F. Köçərli adına
Yüklə 1,33 Mb. Pdf görüntüsü
|
- Bu səhifədəki naviqasiya:
- Bölmə II Tədbirlərin keçirilməsi
- Heydər Əliyev
- Kitabxanaçı
8
rayonundakı Gəncəsər monastrı (1238-ci il), dünya əhəmiyyətli tarix və mədəniyyət abidələridir. Biz indi bu abidələrin tarixindən xəbərsizik. Bütövlükdə Ağdamda 44, Qubadlıda 31, Zəngilanda 12, Kəlbəcərdə 39, Laçında 54, Füzulidə 52, Xocalıda 16, Şuşada 228 (1 dünya, 110 respublika, 117 yerli əhəmiyyətli), Xankəndində 1 tarix və mədəniyyət abidəsi işğal edilmişdir. Zəbt olunmuş rayonların ərazilərində 10 mədəniyyət və istirahət parkı, 48 uşaq musiqi, incəsənət və rəssamlıq məktəbi, 3 teatr və 3 rəsm qalereyası qalıb. Azərbaycan dövləti milli nədəniyyətimizin müxtəlif məqamlarını özündə əks etdirən abidələrin qorunmasında, bərpasında və gələcək nəsillərə çatdırılmasında həmişə maraqlıdır. Keçmişi bu gün üçün aydınlaşdırmadan, tarixi yaddaşı oyatmadan, uluların daşlaşmış-abidələşmiş pıçıltılarını eşitmədən hər hansı bir xalqın ictimai və milli şüurunun formalaşması qeyri-mümkündür. Tarixi tikililər əcdadlarımızın vətən torpağında daş hərflərlə yazdığı salnamələridir. Şərqin ən qocaman yaşayış yerlərindən biri olan Azərbaycanın elə bir guşəsi yoxdur ki, orada keçmişimizi özündə yaşadan bir abidə olmasın. Yəqin elə buna görədir ki, Azərbaycanı açıq səma altında nəhəng muzey adlandırırlar. İstər qədim, istər orta əsr, istərsə də sonuncu yüz illikdə Azərbaycan sənətkarlarının əl işləri şərqin ən möhtəşəm, ən qədim şəhərlərini bəzəyirdi. Arxeoloji qazıntılar zamanı aşkara çıxarılmış və ya hələ dağılmayıb duruş gətirən qədim memarlıq abidələri, daş kitabələr ulularımızın qərinələr arxasından gələn səsi, sədasıdır. Repressiya illəri də minlərlə işıqlı şəxsiyyətlərimiz kimi tarixi abidələrimizə də özünün dəmir “sığalı”nı çəkdi. Məscidlər, pirlər, türbələr və s. belə tarixi abidələr dinlə 9
əlaqələndirilib insafsızcasına dağıdıldı. Məhv olmuş hər bir tarixi tikili keçmişimizi bizim üçün anlaşılmaz etmiş, dünənimizə uzanan cığırlara sədd çəkmişdir. Bu sədlərin hələ bizə məlum
olan ünvanları ilə addımladıqca milli mədəniyyətimizə edilən sui-qəsdin açıq-aşkarlığı olduqca heyrətamizdir. Tədbirlərin keçirilməsi Biz tarixi keçmişimizə nəzər salarkən, ulu babalarımızın yaratdığı və indiyə qədər yaşayan abidələrlə, qalalarla, şəhərlərlə, heykəllərlə, yollarla – yaradılan hər bir şeylə fəxr edir və bunları yaradanları daim xatırlayır, onlara öz minnətdarlığımızı bildiririk. Heydər Əliyev, ümumilli lider Mədəniyyət abidələrimizin öyrənilməsi, qorunması və bərpası istiaqamətində ölkəmizdə dünya səviyyəsində ciddi iş aparılır. Heç təsadüfi deyil ki, dünyəvi əhəmiyyət daşıyan abidələrimiz beynəlxalq ictimaiyyətin də diqqət mərkəzindədir. Belə abidələrimizdən bir neçəsi “YUNESKO-nun “Dünya irs siyahısı”na daxil edilmişdir. Tarix və mədəniyyətimizin inciləri olan abidələri qorumaq hər kəsin borcu və vətəndaşlıq vəzifəsidir. Hər bir vətəndaşın ümdə vəzifəsi bu abidələri xalqa tanıtmaq, onlar haqqında düzgün və elmi məlumat verməkdir. 18 aprel Beynəlxalq Abidələr və Tarixi Yerlər Günü. Bu münasibətlə F. Köçərli adına Respublika Uşaq Kitabxanasında geniş və maraqlı tədbirlər planı hazırlanmışdır. Abidələrə təşkil edilən ekskursiyalar, vaxtaşırı keçirilən kitab icmalları, oxucu konfransları, mühazirə, söhbətlər və ən əsası sərgilər də 10
abidələrimizin təbliğində çox təsirli tədbirlərdir. Belə tədbirlərin ən öndəsi sərgidir. Sərgilər müxtəlif cür keçirilə bilər. Məsələn, Beynəlxalq abidələrin foto sərgisi, Azərbaycan ərazilərində yerləşən milli abidələrimizin foto sərgisi, kitab sərgisi və s. İlk əvvəl kitabxanada milli mədəniyyətimizin müxtəlif məqamlarını özündə əks etdirən abidələrin foto sərgisi nümayiş olunur. Daha sonra kitabxananın fondunda yer alan kitabların, dövri mətbuatda nəşr olunan jurnal, qəzet, bukletlərin nümayişi nəzərdə tutulur.
Kitabxanaçı: Hər bir xalqın özünəməxsus tarixi, mədəni irsi olduğu kimi, Azərbaycanın da çox qədim tarixi, şanlı keçmişi və mədəni irsi vardır. Bu irsin böyük bir qismini tarix və mədəniyyət abidələri təşkil edir ki, onlar da bəzən ya təbii təxribatlara uğrayır, ya da baxımsızlıq, nadanlıq üzündən qəsdən dağıdılıb sıradan çıxır. Halbuki, bunların hamısı bizdən öncəki nəslin bu torpaqda qoyub getdiyi tarixi izlərdir. Biz bu abidələrə laqeyd münasibət bəsləməklə əsil-nəcəbimizi, simamızı, varlığımızı, zəngin mədəniyyətimizi hissə-hissə itirmiş oluruq. Gəlin sizlərlə birlikdə kitabxanamızın fondunda yer alan kitabların sərgisi və foto sərgi ilə tanış olaq.
Yüklə 1,33 Mb. Dostları ilə paylaş:
|