10
etməlisən. Birincisi, çalış ki, onlara nəvazişli sözlər deməsinlər.
İkincisi, onların yanında heç kim mahnı oxumamalı, gülməməli,
rəqs etməməli, şən oyunlar oynamamalıdır. Üçüncüsü və ən
əsası, uşaqlar və nağıl qəhrəmanları əl-ələ tutmamalıdırlar. Əks
halda...
Qar-adam: Başa düşdüm, hər şeyi başa düşdüm.
Qar Kraliçası: Yeni il tamaşasını pozmaq üçün sənə
mənim iki casusum kömək edəcək. Onlar zalda olacaq. Orada
onları heç kim tanımır. Mənimlə ratsiya ilə əlaqə saxlayarsan.
Mən “Buz”am, sən isə “Şaxta”. Musiqi çalınır, bir neçə saniyə
müddətində işıq sönür. Qar Kraliçası yox olur. Nağıl
qəhrəmanları peyda olurlar. Onların arasında gülümsəyən Qar-
adam da var. Ortada aparıcılar dayanıb. İşıq yanır.
Oğlan sevinclə: Yeni il şənliyimizi başlaya bilərik. Hamı
burdadır.
Qız: Çox gözəl! Salam, dostlar, biz sizləri gözləyirdik.
(Nağıl qəhrəmanları reaksiya vermirlər).
Qız oğlana baxaraq: Onlara nə olub?
Oğlan: Bilmirəm, bəlkə yolda yorulublar?
Qız: Axı tezliklə Yeni ildir.
Qar-adam (tamaşaçılar tərəfə gedərək): Bütün qızları və
oğlanları sevindirmək istəyirəm: Yeni il olmayacaq! Buna görə
də onlar kimi sakit oturun, balalar! Yata bilərsiniz, yuxu ən yaxşı
istirahətdir.
Oğlan: Bu nə deməkdir? Uşaqlar bura yatmağa
gəlməyiblər.
Qız Qar-adama və nağıl qəhrəmanlarına müraciət
edərək: Kimsə sizin xətrinizə dəyib?
11
Qar-adam: Heç kim bizim xətrimizə dəyməyib. Sadəcə,
biz hamımız həmişə yalnız özümüzü düşünürük. Və bizim
qonaqlarımız da bizdən heç nə ilə fərqlənmirlər.
Oğlan: Axı sən bizim uşaqları tanıyırsan. Uşaqlar, kim
xəbərçilik, tənbəllik, kobudluq etməyi sevir? Kim yalnız özü
haqqında düşünür? (İki əl havaya qalxır. Bunlar Qar
Kraliçasının casuslarıdır).
Qar-adam: Buyurun! Razı qaldınız?
Qız: Onların sayı elə də çox deyil. Həm də əgər onlar
özləri bunu etiraf edirlərsə, bu çox doğru və cəsarətli addımdır.
Mən əminəm ki, onlar düzələcəklər. Düzdür?
Cəsuslar zaldan: Yox!
Qar-adam: Bax belə!
Oğlan: Eybi yox, dostları onlara kömək edər. Uşaqlar,
kim səliqəli, nəzakətli, cəsur olmaq istəyirsə əlini qaldırsın.
(Çoxlu əl havaya qalxır).
Qar-adam: Mən hara düşmüşəm? (Səhnədən qaçır).
Qız: Mən deyəsən hər şeyi başa düşdüm. Qar-adam
başda olmaqla nağıl qəhrəmanları bizim yeni il şənliyimizi
pozmaq istəyirlər.
Oğlan: Ola biləmz. Bəs teleqramdakı “Təbrik edirik.
Sizin yanınıza tələsirik” sözləri?
Qız: Bilmirəm. Amma bir bax, onlar necə də kefsizdirlər.
Məgər Şaxta Baba və Qar Qız belə şənliyə gələr?
Oğlan: Çox qəribədir. Bəlkə onlar xəstələniblər?
Şən musiqi çalınır. Doktor Aybolit gəlib çıxır.
Doktor Aybolit: Kimdir xəstələnən? Doktor Aybolit
hamıya kömək etməyə hazırdır.
Qız: Salam, doktor!
