731
Aydın görünürdü ki, onun anası zirzəminin bir
bucağında oturub, öz kiçik Nellisini qucaqlayaraq (həyatda
onun təsəllisi yalnız o imiş), ağlaya-ağlaya keçmiş xoşbəxt
yaşayışından dəfələrlə ona danışmışdır. Onun danışdığı
sözləri ürəyinə salıb iztirab çəkən bu xəstə uşağın tez inkişaf
edən həssas qəlbində bunun necə bir qüvvətlə əks
olunacağını heç ağlına da gətirməmişdir.
Nelli söhbətə uymuşdu, sanki birdən o nə etdiyini başa
düşərək, şübhə ilə ətrafını gözdən keçirib susdu. Nikolay
Sergeiç alnını qırışdıraraq yenə də barmaqlarını stola vurdu.
Anna Andreyevnanın gözləri yaşardı, o, dinməz-söyləməz
yaylıqla gözlərini sildi.
Nelli yavaşca əlavə etdi:
– Anam bura gələndə bərk xəstə idi, döşü bərk
ağrıyırdı. Babamı çox axtardıq, tapa bilmədik, gedib bir
zirzəmidə özümüzə bir bucaq tutduq.
Anna Andreyevna həyəcanla dedi:
– Bir bucaq, xəstə adam?!
Nelli:
downloaded from KitabYurdu.org
732
– Bəli... bir bucaq, – deyərək cavab verdi. Sonra yavaş-
yavaş canlanaraq əlavə etdi: – Anam kasıb idi. Amma mənə
deyirdi ki, kasıb olmaq günah deyil, günah – dövlətli olub
başqalarını incitməkdir... Mən Allahın qəzəbinə gəlmişəm...
Nikolay Sergeiç mənə tərəf döndü, öz sualı ilə bir
qədər etinasızlıq ifadə etməyə çalışaraq soruşdu:
– O Vasilyevskidə tutduğunuzdur? O Bubnovadır,
nədir, onun evində?
Bunu o elə soruşdu ki, elə bil susub oturmaqdan xəcalət
çəkirdi.
Nelli:
– Yox, – dedi, – orada deyildi... Əvvəl Meşşanskayada
tutmuşduq. – Bir az susduqdan sonra əlavə etdi: – Ora çox
qaranlıq idi, rütubət idi, anam çox bərk xəstələndi, onda hələ
gəzirdi. Mən onun paltarını yuyurdum, o da ağlayırdı. Orada
bir qarı da yaşayırdı, kapitan arvadı idi, bir də qulluqdan
çıxmış bir məmur yaşayırdı, o həmişə kefli gəlirdi, hər gecə
də çığırırdı, hay-küy salırdı. Mən ondan çox qorxurdum.
Anam məni öz yatağına alıb qucaqlayırdı, özü isə görürdün
ki, tir-tir əsir, məmur da çığırır, söyüş söyür. Bir dəfə o
downloaded from KitabYurdu.org
733
istədi ki, kapitanın arvadını döysün, o lap qoca bir qarı idi,
özü də ağacla gəzirdi. Anamın ona yazığı gəldi, qarıya
havadarlıq elədi, məmur anamı vurdu. Mən də məmuru...
Nelli dayandı. Xatirələr onu həyəcanlandırır, gözləri
parıldayırdı.
Anna Andreyevna bərkdən səsləndi:
– Ah, ilahi!
Nellinin
danışdığı
sözlər
onu
son
dərəcə
maraqlandırırdı, o gözlərini Nellidən ayırmırdı. Nelli də ən
çox ona müraciət edərək danışırdı.
Nelli sözünə davam etdi:
– Onda anam evdən çıxdı, məni də özü ilə apardı.
Gündüz idi. Biz axşama qədər küçələri gəzdik, anam elə hey
ağlayırdı, məni də qolumdan tutub aparırdı. Mən çox
yorulmuşdum, biz o gün heç bir şey yeməmişdik. Anam elə
öz-özü ilə danışırdı, mənə də elə deyirdi: “Nelli, kasıb ol,
mən öləndən sonra heç kəsə qulaq asma, heç kəsin yanına
getmə, tək ol, kasıb ol, işlə, iş olmasa, get dilən, amma
onların yanına getmə”. Hava qaralanda biz böyük bir
küçədən keçirdik, birdən anam çığırdı: “Azorka! Azorka!” O
downloaded from KitabYurdu.org
734
saat tükü tökülmüş böyük bir it anamın yanına yüyürdü,
zingildəyib onun üstünə atıldı, anamın qorxudan rəngi qaçdı,
çığırıb uca boylu bir qocanın qarşısında dizi üstə düşdü.
Qoca əlində ağac, başını aşağı dikib gedirdi. Bu uca boylu
qoca mənim babam imiş, özü də çox arıq idi, əyninin paltarı
çox köhnə idi. Babamı mən birinci dəfə burda gördüm. O da
çox qorxdu, rəngi ağappaq ağardı. Elə ki gördü onun
qabağında yıxılan, qıçlarını qucaqlayan anamdır, anamın
qolları arasından çıxdı, onu itələdi, əlağacını daşa vurub tez
getdi. Azorka hələ bizim yanımızda idi, elə hey ulayırdı,
anamı yalayırdı, sonra babamın yanına qaçdı, onun
ətəyindən tutub geriyə dartdı, babam onu ağacla vurdu.
Azorka yenə də bizə tərəf qaçdı, amma babam onu səslədi, o
dönüb babamın dalınca getdi, yenə də ulayırdı. Anam ölü
kimi yerdə sərilib qalmışdı. Camaat başımıza toplaşdı, polis
işçiləri gəldi. Mən çığıra-çığıra anamı qaldırırdım, anam
qalxdı, ətrafına baxıb mənim dalımca gəldi. Mən onu evə
apardım. Adamlar bizə çox baxdı, hamısı da başını
yırğalayırdı...
downloaded from KitabYurdu.org
735
Nelli nəfəsini dərmək və toxdamaq üçün dayandı.
Onun rəngi çox solğun idi, lakin gözləri parıldayırdı. Aydın
görünürdü ki, o hər şeyi açıb deməyi qət etmişdir, hətta onun
üzündə meydanoxuyucu bir ifadə vardı.
Nikolay Sergeiç qırıq ifadə ilə, həm də əsəbi bir
kəskinliklə dedi:
– Nə olsun ki, sənin anan öz atasını təhqir edib, o da
sənin ananı lap yerində rədd etmişdir...
Nelli onun sözünə qüvvət verərək sərt halda dedi:
– Anam da bunu mənə deyirdi. Biz evə qayıdanda
anam elə bir ucdan deyirdi: “Nelli, o sənin babandır, mən
onun qarşısında günahkaram, o məni qarğıyıb, Allahın da
bunun üçün mənə qəzəbi keçib”. Axşam da, o biri günlər də,
yenə də elə bunu deyirdi. Özü də elə deyirdi ki, elə bil huşu
başında deyildi...
Qoca susurdu.
Anna Andreyevna həzin-həzin ağlayaraq deyirdi:
– Sonra siz o biri otağa necə köçdünüz?
– Anam elə o axşam xəstələndi. Kapitan arvadı gedib
Bubnovanın evində bir otaq tapdı, ertəsi gün də biz ora
downloaded from KitabYurdu.org
Dostları ilə paylaş: |