidir. Bu söz

ana sözü kimi sadə, həyat sözü kimi şirin azadlıq sözü kimi

əzəmətli və yüksəkdir. Dərisinin rəngindən, dini etiqadlarında n

asılı olmayaraq, yüz milyonlarla insan sülhü qorumaq, yeni qanlı

müharibələrin qabağını almaq üçün birləşməlidir. Bu birlik hər

yerdə müharibə qızışdıranları ifşa etmək, xalqların əmin-

amanlıq içində yaşamasını, dövlətlər arasındakı mübahisə li

məsələlərin danışıq yolu ilə, sülh yolu ilə həll olunmasını təmin

etmək əzmində olan adamların birliyidir.

Yaşayıb yaratmaq, xalqın maddi və mənəvi sərvətlər ini

artırmaq, namuslu zəhmətinin bəhrəsini nəsillərə yadigar

qoymaq – nəcib insan arzusu, şərəfli insan duyğusu, adi insan

borcudur.

Yer üzündə həyatı gündən-günə, ildən-ilə gözəlləşdirə n,

böyük səadət, böyük sevinc, saf məhəbbət kimi həyat

nemətlərini yaradan elə insanın özüdür. Bu sevinc ayrı-ayrı

insanların sevinc və səadəti ilə həmahəng olsa, bir o qədər

mənalı, uzunömürlü və dərin olur.

İnsan səadətinə düşmən olanlar bəxtiyarlığı ancaq hər cür

gözəllik və nəcabətdən uzaq olan heyvani nəşələrində görənlər,

insan nəslinin ən eybəcərləşmiş, insan, sima və xasiyyətlə rini

itirmiş bir zümrəsidir. Böyük bir insan adını ləkələyən belə

insanlar dünyanı yeni müharibələrlə qanlı dalğalarda çalxalamaq

istəyirlər. Onlar milyonların həyatı bahasına mənfəət, qan

bahasına mənfəət, göz yaşları, iniltilər iztirablar, fəryad, səfalət

sərgərdanlıq bahasına mənfəət, gəlir qazanc istəyirlər.O nlar

insan səadətinə düşmən, insan sevincinə yad, gözəl insan

arzusunun amansız yağısıdırlar.

Bu gün balalarımızın səadət, işıq və sevinc dolu dünyasını

vətənimizin hər yerində hiss edən prezidentimiz dünyada sülhün

qorunması üçün dahada mətanət, fədakarlıq və böyük qüvvə ilə

çalışır.

XX əsrin sonlarından müstəqilliyə qədəm qoysaq da

Azərbaycan xalqı azad, demokratik yol ilə irəliləyərək bütün

dövlətlər və xalqlar ilə sülh və dostluq şəraitində yaşayır.

NATO, BMT, ATƏT və s. kimi beynəlxalq təşkilatlar dünyada

sülhü nizama salmaq, dünya müharibələrinin qarşısını almaq

üçün Beynəlxalq sülhsevər təşkilat olaraq yaradılmışdır. Ancaq

dünyada tam sakitliyi heç nə ilə bərqərar etmək mümkün

olmayıb.Ən azından bu təşkilatlar sülhsevər təşkilat olaraq

müharibə ocaqlarında yardımçı kimi öz missiyalarını yerinə

yetirirlər.

İllərlə Azərbaycanda da müxtəlif vaxtlarda münaqişə lə r

olmuş, dinc əhali amansızlıqla qətlə yetirilmişdir. Keçən əsrdə

qarşılaşdığımız 1918-ci il mart soyqırımı və 1992-ci il Xocalı

faciəsi tariximizin qanlı səhifələrindən biridir. 1918-ci ilin 30

mart və 3 aprel tarixləri arasında Bakı şəhərində və Bakı

quberniyasının müxtəlif bölgələrində, eləcə də Şamaxı, Quba,

Xaçmaz, Lənkəran, Hacıqabul, Səlyan, Zəngəzur, Qarabağ,

Naxçıvan və digər ərazilərdə Bakı Soveti və daşnak erməni

silahlı dəstələrinin azərbaycanlılara qarşı törətdikləri qırğın

tariximizdə dəhşətli iz buraxdı. Rəsmi mənbələrə əsasən

soyqırımın nəticəsində 12 minə yaxın azərbaycanlı qətlə

yetirilmiş on minlərlə insan itkin düşmüşdür. Azərbaycan

Prezidenti Heydər Əliyevin 26 mart 1998-ci il tarixli sərəncamı

ilə 31 mart Azərbaycanlıların Soyqırım Günü kimi bu gün də

qeyd olunur.

