86
– Yox, tək o tələb etmədi, mən özüm daha çox istədim.
Doğrudur, o dedi, amma mən özüm də… Bilirsən, əzizim,
nə var, qoy mən hamısını açıb sənə deyim: onu yüksək
kübar cəmiyyətindən olan dövlətli bir qız ilə evləndirirlər;
bu qızın çox yüksək rütbəli adamlarla qohumluğu çatır.
Alyoşanın atası istəyir ki, o mütləq bu qızı alsın; sən özün
bilirsən ki, onun atası çox yaman, fitnəkar bir adamdır; o,
əlində olan bütün imkanları işə salıb: belə fürsət çətin ələ
düşər; yüksək rütbəli adamlarla qohumluq, əlaqə, pul…
deyirlər ki, qız da təhsil almış, çox qəşəng, mərhəmətli bir
qızdır; hər barədə yaxşıdır. Alyoşa da ona uyub. Bir tərəfdən
də atası istəyir ki, onu tez başından eləsin, özü evlənsin,
buna görə də hər necə olsa, mütləq bizi bir-birimizdən
ayırmaq istəyir. O məndən, mənim Alyoşaya olan
təsirimdən qorxur.
Mən təəccüblə onun sözünü kəsdim:
– Yoxsa, knyaz sizin bir-birinizi sevdiyinizi bilir? Axı,
o belə bir şeyin olduğunu ancaq güman edirdi, güman etsə
də buna inanmırdı.
– Bilir, hamısını bilir.
downloaded from KitabYurdu.org
87
– Bilir, kim deyib?
– Alyoşa bu yaxında hamısını açıb deyib. Özü mənə
dedi ki, hamısını açıb demişəm.
– İlahi! Bu nə işdir siz tutursunuz! Özü açıb deyib?
Özü də belə bir vaxtda?
Nataşa mənim sözümü kəsdi:
– Vanya, onu müqəssir tutma, ona gülmə! Başqaları
kimi onun haqqında hökm yürütmək olmaz! Ədalətli ol! O
axı bizim kimi deyil: o lap uşaqdır: bir də onu başqa cürə
tərbiyə etmişlər. O heç başa düşürmü nə iş tutur? İlk
təəssürat, yad bir adamın ilk təsiri onu bir az əvvəl and
içərək bağlandığı bir işdən çox asanlıqla ayıra bilər. O,
iradəsiz bir adamdır; bu gün sənə sədaqətli olacağını and
içər, lakin elə o gün də özünü eyni sədaqətlə bir başqasına
təqdim edər: həm də əvvəl özü gəlib bunu sənə söylər. O
yəqin ki, pis iş də görə bilər, ancaq bu iş üstündə onu
müqəssir tutmaq olmaz, buna ancaq təəssüf etmək olar.
Hətta özünü bir başqasının yolunda lap fəda edər, özü də,
bilirsən necə?! Ancaq yeni bir təsirə qədər; yeni bir təsir
oldumu, yenə hamısını yaddan çıxarar. Əgər mən həmişə
downloaded from KitabYurdu.org
88
onun yanında olmasam, o məni də yaddan çıxarar. O belə
adamdır!
– Ah, Nataşa, bəlkə də bunlar heç doğru deyil, ancaq
dedi-qodudur. Belə bir uşağın, axı, nə evlənmək vaxtıdır?
– Sənə deyirəm ki, onun atası başqa fikirdədir.
– Sən axı, haradan bilirsən ki, o qız qəşəng qızdır,
Alyoşa da ona meyil edir?
– Özü dedi.
– Necə?! Özü dedi? Özü sənə dedi ki, mən başqasını
sevə bilərəm? Səndən də özünü bu yolda fəda etməyi tələb
etdi?
– Yox, Vanya, yox! Sən onu tanımırsan, sən onu az
görmüsən, ona gərək yaxından bələd olasan, sonra da onun
haqqında hökm verəsən. Dünyada onun qəlbindən təmiz,
düz bir qəlb yoxdur! Yaxşı, bəs necə olsun: yalan desin.
Yalan desə yaxşı olar? Onun başqasına meyil etməsi də
belədir: bircə həftə mən onu görməsəm – o məni unudar,
başqasını sevər, lakin məni görən kimi yenə də ayaqlarıma
düşər. Yox! Yaxşı ki, bunu məndən gizlətmir, mən bunu
bilirəm, yoxsa şübhə məni öldürərdi, Vanya! Mən qəti
downloaded from KitabYurdu.org
89
qərara gəlmişəm: əgər mən həmişə, hər gün, hər dəqiqə
onun yanında olmasam, o daha məni sevməyəcək, məni
unudacaq, məni atıb gedəcək. O belədir: hər yetən onu öz
ardınca çəkib apara bilər. Onda mən nə edə bilərəm? Mən
ölərəm… ölmək nədi axı! Mən indi də ölməyimə sevinirəm!
Mən onsuz axı, necə yaşaya bilərəm? Bax, ölümün özündən
də, bütün əzablardan da betər budur! Ah, Vanya, Vanya!
Mən ki ondan ötrü atamı, anamı atmışam, görünür, bunun da
bir səbəbi vardır. Mənə nahaq yerə öyüd-nəsihət verirsən:
mən qəti qərara gəlmişəm! O hər saat, hər dəqiqə mənim
yanımda olmalıdır! Mən qayıda bilmərəm. Mən bilirəm ki,
məhv olmuşam, başqalarını da məhv etmişəm… – birdən o:
– Ah, Vanya! – deyərək çığırdı və bütün bədəni titrədi. –
Bəlkə o, doğrudan da, daha məni sevmir?! Bəlkə sən indicə
doğru dedin ki, o ancaq səni aldadır, o sənə elə səmimi, elə
sədaqətli görünür, o əslində pis və lovğa adamdır (lakin mən
belə bir şey deməmişdim). Budur, indi mən onu sənin
qarşında müdafiə edirəm, amma o bəlkə elə bu anda başqası
ilə əylənir, mənə gülür… amma mən, mən alçaq, hamını atıb
küçələri gəzirəm, onu axtarıram… Ah, Vanya!
downloaded from KitabYurdu.org
90
Bu inilti onun könlündən elə bir kədərlə qopdu ki,
mənim bütün qəlbim dərdli-dərdli sızıldadı. Mən başa
düşdüm ki, o öz-özünə hakim olmaq qabiliyyətini tamamilə
itirmişdir. Yalnız hər şeyə göz yuman, ifrat dərəcəyə varan
çılğın bir qısqanclıq onu belə bir sərsəm qərara gətirib çıxara
bilərdi. Lakin mənim də qəlbimdə qısqanclıq hissi alovlanıb
özünü büruzə verdi. Mən özümü saxlaya bilmədim: bu
iyrənc hiss məni öz təsiri altına aldı.
Dedim ki:
– Nataşa, mən ancaq bir şeyi başa düşmürəm: bu
şeyləri ki indicə sən onun haqqında dedin, – bundan sonra
sən onu necə sevə bilərsən? Sən ona heç hörmət etmirsən,
hətta onun sevgisinə inanmırsan, amma həmişəlik onun
yanına gedirsən, hamını ondan ötrü məhv edirsən! Axı bu nə
olan şeydir! Bütün ömrün boyu o səni incidəcək, sən də onu
incidəcəksən! Sən onu həddindən artıq sevirsən, Nataşa,
həddindən artıq sevirsən! Mən belə bir sevgini başa düşə
bilmirəm.
Nataşanın rəngi, elə bil ki, duyduğu bir ağrıdan
ağappaq ağardı:
downloaded from KitabYurdu.org
Dostları ilə paylaş: |