F. Köçərli adına Respublika
Yüklə 446,38 Kb. Pdf görüntüsü
|
- Bu səhifədəki naviqasiya:
- Oskar Uayld
- Filipp Buvar
- Ümumdünya Gülüş Günü
- Viktor Hüqo
- C.Qolsuorsi
33
İngiltərə və Amerika ümumi dillə bölünmüş iki millətdir.
Oskar Uayld,
ingilis yazıçısı İngilis dili sadə, lakin çox çətin dildir.
Kurt Tuxolski,
alman yazıçısı İngilis dilini bilmədən səyahət edirsənsə, lal-kar və ağıldankəm doğulmağın nə olduğunu başa düşürsən.
Filipp Buvar,
aktyor, ssenarist Keçiriləcək tədbirlərin sırasında tematik konsertlər, konfranslar, seminarlar və s. yer ala bilər. Bu günün qeyd olunması böyük ingilis yazıçısı Uilyam Şekspirin adı ilə bağlı olduğu üçün çox zaman teatrlarda həmin gün məhz Şekspirin əsərləri repertuara daxil olunur. Yuxarı sinif şagirdləri olan oxucuları bu tamaşalara baxmağa aparmaq məqsədəuyğun olar. Bununla onlarda həm teatra sevgi yaratmaq, həm də dünya ədəbiyyatının şedevrləri hesab olunan Şekspir əsərlərinin səhnə həlli ilə tanış olmalarına kömək etmək olar. Kitabxananın özündə bir sıra tədbirlər, bayram təşkil etmək olar. Belə tədbirlərdə zəngin ingilis mədəniyyətinin müxtəlif sahələrinə müraciət etmək olar. Məsələn, ingilis stilində kostyumlaşdırılmış gecə təşkil etmək olar. İştirakçılar
34
Şahzadə Diana, Lord Bayron, “dəmir ledi” Marqaret Tetçer, Uinston Çörçill, “futbol kralı” Devid Bekhem və s. şəxsiyyətlərin obrazında defilədə iştirak edə bilərlər. Tədbirin musiqi müşayiəti üçün Bitlz qrupunun, Stinqin, Adelin və s. müğənnilərin mahnılarından istifadə etmək olar. Kitabxanada ingilis klassikasının ən yaxşı nümunələrinin ekranlaşdırılmış variantlarının nümayişini təşkil etmək olar. Aşağıdakı filmlərin nümayişi məqsədəuyğundur: “Qürur və qərəz”. Ceyn Ostinin əsərinin 1995-ci il ekranlaşdırılması. Baş rolda Kolin Fört. “Şöhrətpərəstlik yarmarkası”. Uilyam Tekkereyin romanı əsasında 2004-cü ildə ekranlaşdırılmışdlır. Baş rolda Riz Uizerspun. “Cen Eyr”. Şarlotta Brontenin əsəri əsasında 1996-cı ildə ekranlaşdırılmışdır. Baş rolda Şarlotta Qansburq. “Teatr”. Sommerset Moemin əsəri əsasında 1974-cü ildə ekranlaşdırılmışdır. Baş rolda Viya Artmane. Bu əlamətdar günlə bağlı kitabxanada yuxarı sinif şagirdlərinin iştirakı ilə “The World of English” adlı inşa müsabiqəsinin keçirilməsi məqsədəuyğun olar. Bu inşa müsabiqəsində əhatə olunacaq mövzular ingilis ədəbiyyatı, mədəniyyəti və incəsənətidir. İnşalar bir səhifə həcmində və ingilis dilində yazılmalıdır. Qiymətləndirmə ingilis dili müəllimlərindən ibarət komissiya tərəfindən aparılır. Həm qrammatik baxımdan düzgün yazılan, həm də məzmunca zəngin olan inşalar yüksək balla qiymətləndiriləcəkdir. Qaliblər ingilis ədəbiyyatının məşhur əsərlərindən bir kitabla
mükafatlandırılacaqlar.