Xocalı soyqırımı isə 1992-ci il fevralın 25-dən 26-na keçən

gecə Ermənistan silahlı qüvvələri tərəfindən Rusiyanın 366-cı

motoatıcı

alayının iştirakı ilə Xocalı şəhərini işğal edərkən, etnik

azərbaycanlılara qarşı baş vermiş soyqırımdır. Bu faciə Dağlıq

Qarabağ münaqişəsi zamanı baş vermiş ən dəhşətli hadisələrdən

biridir. Bu soyqırım zamanı Azərbaycan xalqı yüzlərlə şəhid

vermişdir.

1992-ci il fevralın 25-dən 26-na keçən gecə Ermənista n

silahlı qüvvələri SSRİ dövründən Xankəndi (Stepanakert)

şəhərində yerləşən 366-cı motoatıcı alayın zirehli texnikası və

hərbi heyətinin köməkliyi ilə Xocalı şəhərini işğal etdi.

Hücumdan əvvəl fevralın 25-i axşam şəhər toplardan və ağır

artileriyadan şiddətli atəşə tutuldu. Nəticədə fevralın 26-ı səhər

saat 5 radələrində Xocalı tam alova büründü. Mühasirəyə alınan

şəhərdə qalmış təqribən 2500 nəfər xocalılı Ağdam rayonunun

mərkəzinə çatmaq ümidi ilə şəhəri tərk etdi. Amma bir günün

içində yer üzündən silinən şəhəri tərk edən 2500 Xocalı

sakinindən 613-ü düşmən gülləsinə tuş gəlib qətliamın qurbanı

oldu. Bu soyqırım nəticəsində 63-ü uşaq, 106-ı qadın, 70-i qoca

və qarı olmaqla – 613 nəfər Xocalı sakini qətlə yetirildi, 8 ailə

tamamilə məhv edildi, 25 uşaq hər iki valideynini, 130 uşaq

valideynlərindən birini itirdi. Düşmən gülləsinə tuş gəlib

yaralanan 487 nəfərdən 76-sı uşaq idi. 1275 xocalılı əsir, 150

xocalılı itkin düşdü. Dövlətin və əhalinin əmlakına 1 aprel 1992-

ci il tarixinə olan qiymətlərlə 5 mlrd. rubl dəyərində ziyan

vurulmuşdur.

Tarixi boyu aqil adamlar topla, silahla deyil, elm və zəka ilə

silahlanmağı üstün tutmuşlar. Bunun üçün insanları sülh yoluna

işıqlı ziyalı yoluna cəlb etmək üçün mübarizə aparmışlar. 1993-

cü ildən hakimiyyətə gələn Azərbaycan Respublikasının

Prezidenti Heydər Əliyev də bu yolda atəşkəsə nail olmuşdur.

2000-2010-cu illər isə Prezidentin

fərmanı ilə – Sülh-

Mədəniyyət ili kimi elan edilmişdir. Sülh və mədəniyyətimizin

inkişafının göstəricisi kimi qədim alətimiz olan tar xalçaçılıq

sənəti, qədim musiqi alətimiz sayılan saz və s. Fransanın Paris

şəhərində YUNESKO-nun Bəşəriyyətin Qeyri-maddi mədəni irs

üzrə Reprezentativ siyahısında müzakirə olunaraq bu siyahıya

daxil edilib. Bu yolda kitabxanalarında qarşısında böyük

vəzifələr durur. Bu öhdəlikləri yerinə yetirmək üçün

kitabxanada kütləvi tədbirlərin müxtəlif formalarından istifadə

etmək olar. Kitab sərgiləri uşaq kitabxanalarında əyani təbliğatın

geniş yayılmış formalarından biridir. Sərgi başlıqlarını –

Yurdda sülh, cahanda sülh, Göyərçinim – sülh quşum, Kəssə hər

kim tökülən qan izini, Sülh içində yaşa və s. kimi verə bilərik.

