410
səhvinizi başa düşəndə, onu mənim qarşımda min cür
nəvazişlə təmizləyəsiniz. Amma siz elə rəhmdil, elə təmiz,
elə təravətli, elə açıqürəkli bir insansınız ki, sizin tövbə edib
peşman olduğunuz an füsunkar bir an olacaqdır, mən bunu
qabaqcadan hiss edirəm. Yaxşısı budur ki, indi siz üzr
istəmək əvəzinə mənə bir şey deyin. Deyin görüm, bu gün
mən sizinlə, sizin düşündüyünüz kimi deyil, daha səmimi,
daha açıq ürəklə rəftar etdiyimi bir şeylə isbat edə
bilərəmmi?
Nataşa qızardı. Mənə də elə gəldi ki, knyazın
sözlərində həddindən artıq yüngül, hətta etinasız bir ifadə,
şit bir zarafat vardır.
Nataşa meydanoxuyucu bir nəzərlə knyaza baxıb
soruşdu:
– Siz mənə açıqürəkli, sadə və səmimi olduğunuzu
isbat etmək istəyirsiniz?
– Bəli.
– Əgər elə isə, onda mənim xahişimi yerinə yetirin.
– Yerinə yetirəcəyimə qabaqcadan söz verirəm.
downloaded from KitabYurdu.org
411
– Mənim xahişim budur: siz nə bu gün, nə də sabah
Alyoşanı mənim barəmdə nə bir söz, nə də bir eyhamla
narahat etməyəcəksiniz. Məni yaddan çıxartdığı üçün onu
qətiyyən
danlamayacaqsınız,
ona
öyüd-nəsihət
verməyəcəksiniz. Mən onu elə qarşılamaq istəyirəm ki, guya
bizim aramızda heç bir şey olmamışdır, gərək o heç bir şey
duymasın. Mənə bu lazımdır. Siz bunun üçün mənə söz
verirsinizmi?
Knyaz:
– Lap məmnuniyyətlə verirəm, – dedi. – İcazə verin bir
şeyi də lap ürəkdən əlavə edim ki, mən belə məsələlərə belə
ağılla, aydın fikirlə baxan başqa bir adama çox nadir
hallarda təsadüf etmişəm... Budur, deyəsən, Alyoşa da gəldi!
Doğrudan da, dəhlizdən səs eşidildi, Nataşa diksindi,
sanki nəyə isə hazırlaşmağa başladı. Knyaz üzünə ciddi bir
ifadə verərək, nəsə olacağını gözləyirdi, eyni zamanda,
Nataşaya diqqətlə göz qoyurdu. Qapı açıldı, Alyoşa cəld
içəri girdi.
downloaded from KitabYurdu.org
412
II FƏSİL
O, üzü gülə-gülə, şən, kefi kök halda cəld içəri girdi.
Aydın görünürdü ki, bu dörd günü o xoş və kef içində
keçirmişdir. Sanki onun üzündə yazılmışdı ki, sizə deyiləsi
sözüm var.
Hamıya müraciət edərək bərkdən dedi:
– Budur, bu da mən, o adam ki hamıdan əvvəl gərək
burada olaydı! Lakin indi siz hər şeyi bilərsiniz, hər şeyi, hər
şeyi! Ata, bayaq biz ikicə kəlmə də danışmağa macal
tapmadıq, amma mənim sizə deyəcək çox sözüm vardı. –
Sözünü kəsərək mənə tərəf döndü: – O ancaq xoş
dəqiqələrində mənə icazə verir ki, ona sən deyə müraciət
edim, vallah, ayrı vaxtda qadağan eləyir! Bir də görürsən
onun taktikası dəyişdi, özü mənə siz deməyə başladı. Bu
gündən mən istəyirəm ki, onun həmişə xoş dəqiqələri olsun,
belə də edəcəyəm! Ümumiyyətlə, bu dörd gündə mən
dəyişmişəm, tamam, tamam dəyişmişəm, indi hamısını sizə
danışacağam. Lakin sonra. İndi əsas bax, odur! Odur! Yenə
odur! – Nataşanın yanında otura-otura, onun əlini ehtirasla
downloaded from KitabYurdu.org
413
öpə-öpə əlavə etdi: – Nataşa, əzizim, mənim mələyim, xoş
gördük! Bu bir neçə günü səndən ötrü yaman darıxmışam!
Ancaq nə edim ki, bacara bilmədim! Özümlə bacara
bilmədim! Mənim əzizim! Elə bil ki, bir balaca sınıxmısan,
bənizin yaman ağarıb...
Alyoşa iftixarla onun əllərini öpür, öz gözəl gözlərilə
həsrətlə ona baxırdı, sanki ona baxmaqdan doymurdu. Mən
Nataşaya baxdım, onun üzündəki ifadədən bildim ki, Alyoşa
haqqında bizim ikimizin də fikrimiz birdir: onun heç bir
təqsiri yox idi. Belə günahsız bir adam heç təqsirkar ola
bilərdimi?! Birdən Nataşanın solğun yanaqları qıpqırmızı
qızardı, sanki onun qəlbinə toplaşan bütün qanı birdən-birə
başına vurmuşdu. Gözləri parıldadı. O, iftixarla knyaza
baxdı.
Təmkinlə, səsi qırıla-qırıla dedi:
– Bəs axı sən... bu bir neçə günü... harada idin? –
Nataşa ağır-ağır nəfəs alırdı. İlahi, Alyoşanı o necə çox
sevirdi!
– Elə məsələ də orasındadır ki, elə bil mən doğrudan
da, sənin qarşında təqsirkaram. Axı nə “elə bil!” Əlbəttə,
downloaded from KitabYurdu.org
414
təqsirkaram, bunu özüm də bilirəm, bunu bildiyim üçün də
gəlmişəm. Katya dünən də, bu gün də mənə deyirdi ki, qadın
belə bir etinasızlığı əfv etməz (axı o, çərşənbə axşamı
burada nə olmuşdusa, hamısını bilir, elə ertəsi günü mən
bunu ona danışdım). Mən onunla mübahisə edirdim, ona
sübut edirdim ki, elə bir qadın var ki, bunu əfv edir, o
qadının adı Nataşadır, bütün dünyada ona tay ola biləcək
bəlkə də bircə adam var: o da Katyadır. Bura gələndə
bilirdim ki, bu mübahisədə, əlbəttə, mən udmuşam. Sənin
kimi bir mələk əfv etməyə bilərmi? Deyirdim ki, indi mənim
Nataşam belə fikirləşəcək: “Gəlmir, deməli, mütləq ona bir
şey mane olur, yoxsa o məni yadından çıxara bilməz!” Səni
heç yaddan çıxarmaq olarmı?! Bu heç mümkündürmü?
Səndən ötrü mən nə qədər iztirab çəkmişəm! Amma mən hər
halda, təqsirkaram! İndi mənim dediklərimi eşidəndə, sən
özün hamıdan əvvəl məni təmizə çıxardacaqsan. Bu saat
hamısını danışacağam. Mən gərək bütün ürəyimdəkiləri
sizin hamınızın qarşınızda açıb deyim. Bunun üçün də
gəlmişəm. İstəyirdim bu gün (yarımca dəqiqə boş vaxtım
vardı) bir ayaqüstü gəlib səni öpüb gedim, ancaq bu da baş
downloaded from KitabYurdu.org
Dostları ilə paylaş: |