F. M. Dostoyevski alçaldilmiş VƏ TƏHQİr ediLMİŞ İnsanlar
Yüklə 4,19 Mb. Pdf görüntüsü
|
343
Nəhayət, o yatdı, ancaq rahat yata bilmirdi, tez-tez diksinir, yuxudan ayılır. Mən bu gün çox gəzməsəm də, yamanca yorulmuşdum, fikirləşdim ki, mümkün qədər tez yatım. Bu adamların dərdi mənə əzab verirdi, onların fikri məni rahat qoymurdu. Hiss edirdim ki, bu qız mənim başımı çox qarışdıracaq. Lakin məni daha çox Nataşa və onun işləri düşündürürdü. İndi mən, bu axşam yatarkən çox ağır bir ruhi vəziyyətdə olduğumu xatırlayıram, çox az hallarda mən belə bir vəziyyətdə olurdum, bu məşum bir gecə idi.
downloaded from KitabYurdu.org 344
IX FƏSİL
Yuxudan səhər gec ayıldım, saat on olardı. Xəstələnmişdim, başım bərk ağrıyır, həm də hərlənirdi, Yelenanın yatağına baxdım: yataq boş idi. Eyni zamanda, sağ tərəfdəki kiçik otaqdan bir cür səs eşidirdim, elə bil ki, yerə süpürgə çəkirdilər. Çıxıb baxdım. Yelena bir əlində süpürgə, o biri əli ilə də, hələ dünən gecədən bəri əynindən çıxarmadığı bəzəkli paltarının balağından tutub, yer süpürürdü. Soba üçün hazırlanmış odun, bir-birinin üstə, bucağa yığılmışdı, stol səliqəyə salınmış, çaynik yuyulub təmizlənmişdi, bir sözlə, Yelena evdarlıq edirdi. Çağırıb dedim: – Yelena, mənə bax, kim səni məcbur eləyir ki, yer süpürəsən? Bu mənə lazım deyil, sən xəstəsən, sən mənim yanıma qulluqçu gəlmisən? Yelena dikələrək düz üzümə baxdı: – Bəs yeri kim süpürəcək? İndi mən daha xəstə deyiləm. downloaded from KitabYurdu.org
345
– Yelena, mən axı səni bura işləmək üçün gətirməmişəm. Sən elə bil qorxursan ki, mən də səni Bubnova kimi danlayacağam, deyəcəyəm ki, havayı yeyib- yatırsan, iş görmürsən? – sonra təəccüblə ona baxıb soruşdum. – Bu murdar süpürgəni haradan tapmısan? Mənim süpürgəm yox idi. – Bu mənim süpürgəmdir. Özüm gətirmişəm. Babam üçün də mən burada yer süpürürdüm. Süpürgə də o vaxtdan, bax, burada, sobanın altında idi. Mən düşünə-düşünə geri qayıtdım. Bəlkə də mən pis bir iş tutmuşdum, lakin mənə elə gəlirdi ki, Yelena burada qalmağı özü üçün ağır hesab edir, buna görə də havayı yerə yaşamadığını hər vasitə ilə sübut etmək istəyir. Düşünərək öz-özümə dedim: “Əgər belə isə, onda bu nə sərt təbiətli qızdır!” Bir-iki dəqiqədən sonra o da gəldi, diqqətlə mənə baxa-baxa, kirimişcə gedib divanda, dünənki yerində oturdu. Mən çayniki qaynatdım, çay dəmlədim, onun üçün fincana çay tökdüm, bir parça da ağ çörək verdim. O dinməz- söyləməz çörəyi aldı. Dünəndən bəri heç bir şey yeməmişdi. Baxdım ki, balağının bir parça yeri çirkə batmışdır. downloaded from KitabYurdu.org
346
– Gör, – dedim, – qəşəngcə donunu süpürgə ilə bulamısan. Yelena balağına baxıb, birdən fincanı yerə qoydu, hər iki əli ilə, görünür, soyuqqanlıqla və sakitcə kiseyi donunu çərtdi, birdən dartıb başdan-ayağa kimi cırdı. Sonra da heç bir söz demədi, başını qaldırıb parlaq gözlərini mənə zillədi. Mən qarşımdakının dəli olduğunu yəqin edərək çığırırdım: – Yelena, sən nə edirsən?! O, həyəcandan az qala nəfəsi tutula-tutula dedi: – Bu, pis paltardır, siz niyə dediniz ki, bu qəşəng paltardır? – birdən yerindən qalxıb qışqırdı. – Mən bunu görmək istəmirəm. Mən bunu parçalayacağam. Mən ondan xahiş etməmişdim ki, məni bəzəndirsin. O özü məni güclə bəzəndirdi. Mən əvvəl də onun aldığı bir paltarı cırmışdım, bunu da cıracağam. Cıracağam! Cıracağam! Cıracağam! Yelena bunu deyib qəzəblə paltarının üstünə düşdü. Bir anda onu tikə-tikə elədi. Bunu qurtardıqdan sonra onun rəngi elə qaçmışdı ki, ayaq üstə güclə dururdu. Mən təəccüblə onun bu hiddətinə baxırdım. Lakin Yelena mənə downloaded from KitabYurdu.org
347
meydanoxuyucu bir nəzərlə baxırdı, elə bil ki, mən də onun qarşısında müqəssir idim. İndi daha mən nə etmək lazım olduğunu bilirdim. Bu qərara gəldim ki, elə bu gün səhər gedib ona təzə paltar alım. Təbiətən sərtləşmiş bu əcaib məxluqa ancaq xoşluqla təsir etmək lazımdı. Yelena mənə elə baxırdı ki, sanki ömründə heç yaxşı insan görməmişdi. O belə bir təzə paltarını əvvəllər də, amansızca cəzalandırılmasına baxmayaraq, parçalayıb tikə-tikə etmişdi, əynindəki paltara da indi o elə bir qəzəblə baxmalı idi, çünki bu ona, bu yaxında baş verən dəhşətli dəqiqələri xatırladırdı. Yelenaya şeytanbazardan çox ucuz qiymətə yaxşı, sadə bir paltar almaq olardı. Ancaq işin pis cəhəti burasında idi ki, mənim pulum çox az idi. Lakin dünən axşam yatarkən belə bir qərara gəlmişdim: bir adam var, sabah onun yanına gedərəm, ümid var ki, ondan pul almaq olar, yolum da ora – şeytanbazar tərəfdəndi. Mən şlyapamı götürdüm. Yelena bir şey gözləyirmiş kimi, diqqətlə mənə baxırdı. Mən açarı götürüb, dünən və iki gün əvvəl olduğu kimi, qapımı kilidləmək istədim. Yelena bunu görüb soruşdu: downloaded from KitabYurdu.org
Yüklə 4,19 Mb. Dostları ilə paylaş:
|