Sərgidə tariximizdən bildiyimiz sülh müqavilələri və onlar

haqqında məlumatları əyani şəkildə təqdim edə bilərik.

1.Amasya sülh müqaviləsi – Səfəvi dövləti ilə Osmanlı

imperatorluğu arasında sülh müqaviləsi. 29 mart 1555-ci ildə

bağlanıb. Müqavilə iki dövlət arasında Çaldıran döyüşü (1514)

ilə başlayan uzunmüddətli müharibələrin birinci hissəsini

yekunlaşdırıb. Sülh razılaşmasına əsasən Qərbi Gürcüstan –

İmeretiya, Meqreliya və Quriya çarlıqları, indiki Ermənista nın

qərb hissəsi Osmanlının, Şərqi Gürcüstan – Mesxiya, Kartli,

Kaxeti, Qərbi Azərbaycan (indiki Ermənistanın əsas hissəsi)

Səfəvilərin ixtiyarına keçib. Osmanlı sultanı I Süleyman və

Səfəvi şahı I Təhmasib arasında əldə olunan sülh uzun sürmədi

və 1578-ci ildə yeni müharibə (1590-cı il İstanbul sülhünədək)

başlandı.

2.Bağdad sülh müqaviləsi – Səfəvilər və Osmanlı dövləti

arasında bağlanan sülh müqaviləsi. 6 yanvar 1733-cü ildə

bağlanıb. 1733 – Səfəvi ordusu Bağdad yaxınlığında baş verən

döyüşdə Osmanlı qoşunlarını məğlub edib. Tərəflər arasında

imzalanan Bağdad sülh müqaviləsinə əsasən Osmanlı dövləti

1723-1724-cü illərdən başlayaraq ələ keçirdiyi bütün Səfəvi

torpaqlarını geri qaytarmağa razılıq verib. Osmanlı dövləti

həmin dövrdə Şimali Azərbaycanın böyük hissəsini (Xəzəryanı

ərazilərdən savayı), habelə Təbriz, Ərdəbil, Marağa, Xoy və

digər Cənubi Azərbaycan ərazilərini nəzarətə götürmüşd ü.

1732-ci ildə bağlanan Kirmanşah müqaviləsi ilə Səfəvilər

Cənubi Azərbaycan ərazilərini geri ala bilmişdi.

3.Gülüstan müqaviləsi (ingiliscə: Treaty of Gulistan) – 1813-

cü ilin 12 oktyabr tarixində Rusiya İmperiyası ilə Qacar İran

dövləti arasında imzalanmış və tarixi Azərbaycanın ərazisini

Rusiya ilə İran arasında bölən birinci müqavilə. Çar Rusiyas ı

Osmanlı İmperiyası ilə 1812-ci ilin yayında imzaladığı Buxarest

müqaviləsində Osmanlı İmperiyası rusların Qafqazı işğalını

tanıyır, bu torpaqlara iddiasından əl çəkir. 1812-ci ildə

Napoleonun Rusiya hücumundan dəyərlənməyə çalışan İran

vəliəhdi Abbas Mirzə Rusiyanın işğal etdiyi Azərbaycan

xanlıqlarına hücum etsə də, general P.Kotlyarevski bu

hücumları dəf edir və bölgədə hərbi-siyasi üstünlük qazanır. Bu

hallar İngiltərəni bərk narahat edir və onların təkidi ilə İran

Rusiya ilə müqavilə imzalamaq qərarına gəlir. 1813-cü ilin 12

oktyabrında

Gülüstan

kəndində

birinci

Rusiya-İran

müharibəsinin qurtarmasını bildirən müqavilə imzalanır. Bu

müqavilə tarixə imzalandığı yerin adıyla Gülüstan müqaviləsi

kimi daxil olur. Müqaviləni İran tərəfdən şahın vəkili Mirzə

Əbdülhəsən xan, Rusiya tərəfdən isə Ratişev imzalayır. Bu sülh

müqavilənin şərtlərinə əsasən Şimali Azərbaycan xanlıqlarında n

İrəvan və Naxçıvanı çıxmaq şərtilə yerdə qalan bütün xanlıq lar

(Talış, Şirvan, Quba, Bakı, Gəncə, Qarabağ, Şəki) Rusiyaya

verilir. 2013-cü ilin 12 oktyabrında Gülüstan müqaviləsinin 200

illiyinin Dərbənddə qeyd olunmuşdur.

