20
F. Köçərli adına Respublika Uşaq Kitabxanasında 18 aprel
Beynəlxalq Abidələr və Tarixi Yerlər Günü ilə bağlı təşkil olunan
ekskursiyanın məqsədi orta yaş məktəb şagirdlərini tarixi yerlər
və tarixi abidələrimizlə tanış etməkdir.
Qobustan
dövlət
tarixi-bədii
qoruğunun
bələdçisi
“Qobustan tarixin daş səhifələri” adlı söhbətə başlayır.
Bələdçi: Qobustan Milli Tarixi-Bədii Qoruğu zəngin qayaüstü
təsvirlərə malik olmaqla dünyanın çox az bu tipli abidələri
sırasında xüsusi yer tutur. Qeyd edək ki, Qobustan qoruğu beş
dağdan-Böyükdaş, Kiçikdaş, Cingirdağ, Şanqardağ, Şıxqayadan
ibarətdir. Dağlarda mövcud olan daş dövrünə və sonrakı vaxtlara
aid 20 mağara-yaşayış yeri, 40 kurqan, 6000-dən artıq qayaüstü
təsvirlər keçmişimizin şahidləridir.
Ərazidə tapılan insanın ilk əmək alətləri-çaxmaq daşı, vulkan
şüşəsi, müxtəlif daş alətlər qoruğun qədim insan məskəni
olduğunu sübut etməklə həm də onun arxeoloji landşaftıdır.
Elmi məlumatlara görə, Qobustan qayalarında 4000-dən çox
petroqlif, yəni daş üzərində rəsm var. Bu rəsmlərdə heyvan və
balıq ovu, məişət səhnələri, kollektiv rəqslər, müxtəlif, o
cümlədən Günəşi əks etdirən rəmzlər, bürclər, digər fəza
cisimləri diqqəti cəlb edir. Qayaüstü rəsmlərdəki kişi və qadın
təsvirləri də elmi cəhətdən maraq doğurur. Qobustandakı bəzi
qaya parçaları öz keyfiyyətinə görə adi daşlardan çox fərqlənir.
Məsələn, burada elə daşlar var ki, üzərinə zərblə vurduqda, əsl
qaval səsi çıxarır. “Qavaldaş” adlı qaya parçasına bu adı elə ona
görə veriblər.
Abidənin tarixinə gəlincə, bu alimlərin qarşısında dayanan ən
mürəkkəb məsələlərdən biri olub. Amma son illər sübut olunub
ki, bu tarixi məkanın qayaüstü rəsmləri, ən qədim abidələri üst
paleolit dövrünün sonuna, yəni 35 min il əvvələ aiddir.
Bəşəriyyətin ilkin dövrlərini öyrənmək baxımından qlobal
mahiyyət kəsb edən Qobustan qayaüstü rəsmləri yalnız XX əsrin
21
əvvəllərində aşkarlanıb. Bu unikal abidə barəsində dünyaya ilk
dəfə məlumat verən şəxs tarixçi alim, arxeoloq, Azərbaycanın
qədim dövrlərinin tədqiqatçısı İshaq Cəfərzadə olub. İkinci
Dünya müharibəsi ərəfəsində 1930-cu ildə Qobustanda tədqiqat
aparan alim, o vaxta kimi elm aləminə məlum olmayan qayaüstü
rəsmləri-petroqlifləri aşkar edib. Qobustanın tədqiq olunması da
elə həmin vaxtdan başlanır. İshaq Cəfərzadə ilə yanaşı digər
tarixçi alimlər-arxeoloq Cəfərqulu Rüstəmov və onun həyat
yoldaşı Firuzə Muradova da həyatlarının 35 ilini Qobustanın
öyrənilməsinə həsr ediblər.
