323
pulunu al, mənim kefimə toxunma!” Elə o saat altı yüz əlli
frankı qabağına saydı. Çənəbazarına salıb əlli frankını
kəsdik.
Elə bu anda, bizim olduğumuz otaqdan iki-üç otaq o
tərəfdə dəhşətli bir çığırtı qopdu. Mən də diksinib çığırdım,
bu, Yelenanın səsi idi. Elə o saat da bu çığırtının ardınca
başqa çığırtılar, söyüş, qapışma, sonra da üzə bərk-bərk
vurulan aydın şillə səsləri eşidildi. Bu yəqin Mitroşka idi, öz
payına düşən məsələni həll edirdi. Birdən qapı bərk açıldı,
Yelena rəngi qaçmış halda özünü içəri soxdu. Onun gözləri
tutqunlaşmış, ağ kiseyi paltarı tamamilə əzilmişdi, daranmış
saçı sanki kiminləsə qapışdığından, dağılmışdı. Mən qapının
qarşısında durmuşdum, o düz mənim üstümə yüyürdü, məni
qucaqladı. Hamı cəld ayağa qalxdı, hamı qorxuya düşdü.
Qışqırdılar, çığırışdılar. Yelenadan sonra Mitroşka gəldi, o
öz əzilmiş, xırpalanmış yekəqarın düşmənini saçından
tutaraq sürüyə-sürüyə gətirirdi. Qapıdan içəri girib, onu
bizim qabağımıza atıb, məmnun halda dedi:
– Bu da o! Alın, götürün!
downloaded from KitabYurdu.org
324
Masloboyev sakitcə mənə yaxınlaşdı, əlini çiynimə
vuraraq dedi:
– Mənə bax! Qızı götür, bizim gəldiyimiz arabaya min
get, sənin daha burda işin yoxdur. O biri işləri də sabah
yoluna qoyarıq.
Mən daha durub gözləmədim, Yelenanın qolundan
tutub, onu bu əxlaqsızlar, canilər yuvasından çıxartdım.
Sonra orda nələr olduğunu daha bilmədim. Bizi saxlayan
olmadı. Bubnova dəhşət içində donub qalmışdı. Bütün bu
şeylər elə sürətlə olmuşdu ki, o heç mane də ola bilmədi.
Sürücü bizi gözləyirdi. İyirmi dəqiqədən sonra mən öz
mənzilimə çatdım.
Yelena yarımcan halda idi. Mən onun paltarının
qarmaqlarını açdım, üz-gözünə su çiləyib divana qoydum. O
qızdırdı, sayıqlamağa başladı. Mən onun solğun üzünə, qanı
qaçmış dodaqlarına, diqqətlə daranmış, saç yağı sürtülmüş,
bir az yana əyilmiş qara saçına, bütün bəzək-düzəyinə,
paltarının hələ də ora-burasında ilişib qalmış xırdaca,
çəhrayı bantlarına baxdım, bütün bu mənfur hadisə mənim
üçün tamamilə aydın oldu. Yazıq qız! Onun vəziyyəti get-
downloaded from KitabYurdu.org
325
gedə pisləşirdi. Mən onun yanından ayrılmırdım. Bu axşam
Nataşagilə getməməyi qərara aldım. Yelena bəzən uzun
kirpiklərini qaldırır, diqqətlə, xeyli mənə baxır, sanki məni
tanımırdı. Gecə saat bir olardı ki, onun gözünə yuxu getdi.
Mən də onun çarpayısı qarşısında, döşəmənin üstündə
yatdım.
downloaded from KitabYurdu.org
326
VIII FƏSİL
Səhər tezdən durdum. Gecə bəlkə də hər yarım saatdan
bir ayılır, zavallı qonağıma yaxınlaşır, diqqətlə ona
baxırdım. O, qızdırma içində idi, arabir də sayıqlayırdı.
Səhərə yaxın lap bərk yatdı. Düşündüm ki, bu, yaxşı
əlamətdir, lakin səhər ayılan kimi belə bir qərara gəldim: nə
qədər ki yazıq qız yatmışdır, tez gedib həkim gətirim. Mən
bir həkim tanıyırdım, o, subay, xoştəbiətli, qoca bir həkim
idi, lap çoxdan Vladimirskaya küçəsində, bir alman qadını
ilə yaşayırdı, qadın onun ev işlərinə baxırdı. Düz onun
yanına getdim. Söz verdi ki, saat onda sizdə olaram. Onun
yanına gedəndə saat səkkiz idi. Yolda çox istədim ki,
Masloboyevgilə gedim, lakin sonra bu fikirdən daşındım,
yəqin o dünənki hadisədən sonra hələ də yatırdı. Bir də ki,
Yelena yuxudan ayılar, özünü otağımda görüb qorxa bilərdi,
xəstə olduğundan, bəlkə də bura nə vaxt və necə gəldiyini
unuda da bilərdi.
Mən otağa girəndə Yelena yuxudan ayıldı. Ona
yaxınlaşıb ehtiyatla soruşdum: “Özünü necə hiss edirsən?”
downloaded from KitabYurdu.org
327
Yelena cavab vermədi, öz qara, mənalı gözlərilə diqqətlə və
xeyli mənə baxdı. Mən onun baxışlarından başa düşdüm ki,
o hər şeyi başa düşür, ağlı da özündədir. Bəlkə də o mənə,
əvvəlki adətinə görə, cavab vermirdi. Dünən də, üç gün
bundan əvvəl də o mənim yanıma gələndə, mənim bəzi
suallarıma qarşı bircə kəlmə də söz demirdi, ancaq birdən
gözlərini zilləyib xeyli mənə baxırdı. Bu zaman onun
gözlərində şübhə və əcaib bir maraq, qəribə bir qürur ifadə
olunurdu. İndi isə mən onun baxışlarında sərt bir ifadə
gördüm, hətta elə bil ki, o mənə inanmırdı. Qızdırması olub-
olmadığını bilmək üçün əlimi onun alnına qoymaq istədim,
lakin o öz kiçik əli ilə əlimi dinməz-söyləməz, üsulluca
kənara itələyib üzünü divara çevirdi. Onu narahat etməmək
üçün çəkilib getdim.
Mənim iri bir mis çaynikim vardı. Onu çoxdan samovar
yerinə işlədir, onda su qaynadırdım. Odunum vardı, dalandar
beş günün odununu birdən gətirmişdi. Sobanı yandırdım, su
gətirdim, çayniki oda qoydum. Stəkan-nəlbəkini də
hazırladım. Yelena mənə tərəf çevrilərək gördüyüm işə
maraqla baxırdı. Mən ondan soruşdum ki, bəlkə bir şey
downloaded from KitabYurdu.org
Dostları ilə paylaş: |