Gülüstan sülh müqaviləsi; Amasiya

Sərgidə Sülh mövzusuna aid qəzet materialları BMT- nin

fəaliyyəti ilə bağlı məlumatları və şəkilləri onların müharibə

bölgələrinə etdikləri yardımları verə bilərik.

Sərgidə veriləcək sitatlar:

Qələbə, qələbə mənimdir deyə bilənlərindir.

Heç bir zəfər məqsəd deyildir. Zəfər ancaq özündən daha

böyük bir məqsədə çatmaq üçün lazım olan ən mühüm vasitədir.

Mustafa Kamal Atatürk,

Türkiyə Respublikasının 1-ci prezidenti

Xalq ancaq sülh şəraitində müharibənin ağır yükünü hiss

edir.

Müharibənin qazanc və ziyanını hesablasaq, görərik ki,

qazandığımız qələbə verdiyimiz itkilərlə müqayisədə heç nədir.

  Corc  Bayron,

ingilis  şairi

Kəssə hər  kim  tökülən  qan izini,

Qurtaran dahi odur yer üzünü.

Hüseyn Cavid,

yazıçı-dramaturq

İnsanların sülh istəyi müharibə qorxusundan doğur.

Uinston

Çörçill

Britaniyanın Baş Naziri

Hərbi elmlərin çiçəkləməsi yalnız sülh şəraitində mümkündür.

D.Aminado,

rus şairi

Müharibənin son məqsədi sülhdür.

Aristotel,

yunan filosofu

Dövrümüzün uşaq və yeniyetmələrini qan tökmək, əzab

vermək, zorakılıq prinsipləri ilə deyil, qayğı ilə, sevgi ilə

böyüdərək onlarda sülhsevərlik prinsipləri ilə tərbiyə etmək

lazımdır. Kitabxanada bu məqsədlə tez-tez uşaqlarla söhbətlər

aparılır, müxtəlif kitab icmalları keçirilir. Söhbət zamanı xain

düşmənin məkrini, onların öz övladlarını belə düşünməyərək

tamahları ucbatından etdikləri torpaq iddiası, müharib ə lər

zamanı günahsız uşaqların öldürüldüklərini, bu günkü müharibə

şəraitində

yaşamağımızdan,

minlərlə

insanın

öz yurd-

yuvasından qaçqın düşməsindən danışmaq olar. Bu gün sülh

şəraitində yaşasaq da nə vaxtsa o torpaqlara qayıda bilməyimiz

üçün onların üstünə düşən vəzifələrdən danışmaq, vətənə necə

layiqli övlad olmalarından söhbət açmaq olar. Söhbəti elə

qurmaq lazımdır ki, onlar müharibənin dəhşətlərini, xain

düşmənin iç üzünü təsəvvüründə canlandıra bilsinlər. Özlərini

sabahkı Vətəni qorumaq üçün hazırlasınlar.

Bundan başqa uşaqların sülh və müharibə mövzusunda

təfəkkürünü ifadə edən rəsm müsabiqəsi keçirmək olar. Bu

zaman müharibə və ya sülhün uşaqların təfəkküründə necə əks

olunduğunu bilmək üçün onlara sərbəst şərait yaratmaq

lazımdır.

Kitabxanada əlfəcin, və bukletlərin hazırlanaraq oxuculara

paylanması əyani təbliğat vasitələrindən biridir. Beləki sülh

mövzusunda bukletlər üçün ədəbiyyat siyahısı seçib qeyd

etməklə oxuculara bu mövzuda kömək edə bilərik.

Orta yaş qrup oxucuları ilə fərdi söhbətlər, sual-cavab

gecələri keçirmək məqsədə uyğundur. Sual cavab gecəsində

aşağdakı sualları verə bilərik.

1. Sülh deyəndə nə başa düşürsünüz?

2. Sülh istəyirsiniz ya müharibə?

3. Sülhü necə bərqərar etmək olar?

4.Sülh haqqında hansı əsərləri oxumusunuz?