12
Doktor Aybolit: Oo! Mənim dostlarım artıq buradadırlar.
Biz birlikdə gəlirdik və.. Onlara nə olub?
Oğlan: Biz də başa düşmürük.
Doktor Aybolit nağıl qəhrəmanlarına yaxınlaşır,
müayinə edir və onlara nəvazişli sözlər söyləyir. Nağıl
qəhrəmanları tərpənməyə başlayırlar. Qar-adam yenə peyda
olur: Siz onlara nə deyirsiniz? Onlara yatmağa mane olursunuz.
Doktor Aybolit: Qəribədir... Vitaminləri sınayaq (Nağıl
qəhrəmanlarına vitaminlər təklif edir, lakin onlar imtina
edirlər). Doktor aparıcıları bir kənara çəkərək deyir: Diaqnoz
aydındır. Ürəklərin donması, ətrafda baş verən hər şeyə son
dərəcə laqeyd olmaq.
Qız: Doktor, bu təhlükəlidir?
Doktor Aybolit: Təəssüf ki. Xəstəlik həm də tez yayılır
və başqalarına da keçir. Əvvəllər onu yalnız sehrli çubuq
vasitəsilə sağaltmaq olurdu.
Oğlan: Amma bizim sehrli çubuğumuz yoxdur.
Doktor Aybolit: Mən dedim əvvəllər. İndi zaman
başqadır. Birincisi, tibb çox inkişaf edib, ikincisi də, uşaqlar
artıq başqa uşaqlardır. (Zaldakı uşaqları göstərir). Onlar hər şeyi
bilirlər.
Oğlan: Uşaqların bura nə aidiyyatı var?
Doktor Aybolit: Belə xəstəlikləri yalnız buz tutmuş və
laqeyd qəlblərin olmadığı yaxşı kollektivdə sağaltmaq olar.
Qız əllərini bir birinə vuraraq: Ura! Mən deyəsən hər şeyi
anladım. Bizim zalda o qədər köməkçimiz var. Dostlar, gedək
mən öz ideyamı sizlərə danışım (Oğlanı və Doktor Ayboliti
səhnənin arxasına aparır).
13
Qar-adam: (Ətrafa boylanaraq, ratsiyanı çıxarır) : “Buz,
“Buz”, mən “Şaxta”yam. Eşidirsinizmi məni? Qar Kraliçasının
səsi gəlir: Mən “Buz”am. İşlər necədir?
Qar-adam: Zaldakı casusları tanıdım. Şənlik olmayacaq.
Aparıcı qız, oğlan və Doktor Aybolit görünür. Onlar
böyük termometr, iynə və isidici gətirirlər.
Qız: Qar-adam, sən deyəsən mahnı oxuyurdun?
Qar-adam: Mən? Bu dəqiqə kimisə oxumağa məcbur edə
bilməzsən?
Oğlan (zaldakı uşaqlara üzünü tutaraq): Uşaqlar, məgər
bu belədir?
I casus: Belədir.
II casus: Bizdə hamı musiqi dərsindən qaçır.
Qar-adam: Eşitdiniz?
Bu arada Doktor Aybolit nağıl qəhrəmanalarını müalicə
edir. Onlar bir az yaxşılaşır.
Qız: Bir-iki uşaq qaçır. Qalan hamı oxuyur. Uşaqlar,
bunu sübut edək?
Musiqi çalınır. Zaldakı uşaqlar dostluq haqqında mahnı
oxuyurlar. Oğlan və qız dirijorluq edirlər. Nağıl qəhrəmanları
laqeyd halda əl çalırlar.
Oğlan: Hə, uşaqlar, Qar-adamın çağırışına cavab
verəcəyikmi?
Qar-adam: Bunlar hamısı boş şeylərdir. Oxumağı hamı
bacarır. Rəqs etmək, tapmaca demək, cavablarını tapmağı isə...
Oğlan: Hə, uşaqlar, biz bir yerdə bunun da öhdəsindən
gələrik, elə deyilmi?
Uşaqlar zaldan: Əlbəttə!
Casuslar: Yox!
Qar-adam: Mən də tək deyiləm.
Dostları ilə paylaş: |