Qobustanın unikal, özünəməxsus landşaftını nəzərə alaraq,
Azərbaycan Respublikası Nazirlər Sovetinin 503 saylı qərarına
görə, 1966-cı ildə Qobustanın Böyükdaş, Kiçikdaş, Cingirdağ və
Yazılıtəpə əraziləri Qobustan Dövlət Tarixi Bədii Qoruğu elan
edilib. Qoruq 2007-ci ildə YUNESKO və İSESKO-nun
xoşməramlı səfiri, Heydər Əliyev Fondunun prezidenti, Milli
Məclisin deputatı Mehriban xanım Əliyevanın təşəbbüsü və
müraciəti əsasında YUNESKO-nun Mədəni İrs Siyahısına
salınıb. Bu, mədəni irsimizin dünyaya tanıdılmasında mühüm
addım olub. Təsadüfi deyil ki, elə həmin il iyunun 11-də
Azərbaycan
Respublikasının Prezidenti İlham Əliyev
“Qobustan Milli Tarixi-Bədii Qoruğu ərazisində yerləşən tarixi
və mədəni sərvətlərin qorunması haqqında” sərəncam
imzalayıb.
Qobustan açıq səma altında təbii muzeydi. Nəhəng qayaların
halayında qədimlərdən dövrümüzə axıb gələn bir əhvalın ritmi
duyulmaqdadı. Ulu babaların daşlara köçmüş bu qəribə
“həyatı”nın qızmar günəşə, lacivərd səmaya, sinəsi cadar-cadar
torpağa da bir az oxşayışı var. İlk insan burada sərbəst sənət
duyğularını daşlara köçürərkən həyatının qəribə səhifələrindən
söhbət açıb. Qobustanda hər daş, hər qaya özlüyündə bədii sənət
əsəridi.
22
Qədim qayaüstü təsvirlər tarixi-arxeoloji abidələrin ən
maraqlı və sirlilərindəndir. O, bəşər tarixini öyrənmək üçün
obrazlı “dilə” malik qiymətli maddi-mədəniyyət qalıqları,
keçmişin səhifələrini işqlandıran, ibtidai cəmiyyətdə insan
əməyi və fəaliyyətini, onun həyatını və dünyagörüşünü
rəngarəng və əyani şəkildə əks etdirən tarixi sənəd “canlı”
arxivdir.
Qayaüstü təsvirlər qədim insanların həyat tərzi haqda
biliklərimizin qiymətli mənbələrindən ibtidai yaradıcılıq
yollarının inkişafını təsəvvür etməyə imkan verən qədim
incəsənət əsərləridir, qədim nəsillərin özləri haqda canlı
hekayələridir.
F. Köçərli adına Respublika Uşaq Kitabxanasında təşkil
olunan tədbirlərdən biri də oxucular arasında keçirilən
viktorinalardır. Viktorinanın orta məktəbin yuxarı sinif
şagirdləri arasında keçirilməsi nəzərdə tutulmuşdur.
Kitabxanaçı viktorinanı açıq elan edir.
Kitabxanaçı: Dünyada hər bir ölkə öz əzəmətli abidələri ilə
tanınır. Məsələn, Fransa Eyfel qülləsi ilə, Rusiya Kremllə,
Azərbaycan Qız qalası, Hindistan Tac-Mahal ilə və s. Belə
abidələr dünyada sonsuz saydadır.
Bunların içərisində Amerikada ucalan
azadlıq abidəsinin öz yeri var. Dünyada
məşhur olan Azadlıq abidəsi fransızlar
tərəfindən amerikalılara hədiyyə olunub.
Bu abidənin layihəsi elzaslı Fredrix
Avqust Bertold tərəfindən hazırlanıb.
Abidə Fransa ilə Amerika arasında olan
dostluq münasibətlərini əbədiləşdirməli
idi. Hündürlüyü 152 fut, 225 ton
poladdan hazırlanmış abidənin tikilişinə fransızlar 250 min
dollar pul sərf ediblər. Abidənin dayaq hissəsini isə amerikalılar
Dostları ilə paylaş: |