5.Sülh quşu hansı quşdur?

6.Hansı sülhməramlı beynəlxalq təşkilatları tanıyırsınız?

Uşaq və yeniyetmələrlə söhbət apararkən, xüsusilə dil

sadəliyinə, yaş xüsusiyyətlərinə diqqət yetirmək lazımd ır.

Yuxarı yaşlı oxucularla isə biblioqrafik icmallar, kitabın

müzakirəsini keçirmək olar. Xarici ədəbiyyatdan olan Lev

Tolstoyun – Hərb və Sülh romanının icmal şəklində təşkil edə

bilərik. Roman IV cilddə olduğundan uzun uzadı danışmaq

deyil, əsas detalları əsrdən götürəməklə oxuculara çatdırmaq

lazımdır.

Kitabxanada təşkil edilən ədəbi-bədii gecələr də özünə

məxsus yer tutur.

“Göyərçinim, sülh quşum” adlı ədəbi-bədii gecəyə məktəblilər,

müəllimlər, tələbələr, ziyalılar dəvət edilir.

Ədəbi-bədii gecə

(Səhnə  sülh  mövzusuna  aid  rəsmlərlə,  ağ  göyərçinlərlə

bəzədilir.  Aparıcılar  səhnəyə gəlir.)

I  Aparıcı:  Sülh!  Bu  sözün  dəyərini,  bəlkə  də,  hər  birimiz

anlamırıq, lakin düşünməyə dəyər. Biz bu dünyada yaşayırıq,

onun bizə bəxş etdikləri ilə qidalanır, gözəllikləri ilə həyatımızı

rəngarəng edirik, lakin təşəkkür olaraq əvəzində ona nə bəxş

edirik?!

II Aparıcı: Ümumiyyətlə, necə

ki,

bir-birimizə

qarşı

münasibət bəsləyiriksə, eynisini də yaşadığımız planetə qarşı

edirik. Boş eqoizmdən qurtulmaq və qlobal düşünmək üçün heç

olmazsa, özünüzə bir gün ayırın. Dəyərmi bütün bunlara,

düşünün?! Təəssüflər olsun ki, bəzi insanlara bir dünya azlıq

edir. Dünya stabil həyatın əsasıdır. Bu, bütün ölkələrə və onların

vətəndaşlarına aiddir. Sülh olduğu zamanda biz təhsil ala və

işləyə bilirik, həm maddi, həm də ki, mənəvi cəhətdən inkişaf

edə bilirik. Narahatlıq hiss etmədən sağlam ailə qura bilirik.

Səhnəyə  əlində  göyərçin  və  şarlar  tutmuş  uşaqlar  gəlir.

Monitorda  sülh  rəmzi  olan  ağ  göyərçinlər,  müxtəlif

sülhməramlı  təşkilatların fəaliyyətini  əks etdirən slayd nümayiş

edilir.  Uşaqlar birlikdə sülh nəğməsi oxuyurlar.



Sülh  nəğməsi

Dünyanın uşaqları!

Gəlin əl-ələ verək!

Ən hündür bir zirvədə

Sülh bayrağı yüksəldək!

Sülh bayrağı dalğalansın

Hər tərəfə sülh yaysın

Dünyadakı balalara

Sevincdən pay ayırsın!

Qoy dünyadakı uşaqlar

Həmişə gülsün, sevinsin,

Nə arzu etsə balalar

Yerinə yetsin arzular!

Mənim arzum budur Günəş,

Başımız üstündə olsun!

Gecələr sübhə qədər Ay,

Uşaqlara desin laylay!

Bir sehirli yağış yağsın

Dünyanı tərtəmiz etsin

Uşaqları sevməyənlər,

Çıxsın, dünyamızdan getsin!

Silah düzəldən əmilər

Silahları yandırsınlar,

Onlar da bizə qoşulub

Sülh nəğməsi oxusunlar!

Bütün qəfəsləri açıb,

Quşları göyə buraxaq

Sülhün azadlıq himnini,

Əl-ələ tutaq, oxuyaq!

Bütün dünyaya yayılsın

Uşaqların arzuları,

Arzularına çatsınlar

Dünyanın gül balaları!