35
Hər il aprel ayının 1-də Avropada və bir çox Asiya ölkələrində Gülüş Günü keçirilir. Bu gün rəsmi bayram kimi heç bir ölkənin təqviminə daxil edilməsə də, dünyanın bir çox dövlətlərində qeyd olunur. Həmin günü Böyük Britaniyada “Səfehlər günü”, Fransada isə “Aprel balığı günü” adlandırırlar. Gəlin əvvəla bu günün tarixçəsinə bir nəzər salaq. Bəzi mənbələrə görə 1 aprel zarafatının yaranması belə olub: Təqribən 5 əsrlik tarixi olan Gülüş Günü ilk dəfə Fransada təşəkkül tapıb. 1564-cü ildə Fransa Kralı IX Çarles, il baş- lanğıcının yanvar ayının birinci günü olması barədə qərar verib. Amma bundan əvvəl də Fransada yeni ili 1 apreldə qeyd ediblər. O zamankı rabitə şərtlərində IX Çarlesin bu qərarı ölkədə çox da yayılmayıb. Məsələdən xəbərdar olanlar isə protest məqsədilə köhnə adətlərinə davam edərək, 1 apreldə şənliklər keçiriblər. Digərləri onları “aprel axmaqları” adlandırıblar. 1 aprelə isə “bütün axmaqların günü” adını veriblər. Uzun illər sonra yanvarın ilk ay olmasına öyrəşiblər və 1 aprel gününü mədəniyyətlərinin bir parçası sayaraq Gülüş Günü kimi qeyd ediblər. İndi bütün dünyada 1 Aprel Ümumdünya Gülüş Günü kimi qeyd olunur. Başqa rəvayətə görə, qədim Romada 17 fevralı “Avamlar bayramı kimi” keçirirmişlər. Şərqi Hindistanda isə bu bayram martın 31-nə təsadüf edib. Rəvayətə görə, belə qeyri-adi ənənəyə təbiətin özü səbəb olub. Havanın yaz şıltaqlıqlarını əhali gülüş və zarafatlarla qarşılamaq məqsədilə bu günü özlərinə xoş ovqat yaratmaq üçün seçib. Azərbaycanda isə bu gün daha çox insanların bir-birlərini aldatması ilə müşayiət olunur. Hətta həmin gün televiziya kanallarında gedən bəzi xəbərlər, dövri nəşrlərdə dərc olunan
36
informasiyalar da yanlış olur. Özü də bundan heç kəs incimir. Amma hamı çalışır ki, aprelin 1-i aldanmasın. Gülüş gününün kitabxanalarda qeyd olunması çox məqsədəuyğundur. Bu günlə əlaqədar sərgilərin qurulması vacibdir. Sərgi üçün aşağıdakı başlıqlardan istifadə etmək olar: “Gülüş – ömrü uzadır”; “Qoy həmişə gülüş olsun üzlərdə”; “Uşaqlar gülürsə, dünya gülür deməkdir” və s. Sərgini bir neçə bölmə şəklində qurmaq olar: I bölmədə dünya yumorunun klassikası olan kitabları düzmək olar: Molyerin, Bomarşenin, Şekspirin komediyaları, M.Servantesin “Lamançlı Don Kixot” əsəri və s. II bölmədə rus ədəbiyyatı klassiklərinin: İlya İlf və Yevgeni Petrovun, İvan Krılovun, Sergey Mixalkovun, Korney Çukovskinin və s. III bölmədə isə Azərbaycan ədəbiyyatının görkəmli nümayəndələrinin: S.Ə.Şirvani, Q.B.Zakir, M.Ə.Sabir, C.Məmmədquluzadə, H.Ziya və s. əsərlərinin nümayiş olunması yaxşı olardı. Bir bölməni də satirik mətbuatımıza həsr etmək olar: “Molla Nəsrəddin”, “Kəlniyyət”, “Zənbur”, “Kirpi” və s. Gülüş haqqında məşhur insanların fikirlərindən də istifadə etmək olar: Gülüş – günəşdir: o, insanın üzündən qışı qovur.
Viktor Hüqo,
fransız yazıçısı Yumor hissinizi itirməyin. Qızılgül üçün ətir nədirsə, insan üçün də yumor odur.
C.Qolsuorsi,
ingilis yazıçısı Yüklə 446,38 Kb. Dostları ilə paylaş:
|