45
I iştirakçı:
Mən göyün qonağıyam
Bəli, göy qurşağıyam,
Şimşək çaxandan sonra,
Göy üzünə gəlirəm.
Gəlib par-par yanıram
Qövs kimi dayanıram.
Olsa da yeddi rəngim
Min rəngə boyanıram.
Elə əlvanam, əlvan...
Təzətər, gümrah, cavan...
Rənglərə bürünürəm
Çox gözəl görünürəm.
Yağışın uşağıyam
Mən ki göy qurşağıyam.
(Tofiq Mahmud)
II iştirakçı:
Gecə göyə baxdı Elmir
Ay göydədir niyə, bilmir...
Söylədi ki, ay nənə, sən
Niyə göylərə demirsən
Ayı versin qucağıma,
Aparım mən otağıma.
Göydə ona bəs kim baxar,
Qaranlıqda, axı, qorxar.
Nənə dedi: Şirin balam,
Səni gərək başa salam.
Ay göylərin balasıdır,
Layla çalır gecə ona.
46
Bağışlamaz körpəsini
Başqasına heç bir ana.
(Aygün Bal)
III iştirakçı:
Göydə bulud oynayanda,
Həm
bu yanda, həm o yanda,
Dalğaların qaynayanda,
Mən sənə heyranam, dəniz!
Mən çoxdan vurğunam sənə
Böyük arzum budur yenə:
Dönüm bir göy göyərçinə
Sahilinə qonam, dəniz!
(Rəsul Rza)
IV iştirakçı:
Qışda, şaxtada, buzda
Günəş çimir hovuzda.
Bərk istisində yayın,
Çimir suyunda çayın.
Odur ki, par-par yanır,
Hər tərəf işıqlanır.
Qoy gətirim ləyəni,
Su tök yuyundur məni.
Ay ana, böyüyəndə,
Günəş olaram mən də.
(Xanımana Əlibəyli)
47
V iştirakçı:
Hələ səhər açılmamış,
Şırıltıyla yağır yağış.
Göylər buludları sağır,
Yağış yağır, yağış yağır.
O çəp yağış yağa-yağa,
Bir sərinlik düşər bağa.
Sərv ağacı, söyüd və şam
Hey yuyunar səhər-axşam.
Yorulmadan təbil çalar,
Uzun-uzun navalçalar.
(Xanımana Əlibəyli).
Beynəlxalq İqlim Günü ilə bağlı kitabxanada sual-cavab
gecəsi keçirmək məqsədəuyğun olar. Belə tədbir yetişməkdə
olan nəslin ətraf mühit və onun qorunması ilə bağlı biliklərini
artırmağa xidmət edir.
Kitabxanaçı: İqlim nə deməkdir?
Cavab: İqlim deyərkən çoxillik hava rejimi nəzərdə
tutulur.
Kitabxanaçı: Neçə iqlim tipləri vardır?
Cavab: Beş əsas iqlim tipi vardır ki, onlar çox sayda
yarımtiplərə
bölünür.
Tropik,
subtropik,
ortaenlikli,
yüksəkenlikli, yüksək dağlıq.
Kitabxanaçı: Duman nə deməkdir?
48
Cavab: Duman - Yer səthi üzərində buluddur. Duman və
göydəki bulud arasında heç bir fərq yoxdur. Duman, isti, quru
və su səthinə enən isti hava axını ilə bağlıdır.
Kitabxanaçı: Öz yolunu Atlantik okeanında ekvatora
yaxın yerdən başlayan ən məşhur okean axını necə adlanır?
Cavab: Qolfstrim - ən məşhur okean axınıdır.
Kitabxanaçı: Yağış necə əmələ gəlir?
Cavab: Tez-tez qızmış havada böyük miqdarda su
buxarları toplanır. Hava, məsələn dağ sislsilələrindən keçərkən,
buxarlar suya çevrilir. Öncə onlar duman və buludlar şəklində
kiçik damlalardır, amma soyuma davam edərsə, damlalar
böyüyür və yağış şəklində yağır.
Kitabxanaçı: İqlimi öyrənən elm sahəsi necə adlanır?
Cavab: İqlimşünaslıq.
Kitabxanaçı: İqlimi hansı sahələrə bölürlər?
Cavab: Makroiqlim və mikroiqlimə.
Beynəlxalq İşıqfor Günü
Beynəlxalq İşıqfor Günü 1914-cü il avqustun 5-də baş
vermiş bir hadisə ilə əlaqədar qeyd olunur. Belə ki, həmin gün
ABŞ-in Klivlend şəhərində müasir işıqfor qurğularının ilk
əcdadı meydana gəlmişdir. O, qırmızı və yaşıl fənərlərə malik
idi və işıqlar dəyişən zaman səs siqnalı işə düşürdü. Əslində, ilk
işıqforu hələ XIX əsrdə britaniyalı Cey Nayt icad etmişdir. Bu
qurğu 1868-ci ildə Londonda parlament binası qarşısında
quraşdırılmışdır. Üç ildən sonra onun fənəri partlamış və polis
işçisini yaralamışdır. Bu hadisədən sonra işıqfor, demək olar ki,
50 il unudulmuşdur. 1910-cu ildə ilk ikirəngli fənərə malik
49
avtomat işıqfor qurğusu hazırlanmış və patentləşdirilmişdir.
Müasir işqforlara bənzər üçrəngli qurğuları ilk dəfə 1920-ci ildə
Detroyt və Nyu-York sakinləri görmüşlər. Zaman keçdikcə
işıqforlar Amerikanın və Avropanın bir çox şəhərlərində
populyarlıq qazanmışdır. İşıqfor – mexaniki nəqliyyat vasitələ-
rinin, həmçinin piyada keçidlərindəki insanların və yol
hərəkətinin digər iştirakçılarının hərəkətini tənzimləmək üçün
nəzərdə tutulan optik siqnalizasiya qurğusudur. İşıqfor həmçinin
dəmir yollarında və gəmiçilikdə də istifadə olunur. 2010-cu ildə
Rusiyanın Perm şəhərində işıqfora abidə qoyulmuşdur.
Beynəlxalq İşıqfor Günü məktəblilərin yay tətili
günlərinə təsadüf edir. Bu, onlara şəhərin küçələrində davranış
qaydalarını xatırlatmaq üçün çox yaxşı fürsətdir. Bu məqsədlə
kitabxanada uşaqların yol hərəkəti qaydaları ilə tanışlığı üçün
tədbir keçirmək olar. Belə maarifləndirici bir tədbir qismində
“Yol hərəkəti əlifbası” kitabı vasitəsilə uşaqların yol hərəkəti
qaydaları ilə tanışlığını təşkil etmək olar.