Sülhün azadlıq nəğməsi

Sevindirsin hər bir kəsi

Göyərçinlər göyə qalxsın

Hamını sülhə çağırsın!

I Oxucu: Sülh – əmin-amanlıq, qurub yaratmaq dinclikdir.

II Oxucu : Sülh – azdlıq, bərabərlik və ədalətdir.

III Oxucu: Sülh – hər bir cəmiyyətin,

ümumiyyə tlə,

bəşəriyyətin  arzu  etdiyi  ən böyük  dəyərlərdən  biridir.

IV   Oxucu:  Sülh  poeziyamızın  daimi  mövzusudur.

V   Oxucu:  Sülh  – balaların  gülüşü,  qəhqəhəsidir.

VI   Oxucu: Sülh   – dünyanın  taleyi  üçün  nigaran  qalmayan

qocalıqdır.

Aparıcı: Sülhün carçıları isə gələcəyimiz olan uşaqlardır. Yə ni

uşaqlar həmişə açıq səma altında atalı-analı yaşamaq

arzusundadırlar.

(Uşaqlar əllərindəki şarı və göyərçini havaya buraxırlar.

Mahnı səslənir.)

Göyərçinik biz,

Sülhdür adımız.

Göyə uçmağa,

Var qanadımız.

Sülhdür nəğməmiz

Körpə quşuq biz.

Sülhü dünyaya

Bağışladıq biz.

Qəlbimiz gülşən,

Günlərimiz şən.

Bizi bəxtəvər

Yaşadır Vətən!

I Aparıcı : 21 Sentyabr tarixində bütün dünyada Beynəlxalq

Sülh Günü kimi qeyd olunur. Beynəlxalq Sülh Günü BMT-nin

30 noyabr 1981-ci ildəki qərarı ilə bütün dünyada qeyd olunur.

II Aparıcı: 21 Sentyabr nəinki yalnız xalqlar arasında,

həmçinin, ailələrdə, məktəblərdə köklü zorakılığa qarşı

mübarizənin əldə olunmasına nail olmaq üçün bir gündür. Bu

səbəbdən də 21 Sentyabr bütün planet insanları üçün çox

vacibdir.

III Aparıcı: Bu səbəbdən də yaşından, irqindən, milliyətində n,

dinindən və cinsindən asılı olmayaraq, sülhə nail olmaq istəyən

hər kəsin yardımına ehtiyac var. Məhz bu işdə onlara Dünya

miqyaslı fəaliyyət göstərən Beynəlxalq Təşkilatlar yardım edir.

I Aparıcı: İndidə uşaqların ifasında İnsanları Sülhə səsləyən

şairimiz Hüseyn Arifin – “Mən Sülhə səs verirəm” şeirinə qulaq

asaq:

( Səhnəyə oxucular daxil olur.)

I Oxucu: Mən sülhə səs verirəm,

Milyonlardan biritək-

Qoy bir daha ordular

Üz-üzə dayanmasın.

II Oxucu: Mən sülhə səs verirəm,-

Bombaları səsindən

Beşikdəki körpələr

Hıçqırıb oyanmasın.

I Oxucu: Mən sülhə səs verirəm,-

Böyük kəndlər,şəhərlər

Viran olub qalmasın

Tüstü-duman içində.

İstifadə edilmiş ədəbiyyat

WAP.google.az.

Nərimanoğlu M.Sülh inkişafın əsas təməlidir/ Azərbaycan. – 21

sentyabr. – 2012. S.5.

Nərimanoğlu M.Zamanın arzusu / Azərbaycan. – 21 sentyabr. –

2009. – S.7. 4. Rza R. Mənim fikrimcə (məqalələr) / Bakı:

Azərnəşr. – 1967

Yurdda sülh! Cahanda sülh!

(metodik vəsait)

Ünvan:AZ-1022 Bakı şəh.,S.Vurğun küç.88;

E-mail:info@clb.az

URL:www.clb.az

F.Köçərli adına Respublika

Uşaq Kitabxanasında

çap olunmuşdur.

Sifariş: 33

Çapa imzalanmışdır:17.08.2017

Tirajı:100

Pulsuz

Yüklə 109,47 Kb.

Dostları ilə paylaş: